Jaceuq 1:6 - Akha

⁶ Yaw tsaˬyaw dawˇ deuˬ-euˬgaˇma, SahˬpaˬMiˬyehˇ haw piˇtehꞈ-a. Maˬdawˇ-eu deuˬ-euˬ gaˇma-aˬ, luˬ-iˇ seˇ-iˇ gaˇ keuˆ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Ya’we Miqyaer-aq, tsaq-awr dawr-eu tsawrhaq-euq garma-anr siqnya-eu mae. Aerkhawf, tsawrcawv-euq garma-aq, yacawv-ir taef-a.

Jaceuq 1:6 Iomraidhean Croise

Yawˇbaˆ 23:10

Ehˇ kʼawꞈ, ngaˬ-euˬ kuiˇ toꞈ aˬ yawꞈ toꞈ yawˬ Miˬyehˇ siˬ nya meh. Aˬ yawꞈ ngaˬ-ahˇ lawˬ haw naˇ, ngaˇ shawˇ jehˆ ni gʼeh gaˇ aˬ yawꞈ ya mawˇ tehꞈ-a.

Jaceuq 112:10

Haiˬ-eu tsawˇ haˬ deuˬ kʼoeˇ gaˇ mawˇ ngeh nui ma pehˇ-awˇ, seuˬ tsehꞈ tehꞈ-awˇ iˇ byoˆ-eu meh. Haiˬ-euˬ tsawˇ haˬ deuˬ noeˬ tmˬ duˬ byoˆ jiˇ-euˬ meh.

Jaceuq 142:3

Ngaˬ-euˬ nui ma gʼaˬ baˬ dui dui ngeh, ngaˇ aˬ joˆ-ehˇ mˇ paˬ-ehˇ gʼeh-eu aˬ yawꞈ siˬ nya-eu meh. Ngaˇ cah luꞈ-eu gaˇ ma-ahˇ, muiˇ-eu deuˬ ngaˬ-ahˇ lahˇ ju kʼmˇ taˬ-euˬ meh.

Jaceuq 142:4

Ngaˬ-euˬ dawˬ peh ngaˇ haw ngeh, caw ba le-eu tsawˇ haˬ-ahˇ maˬ ya mawˇ-a. Ngaˬ-ahˇ haw piˇ-eu tiˬ gʼaˬ-iˬ maˬ jawˇ-a. Ngaˬ-ahˇ ka kʼoꞈ-eu tiˬ gʼaˬ-iˬ maˬ jawˇ-a.

Jaceuq 146:9

Aˬ dui-euˬ miˇ kʼahˬ laꞈ kʼoeˇ jawˇ-eu boeˇ miˬ siˬ kʼaˬ deuˬ-ahˇ aˬ yawꞈ haw piˇ nehˬ-awˇ, muˇ coe aˬ nmˇ hawˇ-eu miˬ coeˬ miˬ ma deuˬ-ahˇ caw ba nehˬ-euˬ meh. Ehˇ kʼawꞈ, haiˬ-eu tsawˇ haˬ deuˬ-euˬ nui kʼahˇ-ahˇ aˬ yawꞈ laˆ cawˆ nehˬ-euˬ meh.

Jaceuq 9:6

Muiˇ-eu deuˬ-ahˇ mˬmaˬmaˬbyaˆ, nawˇlaˆluˬlaˆseˇnehˬ-euˬmeh. meuˬdeuˬ-ahˇ ciˇtahˬgʼawˇlehˆ-awˇ, laˆ luˬ laˆ seˇ nehˬ-eu laꞈ kʼoeˇ, yawꞈmaꞈdehꞈdzeuˇyaꞈ-euˬgaˇkawˆ, miˇtsaˬzaˬdeuˬ ngehˇtsehˆ-euˬmeh.

Dawqdaq 14:12

Dehꞈ-eu gaˇ ma duˇ-euˬ gaˇ muiˬ, shiˇ-eu gaˇ ma ngeuˇ law ma jeˇ.

Dawqdaq 15:9

Haiˬ-eu deuˬ neh mˇ-euˬ gaˇ-ahˇ, Sahˬpaˬ Miˬyehˇ nui daˆ daˆ-awˇ, yaw tsaˬ yaw dawˇ mˇ-eu tsawˇ haˬ deuˬ-ahˇ, aˬ yawꞈ gaˬ-eu meh.

