Iˇsaˬyaˇ 55:3 - Akha

³ “Naˬ bawˇ ciˬ kʼmˇ-awˇ ngaˇ jawˇ gaˇ laˇ-awˬ. Dehꞈ-eu saꞈ laˇ za ni naˇ haˬ laˇ-awˬ. Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ, naw maꞈ nehˬ-ehˇ ngaˇ dzaˬ-eu ma. Daˬbiˇ-ahˇ saˇ jaˇ biꞈ taˬ-euˬ guiˬ lahˬ, naw maꞈ-ahˇ ngaˇ biꞈ ma.

Iˇsaˬyaˇ 55:3 Iomraidhean Croise

Aˇ dahˬ 17:7

“Nawˬ nehˬ-ehˇ maˬ ehˇ, aˬ kaˇ dehꞈ le jawˇ le-eu nawˬ-euˬ zaˬ nawˬ-euˬ uˆ deuˬ nehˬ-ehˇ maˬ ehˇ, ngaˇ dzaˬ taˬ-euˬ dawˬ ma saˇ jaˇ heu hmˬ-aˬ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ pyeuꞈ-eu ma. Ngaˇ-aˬ, nawˬ-euˬ Miˬyehˇ hawˇ-eu nawˬ-euˬ zaˬ deuˬ uˆ deuˬ-euˬ Miˬyehˇ pyeuꞈ-eu ma.

Aˇ dahˬ 49:10

Sahˬ paˬ-euˬ gawˬ yoeˬ-ahˇ aˬ yawꞈ tuˆ tehˬ taˬ-awˇ, Aˬ yawꞈ-euˬ zaˬ deuˬ tiˬ ziˇ saˇ-iˬ tiˬ ziˇ dzoeˬ dzaˬ oꞈ tehꞈ-a. Aˬ cawˬ tsawˇ jeuˬ deuˬ aˬ yawꞈ jawˇ gaˇ pyuˇ shuiˇ myawˬ gahˬ taꞈ ha laˇ-awˇ, Aˬ yawꞈ mehˬ shi awˆ byaˆ-eu laꞈ kʼoeˇ aˬ yawꞈ ehˇ dawˬ naˇ haˬ tehꞈ-a.

2 Saˬmeuˬlaˆ 23:5

Ngaˬ-euˬ zaˬ deuˬ uˆ deuˬ kʼoeˇ taˆ, guiˬ lahˬ kʼoeˇ deuˬ Miˬyehˇ biꞈ meh. Mˬ maˬ maˬ byaˆ ziꞈ-eu saˇ jaˇ, aˬ yawꞈ ngaˬ-ahˇ dzaˬ taˬ-euˬ meh. Ngaˬ-euˬ nui kʼahˇ byah jiˇ laˇ ni, muiˇ-eu deuˬ-ahˇ ngaˇ gʼaˬ leˇ ni, Miˬyehˇ mˇ-eu yaw duˬ baw meh.

2 Saˬmeuˬlaˆ 7:29

Ngaˬ-euˬ zaˬ ngaˬ-euˬ uˆ deuˬ aˬ myah luꞈ nawˇ nui ma tsaˬ-eu tsawˇ haˬ deuˬ pyeuꞈ ni, aˬ yawꞈ maꞈ-ahˇ guiˬ lahˬ biꞈ nehˬ-awˬ lehˇ ngaˇ nawˬ-ahˇ shaˇ-eu ma. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ neh saˇ jaˇ dzaˬ taˬ-euˬ jaˆ-eu loꞈ-ehˇ, nawˬ-euˬ guiˬ lahˬ yaw dzahˇ deuˬ, ngaˬ-euˬ zaˬ deuˬ uˆ deuˬ kʼoeˇ taˆ, mˬ maˬ maˬ byaˆ zaˇ ziˇ jaˆ luꞈ-uˇ.”

2 Laˬsaˬbaˬ 6:42

Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ neh tseˇ doˆ-euˬ sahˬ paˬ-ahˇ taˬ byehˇ dzeh nehˬ laꞈ. Nawˬ-euˬ zaˬ kʼaˆ Daˬbiˇ-ahˇ nawˇ gaˬ-euˬ gaˇ kawˆ-ahˇ taˬ ngehˇ nehˬ laꞈ.”

Jaceuq 119:112

Ngaˇ shiˇ ngeh keuˆ ni nawˬ-euˬ zahˇ dawˬ-ahˇ naˇ haˬ geuꞈ-eu gʼaˇ duˬ, noeˬ tsehˆ gʼaˬ taˬ-euˬ ma.

