Iˇsaˬyaˇ 9:3 - Akha

³ Aˬ yawꞈ maꞈ-ahˇ nawˇ bi huiˬ bi mahˇ laˇ-awˇ, laˬ kʼaˬ bi cehˇ-euˬ meh. Cehˇ laˆ luiˆ ngeh laˬ kʼaˬ cehˇ-eu loꞈ-ehˇ, pyuˇ shuiˇ myawˬ gahˬ biˇ ngeh laˬ kʼaˬ cehˇ-eu loꞈ-ehˇ, nawˬ neh mˇ taˬ-euˬ gaˇ-ahˇ, aˬ yawꞈ maꞈ laˬ kʼaˬ cehˇ-eu meh.

Iˇsaˬyaˇ 9:3 Iomraidhean Croise

Neˬhaˬmiˇ 9:23

Mˬ taˆ tsehˬ byah taˬ-euˬ aˬ guiˇ loꞈ-ehˇ, aˬ yawꞈ maꞈ-euˬ zaˬ deuˬ-ahˇ nawˇ bi myaˬ laˇ-awˇ, aˬ yawꞈ maꞈ-ahˇ biꞈ-eu gʼaˇ duˬ, aˬ poeˬ aˬ bawˇ deuˬ-ahˇ nawˇ saˇ jaˇ dzaˬ-euˬ miˇ kʼahˬ-ahˇ, aˬ yawꞈ maꞈ deuˆ gʼaˬ-awˇ bi jawˇ-euˬ meh.

Yawˇbaˆ 12:23

Miˇ kʼahˬ kʼoeˇ deuˬ baoˬ huiˬ-awˇ gʼaˬ ahˇ ni aˬ yawꞈ jahˇ-eu meh. Ehˇ kʼawꞈ, aˬ yawꞈ maꞈ-ahˇ aˬ yawꞈ deuˆ gʼaˬ-awˇ paˇ laˆ cawˆ nehˬ-eu meh.

Jaceuq 107:38

Aˬ yawꞈ-euˬ tsawˇ haˬ-ahˇ guiˬ lahˬ biꞈ-eu laꞈ kʼoeˇ, aˬ yawꞈ maꞈ-euˬ zaˬ deuˬ bi jeuˬ bi o le-awˇ, jeˬ zaˬ deuˬ bi myaˬ bi behˇ laˇ-euˬ meh.

Jaceuq 119:162

Nawˬ-euˬ saˇ jaˇ baˬ da neh ngaˇ aˇ naˆ ni laˬ kʼaˬ ya cehˇ-eu nga. Pyuˇ pahˬ shuiˇ pahˬ mawˇ-euˬ deuˬ naˆ ni laˬ kʼaˬ cehˇ-eu ma.

Jaceuq 4:7

Dzaˬla gʼo cehˇ, aˬgaꞈdzaˇuiˇ, za dui dui le-euˬbaˬda neh, yawꞈmaꞈlaˬkʼaˬcehˇ-eu kʼoeˇ-aˬ, nawˬneh ngaˬ-ahˇ biꞈnehˬlaꞈ-euˬ, laˬkʼaˬcehˇ-eu jeˬmaˬtawˬ-a.

Iˇsaˬyaˇ 10:26

Awˇleˇbaˆ lo guˇ dawˬ peh Miˇdiˬyaˬ tsawˇ haˬ deuˬ-ahˇ ngaˇ yahˬ caˆ neh juiꞈ-euˬ loꞈ-ehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ juiꞈ ma. Iˇjiˇtuˆ tsawˇ haˬ deuˬ-ahˇ ngaˬ neh kʼehˬ nehˬ-euˬ loꞈ-ehˇ, Aˬshuˇliˆ tsawˇ haˬ deuˬ-ahˇ ngaˇ kʼehˬ nehˬ ma.

