Iˇsaˬyaˇ 4:3 - Akha3 Miˬyehˇ neh bi dzeuˇ-iˇ-awˇ, Yeˬluˇsaˬlehˬ meuˬ-ahˇ kʼaˇ jawˇ yaꞈ-euˬ yawˬ gʼaˬ na luꞈ-ahˇ, yaw muiˬ yaw shawˇ tsawˇ haˬ lehˇ aˬ cawˬ kuˇ tehꞈ-a. Faic an caibideil |
Iˇsaˬyaˇ 4:3
33 Iomraidhean Croise
Tseˇ pu-ahˇ tiˬ pu dzeˇ yaꞈ-euˬ kʼawꞈ, paˇ bi puiˆ byoˆ jiˇ tehꞈ-a. Ehˇ kʼawꞈ, tsuiꞈ kaˆ aˇ bawˇ bi tuˇ dzeh ngeh, tsuiꞈ kaˆ sahˬ nyiꞈ tsawˬ tuˇ-ehˇ jaˆ yaꞈ-euˬ loꞈ-ehˇ, muiˬ-eu shawˇ-eu tsawˇ haˬ aˇ yoeˬ, miˇ kʼahˬ kʼoeˇ kʼahˬ laꞈ kʼoeˇ sahˬ nyiꞈ loꞈ-ehˇ dzeˇ yaꞈ tehꞈ-a.” (Sahˬ nyiꞈ-euˬ dawˬ tsuiꞈ-aˬ, Miˬyehˇ-euˬ tsawˇ haˬ yaw shuiꞈ dehꞈ tuˇ laˇ gaˇ ehˇ mawꞈ-eu meh.)
Yaw sahˇ laꞈ kʼoeˇ maˬ tsaˬ-eu jeˬ ya mawˇ-awˇ, aˬ cawˬ gaˇ ma bahˬ-iˇ ni aˬ kaˇ pyeuꞈ laˇ-eu gaˇ kawˆ ngehˬ dah luꞈ-eu Miˬyehˇ gʼaˇ duˬ ngehˬ dah-eu tsawˇ haˬ ma lehˇ yawˬ haˇ yawˬ ha tsaˬ geuꞈ luꞈ-eu naw maꞈ-ahˇ ngaˇ kʼehˬ nehˬ kʼaˆ nehˬ-eu aˇ yamˬ peh le luꞈ meh. Ngaˬ-euˬ tsawˇ haˬ deuˬ mehˬ bawˬ mˇ gaˇ naw maꞈ maˬ ya uˇ leˇ-ehˇ, Iˇsaˬleˬlaˆ miˇ kʼahˬ zaˬ deuˬ-euˬ tsawˇ myahˇ jaˇ laˇ laꞈ kʼoeˇ, naw maꞈ-euˬ tsawˇ myahˇ maˬ ahˇ-a. Naw maꞈ yawˬ ha-euˬ miˇ kʼahˬ-ahˇ tiˬ jawˇ-iˬ maˬ paˇ ya gʼoꞈ leˇ meh. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a.
“Kʼoeˇ ngeh jawˇ, Iˇsaˬleˬlaˆ-oˇ, SahˬpaˬMiˬyehˇ lehˇ kuˇ-eu ngaˇ, nawˬ-euˬ Miˬyehˇ pyeuꞈ-eu ma lehˇ, nawˇ siˬ duˬ mawˇ duˬ laˇ tehꞈ-a. Muiˬ-eu shawˇ-eu ngaˬ-euˬ gawˬjawˬ, Ziˇoˬ-euˬ kʼoeˇ taˆ ngaˇ jawˇ ma. Yeˬluˇsaˬlehˬ meuˬ shawˇ laˇ-awˇ, aˬ cawˬ neh bi deuˆ gʼaˬ-eu jeˬ, tiˬ jawˇ-iˬ maˬ paˇ keuˆ le meh.
Tsawˇ jeuˬ dawˬ tawˆ luꞈ-ahˇ Sahˬpaˬ Miˬyehˇ sheuˬ uiˬ laꞈ-awˇ, Yeˬluˇsaˬlehˬ meuˬ-ahˇ guiˇ bi deuˆ tehꞈ-a. Meuˬ-ahˇ guiˇ deuˆ gʼaˬ-awˇ, nymˇ laꞈ kʼoeˇ jaˆ-eu myawˬ gahˬ yuˇ geuꞈ-awˇ, zaˬ miˬ zaˬ deuˬ-ahˇ yehˬ bawˬ-ehˇ gʼeh tehꞈ-a. Tsawˇ haˬ tiˬ paˆ ehˇ gʼaˬ ni bi nyehꞈ byoˆ gʼeh-awˇ, meuˬ laꞈ kʼoeˇ tiˬ paˆ jawˇ yaꞈ tehꞈ-a.
