Jaceuq 10:13 - Akha

¹³ Haiˬ-eu deuˬyaw zeu maˬbaw-ehˇ, “Miˬyehˇngaˬ-ahˇmaˬkʼehˬ-aˇlehˇ”, aˬjeˬmiˇneh ya bi ehˇta.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqjeq mirnae tsawrcawv, Miqyaer-anr yaeqbawq-aer aer-awr, Aqyawf-euq nuima-euq lafkhoer, “Miqyaer-aq, garkawv maqyur-ar” laer noeq-eu la?

Jaceuq 10:13 Iomraidhean Croise

Aˇ dahˬ 42:22

Luˇbeˬ ehˇ-eu, “Aˬ li-ahˇ taˬ laˆ tahˬ taˬ laˆ naˇ lehˇ naw maꞈ-ahˇ ngaˇ ehˇ nehˬ kʼawꞈ, naw maꞈ maˬ naˇ haˬ-a. Nymˬ-mˇ poˆ jawˇ-aˬ, aˬ yawꞈ-ahˇ laˆ sehꞈ-euˬ loꞈ-ehˇ aˬ dui paˇ ya daˬ poˆ-eu keuˆ laˇ taˬ-euˬ nga.”

Aˇ dahˬ 9:5

Tsawˇ haˬ-ahˇ sehꞈ-eu tsawˇ haˬ-aˬ, kʼehˬ nehˬ kʼaˆ nehˬ-eu jeˬ-ahˇ ya daˬ tehꞈ-a. Tsawˇ haˬ-ahˇ laˆ sehꞈ-eu jeˬ zaˬ aˬ geu mawˇ maˬ kaˬ, shiˇ gaˇ keuˆ ni ngaˬ neh kʼehˬ nehˬ kʼaˆ nehˬ-eu jeˬ-ahˇ ya daˬ tehꞈ-a.

2 Laˬsaˬbaˬ 24:22

Sahˬ paˬ Yawˇshaˆ-aˬ, Zaˬkaˬliˇ-euˬ aˬ da Yeˬhawˇyaˬdaˬ neh aˬ yawꞈ-ahˇ ngehˬ gʼeh caw ba nehˬ-euˬ deuˬ-ahˇ maˬ noeˬ keuˆ-ehˇ Zaˬkaˬliˇ-ahˇ bi sehꞈ-euˬ meh. Zaˬkaˬliˇ shiˇ leˇ ngeh, “Naw maꞈ neh mˇ-euˬ jeˬ-ahˇ Sahˬpaˬ Miˬyehˇ mawˇ-awˇ, naw maꞈ-ahˇ kʼehˬ nehˬ kʼaˆ nehˬ luꞈ-uˇ” lehˇ ehˇ-awˇ shiˇ-euˬ meh.

Yawˇbaˆ 24:12

Naˇ-eu gawˇ-eu deuˬ hawˇ-eu shiˇ leˇ luꞈ-eu deuˬ meuˬ laꞈ kʼoeˇ guˇ luꞈ kʼawꞈ, aˬ yawꞈ maꞈ-euˬ shaˇ dawˬ-ahˇ Miˬyehˇ maˬ naˇ haˬ nehˬ-a.

Yawˇbaˆ 24:23

Miˬyehˇ aˬ yawꞈ-ahˇ saˇ lehˆ ni bi dehꞈ tawˬ luꞈ kʼawꞈ, myaˆ nuiˆ tiˬ pyawˬ aˬ yawꞈ-ahˇ haw tsoˆ taˬ-euˬ meh.

Jaceuq 74:10

Miˬyehˇ-oˇ, nga maꞈ-ahˇ muiˇ-eu tsawˇ haˬ deuˬ aˇ myah keuˆ ni nawˬ-ahˇ uiˇ uiˇ-ehˇ bi jawˇ-eu gʼeh te. Mˬ maˬ maˬ byaˆ zaˇ ziˇ nawˬ-euˬ tsawˇ myahˇ-ahˇ aˬ yawꞈ maꞈ bi ja doeˇ-eu lehˇ gʼeh te loˇ.

Jaceuq 74:18

Ehˇ kʼawꞈ, Sahˬpaˬ Miˬyehˇ-oˇ, muiˇ-eu deuˬ nawˬ-ahˇ uiˇ luꞈ gaˇ taˬ ngehˇ. Miˬyehˇ maˬ baw-eu tsawˇ haˬ deuˬ nawˬ-euˬ tsawˇ myahˇ-ahˇ yehˬ bawˬ sehˇ lu-ehˇ ehˇ luꞈ gaˇ taˬ ngehˇ.

Bawˇtsahˬ 11:20

Ba la tiˬ siˬ siˬ lah ni naw maꞈ ya dzaˬ tehꞈ-a. Naw maꞈ-euˬ naˇ mehˇ-ahˇ shaˬ jiˇ doˆ le gaˇ keuˆ-awˇ, shaˬ jiˇ-ahˇ naw maꞈ nui daˆ daˆ laˇ ngeh keuˆ ni ya dzaˬ tehꞈ-a. Naw maꞈ nehˬ-ehˇ jawˇ luꞈ-eu Sahˬpaˬ Miˬyehˇ-ahˇ naw maꞈ byehˇ dzeh-awˇ, Iˇjiˇtuˆ miˇ kʼahˬ laꞈ kʼoeˇ neh maˬ doˆ le law nmˇ-aˬ gʼaˬ law hawˇ miˇ-a lehˇ aˬ yawꞈ mehˬ shi naw maꞈ toˇ-eu miˇ neh, kʼoeˇ loꞈ-ehˇ pyeuꞈ laˇ tehꞈ-a lehˇ aˬ yawꞈ maꞈ-ahˇ ehˇ nehˬ-awˬ.”

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

Dawˬmehˬ 29:18

Iˬ nah heu gaˇ yawꞈ luꞈ-eu kʼaˬ dzeˇ zaˬ hawˇ-eu zaˬ miˬ zaˬ aˬ geu gʼaˬ maˬ kaˬ, nymˇ jiˇ aˬ geu jiˇ maˬ kaˬ, tsawˇ jeuˬ aˬ geu jeuˬ maˬ kaˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, aˬ cawˬ tsawˇ jeuˬ-euˬ miˬyehˇ deuˬ-ahˇ uˬ duˬ maˬ ya tahˬ ni, yaw kʼaˆ kʼaˆ-ehˇ yahˇ-awˬ. Kʼoeˇ loꞈ-ehˇ mˇ-eu jeˬ-aˬ, kʼaˬ jehꞈ ni gʼeh-awˇ doꞈ kʼaˆ dui dui-eu aˇ bawˇ bi bawˇ laˇ-eu duˬ ciˇ-ahˇ duˇ-eu meh.

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.