Iˇsaˬyaˇ 12:1

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Yaw beh nawˇ ngaˬ-ahˇ nui ma pehˇ-euˬ kʼawꞈ, nymˬ-mˇ nui ma maˬ paˇ pehˇ-ehˇ, ngaˬ-euˬ nui ma-ahˇ laˆ saˆ nehˬ laꞈ-euˬ meh.

Iˇsaˬyaˇ 14:5

Yaw haiˬ-euˬ daˇ cuiˇ dzoeˬ dzaˬ gawˬ yoeˬ, Sahˬpaˬ Miˬyehˇ neh bi ngawˬ kʼehꞈ-euˬ meh.

Iˇsaˬyaˇ 25:9

Kʼoeˇ loꞈ-ehˇ pyeuꞈ laˇ ngeh, tsawˇ haˬ yawˬ gʼaˬ na luꞈ heu loꞈ-ehˇ ehˇ tehꞈ-a. “Aˬ yawꞈ-aˬ, aˬ dui-euˬ Miˬyehˇ ma. Aˬ yawꞈ-ahˇ aˬ dui gʼoe-euˬ loꞈ-ehˇ, aˬ dui-ahˇ aˬ yawꞈ ka kʼoꞈ nehˬ laꞈ-euˬ meh. Aˬ yawꞈ-aˬ, aˬ dui-euˬ Sahˬpaˬ Miˬyehˇ meh. Aˬ yawꞈ-ahˇ aˬ dui gʼoe-euˬ loꞈ-ehˇ, nymˬ-mˇ aˬ dui laˬ kʼaˬ cehˇ nui saˇ za-eu ma. Aˬ jeˬ miˇ neh ehˇ naˇ, aˬ dui-ahˇ aˬ yawꞈ neh ka kʼoꞈ nehˬ laꞈ-euˬ meh.”

Iˇsaˬyaˇ 26:15

Nga maꞈ miˇ kʼahˬ bi huiˬ bi mahˇ laˇ-awˇ, miˇ kaˬ oeˬ pyawˬ luꞈ bi jeˇ laˇ-euˬ miˇ neh, nawˬ-euˬ yaw shehꞈ kʼahˬ sehˇ huiˬ dui dui meh.

Iˇsaˬyaˇ 35:10

Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ guˇ guˇ-ehˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ le keuˆ tehꞈ-a. Aˬ yawꞈ maꞈ mˬ maˬ maˬ byaˆ zaˇ ziˇ laˬ kʼaˬ cehˇ-awˇ, noeˬ shaˬ noeˬ zahˬ-eu jeˬ hawˇ-eu myaˆ biˇ doˆ-eu jeˬ-ahˇ, mˬ maˬ maˬ byaˆ zaˇ ziˇ buˬ-iˇ law-iˇ tehꞈ-a.

Iˇsaˬyaˇ 35:2

Kʼaˇ shuiꞈ deh yaˇ caˇ dawˬ caˇ-awˇ, laˬ kʼaˬ cehˇ-awˇ guˇ tehꞈ-a. Kʼaˇ shuiꞈ deh yaˇ kʼoeˇ Leˬbaˬnoˬ gawˬ jawˬ loꞈ-ehˇ, haw muiˬ dui dui laˇ-awˇ, Gaˬlaˬmeˬlaˇ gawˬ jawˬ hawˇ-eu Shaˬloˬ deh kʼawꞈ loꞈ-ehˇ, miˇ tsaˬ miˇ muiˬ muiˬ laˇ tehꞈ-a. Sahˬpaˬ Miˬyehˇ-euˬ yaw shehꞈ kʼahˬ sehˇ, huiˬ-eu mahˇ-eu jeˬ hawˇ-eu baoˬ-ahˇ, yawˬ gʼaˬ na luꞈ ya mawˇ tehꞈ-a.

