Jaceuq 1:3 - Akha

³ lawˇbaˬ gawˆtaw aˇ bawˇ loꞈ-ehˇ, yamˬlaw tsaˬni aˇ siˬloˆ-awˇ, aˇpaꞈ koˆ-iˇ-eu maˬ baw-ehˇ, kʼaˇmˇ-eu jeˬ guiˬlahˬbaw meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf-aq, lawrgawv gawvtaw kataq-euq arbawr lof-aer dur-awr, Aryamq tsaqlar ngae arsiq siqle-awr, Arpaf khawf kov-ir-eu maqbaw-a. Aqyawf kharmr kharshar-eu jeq muiqlar sanrlar-eu mae.

Jaceuq 1:3 Iomraidhean Croise

Aˇ dahˬ 39:23

Paꞈ kuˆ aˬ yuiꞈ geuꞈ-eu kʼoeˇ gʼaˬ Yoˇsehˆ-ahˇ gaˇ dawˬ tawˆ luꞈ a nehˬ jiˇ-awˇ, kʼahˬ lahˇ kʼaˇ maˬ za ni jawˇ-euˬ meh. Aˬ jeˬ miˇ neh ehˇ naˇ, Yoˇsehˆ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ neh kʼaˇ mˇ-euˬ jeˬ dawˬ tawˆ luꞈ bi huiˬ bi mahˇ laˇ luꞈ-eu meh.

Aˇ dahˬ 39:3

Yoˇsehˆ nehˬ-ehˇ Sahˬpaˬ Miˬyehˇ jawˇ-awˇ guiˬ lahˬ biꞈ luꞈ-eu miˇ neh, Yoˇsehˆ kʼaˇ mˇ kʼaˇ shaˇ-eu jeˬ guiˬ lahˬ baw gaˇ, yaw huiˬ yaw mahˇ kʼoeˇ gʼaˬ ya mawˇ-euˬ meh.

2 Sahˬpaˬ 18:7

Kʼoeˇ miˇ neh, aˬ yawꞈ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ neh kʼaˇ mˇ kʼaˇ shaˇ-euˬ yawˬ jeˬ na luꞈ guiˬ lahˬ baw-eu meh. Aˬshuˇliˆ sahˬ paˬ-ahˇ aˬ yawꞈ puiˬ-awˇ, laꞈ oꞈ maˬ awꞈ ni dehꞈ-euˬ meh.

1 Laˬsaˬbaˬ 22:11

Daˬbiˇ paˇ ehˇ-eu, “Aˬ li-oˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ-awˇ, aˬ yawꞈ gʼaˇ duˬ uˬ duˬ tahˬ nymˇ tiˬ nymˇ tsoˆ doˆ nya ni nawˬ-ahˇ caw ba ma lehˇ, aˬ yawꞈ neh saˇ jaˇ dzaˬ taˬ-euˬ dawˬ-ahˇ ziꞈ luꞈ-uˇ.

1 Laˬsaˬbaˬ 22:13

Iˇsaˬleˬlaˆ tsawˇ jeuˬ gʼaˇ duˬ, Sahˬpaˬ Miˬyehˇ neh Moˇseˬ-ahˇ biꞈ taˬ-euˬ zahˇ dawˬ kʼoꞈ dawˬ deuˬ-ahˇ nawˇ naˇ haˬ geuꞈ naˇ, nawˇ huiˬ laˇ mahˇ laˇ tehꞈ-a. Nui ma ziꞈ dah ni taˬ-awˇ, yawˬ haˇ yawˬ ha nui jah ahˇ-eu laꞈ kʼoeˇ, tiˬ jeˬ-ahˇ-iˬ maˬ guˆ ni dehꞈ-awˬ.

