Jaceuq 100:3 - Akha

³ Sahˬpaˬ Miˬyehˇ-aˬ, Miˬyehˇ meh lehˇ noeˬ siˬ-awˬ. Aˬ yawꞈ aˬ dui-ahˇ beh-awˇ, aˬ dui aˬ yawꞈ-euˬ ma. Aˬ dui aˬ yawꞈ-euˬ tsawˇ haˬ pyeuꞈ-awˇ, aˬ yawꞈ-euˬ yawˇ yawˇ maꞈ pyeuꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ya’we Miqyaer-aq, Miqyaer mae laer siqnya-awq. Aqdui, yawqhar yawqha bae-euq maqngeur, Aqdui-anr bae-euq ghaq-aq, aqyawf mae. Aqdui-aq, aqyawf-euq tsawrhaq hawr-eu, Aqyawf-euq daega-anr jawr-eu yawr pyeuf-eu ma.

Jaceuq 100:3 Iomraidhean Croise

2 Sahˬpaˬ 19:19

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ, Sahˬpaˬ Miˬyehˇ nawˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ kawˆ ya siˬ duˬ ni, Aˬshuˇliˆ tsawˇ haˬ deuˬ-euˬ aˬ laꞈ laꞈ kʼoeˇ, nga maꞈ-ahˇ nymˬ-mˇ ka kʼoꞈ nehˬ laꞈ-awˬ.”

1 Laˬsaˬbaˬ 16:14

Aˬ dui-euˬ Sahˬpaˬ Miˬyehˇ-aˬ, aˬ dui Miˬyehˇ maˇ maˇ ni ma. Aˬ yawꞈ neh ngehˬ-euˬ dawˬ deuˬ-aˬ, miˇ tsaˬ dawˬ tawˆ luꞈ gʼaˇ duˬ meh.

Yawˇbaˆ 10:3

Nawˇ gʼawˬ shaˬ gaˬ-eu nui ma tiˬ pawꞈ-iˬ maˬ ahˇ ni, nawˬ neh beh-euˬ jeˬ-ahˇ yaw zeu maˬ baw-ehˇ, haiˬ-eu tsawˇ haˬ deuˬ-euˬ gaˇ kawˆ-ahˇ nui kʼahˇ shiˇ-eu tsaˬ tehꞈ-a loˇ.

Jaceuq 119:73

Nawˇ ngaˬ-ahˇ beh-awˇ haw piˇ nehˬ laꞈ-euˬ meh. Nawˬ-euˬ zahˇ dawˬ kʼoꞈ dawˬ deuˬ-ahˇ ngaˇ dzaw geuꞈ nya ni, noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 12:4

“Kʼaˇmawꞈ-eu jeˬja geuꞈnya ma. Kʼaˇngehˬmawꞈ-eu jeˬngehˬ-eu ma. aˬsuˇgʼaˬlaˆtsoeˬnya ta” lehˇ, aˬyawꞈmaꞈnui ma huiˬ-eu meh.

Jaceuq 149:2

Iˇsaˬleˬlaˆ miˇ kʼahˬ-oˇ, nawˬ-ahˇ beh-euˬ gʼaˬ baˬ da neh laˬ kʼaˬ cehˇ-awˬ. Ziˇoˬ tsawˇ haˬ deuˬ-oˇ, naw maꞈ-euˬ sahˬ paˬ baˬ da neh laˬ kʼaˬ cehˇ-awˬ.

Jaceuq 46:10

“Ngaˇ Miˬyehˇ meh lehˇ siˬ nya-awˇ, guiˇ deuˆ-eu naˬ leˇ-awˬ. Tsawˇ haˬ dawˬ tawˆ luꞈ kʼoeˇ taˆ huiˬ dzehˬ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ, ngaˇ meh lehˇ siˬ nya-awˬ” lehˇ ehˇ-eu meh.

Jaceuq 78:52

Kʼoeˇ naˇ, yawˇ bo-eu yaw sahˇ loꞈ-ehˇ, aˬ yawꞈ-euˬ tsawˇ haˬ-ahˇ aˬ yawꞈ sheuˬ doˆ gʼeh-awˇ, kʼaˇ shuiꞈ deh ga gʼahˇ ceh sheuˬ gʼeh-euˬ meh.