Jaceuq 119:175

Nawˬ-ahˇ ngaˇ ja ceuˬ nya ni, ngaˬ-ahˇ yaw dehꞈ bi dehꞈ laꞈ. Nawˬ-euˬ zahˇ sahˇ kʼoꞈ dawˬ ngaˬ-ahˇ caw ba nehˬ laꞈ.

Jaceuq 78:1

Ngaˬ-euˬ tsawˇ haˬ deuˬ-oˇ, ngaˇ mehˬ nehˬ tsoˆ nehˬ laꞈ gaˇ naˬ bawˇ ciˬ kʼmˇ-awˇ, ngaˇ ngehˬ-euˬ dawˬ-ahˇ yaw muiˬ paˬ-ehˇ naˇ haˬ-awˬ.

Jaceuq 89:28

Aˬ yawꞈ nehˬ-ehˇ dzaˬ taˬ-euˬ saˇ jaˇ-ahˇ ngaˇ aˬ myah luꞈ ziꞈ-awˇ, ngaˬ-euˬ dawˬ ma saˇ jaˇ aˬ yawꞈ gʼaˇ duˬ mˬ maˬ maˬ byaˆ zaˇ ziˇ bi ziꞈ ma.

Jaceuq 89:29

Aˬ yawꞈ-euˬ dzoeˬ dzaˬ mˬ maˬ maˬ byaˆ zaˇ ziˇ ziꞈ-awˇ, aˬ yawꞈ-euˬ zaˬ deuˬ uˆ deuˬ aˬ myah luꞈ sahˬ paˬ geuꞈ tehꞈ-a.

Doˆ-iˇ 15:26

Aˬ yawꞈ ehˇ-eu “Ngaˬ-euˬ dawˬ-ahˇ naw maꞈ tuˆ tehˬ taˬ-awˇ, ngaˬ neh tsaˬ meh lehˇ noeˬ-euˬ jeˬ-ahˇnaw maꞈ mˇ-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ tiˬ byah tiˬ loꞈ naˇ haˬ geuꞈ naˇ, Iˇjiˇtuˆ tsawˇ haˬ kʼoeˇ taˆ bi keuˆ le-euˬ shaˬ zahˬ naˇ gawˇ kʼoeˇ deuˬ naw maꞈ kʼoeˇ taˆ bi keuˆ le-eu laꞈ kʼoeˇ, naw maꞈ-ahˇ kʼehˬ nehˬ kʼaˆ nehˬ-eu jeˬ ngaˇ maˬ mˇ. Ngaˇ-aˬ, naw maꞈ-ahˇ laˆ taˬ nehˬ-eu Sahˬpaˬ Miˬyehˇ pyeuꞈ-eu ma.”

Dawqdaq 4:20

Ngaˬ li-oˇ, ngaˬ-euˬ dawˬ-ahˇ naˇ haˬ geuꞈ-awˇ, ngaˬ neh ehˇ-euˬ jeˬ-ahˇ naˬ bawˇ ciˬ kʼmˇ geuꞈ-awˬ.

Dawqdaq 7:2

Ngaˬ-euˬ dawˬ mehˬ dawˬ tsoˆ-ahˇ caw teh-awˇ dehꞈ-awˬ. Nawˬ-euˬ myaˆ nuiˆ-ahˇ maˬ bi laˆ tahˬ ni yahˇ-eu loꞈ-ehˇ, ngaˬ neh mehˬ-euˬ dawˬ deuˬ maˬ bi cawˆ-iˇ ni yahˇ-awˬ.

Iˇsaˬyaˇ 51:4

“Ngaˬ-euˬ tsawˇ haˬ deuˬ-oˇ, ngaˬ-euˬ dawˬ naˇ haˬ-awˬ. Ngaˬ-euˬ tsawˇ jeuˬ ngaˇ ehˇ gaˇ naˬ bawˇ ciˬ kʼmˇ-awˬ. Miˇ kʼahˬ tsawˇ jeuˬ deuˬ-ahˇ ngaˇ mehˬ-eu tsoˆ-eu ma. Ngaˬ-euˬ zahˇ dawˬ kʼoꞈ dawˬ aˬ yawꞈ maꞈ-ahˇ yaw shehꞈ bya nehˬ tehꞈ-a.

Iˇsaˬyaˇ 54:10

Gawˬ jawˬ gawˬ duˇ deuˬ byaˆ-iˇ kʼawꞈ, nawˬ-ahˇ ngaˇ gaˬ-eu jeˬ maˬ bi byoˆ-iˇ. Tsaˬ leˇ dzoeˇ leˇ-eu ngaˬ-euˬ saˇ jaˇ dawˬ, mˬ maˬ maˬ byaˆ zaˇ ziˇ bi ziꞈ-eu ma” lehˇ, nawˬ-ahˇ gaˬ-euˬ Sahˬpaˬ Miˬyehˇ ehˇ-eu meh.