2 Laˬsaˬbaˬ 31:21

Uˬ duˬ tahˬ nymˇ nymˇ ma gʼaˇ duˬ mˇ-eu paw maˬ ehˇ, zahˇ dawˬ kʼoꞈ dawˬ mehˬ nah caw teh-eu paw maˬ ehˇ, aˬ yawꞈ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ Miˬyehˇ-ahˇ saˇ jaˇ ziꞈ-awˇ aˬ yawꞈ nui ma tsaˬ-eu loꞈ-ehˇ tehꞈ-ehˇ mˇ-euˬ miˇ neh, aˬ yawꞈ neh mˇ-euˬ gaˇ deuˬ huiˬ laˇ mahˇ laˇ-euˬ meh.

2 Laˬsaˬbaˬ 32:23

Tsawˇ haˬ gʼawˬ mya ni Yeˬluˇsaˬlehˬ meuˬ-ahˇ laˇ-awˇ, Sahˬpaˬ Miˬyehˇ-ahˇ damˬ nehˬ laˇ-euˬ uˬ taꞈ, Heˬsaˬgiˇ gʼaˇ duˬ kʼawꞈ laꞈ sawˬ yuˇ laꞈ-euˬ meh. Kʼoeˇ ngeh neh naˇ, tsawˇ jeuˬ dawˬ tawˆ luꞈ Heˬsaˬgiˇ-ahˇ yaw zeu baw-euˬ meh.

Yawˇbaˆ 14:9

iˇ cuꞈ aˬ laˇ ngeh baw nmˬ paˇ nmˬ doˆ laˇ-awˇ, bawˇ byeꞈ loꞈ-ehˇ paˇ tuˇ laˇ nya meh.

Yawˇbaˆ 22:28

Nawˇ kʼaˇ mˇ kʼaˇ shaˇ-eu jeˬ huiˬ laˇ mahˇ laˇ-awˇ, nawˬ-euˬ gaˇ ma-ahˇ yaw shehꞈ bya tehꞈ-a.

Jaceuq 128:2

Nawˬ neh mˇ-euˬ loꞈ-ehˇ nawˇ ya dzaˬ dehˆ-awˇ, nui saˇ oꞈ-euˬ laꞈ kʼoeˇ baw le za le tehꞈ-a.

Jaceuq 129:8

Kʼaˇ iˇ kʼaˇ laˇ tsehˆ-eu deuˬ laꞈ kʼoeˇ, “Miˬyehˇ nawˬ-ahˇ guiˬ lahˬ biꞈ luꞈ-uˇ” lehˇ ehˇ-eu maˬ jawˇ-ehˇ, “Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ dawˬ ngehˬ gʼeh nehˬ-eu ma” lehˇ ehˇ-eu maˬ jawˇ-a.

Jaceuq 92:14

aˬ myah luꞈ nyoeˇ jawꞈ ni jaˆ-awˇ, bawˇ mawˬ mawˬ laˇ ngeh keuˆ ni aˇ siˬ siˬ-eu aˇ bawˇ kʼoeˇ deuˬ-ahˇ duˇ tehꞈ-a.

Jaceuq 92:15

Ngaˬ-ahˇ haw piˇ-eu gʼaˬ pyeuꞈ-eu Sahˬpaˬ Miˬyehˇ, tsaˬ dui dawˇ dui dui-awˇ yaw lehˬ jeˬ maˬ jaˆ gaˇ, gaˇ kawˆ heu pah mehˬ luꞈ meh.

Iˇsaˬyaˇ 27:11

Aˇ bawˇ uˬ laꞈ deuˬ gui-iˇ kʼehꞈ-iˇ-awˇ, zaˬ miˬ zaˬ deuˬ miˬ dzaˬ gʼoˆ uiˬ tehꞈ-a. Tsawˇ haˬ kʼoeˇ deuˬ guiˬ lahˬ-ahˇ maˬ siˬ nya-eu miˇ neh, aˬ yawꞈ maꞈ-ahˇ beh-euˬ yaw sahˇ, aˬ yawꞈ maꞈ-ahˇ gʼawˬ shaˬ maˬ gaˬ nehˬ-a.