Jaceuq 79:13

Kʼoeˇ ngeh, nawˬ-euˬ yawˇ kuˆ-ahˇ uˇ-eu yawˇ pyeuꞈ-eu nga maꞈ nawˬ-euˬ tsawˇ haˬ deuˬ, nawˬ-euˬ guiˬ lahˬ-ahˇ aˬ myah luꞈ noeˬ mawˇ-awˇ, mˬ maˬ maˬ byaˆ zaˇ ziˇ nawˬ-ahˇ ja ceuˬ ma.

Jaceuq 95:3

Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, Baoˬ huiˬ-eu Miˬyehˇ pyeuꞈ-awˇ, Miˬyehˇ dawˬ tawˆ kʼoeˇ taˆ baoˬ huiˬ-eu sahˬ paˬ meh.

Doˆ-iˇ 6:7

Naw maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ-aˬ, naw maꞈ-euˬ Miˬ yehˇ pyeuꞈ ma. Iˇjiˇtuˆ miˇ kʼahˬ-ahˇ aˬ cawˬ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ngeh, ngaˇ-aˬ naw maꞈ-euˬ Sahˬpaˬ Miˬyehˇ pyeuꞈ-eu naw maꞈ ya siˬ tehꞈ-a.

Dawˬ tsoˆ 12:1

Nawˇ zaˬ guˬ pyeuꞈ ngeh neh, nawˬ-ahˇ beh-euˬ yaw sahˇ-ahˇ noeˬ keuˆ-awˬ. Tsawˇ kʼaˆ kʼaˆ laˇ-awˇ nui saˇ maˬ oꞈ-eu miˇ neh, “Yaw dehꞈ maˬ dehꞈ nahˇ nya” lehˇ ya ehˇ-eu aˇ nah aˇ yamˬ maˬ keuˆ laˇ mi naˆ-ehˇ, Beh-euˬ yaw sahˇ-ahˇ noeˬ keuˆ-awˬ.

Iˇsaˬyaˇ 63:11

Kʼoeˇ naˇ, aˇ hu ba-euˬ aˇ nah aˇ yamˬ pyeuꞈ-eu, Sahˬpaˬ Miˬyehˇ zaˬ kʼaˆ Moˇseˬ-euˬ ziˇ-ahˇ noeˬ keuˆ-awˇ, aˬ yawꞈ maꞈ heu loꞈ-ehˇ ehˇ-eu meh. “Aˬ yawꞈ tsawˇ haˬ aˬ yuiꞈ aˬ tsu deuˬ-ahˇ, iˬ ma laˆ shaˆ laꞈ kʼoeˇ ka kʼoꞈ nehˬ-eu, Sahˬpaˬ Miˬyehˇ kʼoeˇ gʼaˬ nymˬ-mˇ aˬ gaˇ jawˇ ta. Aˬ yawꞈ-euˬ muiˬ-eu shawˇ-eu yaw sahˇ-ahˇ, Moˇseˬ kʼoeˇ taˆ bi keuˆ le-euˬ Sahˬpaˬ Miˬyehˇ kʼoeˇ gʼaˬ, aˬ geu paw iˇ-euˬ ta.

Iˇsaˬyaˇ 63:19

Nawˇ nga maꞈ-ahˇ maˬ uˆ lahˇ haw-euˬ loꞈ-ehˇ, nga maꞈ nawˬ-euˬ tsawˇ haˬ maˬ pyeuꞈ haw-euˬ loꞈ-ehˇ, nawˬ neh nga maꞈ-ahˇ jahˇ nehˬ laꞈ-euˬ meh.

Iˇsaˬyaˇ 64:7

Nawˬ-euˬ tsawˇ myahˇ-ahˇ kuˇ-eu tsawˇ haˬ maˬ jawˇ-a. Nawˬ-ahˇ uˬ duˬ tahˬ shaˇ-eu tsawˇ haˬ maˬ jawˇ-a. Nga maꞈ-euˬ iˬ baˇ baˬ da neh, nawˬ-euˬ myaˆ pyawˬ ciˬ zaꞈ taˬ-awˇ, nga maꞈ-ahˇ byehˇ dzeh laꞈ-euˬ meh.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Yeˬsaˬgeˬlaˇ 34:11

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Ngaˬ-euˬ gʼawˇ mawˇ ngaˬ-euˬ yawˇ deuˬ-ahˇ poˆ-awˇ, bo saˆ ma.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

Eˇpeˇsu 2:10

Nymˬ-mˇ aˬ dui kʼaˇ ngeuˇ-eu loꞈ-ehˇ Miˬyehˇ neh aˬ dui-ahˇ beh taˬ-euˬ meh. Aˬ yawꞈ neh aˬ dui-ahˇ bi mˇ-eu lehˇ lehˬ hmˬ taˬ-euˬ yaw muiˬ jeˬ-ahˇ aˬ dui mˇ nya ni, Yeˬsuˇ Ka li laꞈ kʼoeˇ aˬ dui-ahˇ beh taˬ-euˬ meh.

