Jaceuq 10:14 - Akha

¹⁴ Ehˇkʼawꞈkʼehˬ-eu kʼaˆ-eu jeˬ-ahˇ, nawˇsiˬluꞈmawˇluꞈ-eu laꞈkʼoeˇ, aˬmyah luꞈ caw ba nehˬ-eu meh. Nawˬ-ahˇuˬduˬtahˬshaˇlaˇngeh, maˬbyehˇdzeh ni caw ba-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aerkhawf, nawr, gardzaq garkawv jav-awr ghawqshaq-aer ghaeluf-eu gar hawmawr-awr, Sharnoeq sharsawx-eu lafkhoer, nawq-euq aqlaf nae janrkhof naeq-eu mae. Yawhar yawqha maq cawba nya-eu tsawrhaq, nawq-anr ghoe-eu mae. Nawr-aq, aqda maqbaw-eu tsawrhaq-anr cawba-eu ghaq mae.

Jaceuq 10:14 Iomraidhean Croise

Aˇ dahˬ 21:17

Aˬ li kʼoeˇ gʼaˬ ngoeˇ luꞈ-eu teˇ saˇ-ahˇ Miˬyehˇ ya gaˬ-euˬ meh. Kʼoeˇ ngeh, Miˬyehˇ gʼaˬ kʼehˇ tiˬ gʼaˬ, mˬ kʼoeˇ taˆ neh Haˬgaˬlaˇ-ahˇ heu loꞈ-ehˇ dawˬ ngehˬ cawˬ-euˬ meh. “Haˬgaˬlaˇ-oˇ, nawˇ aˬ jeˬ miˇ neh noeˬ shaˬ te. Taˬ guˆ. Aˬ li ngoeˇ-eu teˇ saˇ-ahˇ Miˬyehˇ ya gaˬ gʼaˬ-euˬ meh.

Aˇ dahˬ 31:12

Aˬ yawꞈ ehˇ-eu, Haw sheˇ. Zaˬ shaˇ luꞈ-eu jeˬ zaˬ aˬ buˬ deuˬ dawˬ tawˆ luꞈ, yaw byaꞈ byaꞈ-ehˇ gʼeh-eu deuˬ hawˇ-eu, yaw kawˆ kawˆ-ehˇ byaꞈ-eu deuˬ tehꞈ maˬ ngeuˇ nga loˇ. Laˬbaˬ neh nawˬ-ahˇ kʼaˇ jahˇ nehˬ-euˬ dawˬ tawˆ luꞈ ngaˇ siˬ nya-eu miˇ neh, nawˬ-ahˇ muiˬ leˇ ni ngaˇ heu loꞈ-ehˇ jahˇ nehˬ laꞈ-eu ma.

2 Saˬmeuˬlaˆ 16:12

Ngaˇ ya daˬ luꞈ-eu jeˬ-ahˇ Sahˬpaˬ Miˬyehˇ haw mawˇ-awˇ, iˬ nah ngaˬ-euˬ kʼoeˇ taˆ heu loꞈ-ehˇ yaˬ kʼehˇ yaˬ nehˬ laꞈ-euˬ aˇ poeˬ, guiˬ lahˬ biꞈ laꞈ-eu aˇ nah baw tehꞈ-a.”

2 Sahˬpaˬ 9:26

‘Miˇ nah Naˬboˆ hawˇ-eu aˬ yawꞈ-euˬ aˬ li-ahˇ sehꞈ-euˬ ngaˇ mawˇ-euˬ ma. Deh yaˇ heu kawˬ laꞈ kʼoeˇ nawˬ-ahˇ kʼawꞈ, heu gaˇ kʼehˬ nehˬ ma’ lehˇ ehˇ-euˬ maˬ ngeuˇ-a loˇ. Kʼoeˇ miˇ neh, Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ byah laˇ ni, Yoˇlamˬ-ahˇ Naˬboˆ-euˬ deh yaˇ laꞈ kʼoeˇ baꞈ dzeh-awˬ.”