Iˇsaˬyaˇ 3:10

Yaw tsaˬ yaw dawˇ tsawˇ haˬ deuˬ-aˬ, aˬ yawꞈ maꞈ dehꞈ dzeuˇ mˇ dzeuˇ-euˬ yaw muiˬ jeˬ, guiˬ lahˬ gʼoꞈ kʼoꞈ le-awˇ, laˬ kʼaˬ ya cehˇ tehꞈ-a lehˇ ehˇ nehˬ-awˬ.

Iˇsaˬyaˇ 44:4

Iˇ cuꞈ jaˆ gaˇ dehꞈ-eu yaˇ moꞈ loꞈ-ehˇ aˬ yawꞈ maꞈ mehˇ laˇ-awˇ, lawˇ gawˆ dawˬ peh dehꞈ-eu iˇ nmˬ aˇ bawˇ-ahˇ duˇ tehꞈ-a.

Iˇsaˬyaˇ 58:11

Kʼoeˇ naˇ naw maꞈ-ahˇ ngaˇ aˬ myah luꞈ sheuˬ gʼeh-awˇ, muiˬ-eu guiˬ lahˬ shehˬ byah lawˇ byah nehˬ-eu laꞈ kʼoeˇ, gʼoeˇ mˇ-awˇ jawˇ saˇ bi doˆ-eu miˇ neh, iˇ cuꞈ tiˬ byah za-eu yaˇ kmˇ hawˇ-eu, maˬ tsiˇ leˇ-eu lawˇ gawˆ-ahˇ naw maꞈ duˇ tehꞈ-a.

Yeˬlaˬmiˇ 17:8

Tsawˇ haˬ kʼoeˇ gʼaˬ yaw dehꞈ dehꞈ-eu jeˬ-aˬ, lawˇ gawˆ dawˬ peh dehꞈ-eu aˇ bawˇ, iˇ cuꞈ-ahˇ duˬ ciˇ toeˬ puꞈ-awˇ, aˇ paꞈ nyoeˇ jawꞈ ni jaˆ luꞈ-eu miˇ neh, jawˇ la yaw lahˇ-ahˇ maˬ guˆ-ehˇ, uˬ yehˇ-ahˇ kʼahˬ maˬ ya lahˇ ni, aˇ siˬ siˬ-eu maˬ tsehˆ leˇ-eu aˇ bawˇ-ahˇ duˇ-eu meh.

Yeˬsaˬgeˬlaˇ 17:8

Ehˇ kʼawꞈ, miˇ muiˬ muiˬ-eu jawˇ duˬ-ahˇ ka taˬ-euˬ miˇ neh, aˇ paꞈ sahˇ le, aˇ siˬ loˆ le-awˇ, yaw shehꞈ kʼahˬ sehˇ jaˆ-eu aˬ gaꞈ baw duˆ pyeuꞈ laˇ nya-eu meh.

Yeˬsaˬgeˬlaˇ 19:10

Nawˬ ha aˬ ma aˬ gaꞈ baw duˆ, lawˇ baˬ gawˆ taw dehꞈ luꞈ-eu meh. Iˇ cuꞈ tiˬ loꞈ za-eu miˇ neh, aˇ paꞈ sahˇ-awˇ aˇ siˬ loˆ meh.

Yeˬsaˬgeˬlaˇ 31:5

Iˇ cuꞈ za muiˬ-eu baˬ da neh, aˇ bawˇ nui deuˬ maˬ tseˇ goˇ-awˇ, uˬ laꞈ huiˬ dzehˬ mahˇ dzehˬ-eu meh.