Saˇ jaˇ ziꞈ-eu ngaˬ-euˬ gaˇ mˇ cawˬ deuˬ kʼawꞈ, zaˬ miˬ zaˬ heu nyiˬ gʼaˬ-ahˇ ngehˬ bi gʼeh mawꞈ miˇ-a. Aˬ jeˬ miˇ neh ehˇ naˇ, zaˬ miˬ zaˬ heu nyiˬ gʼaˬ-aˬ, Laˬ kʼaˬ cehˇ-eu Guiˬ lahˬ dawˬ gaˬ doe-iˇ ni, ngaˬ-euˬ gaˇ mˇ cawˬ Gaˬleˬmeˬ hawˇ-eu ngaˬ nehˬ-ehˇ gaˇ kʼaˇ mˇ-euˬ deuˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ leh jeh dui dui-euˬ meh. Miˬyehˇ-euˬ dehꞈ-eu sahˬ boꞈ laꞈ kʼoeˇ tsawˇ haˬ heu deuˬ-euˬ tsawˇ myahˇ ahˇ meh.
Naw maꞈ-aˬ, Miˬyehˇ-euˬ tsawˇ haˬ meh. Aˬ yawꞈ naw maꞈ-ahˇ gaˬ-awˇ, aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ tseˇ doˆ taˬ-euˬ meh. Kʼoeˇ miˇ neh, aˬ cawˬ-ahˇ gʼawˬ shaˬ gaˬ-eu, aˬ cawˬ-ahˇ ngehˬ gʼeh mawꞈ-eu, yawˬ haˇ yawˬ ha taˬ nyiˇ-eu, nui nahˬ nui yu ahˇ-eu, nui ma gʼawˬ mahˇ ni taˬ-eu, heu deuˬ-ahˇ naw maꞈ dm tsahˬ taˬ-awˬ.
Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.
Nawˇ mawˇ-euˬ jeˬ zaˬ kʼoeˇ mawˇ-aˬ, aˇ hu dehꞈ-euˬ kʼawꞈ, nymˬ-mˇ maˬ paˇ dehꞈ meh. Gʼawˬ myahˇ maˬ gʼeh-ehˇ yaw li maˬ baw-eu duˬ kʼahˬ-ahˇ neh doˆ laˇ-awˇ, luˬ-iˇ seˇ-iˇ-eu jeˬ laꞈ kʼoeˇ ya uˇ-iˇ tehꞈ-a. Mˬ hawˇ-eu miˇ maˬ beh mi naˆ-ehˇ saꞈ laˇ dehꞈ-eu sahˬ boꞈ laꞈ kʼoeˇ tsawˇ myahˇ maˬ bi boꞈ ahˇ taˬ-euˬ miˇ tsaˬ kʼoeˇ taˆ jawˇ luꞈ-eu tsawˇ haˬ deuˬ-aˬ, jeˬ zaˬ yaw haiˬ kʼoeˇ mawˇ-ahˇ ya mawˇ ngeh zahˬ dui dui leˇ tehꞈ-a. Aˬ jeˬ miˇ neh ehˇ naˇ, jeˬ zaˬ yaw haiˬ kʼoeˇ mawˇ dzeuˇ laˇ ngeh yaw dehꞈ dehꞈ-euˬ kʼawꞈ, nymˬ-mˇ maˬ paˇ dehꞈ meh. Ehˇ kʼawꞈ, tiˬ poˆ paˇ doˆ laˇ tehꞈ-a.
Ehˇ kʼawꞈ, maˬ muiˬ maˬ shawˇ-eu jeˬ tiˬ jeˬ-iˬ meuˬ kʼoeˇ meuˬ laꞈ kʼoeˇ maˬ ya hehˇ ahˇ gʼeh-a. Shaꞈ dawˇ-eu jeˬ mˇ-eu tsawˇ haˬ hawˇ-eu jaˬ myawꞈ myawꞈ-eu tsawˇ haˬ deuˬ kʼawꞈ, maˬ ya uˇ leˇ-a. Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ tsawˇ myahˇ ahˇ-eu tsawˇ haˬ deuˬ tehꞈ-ehˇ kʼoeˇ gaˇ ya uˇ leˇ-eu meh.
Sanasan