2 Laˬsaˬbaˬ 24:22

Sahˬ paˬ Yawˇshaˆ-aˬ, Zaˬkaˬliˇ-euˬ aˬ da Yeˬhawˇyaˬdaˬ neh aˬ yawꞈ-ahˇ ngehˬ gʼeh caw ba nehˬ-euˬ deuˬ-ahˇ maˬ noeˬ keuˆ-ehˇ Zaˬkaˬliˇ-ahˇ bi sehꞈ-euˬ meh. Zaˬkaˬliˇ shiˇ leˇ ngeh, “Naw maꞈ neh mˇ-euˬ jeˬ-ahˇ Sahˬpaˬ Miˬyehˇ mawˇ-awˇ, naw maꞈ-ahˇ kʼehˬ nehˬ kʼaˆ nehˬ luꞈ-uˇ” lehˇ ehˇ-awˇ shiˇ-euˬ meh.

2 Laˬsaˬbaˬ 6:23

Sahˬpaˬ Miˬyehˇ nawˇ mˬ kʼoeˇ taˆ jawˇ-awˇ naˇ haˬ geuꞈ-eu laꞈ kʼoeˇ, nawˬ-euˬ zaˬ kʼaˆ deuˬ-ahˇ yaˇ kʼaˬ daˇ nehˬ-awˬ. Yaw lehˬ gʼaˬ-ahˇ lehˬ-eu shaˬ bymˇ bi tawˆ-awˇ, yaw tsaˬ gʼaˬ-ahˇ tsaˬ-eu shaˬ bymˇ bi tawˆ-awˬ.

Jaceuq 146:9

Aˬ dui-euˬ miˇ kʼahˬ laꞈ kʼoeˇ jawˇ-eu boeˇ miˬ siˬ kʼaˬ deuˬ-ahˇ aˬ yawꞈ haw piˇ nehˬ-awˇ, muˇ coe aˬ nmˇ hawˇ-eu miˬ coeˬ miˬ ma deuˬ-ahˇ caw ba nehˬ-euˬ meh. Ehˇ kʼawꞈ, haiˬ-eu tsawˇ haˬ deuˬ-euˬ nui kʼahˇ-ahˇ aˬ yawꞈ laˆ cawˆ nehˬ-euˬ meh.

Jaceuq 22:11

Ngaˬ-ahˇbyehˇ-awˇ taˬiˇbyoˆlaꞈ. Shaˬzahˬguˆgaˆ peh le luꞈ-awˇ, caw ba le-eu gʼaˬ maˬjawˇ-a.

Jaceuq 31:8

muiˇ-eu deuˬ-euˬ aˬlaꞈlaꞈkʼoeˇ, maˬbi ahˇleˇni tsahˇdzeuˇ-awˇ, kʼahˬbya lawˬbya jeˇlo gʼeh gaˇ, kuiˇka ciˬpaˇnehˬlaꞈ-euˬmeh.

Jaceuq 35:22

Ehˇkʼawꞈ SahˬpaˬMiˬyehˇnawˇ-aˬ, siˬjiˇmawˇjiˇtaˬ-euˬmiˇneh, ciˬcuˇni jawˇbyoˆ-eu laꞈkʼoeˇ, ngaˬ-ahˇbyehˇ-awˇtaˬbi shaˬlaꞈ.

Jaceuq 55:22

Nawˬ-euˬ shaˬ zahˬ Sahˬpaˬ Miˬyehˇ jawˇ gaˇ taˬ-awˬ. Aˬ yawꞈ nawˬ-ahˇ haw piˇ tehꞈ-a. Yaw tsaˬ yaw dawˇ tsawˇ haˬ-ahˇ aˬ yawꞈ maˬ bi coˬ-iˇ-a.