Yeˬsaˬgeˬlaˇ 47:12

Lawˇ baˬ kʼoeˇ gawˆ-euˬ lawˇ deh nyiˬ paw luꞈ, aˇ siˬ dzaˬ nya-eu aˇ bawˇ gʼawˬ mya jeˬ dehꞈ tehꞈ-a. Aˇ bawˇ kʼoeˇ deuˬ aˇ paꞈ tiˬ jawˇ-iˬ maˬ nyoeˬ-iˇ-ehˇ, aˇ siˬ maˬ tsehˆ leˇ ni siˬ tehꞈ-a. Aˇ bawˇ kʼoeˇ deuˬ Uˬ duˬ tahˬ nymˇ nymˇ ma-ahˇ neh yoeˇ doˆ le-euˬ lawˇ baˬ kʼoeˇ gawˆ-euˬ iˇ cuꞈ za luꞈ-eu baˬ da neh, ba la yawˬ siˬ na luꞈ aˇ siˬ yaw shuiꞈ siˬ le tehꞈ-a. Aˬ yawꞈ maꞈ-euˬ aˇ siˬ deuˬ dzaˇ pyeuꞈ-awˇ, aˇ paꞈ deuˬ jaˆ gʼaˬ pyeuꞈ tehꞈ-a.”

Bawˇtsahˬ 24:6

yaw cehˆ yaw cehˆ-ehˇ jaˆ-eu daoˇ aˇ bawˬ-ahˇ maˬ ehˇ, lawˇ baˬ dawˬ peh jaˆ-eu yaˇ kmˇ-ahˇ maˬ ehˇ, Sahˬpaˬ Miˬyehˇ neh ka taˬ-euˬ aˇ jawˬ aˇ bawˇ-ahˇ maˬ ehˇ, Lawˇ baˬ dawˬ peh dehꞈ-eu siˬ daˬ miˬ shuˬ aˇ bawˇ-ahˇ maˬ ehˇ, duˇ-eu meh.

Maꞈtehˬ 13:6

Ehˇ kʼawꞈ, nahˇ tsaˇ kʼaˆ laˇ-awˇ, aˇ ji kʼoeˇ deuˬ-ahˇ lawꞈ zaw ngeh, ciˇ ka maˬ naꞈ-eu miˇ neh, nyoeˬ-iˇ koˆ-iˇ-eu meh.

Maꞈtehˬ 21:19

Gaˇ ma gaˇ dzeˇ dehꞈ-eu siˬ guˬ aˇ bawˇ tiˬ bawˇ mawˇ-awˇ haw-iˇ ngeh, aˇ siˬ maˬ siˬ ni aˇ paꞈ tehꞈ-ehˇ mehˇ luꞈ gaˇ ya mawˇ-euˬ meh. “Aˬ kaˇ naˇ, nawˇ aˇ siˬ tiˬ jawˇ-iˬ maˬ paˇ siˬ le-aˇ” lehˇ, siˬ guˬ aˇ bawˇ kʼoeˇ bawˇ-ahˇ Yeˬsuˇ ehˇ nehˬ ngeh, aˇ bawˇ kʼoeˇ tiˬ poˆ tehꞈ-ehˇ nyoeˬ-iˇ koˆ-iˇ-euˬ meh.

Maꞈtehˬ 21:34

Aˬ gaꞈ aˇ siˬ pyaˆ yamˬ tsaˬ laˇ ngeh, yaˇ kmˇ mˇ paˆ paˆ-eu deuˬ jawˇ gaˇ aˬ yawꞈ-euˬ zaˬ kʼaˆ deuˬ-ahˇ kʼehˇ gʼeh-awˇ, aˬ yawꞈ-ahˇ oꞈ-eu aˬ gaꞈ aˇ siˬ bi pi laˬ-iˇ-euˬ meh.