Iˇsaˬyaˇ 54:8

Nui ma pehˇ dui dui-eu miˇ neh, ngaˬ-euˬ myaˆ pyawˬ tiˬ kʼehˇ laˇ kʼehˬ ciˬ zaꞈ-euˬ ma. Ngaˬ-euˬ nui gaˬ mˬ maˬ maˬ byaˆ zaˇ ziˇ, nawˬ-ahˇ bi mawˇ ma” lehˇ, nawˬ-ahˇ ka kʼoꞈ-euˬ Sahˬpaˬ Miˬyehˇ ehˇ-eu meh.

Iˇsaˬyaˇ 61:8

Sahˬpaˬ Miˬyehˇ heu loꞈ-ehˇ ehˇ-eu meh. “Yaw tsaˬ yaw dawˇ-ahˇ ngaˇ gaˬ-awˇ, myawꞈ dzaˬ kʼaˆ dzaˬ gaˇ byeh-eu ma. Ngaˬ-euˬ tsawˇ haˬ deuˬ-ahˇ saˇ jaˇ ziꞈ-eu laꞈ kʼoeˇ, aˬ yawꞈ maꞈ-ahˇ geuˇ-eu aˇ poeˬ ngaˇ biꞈ tsoeˬ ma. Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma.

Yeˬlaˬmiˇ 30:9

Aˬ yawꞈ maꞈ-euˬ Miˬyehˇ Sahˬpaˬ Miˬyehˇ pyeuꞈ-eu ngaˬ-euˬ nui kʼahˇ aˬ yawꞈ maꞈ mˇ-awˇ, Daˬbiˇ-euˬ zaˬ deuˬ uˆ deuˬ laꞈ kʼoeˇ, aˬ yawꞈ maꞈ gʼaˇ duˬ ngaˬ neh tseˇ doˆ nehˬ-euˬ sahˬ paˬ tiˬ gʼaˬ uˬ moˆ, aˬ yawꞈ maꞈ dehꞈ tehꞈ-a.

Yeˬlaˬmiˇ 32:40

Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma. Aˬ yawꞈ maꞈ-ahˇ ngaˇ yaw muiˬ jeˬ maˬ tsehˆ leˇ ni mˇ nehˬ ma. Aˬ yawꞈ maꞈ ngaˬ-ahˇ maˬ paˇ byehˇ dzeh peuˬ-eu gʼaˇ duˬ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ guˆ ni ngaˇ jahˇ ma.

Yeˬlaˬmiˇ 33:26

Yaˬkoˆ-euˬ zaˬ deuˬ uˆ deuˬ hawˇ-eu ngaˬ-euˬ zaˬ kʼaˆ Daˬbiˇ-ahˇ ngaˬ neh dzaˬ taˬ-euˬ saˇ jaˇ heu, maˬ poˆ maˬ paˇ laˇ ni bi ziꞈ ma. Aˬbyaˬhaˬ, Iˇtsaˆ hawˇ-eu Yaˬkoˆ-euˬ zaˬ deuˬ uˆ deuˬ-ahˇ bi uˆ lahˇ-eu gʼaˇ duˬ, Daˬbiˇ-euˬ zaˬ deuˬ uˆ deuˬ laꞈ kʼoeˇ, sahˬ paˬ tiˬ gʼaˬ ngaˇ tseˇ doˆ ma. Ngaˬ-euˬ tsawˇ jeuˬ-ahˇ ngaˇ gʼawˬ shaˬ gaˬ-awˇ, paˇ bi dehꞈ dzaˬ laˇ ma.”

Yeˬlaˬmiˇ 38:20

Ngaˇ heu loꞈ-ehˇ ehˇ nehˬ-euˬ ma. “Nawˬ-ahˇ tsawˇ haˬ kʼoeˇ deuˬ-euˬ laꞈ-ahˇ maˬ bi ahˇ leˇ-aˇ. Sahˬpaˬ Miˬyehˇ neh ehˇ taˬ-euˬ dawˬ-ahˇ naˇ haˬ geuꞈ-awˬ lehˇ, nawˬ-ahˇ ngaˇ shaˇ-eu ma. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ muiˬ dui dui-awˇ, shiˇ gaˇ maˬ keuˆ-aˇ.