Jaceuq 68:5

Aˬ yawꞈ-euˬ muiˬ-eu shawˇ-eu Uˬ duˬ tahˬ nymˇ nymˇ ma laꞈ kʼoeˇ jawˇ luꞈ-eu Miˬyehˇ-aˬ, muˇ coe aˬ nmˇ deuˬ-ahˇ ngehˬ gʼeh-awˇ, miˬ coeˬ miˬ ma deuˬ-ahˇ haw piˇ-eu meh.

Jaceuq 68:6

Nymˇ maˬ jaˆ-eu deuˬ-ahˇ nymˇ jiˇ bi baw laˇ-awˇ, tawˬ-ahˇ uˇ-eu deuˬ-ahˇ laˬ kʼaˬ cehˇ-eu jawˇ duˬ-ahˇ sheuˬ doˆ nehˬ-eu meh. Ehˇ kʼawꞈ, aˬ yawꞈ-ahˇ puiˬ-eu tsawˇ haˬ deuˬ-aˬ, bawˇ tsahˬ bawˇ dahˇ-ahˇ ya jawˇ-eu meh.

Doˆ-iˇ 2:25

Iˇsaˬleˬlaˆ tsawˇ haˬ deuˬ aˬ cawˬ laꞈ oˆ zaˬ kʼaˆ ya geuꞈ luꞈ gaˇ aˬ yawꞈ ya mawˇ ngeh, aˬ yawꞈ maꞈ gʼaˇ duˬ shaˇ noeˬ-euˬ meh.

Doˆ-iˇ 22:22

Miˬ coeˬ miˬ ma deuˬ hawˇ-eu muˇ coe aˬ nmˇ deuˬ-ahˇ yehˬ bawˬ sehˇ lu-ehˇ maˬ ya gʼeh-a.

Doˆ-iˇ 22:26

Tsawˇ haˬ tiˬ gʼaˬ na, aˇ bui biꞈ daˇ-awˇ, nawˬ-ahˇ pyuˇ shaˇ paˇ laˇ naˇ, nahˇ ma maˬ ga ahˇ mi naˆ-ehˇ, aˇ bui kʼoeˇ aˬ yawꞈ-ahˇ biꞈ kʼoꞈ nehˬ-awˬ.

Dawqdaq 15:25

Nui ma huiˬ-eu gʼaˬ-euˬ nymˇ-ahˇ Sahˬpaˬ Miˬyehˇ deh pyaˆ kʼawꞈ, miˬ coeˬ miˬ ma-euˬ kʼmˇ cehˇ maˬ laˆ nyi nehˬ-a.

Dawqdaq 15:3

Miˬyehˇ mehˬ shi baˇ zaꞈ maˬ jaˆ. Muiˬ muiˬ doeˇ doeˇ yehˇ mawˇ jiˇ meh.

Iˇsaˬyaˇ 10:3

Kʼehˬ-eu kʼaˆ-eu jeˬ keuˆ le ngeh nah, guˆ-eu gaˆ-eu jeˬ gaˇ mahˇ kaˬ gaˇ neh oe keuˆ ngeh, nawˇ aˬ joˆ-ehˇ jahˇ nmˇ. Aˬ suˇ gʼaˬ-ahˇ laꞈ jeuˬ shaˇ-awˇ, nawˬ-euˬ pyuˇ shuiˇ myawˬ gahˬ aˬ gaˇ bi jaˆ yaꞈ nmˇ.

Yeˬlaˬmiˇ 16:17

Aˬ yawꞈ maꞈ kʼaˇ mˇ kʼaˇ shaˇ-eu jeˬ ngaˇ mawˇ luꞈ ma. Ngaˬ-euˬ mehˬ shi zaꞈ taˬ-euˬ tiˬ jeˬ-iˬ maˬ jaˆ. Ngaˇ maˬ mawˇ ni aˬ yawꞈ maꞈ iˬ baˇ maˬ mˇ dzeuˇ nya-a.