Iˇsaˬyaˇ 54:1

Yeˬluˇsaˬlehˬ meuˬ-oˇ, nawˇ maˬ baw aˬ ma-ahˇ duˇ kʼawꞈ, nymˬ-mˇ laˬ kʼaˬ cehˇ-eu caˇ dawˬ caˇ-awˇ guˇ nya-eu meh. Aˬ jeˬ miˇ neh ehˇ naˇ, kʼaˬ dzeˇ zaˬ-ahˇ maˬ gʼawˬ-iˇ-eu aˬ ma gʼaˬ naˆ maˬ tseˇ, kʼaˬ dzeˇ zaˬ maˬ baw-eu aˬ ma zaˬ myaˬ dzehˬ le tehꞈ-a lehˇ, Sahˬpaˬ Miˬyehˇ ehˇ taˬ-euˬ meh.

Iˇsaˬyaˇ 55:12

“Baˬbuˇloˬ meuˬ-ahˇ neh laˬ kʼaˬ tiˬ cehˇ, naw maꞈ ya gʼoꞈ doˆ laˇ tehꞈ-a. Naw maꞈ nui ma saˇ lehˆ ni ya doˆ le tehꞈ-a. Gawˬ jawˬ gawˬ duˇ naw maꞈ mehˬ shi caˇ dawˬ caˇ-awˇ, sahˬ lahˬ aˇ bawˇ deuˬ laꞈ kʼawˆ tehˆ tehꞈ-a.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 61:7

Naw maꞈ daˬ ga-awˇ shaꞈ dawˇ-eu maˬ paˇ jaˆ meh. Yawˬ ha miˇ kʼahˬ-ahˇ naw maꞈ ya jawˇ-awˇ, pyuˇ shuiˇ myawˬ gahˬ nyiˬ bymˇ myaˬ dzehˬ laˇ-eu laꞈ kʼoeˇ, mˬ maˬ maˬ byaˆ zaˇ ziˇ laˬ kʼaˬ ya cehˇ tehꞈ-a.

Iˇsaˬyaˇ 65:14

Aˬ yawꞈ maꞈ laˬ kʼaˬ cehˇ-eu caˇ luꞈ ngeh, naw maꞈ-euˬ nui ma tsawˬ paˆ-awˇ ya ngoeˇ tehꞈ-a.

Iˇsaˬyaˇ 65:18

Ngaˬ neh beh-euˬ jeˬ-ahˇ, mˬ maˬ maˬ byaˆ zaˇ ziˇ laˬ kʼaˬ cehˇ-awˬ. Ngaˬ neh beh-euˬ Yeˬluˇsaˬlehˬ yaw shuiꞈ laꞈ kʼoeˇ, laˬ kʼaˬ cehˇ duˬ tiˬ byah jaˆ-awˇ, kʼoeˇ gaˇ jawˇ-eu tsawˇ haˬ deuˬ laˬ kʼaˬ cehˇ tehꞈ-a.

Iˇsaˬyaˇ 66:10

Yeˬluˇsaˬlehˬ meuˬ-ahˇ kʼaˇ gaˬ-eu tsawˇ haˬ deuˬ, Yeˬluˇsaˬlehˬ meuˬ nehˬ-ehˇ laˬ kʼaˬ caw cehˇ-awˇ, aˬ yawꞈ gʼaˇ duˬ nui kʼahˇ shiˇ-awˬ. Yeˬluˇsaˬlehˬ gʼaˇ duˬ tsawˇ ngoeˇ ngoeˇ-euˬ deuˬ, nymˬ-mˇ aˬ yawꞈ nehˬ-ehˇ laˬ kʼaˬ cehˇ-awˬ.

Yeˬlaˬmiˇ 31:7

Sahˬpaˬ Miˬyehˇ heu loꞈ-ehˇ ehˇ-eu meh. “Dawˬ tawˆ kʼoeˇ taˆ huiˬ-eu tsawˇ jeuˬ pyeuꞈ-eu, Iˇsaˬleˬlaˆ gʼaˇ duˬ laˬ kʼaˬ cehˇ-eu caˇ dawˬ caˇ-awˬ. Sahˬpaˬ Miˬyehˇ aˬ yawꞈ-euˬ tsawˇ jeuˬ ka kʼoꞈ-awˇ, kʼaˇ dzeˇ luꞈ-eu deuˬ-ahˇ sheuˬ kʼoꞈ laꞈ-euˬ meh lehˇ, ja ceuˬ-eu caˇ dawˬ caˇ-awˬ.