Yeˬlaˬmiˇ 50:5

Aˬ yawꞈ maꞈ Ziˇoˬ meuˬ-ahˇ le-eu gaˇ ma naˇ haˬ naˇ haˬ-ehˇ laˇ tehꞈ-a. Mˬ maˬ maˬ byaˆ zaˇ ziˇ ziꞈ-eu saˇ jaˇ ngaˬ nehˬ-ehˇ aˬ yawꞈ maꞈ dzaˬ-awˇ, tiˬ jawˇ-iˬ maˬ paˇ puiˬ ni dehꞈ tehꞈ-a.

Yeˬsaˬgeˬlaˇ 16:60

Ehˇ kʼawꞈ, nawˇ zaˬ guˬ pyeuꞈ ngeh nawˬ nehˬ-ehˇ ngaˇ dzaˬ-euˬ dawˬ ma saˇ jaˇ-ahˇ ngaˇ taˬ huiˬ-awˇ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ tiˬ hmˬ, nawˬ nehˬ-ehˇ ngaˇ dzaˬ taꞈ ma.

Yeˬsaˬgeˬlaˇ 34:24

Sahˬpaˬ Miˬyehˇ-aˬ, aˬ yawꞈ maꞈ-euˬ Miˬyehˇ pyeuꞈ-awˇ, ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ, aˬ yawꞈ maꞈ-ahˇ uˆ lahˇ tehꞈ-a lehˇ ngaˇ ehˇ taˬ-euˬ ma.

Yeˬsaˬgeˬlaˇ 34:25

Aˬ yawꞈ maꞈ guˆ kʼaˇ maˬ za-ehˇ ya dehꞈ ni, aˬ yawꞈ maꞈ nehˬ-ehˇ ngaˇ dawˬ ma saˇ jaˇ dzaˬ ma. Ngaˬ-euˬ yawˇ deuˬ deh ga-ahˇ nui ma saˇ lehˆ ni ya gaˆ-awˇ, sahˬ kʼaˆ uˬ moˆ ciˬ cuˇ ni ya yuꞈ-eu gʼaˇ duˬ, bawˇ tsahˬ jeˬ zaˬ yaw haiˬ dawˬ tawˆ luꞈ ngaˇ laˆ byoˆ ma.

Yeˬsaˬgeˬlaˇ 37:26

Aˬ yawꞈ maꞈ-ahˇ mˬ maˬ maˬ byaˆ zaˇ ziˇ nui saˇ bi oꞈ-eu dawˬ ma saˇ jaˇ ngaˇ dzaˬ ma. Aˬ yawꞈ maꞈ-ahˇ bi dehꞈ dzaˬ laˇ-awˇ, bi jeuˬ bi o le ma. Aˬ yawꞈ maꞈ-euˬ miˇ kʼahˬ laꞈ kʼoeˇ, ngaˬ-euˬ uˬ duˬ tahˬ nymˇ nymˇ ma mˬ maˬ maˬ byaˆ zaˇ ziˇ bi jaˆ ma.

Uˬ duˬ 18:5

Naw maꞈ-ahˇ ngaˇ biꞈ taꞈ-euˬ zahˇ dawˬ kʼoꞈ dawˬ deuˬ-ahˇ caw teh-awˇ yaw dehꞈ dehꞈ-awˬ. Kʼoeˇ loꞈ-ehˇ jahˇ naˇ, naw maꞈ yaw dehꞈ ya dehꞈ tehꞈ-a. Ngaˇ-aˬ Sahˬpaˬ Miˬyehˇ ma.”

Aˬmoˆ 5:4

Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ ehˇ-eu, “Ngaˇ jawˇ gaˇ laˇ-awˬ.

Aˬmoˆ 5:6

Sahˬpaˬ Miˬyehˇ jawˇ gaˇ le-awˬ. Naw maꞈ yaw dehꞈ ya dehꞈ tehꞈ-a. Naw maꞈ aˬ yawꞈ jawˇ gaˇ maˬ le naˇ, Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, miˬ dzaˬ jehˆ bymˇ bymˇ ma loꞈ-ehˇ aˬ yawꞈ ga le tehꞈ-a. Miˬ dzaˬ kʼoeˇ Beˬdeˬlaˇ meuˬ-ahˇ jawˇ-eu deuˬ-ahˇ puiˆ dzaˬ-awˇ, tiˬ gʼaˬ-iˬ maˬ laˆ miˆ nya ni doꞈ tehꞈ-a.