Naˬhmˬ 1:7

Sahˬpaˬ Miˬyehˇ muiˬ dui dui meh. shaˬ zahˬ naꞈ-eu aˇ yamˬ laꞈ kʼoeˇ, yawꞈ-euˬ tsawˇ haˬ-ahˇ haw piˇ-awˇ, yawꞈ-ahˇ tahˬ shaˇ leˇ-eu deuˬ-ahˇ, bo saˆ ngehˬ gʼeh dah teˬ-eu meh.

Maꞈtehˬ 7:13

“Gʼoˆ kʼehˬ yaw suꞈ-ahˇ uˇ leˇ-awˬ. Luˬ-iˇ seˇ-iˇ-eu gaˇ ma-euˬ gʼoˆ kʼehˬ-aˬ, jeˇ dui dui-awˇ, gaˇ ma saˇ lehˆ ni dahˇ-eu miˇ neh, uˇ leˇ-eu tsawˇ haˬ yaw myaˬ meh.

Yoˇhaˬ 10:14

Ngaˇ-aˬ, muiˬ-eu yawˇ bo-eu yaw sahˇ ma. Aˬda ngaˬ-ahˇ siˬ nya-awˇ, ngaˇ kʼawꞈ Aˬda-ahˇ siˬ nya gaˇ duˇ ni, ngaˬ-euˬ yawˇ deuˬ-ahˇ ngaˇ siˬ nya-awˇ, ngaˬ-euˬ yawˇ deuˬ kʼawꞈ ngaˬ-ahˇ siˬ nya-eu meh. Aˬ yawꞈ maꞈ gʼaˇ duˬ ngaˇ shiˇ dah peuˬ-eu ma.

Yoˇhaˬ 10:27

Ngaˬ-euˬ yawˇ deuˬ ngaˬ-euˬ dawˬ naˇ haˬ-eu meh. Aˬ yawꞈ maꞈ-ahˇ ngaˇ siˬ nya-awˇ, aˬ yawꞈ maꞈ ngaˬ-euˬ mehˬ nah caw teh-eu meh.

2 Tiˆmoˇseˬ 2:19

Ehˇ kʼawꞈ, Miˬyehˇ neh dawˬ pehˬ ziꞈ dah ni gawˬ taˬ-euˬ jeˬ-ahˇ aˬ yawꞈ maꞈ maˬ laˆ luˆ nya-a. Dawˬ pehˬ kʼoeˇ-euˬ kʼoeˇ taˆ, “Yawˬ ha-euˬ tsawˇ haˬ deuˬ-ahˇ Sahˬpaˬ Miˬyehˇ siˬ nya meh” lehˇ boꞈ taˬ-awˇ, “Sahˬpaˬ Miˬyehˇ-euˬ tsawˇ haˬ ma lehˇ kʼaˇ ehˇ-eu deuˬ maˬ tsaˬ maˬ dawˇ-eu jeˬ maˬ mˇ ni ya byehˇ dzeh meh” lehˇ boꞈ taˬ-euˬ meh.

2 Beˬtuˆluˆ 2:12

Ehˇ kʼawꞈ, maˬ ngeuˇ-eu mehˬ-eu tsoˆ-eu saˬ laˬ heu deuˬ-aˬ, nyehꞈ-awˇ bi sehꞈ dzaˬ-eu gʼaˇ duˬ dehꞈ le-euˬ jeˬ zaˬ loꞈ-ehˇ, shaˇ noeˬ shaˇ sawˇ-eu jeˬ maˬ baw ni mˇ-eu shaˇ-eu meh. Yawˬ ha maˬ siˬ nya-eu jeˬ-ahˇ dawˬ doeˇ ngehˬ daˆ-awˇ ceh cawˬ cawˬ-eu meh. Aˬ yawꞈ maꞈ-aˬ, bawˇ tsahˬ jeˬ zaˬ loꞈ-ehˇ laˆ cawˆ nehˬ gaˇ ya daˬ tehꞈ-a.

1 Saˬmeuˬlaˆ 2:9

“Yawꞈ-ahˇ saˇ jaˇ ziꞈ-eu deuˬ-ahˇ, yaw dehꞈ dehꞈ gaˇ haw piˇ nehˬ-awˇ, maˬ tsaˬ maˬ dawˇ-eu tsawˇ haˬ deuˬ, yaw zahˇ laꞈ kʼoeˇ byoˆ-iˇ-eu meh. Tsawˇ haˬ zaˬ yawˬ ha-euˬ gʼaˬ neh, gʼaˬ leˇ-eu gʼaˬ maˬ pyeuꞈ laˇ-a.