Dawˬmehˬ 32:15

“Sahˬpaˬ Miˬyehˇ-euˬ tsawˇ haˬ deuˬ, mahˬ paˬ cu tsuˇ yawꞈ-ahˇ behˆ-awˇ, bi dzaˬ tsuˇ-euˬ Beh-euˬ yaw sahˇ, Miˬyehˇ-ahˇ myaˆ maˬ haw cawˬ ni, ka kʼoꞈ-eu gʼaˬ-ahˇ byehˇ-euˬ meh.

Dawˬmehˬ 32:6

Beh-euˬ yaw sahˇ naw maꞈ Aˬ da, naw maꞈ tsawˇ jeuˬ-ahˇ ciˬ tuˇ-euˬ, Sahˬpaˬ Miˬyehˇ mehˬ shi naw maꞈ, aˬ dzawˬ aˇ gah ya gah nmˇ loˇ.

Dawˬmehˬ 4:35

Aˬ yawꞈ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˬ yehˇ nui gʼaˬ maˬ jawˇ-eu gaˇ kawˆ bi siˬ bi mawˇ-eu gʼaˇ duˬ, naw maꞈ-ahˇ Sahˬpaˬ Miˬyehˇ heu loꞈ-ehˇ mˇ mehˬ-euˬ jeˬ pyeuꞈ-eu meh.

Dawˬmehˬ 4:39

Kʼoeˇ miˇ neh, Sahˬpaˬ Miˬyehˇ-aˬ, mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, Miˬyehˇ pyeuꞈ-eu gaˇ kawˆ, tiˬ jawˇ-iˬ maˬ paˇ ya ngehˇ leˇ ni, iˬ nah naw maꞈ noeˬ taˬ-awˬ. Miˬ yehˇ nui gʼaˬ maˬ jawˇ-a.

Dawˬmehˬ 7:9

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ maˬ ehˇ, aˬ yawꞈ-euˬ saˇ jaˇ ziꞈ-eu jeˬ-ahˇ maˬ ehˇ, naw maꞈ maˬ ngehˇ ni noeˬ keuˆ-awˬ. Aˬ yawꞈ-ahˇ gaˬ-awˇ aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-ahˇ, tiˬ heˇ ziˇ keuˆ ni aˬ yawꞈ dawˬ ma saˇ jaˇ ziꞈ-awˇ, maˬ tsehˆ leˇ-eu gʼoeˇ-eu gaˬ-eu jeˬ bi mawˇ tehꞈ-a.

1 Beˬtuˆluˆ 2:25

Yaw beh, naw maꞈ-aˬ, gaˇ ma byoˆ-iˇ-awˇ shaˬ luꞈ-eu yawˇ deuˬ-ahˇ duˇ-eu meh. Ehˇ kʼawꞈ, nymˬ-mˇ-aˬ, naw maꞈ-ahˇ Bo saˆ haw piˇ-eu gʼaˬ pyeuꞈ-eu Yawˇ bo-eu yaw sahˇ-euˬ mehˬ nah bi caw teh-eu gʼaˇ duˬ, naw maꞈ-ahˇ sheuˬ kʼoꞈ doˆ nehˬ laꞈ-euˬ meh.

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.

1 Beˬtuˆluˆ 4:19

Kʼoeˇ miˇ neh, Miˬyehˇ nui ma tsaˬ-eu laꞈ kʼoeˇ kʼehˬ-eu kʼaˆ-eu jeˬ-ahˇ ya daˬ-eu tsawˇ haˬ deuˬ-aˬ, yawˬ ha neh mˇ-euˬ yaw muiˬ jeˬ-ahˇ gʼoe-eu laꞈ kʼoeˇ, saˇ jaˇ ziꞈ-eu Beh-euˬ Yaw sahˇ-ahˇ aˬ yawꞈ maꞈ-euˬ saꞈ laˇ a nehˬ taˬ-eu tsaˬ meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.