Yeˬlaˬmiˇ 23:24

Tiˬ tsahˇ tehꞈ-ehˇ jawˇ-eu Miˬyehˇ maˬ ngeuˇ. Tsawˇ haˬ tiˬ gʼaˬ-iˬ ngaˇ maˬ mawˇ gaˇ maˬ cehˆ zaꞈ nya-a. Mˬ hawˇ-eu miˇ tsaˬ yawˬ gaˇ na luꞈ doe ni, ngaˇ jawˇ luꞈ-eu gaˇ kawˆ naw maꞈ maˬ siˬ nya te loˇ.

Yeˬlaˬmiˇ 49:11

Naw maꞈ tsawˇ haˬ muˇ coe aˬ nmˇ deuˬ ngaˬ nehˬ-ehˇ taˬ yaꞈ-awˬ. Ngaˇ haw piˇ nehˬ ma. Naw maꞈ-euˬ miˬ coeˬ miˬ ma deuˬ ngaˬ-ahˇ gʼoe nya meh.

Yeˬlaˬmiˇ 51:56

Baˬbuˇloˬ meuˬ aˬ yawꞈ maꞈ laˆ cawˆ le-euˬ meh. Baˬbuˇloˬ yehˇ bi nyehꞈ jiˇ-awˇ, aˬ yawꞈ maꞈ-euˬ kaˆ kʼehꞈ-iˇ jiˇ-euˬ meh. Ngaˇ-aˬ yaw haiˬ jeˬ-ahˇ kʼehˬ-eu Miˬyehˇ pyeuꞈ-awˇ, Baˬbuˇloˬ meuˬ-ahˇ geuˇ-eu loꞈ-ehˇ kʼehˬ nehˬ ma.

Ngoeˇ dawˬ 3:59

Ngaˬ-ahˇ jahˇ coeˬ nehˬ laꞈ-euˬ gaˇ, Sahˬpaˬ Miˬyehˇ nawˇ mawˇ-euˬ meh. Ngaˬ-euˬ gʼaˇ duˬ yaˇ kʼaˬ daˇ-awˬ.

Ngoeˇ dawˬ 3:60

Muiˇ-eu deuˬ neh ngaˬ-ahˇ bye-awˇ, yaw doeˇ jahˇ-euˬ nawˇ siˬ jiˇ meh.

Hawˇseˬ 14:3

Aˬshuˇliˆ miˇ kʼahˬ nga maꞈ-ahˇ, ka kʼoꞈ nehˬ nya-eu maˬ ngeuˇ-a. Guiˇ deuˆ-eu dziˬ mahˬ kʼoeˇ deuˬ kʼawꞈ, nga maꞈ-ahˇ maˬ haw piˇ nya-a. Tahˬ pahˬ aˬ ma mawˇ kawˇ deuˬ-ahˇ, nga maꞈ-euˬ Miˬyehˇ ngeuˇ ma lehˇ, tiˬ jawˇ-iˬ maˬ paˇ kuˇ poˆ ma. Uˬ duˬ tahˬ shaˇ kʼaˇ maˬ za-ehˇ, shaˬ laˇ taˬ-euˬ tsawˇ haˬ deuˬ-ahˇ, Sahˬpaˬ Miˬyehˇ nawˇ ya mawˇ ngeh, gʼawˬ shaˬ gaˬ nehˬ laꞈ-eu meh” lehˇ, Miˬyehˇ-ahˇ guiˬ lahˬ shaˇ leˇ-awˬ.

Hawˇseˬ 14:4

Sahˬpaˬ Miˬyehˇ ehˇ-eu dawˬ-aˬ, “Ngaˬ-euˬ tsawˇ haˬ paˇ sheuˬ kʼoꞈ-awˇ, nui ma laꞈ kʼoeˇ keuˆ ni gaˬ-awˇ, nui ma pehˇ-eu jeˬ byehˇ dzeh ma.