Maꞈtehˬ 21:41

Aˬ yawꞈ maꞈ ehˇ-eu, “Haiˬ-eu tsawˇ haˬ kʼoeˇ deuˬ-ahˇ aˬ yawꞈ sehꞈ-eu yaw duˬ baw tehꞈ-a. Kʼoeˇ naˇ, aˇ yamˬ tsaˬ laˇ ngeh yaw sahˇ gʼaˬ-ahˇ oꞈ-eu shaˬ bymˇ biꞈ kʼoꞈ-eu siˬ nya-eu aˬ gaꞈ yaˇ kmˇ mˇ paˆ paˆ-eu tsawˇ haˬ yawˬ deuˬ yawˬ-ahˇ, aˬ gaꞈ yaˇ kmˇ paˇ bi mˇ paˆ tehꞈ-a.”

Yoˇhaˬ 15:6

Ngaˬ-ahˇ maˬ kʼaˇ tsoꞈ tsaꞈ-eu tsawˇ haˬ-aˬ, uˬ laꞈ bi deuˆ tsehˆ dzeh-awˇ koˆ-iˇ gaˇ duˇ tehꞈ-a. Kʼoeˇ loꞈ-ehˇ gʼeh-eu uˬ laꞈ deuˬ-ahˇ gʼoˆ uiˬ-awˇ, miˬ dzaˬ jehˆ bymˇ-ahˇ baꞈ ahˇ-awˇ bi puiˆ dzaˬ jiˇ tehꞈ-a.

Dawˬmehˬ 28:8

“Nawˇ mˇ-eu shaˇ-eu jeˬ laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ guiˬ lahˬ biꞈ-awˇ nawˬ-euˬ cehˇ jiˇ cehˇ tiˬ byah ni jaˆ tehꞈ-a. Nawˬ-ahˇ bi jawˇ-eu lehˇ lehˬ hmˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, aˬ yawꞈ nawˬ-ahˇ guiˬ lahˬ biꞈ tehꞈ-a.

Yuˇdaˆ 1:12

Aˬ yawꞈ maꞈ yawˬ ha uˬ maˆ dehˆ ni tehꞈ-ehˇ shaˇ sawˇ-awˇ, shaꞈ dawˇ-eu maˬ baw ni dzaˬ-eu dawˇ-eu aˇ dzehˬ-ehˇ gʼeh-eu kʼoeˇ-aˬ, naw maꞈ gʼoeˇ-eu gaˬ-eu laꞈ kʼoeˇ dzaˬ taꞈ dawˇ taꞈ-eu hawˬ byawˇ-ahˇ laˆ jawꞈ gaˇ duˇ-eu meh. Aˬ yawꞈ maꞈ-aˬ, jaˬ lehˇ neh bi baw ha gʼeh-euˬ uˬ yehˇ maˬ ahˇ-eu mˬ dmˇ-ahˇ duˇ-eu meh. Aˇ siˬ siˬ yamˬ-ahˇ maˬ siˬ le-eu miˇ neh puˇ ngawˬ ciˇ lehˆ-ehˇ bi gʼawˇ dzeh-awˇ nyiˬ poˆ shiˇ-euˬ aˇ siˬ aˇ bawˇ-ahˇ duˇ-eu meh.

Panmaeq 22:2

Lawˇ baˬ kʼoeˇ gawˆ-aˬ, meuˬ-euˬ laꞈ kʼoeˇ dahˇ-eu gaˇ jawˬ gʼahˇ ceh nyiˬ paˆ-ehˇ yoeˇ ka leꞈ-eu meh. Lawˇ baˬ-euˬ kʼoeˇ dzeˇ heu dzeˇ dehꞈ-eu saꞈ laˇ aˇ bawˇ bawˇ-awˇ, ba la tiˬ siˬ tiˬ poˆ aˇ siˬ siˬ-awˇ, tiˬ kʼoꞈ tseˇ nyiꞈ lehˆ siˬ-eu meh. Aˇ bawˇ kʼoeˇ bawˇ-euˬ aˇ paꞈ-aˬ, miˇ kʼahˬ tsawˇ jeuˬ deuˬ-ahˇ naˇ gawˇ bi taˬ leˇ-eu jaˆ gʼaˬ pyeuꞈ-eu meh.