Hawˇseˬ 4:7

“Piˇ ma ngehˬ myaˬ iˬ baˇ ngehˬ mˇ, aˬ yawꞈ maꞈ-euˬ yaw shehꞈ kʼahˬ sehˇ, daˬ ga jiˇ ni ngaˇ jahˇ nehˬ ma.

Uˬ duˬ 26:13

Naw maꞈ aˬ cawˬ zaˬ kʼaˆ maˬ ya geuꞈ-eu gʼaˇ duˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ laꞈ-euˬ ma. Naw maꞈ-ahˇ daˇ awˆ taˬ-euˬ kʼaˆ baꞈ kawˬ ngaˇ ngawˬ kʼehꞈ-awˇ, naw maꞈ dawˇ coe ni yawꞈ-awˇ cah nya ni ngaˇ jahˇ-euˬ ma.”

Zaˬkaˬliˇ 10:8

“Ngaˬ-euˬ tsawˇ haˬ-ahˇ ngaˇ kuˇ-awˇ, tiˬ gaˇ bi uiˬ bi bymˇ laˇ ma. Aˬ yawꞈ maꞈ-ahˇ ngaˇ ka kʼoꞈ-awˇ, aˇ hu loꞈ-ehˇ bi behˇ laˇ ma.

Zaˬkaˬliˇ 2:11

Aˇ yamˬ kʼoeˇ yamˬ keuˆ laˇ ngeh, tsawˇ jeuˬ gʼawˬ mya ni Sahˬpaˬ Miˬyehˇ jawˇ gaˇ laˇ-awˇ, aˬ yawꞈ-euˬ tsawˇ haˬ pyeuꞈ laˇ tehꞈ-a. Naw maꞈ nehˬ-ehˇ aˬ yawꞈ jawˇ le-awˇ, aˬ yawꞈ neh ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ gaˇ kawˆ, naw maꞈ ya siˬ duˬ tehꞈ-a.

Zaˬkaˬliˇ 8:23

Aˇ nah aˇ yamˬ kʼoeˇ keuˆ le ngeh, Yuˇdaˆ tsawˇ haˬ tiˬ gʼaˬ jawˇ gaˇ aˬ cawˬ tsawˇ jeuˬ tseˇ gʼaˬ laˇ-awˇ, ‘Miˬyehˇ nawˬ nehˬ-ehˇ jawˇ meh lehˇ nga maꞈ ya gaˬ-euˬ miˇ neh, nga maꞈ-ahˇ nawˬ nehˬ-ehˇ bi taꞈ laꞈ-awˬ’ lehˇ ehˇ tehꞈ-a.”

Luˇkaꞈ 11:22

Ehˇ kʼawꞈ, aˬ yawꞈ naˆ maˬ tseˇ kʼaˆ dzehˬ-eu tiˬ gʼaˬ deuˆ ceh ceh le-awˇ, aˬ yawꞈ-ahˇ deuˆ gʼaˬ ngeh, aꞈ yawꞈ nui ma huiˬ-euˬ aˬ yawꞈ-euˬ guiˇ deuˆ-eu keu ka dawˬ tawˆ luꞈ yuˇ geuꞈ gʼeh jiˇ-awˇ, kʼaˇ deuˆ za-euˬ jeˬ, biˇ geuꞈ tehꞈ-a.

Gʼaˬkʼehˇ 8:8

Kʼoeˇ miˇ neh, meuˬ kʼoeˇ meuˬ laꞈ kʼoeˇ jawˇ-eu tsawˇ haˬ deuˬ laˬ kʼaˬ cehˇ dui dui-eu meh.

