Jaceuq 10:11 - Akha

¹¹ “Miˬyehˇngehˬma gʼeh nehˬle-ehˇ, myaˆhaw maˬcawˬnehˬle-aˇ”lehˇ, yaw haiˬkʼoeˇgʼaˬ noeˬluꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Tsawrcawv, aqyawf-euq nuima-euq lafkhoer aer-eu, “Miqyaer-aq, ngaerjir-awr, aqyawf-euq myavpyawq ciqzaf taq-awr, tiqjeq-anr-iq maqmawr nya-ar.”

Jaceuq 10:11 Iomraidhean Croise

Jaceuq 10:6

“Ngaˇtiˬjawˇ-iˬ maˬsm-iˇ-ehˇ, shaˬzahˬmaˬjaˆ”lehˇehˇluꞈmeh.

Jaceuq 59:8

Ehˇ kʼawꞈ Sahˬpaˬ Miˬyehˇ nawˇ aˬ yawꞈ maꞈ-ahˇ uiˇ yoeˇ-eu meh. Miˬyehˇ maˬ baw-eu tsawˇ haˬ deuˬ-ahˇ nawˇ nui daˆ daˆ-eu meh.

Jaceuq 64:5

Yaw haiˬ jeˬ mˇ-eu gʼaˇ duˬ tiˬ gʼaˬ tiˇ gʼaˬ gʼaˬ biꞈ-awˇ, tsawˇ haˬ zaˬ-ahˇ lahˇ ju kʼmˇ-eu gʼaˇ duˬ, mehˬ bawˬ mˇ taꞈ-eu laꞈ kʼoeˇ, “Tiˬ gʼaˬ-iˬ maˬ siˬ maˬ mawˇ nya-aˇ” lehˇ ehˇ-eu meh.

Jaceuq 64:6

Aˬ yawꞈ maꞈ yaw haiˬ jeˬ bawˬ kʼoeˬ-awˇ, Tiˬ gʼaˬ-iˬ maˬ caw siˬ nya-aˇ lehˇ ehˇ-eu meh. Tsawˇ haˬ zaˬ-euˬ nui naꞈ-aˬ, zaꞈ taˬ-euˬ myawˬ-ahˇ duˇ-eu meh.

Jaceuq 73:11

“Miˬyehˇ aˬ jeˬ siˬ nya ta. Huiˬ-eu mahˇ-eu Miˬyehˇ aˬ jeˬ tsawˇ gahˇ ahˇ ta” lehˇ, aˬ yawꞈ maꞈ ehˇ-eu meh.

Jaceuq 94:7

Sahˬpaˬ Miˬyehˇ nga maꞈ-ahˇ maˬ mawˇ nya-a. Nga maꞈ mˇ-eu gaˇ-ahˇ Iˇsaˬleˬlaˆ-euˬ Miˬyehˇ maˬ ya siˬ-a lehˇ aˬ yawꞈ maꞈ ehˇ-eu meh.

Dawˬ tsoˆ 8:11

Aˬ jeˬ miˇ neh tsawˇ haˬ zaˬ yaw haiˬ jeˬ tiˬ kʼehˬ maˬ taˬ ni mˇ ta. Aˬ jeˬ miˇ neh ehˇ naˇ, mˇ bahˬ-euˬ deuˬ-ahˇ yaw kawˇ-ehˇ maˬ kʼehˬ nehˬ-eu miˇ neh meh.

Yeˬsaˬgeˬlaˇ 8:12

Miˬyehˇ ngaˬ-ahˇ heu loꞈ-ehˇ naˇ haˬ-eu meh. “Tsawˇ haˬ zaˬ-oˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ ciˬ cuˇ ni mˇ kʼoeˬ luꞈ-eu jeˬ nawˇ mawˇ maˬ loˇ. Tahˬ pahˬ aˬ ma mawˇ kawˇ tiˬ byah ni jaˆ-eu kuˆ lawˆ laꞈ kʼoeˇ, aˬ yawꞈ maꞈ uˬ duˬ tahˬ luꞈ-eu meh. ‘Sahˬpaˬ Miˬyehˇ aˬ dui-ahˇ maˬ paˇ mawˇ nya meh. Aˬ yawꞈ miˇ kʼahˬ heu kʼahˬ-ahˇ byehˇ dzeh yaꞈ-euˬ meh’ lehˇ aˬ yawꞈ maꞈ ehˇ-eu meh.”

Yeˬsaˬgeˬlaˇ 9:9

Miˬyehˇ ehˇ-eu, “Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, guˆ dui dui laˇ paˬ-ehˇ gʼeh-eu iˬ baˇ mˇ-euˬ meh. Miˇ kʼahˬ kʼahˬ lah ni tsawˇ haˬ sehꞈ-eu jeˬ aˬ yawꞈ maꞈ mˇ byah-awˇ, Yeˬluˇsaˬlehˬ meuˬ laꞈ kʼoeˇ yaw haiˬ jeˬ mˇ byah taˬ-euˬ meh. Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-euˬ miˇ kʼahˬ-ahˇ byehˇ dzeh-awˇ, ngaˇ aˬ yawꞈ maꞈ-ahˇ maˬ mawˇ nya-a lehˇ, aˬ yawꞈ maꞈ ehˇ-eu meh.

Hawˇseˬ 7:2

Yaw haiˬ kʼaˇ mˇ dzeuˇ-euˬ dawˬ tawˆ, ngaˇ maˬ ngehˇ ni noeˬ taˬ meh lehˇ, aˬ yawꞈ maꞈ maˬ noeˬ mawˇ leˇ-a. Aˬ yawꞈ maꞈ neh mˇ-euˬ iˬ baˇ, aˬ yawꞈ maꞈ-euˬ tiˬ jawˬ byah-awˇ, maˬ mawˇ laˇ-ehˇ maˬ gʼeh nya-a.”

Maˬkuˆ 2:6

Kʼoeˇ gaˇ nuiˇ luꞈ-eu Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ, yawˬ haˇ yaw ha heu loꞈ-ehˇ shaˇ noeˬ luꞈ-eu meh.

Luˇkaꞈ 7:39

Paˬliˬsehˇ kʼoeˇ gʼaˬ kʼoeˇ gaˇ ya mawˇ ngeh, nui ma laꞈ kʼoeˇ ciˬ cuˇ ni heu loꞈ-ehˇ ehˇ kʼoeˬ-euˬ meh. “Tsawˇ haˬ heu gʼaˬ aˬ diˇ aˬ maˇ Miˬyehˇ gʼaˇ duˬ ngehˬ dah-eu tsawˇ haˬ ngeuˇ naˇ, aˬ yawꞈ-ahˇ toeˬ ciˆ luꞈ-eu zaˬ miˬ zaˬ teu gʼaˬ aˬ joˆ-ehˇ gʼeh-eu tsawˇ haˬ pyeuꞈ-eu aˬ yawꞈ si nya tehꞈ-a. Zaˬ miˬ zaˬ teu gʼaˬ iˬ baˇ zaˬ meh lehˇ aˬ yawꞈ siˬ nya tehꞈ-a.”