Maꞈtehˬ 11:28

“Kʼaˆ behˆ yaw kah pi-awˇ gʼaˬ doeˇ doeˇ-eu tsawˇ haˬ dawˬ tawˆ luꞈ ngaˇ jawˇ gaˇ laˇ-awˬ. Ngaˇ naw maꞈ-ahˇ gʼaˬ naˬ bi naˬ ma.

Maꞈtehˬ 13:16

“Naw maꞈ-euˬ myaˆ nuiˆ mawˇ nya-awˇ, naˬ bawˇ gaˬ nya-eu miˇ neh, aˇ naˆ ni guiˬ lahˬ huiˬ-eu nga.

Maꞈtehˬ 17:5

Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Yoˇhaˬ 10:27

Ngaˬ-euˬ yawˇ deuˬ ngaˬ-euˬ dawˬ naˇ haˬ-eu meh. Aˬ yawꞈ maꞈ-ahˇ ngaˇ siˬ nya-awˇ, aˬ yawꞈ maꞈ ngaˬ-euˬ mehˬ nah caw teh-eu meh.

Yoˇhaˬ 6:37

Ngaˬ Da neh ngaˬ-ahˇ kʼaˇ biꞈ laꞈ-euˬ tsawˇ haˬ yawˬ gʼaˬ yawˬ na luꞈ ngaˇ jawˇ gaˇ laˇ tehꞈ-a. Ngaˇ jawˇ gaˇ laˇ-eu tsawˇ haˬ aˬ geu gʼaˬ-ahˇ maˬ kaˬ, ngaˇ maˬ ha geuꞈ nehˬ ni maˬ byehˇ.

Yoˇhaˬ 7:37

Sehˬ gʼawˆ-euˬ Bawˬ-iˬ gʼeh-eu aˇ saˬ saˬ-eu aˇ nah pyeuꞈ-eu huiˬ dui dui-eu aˇ nah kʼoeˇ nah-ahˇ, Yeˬsuˇ tuˇ -awˇ, teˇ saˇ yaw kʼaˆ kʼaˆ-ehˇ -ehˇ-eu, “Iˇ cuꞈ kʼaˇ mehꞈ-eu tsawˇ haˬ ngaˇ jawˇ gaˇ laˇ-awˇ dawˇ laˇ-awˬ.

Yoˇhaˬ 8:47

Miˬyehˇ jawˇ gaˇ neh oe-euˬ tsawˇ haˬ-aˬ, Miˬyehˇ-euˬ ehˇ dawˬ naˇ haˬ tehꞈ-a. Ehˇ kʼawꞈ, naw maꞈ-aˬ, Miˬyehˇ jawˇ gaˇ neh oe-euˬ maˬ ngeuˇ-a. Kʼoeˇ miˇ neh, Miˬyehˇ-euˬ ehˇ dawˬ naw maꞈ maˬ naˇ haˬ mawꞈ-a.”

Gʼaˬkʼehˇ 13:34

Kʼoeˇ naˇ, lmˬ bymˇ laꞈ kʼoeˇ maˬ bi buꞈ-iˇ ni, shiˇ gʼaˬ-euˬ gaˇ aˬ yawꞈ-ahˇ paˇ bi gʼoꞈ dehꞈ laˇ-euˬ gaˇ kawˆ, Miˬyehˇ neh ehˇ taˬ-euˬ heu loꞈ-ehˇ jaˆ-eu meh. ‘Daˬbiˇ-ahˇ ngaˇ saˇ jaˇ dzaˬ-euˬ, yaw duˬ baw-eu guiˬ lahˬ yaw shawˇ, naw maꞈ-ahˇ ngaˇ biꞈ ma.’

Lormav 10:5

Zahˇ dawˬ kʼoꞈ dawˬ-ahˇ gʼoe-eu baˬ da neh Miˬyehˇ-ahˇ tsaˬ leˇ tsahˇ leˇ-eu gaˇ kawˆ-ahˇ taꞈ leˇ-awˇ, “Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ dawˬ deuˬ-ahˇ naˇ haˬ geuꞈ-eu tsawˇ haˬ ya dehꞈ tehꞈ-a” lehˇ, Moˇseˬ neh boꞈ taˬ-euˬ jaˆ-eu meh.

HeˬByehˇ 13:20

Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ-euˬ shiˬ baˬ da neh Huiˬ dui dui-eu Yawˇ bo-eu yaw sahˇ pyeuꞈ laˇ-euˬ aˬ dui-euˬ Sahˬpaˬ Yeˬsuˇ-ahˇ bi gʼoꞈ dehꞈ laˇ-euˬ gʼaˬ pyeuꞈ-eu nui saˇ oꞈ-eu jeˬ biꞈ-eu Miˬyehˇ-aˬ,