Piˇliˇpiˆ 4:4

Aˬ myah luꞈ Sahˬpaˬ Yeˬsuˇ laꞈ kʼoeˇ laˬ kʼaˬ cehˇ-awˬ. Ngaˇ tiˬ poˆ paˇ ehˇ ma. Laˬ kʼaˬ cehˇ-awˬ.

1 Beˬtuˆluˆ 1:8

Aˬ yawꞈ-ahˇ naw maꞈ maˬ mawˇ haw-euˬ kʼawꞈ, naw maꞈ aˬ yawꞈ-ahˇ gaˬ-awˇ, nymˬ-mˇ aˬ yawꞈ-ahˇ naw maꞈ maˬ ya mawˇ kʼawꞈ, naw maꞈ aˬ yawꞈ-ahˇ jah-eu meh. Kʼoeˇ miˇ neh, maˬ ehˇ jiˇ coeˇ gaˇ keuˆ ni laˬ kʼaˬ cehˇ-awˬ.

Yaˇ kʼaˬ daˇ 5:3

Sahˬ paˬ deuˬ-oˇ, naˇ haˬ-awˬ. Uˆ lahˇ-eu aˬ yuiꞈ aˬ tsu deuˬ-oˇ, naˇ haˬ-awˬ. Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, ngaˇ caˇ dawˬ caˇ-awˇ ja ceuˬ ma. Tahˬ diˬ boe loe diˬ-awˇ ja ceuˬ ma.

Yaˇ kʼaˬ daˇ 7:22

Giˇdoˬ-euˬ tsawˇ haˬ deuˬ daˇ heh baw luꞈ ngeh, muiˇ-eu deuˬ yawˬ ha cawˬ cawˬ mi cehˇ yuˇ-awˇ deuˆ ceh ceh ni, Sahˬpaˬ Miˬyehˇ jahˇ nehˬ-euˬ meh. Aˬ yawꞈ maꞈ Zaˬleˬdaˬ meuˬ paw cehˆ-awˇ, Behˬshiˇtahˇ meuˬ-ahˇ keuˆ ni maˬ ehˇ, Taˬbaˆ meuˬ dawˬ peh jaˆ-eu Aˬbeˬlaˆmeˬhawˇlahˬ meuˬ-ahˇ keuˆ ni maˬ ehˇ, cehˆ-euˬ meh.

Yaˇ kʼaˬ daˇ 8:12

Miˇdiˬyaˬ sahˬ paˬ nyiˬ gʼaˬ pyeuꞈ-eu Zeˬbah hawˇ-eu Zaˬlaˬmoˇnaˬ aˬ nyaꞈ cehˆ-euˬ meh. Ehˇ kʼawꞈ, aˬ yawꞈ nyaꞈ-ahˇ Giˇdoˬ teh mi-awˇ nyehꞈ-euˬ meh. Aˬ yawꞈ nyaꞈ-euˬ guiˇ maꞈ -ahˇ kʼawꞈ, laˆ luˬ laˆ seˇ nehˬ-euˬ meh.

1 Saˬmeuˬlaˆ 30:16

Kʼoeˇ naˇ, Ziˇkaˬlehˆ meuˬ-ahˇ guiˇ deuˆ laˇ-euˬ tsawˇ haˬ kʼoeˇ deuˬ jawˇ gaˇ, Daˬbiˇ-ahˇ aˬ yawꞈ sheuˬ gʼeh nehˬ-euˬ meh. Guiˇ deuˆ laˇ-euˬ tsawˇ haˬ kʼoeˇ deuˬ-aˬ, Piˇliˇtiˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ aˬ yawꞈ maꞈ neh deuˆ za-euˬ myawˬ gahˬ myaˬ dui dui-eu miˇ neh, dzaˬ byawˬ dawˇ byawˬ byawˬ-awˇ, byawˬ gʼa muˆ gʼa-eu laꞈ kʼoeˇ, deh ga ga lah-ehˇ jawˇ byah taˬ-euˬ meh.