Yawˇlaˆ 3:4

“Duˇlu meuˬ, Siˇdoˬ meuˬ hawˇ-eu, Piˇliˇtiˆ miˇ kʼahˬ laꞈ kʼoeˇ kʼaˇ jaˆ-eu meuˬ dawˬ tawˆ luꞈ-oˇ, naw maꞈ ngaˬ-ahˇ aˬ jeˬ jahˇ-eu lehˇ gʼeh te. Naw maꞈ ngaˬ-ahˇ tiˬ jeˬ paˬ jahˇ kʼoꞈ-eu lehˇ gʼeh te loˇ. Jahˇ kʼoꞈ ma lehˇ ngeuˇ naˇ, naw maꞈ neh kʼaˇ jahˇ-euˬ jeˬ naw maꞈ-euˬ uˬ duˬ kʼoeˇ taˆ yaw kawˇ-ehˇ paˇ keuˆ le ni ngaˇ jahˇ poˆ ma.

Haˬbaˬkuˆ 1:13

Nawˬ-euˬ myaˆ nuiˆ shawˇ dui dui-awˇ, yaw lehˬ mˇ gaˇ maˬ haw nahˇ kʼawꞈ, haiˬ-eu deuˬ yaw doeˇ mˇ dehˆ-awˇ, tsawˇ muiˬ deuˬ bi myoꞈ ahˇ jiˇ gaˇ, aˬ jeˬ gʼeh haw haw-ehˇ jawˇ te.

Dawˬmehˬ 10:18

Muˇ coe aˬ nmˇ hawˇ-eu miˬ coeˬ miˬ ma deuˬ-ahˇ aˬ yawꞈ haw piˇ-eu meh. Aˬ dui nehˬ-ehˇ jawˇ luꞈ-eu boeˇ miˬ siˬ kʼaˬ deuˬ-ahˇ aˬ yawꞈ gaˬ-awˇ, dzaˬ dzaˬ dawˇ dawˇ hawˇ-eu dm gʼaˬ dm lmˇ biꞈ-eu meh.

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.

1 Beˬtuˆluˆ 4:19

Kʼoeˇ miˇ neh, Miˬyehˇ nui ma tsaˬ-eu laꞈ kʼoeˇ kʼehˬ-eu kʼaˆ-eu jeˬ-ahˇ ya daˬ-eu tsawˇ haˬ deuˬ-aˬ, yawˬ ha neh mˇ-euˬ yaw muiˬ jeˬ-ahˇ gʼoe-eu laꞈ kʼoeˇ, saˇ jaˇ ziꞈ-eu Beh-euˬ Yaw sahˇ-ahˇ aˬ yawꞈ maꞈ-euˬ saꞈ laˇ a nehˬ taˬ-eu tsaˬ meh.

1 Beˬtuˆluˆ 5:7

Naw maꞈ noeˬ shaˬ noeˬ zahˬ-eu dawˬ tawˆ luꞈ Miˬyehˇ-ahˇ a nehˬ-awˬ. Aˬ jeˬ miˇ neh ehˇ naˇ, aˬ yawꞈ naw maꞈ-ahˇ ngehˬ gʼeh bo saˆ luꞈ-eu meh.

Yaˇ kʼaˬ daˇ 1:7

Aˬdoˬniˇbeˬzehˇ ehˇ-eu, “Kuiˇ ma laꞈ ma bi toˆ tsehˆ-euˬ sahˬ paˬ shiꞈ tseˇ gʼaˬ, ngaˬ-eu hawˬ jeh uˬ moˆ dzaˬ dzeh dawˇ dzeh gʼoˆ dzaˬ-euˬ meh. Aˬ yawꞈ maꞈ-ahˇ ngaˬ neh jahˇ nehˬ-euˬ jeˬ, Miˬyehˇ ngaˬ-ahˇ paˇ bi keuˆ le laꞈ-euˬ nga.” Aˬ yawꞈ-ahˇ Yeˬluˇsaˬlehˬ meuˬ-ahˇ nyehꞈ kʼoꞈ gʼeh-awˇ, kʼoeˇ gaˇ shiˇ-euˬ meh.