Noˇaˬ-ahˇ Miˬyehˇ ehˇ nehˬ-eu, “Tsawˇ haˬ dawˬ tawˆ luꞈ bi shiˇ jiˇ-awˇ, ziˇ dahˬ bi dahˬ-iˇ ma lehˇ ngaˇ noeˬ tsehˆ taˬ-euˬ ma. Aˬ yawꞈ maꞈ dawˬ tawˆ luꞈ piˬ-iˇ byoˆ-iˇ jiˇ ngeh keuˆ ni, ngaˇ jahˇ nehˬ ma. Aˬ jeˬ miˇ neh ehˇ naˇ, miˇ kʼahˬ kʼahˬ lah ni aˬ yawꞈ maꞈ neh yaw haiˬ jeˬ mˇ byah jiˇ taˬ-euˬ meh.
Iˇsaˬyaˇ 34:1 - Akha1 Tsawˇ jeuˬ dawˬ tawˆ luꞈ-oˇ, laˇ-awˇ naˇ haˬ laˇ-awˬ. Tsawˇ haˬ dawˬ tawˆ luꞈ-oˇ, naˬ bawˇ ciˬ kʼmˇ laˇ-awˬ. Miˇ tsaˬ tahˬ kʼawˇ hawˇ-eu miˇ tsaˬ zaˬ dawˬ tawˆ luꞈ, laˇ-awˇ naˇ haˬ laˇ-awˬ. Faic an caibideil |
Iˇsaˬyaˇ 34:1
25 Iomraidhean Croise
Tsawˇ jeuˬ dawˬ tawˆ luꞈ-ahˇ kuˇ-awˇ caw tseˇ duˬ-awˬ. Aˬ kaˇ mehˬ hu paw pyeuꞈ laˇ-eu gaˇ kawˆ deuˬ-ahˇ, aˬ yawꞈ maꞈ-euˬ miˬ yehˇ aˬ geu gʼaˬ ehˇ nya ta. Nymˬ-mˇ pyeuꞈ luꞈ-eu gaˇ kawˆ deuˬ, aˬ geu gʼaˬ neh ehˇ dzeuˇ taˬ-euˬ jaˆ ta. Miˬyehˇ kʼoeˇ deuˬ aˬ yawꞈ maꞈ neh ehˇ-euˬ tsaˬ-eu gaˇ kawˆ, aˬ yawꞈ maꞈ-euˬ dawˬ maˬ lehˬ-eu gaˇ kawˆ, saˇ kiˇ bi toeˬ mehˬ-awˬ.
“Ngaˬ-euˬ dawˬ peh jiˆ tuˆ laˇ-awˇ ngaˇ ehˇ gaˇ naˇ haˬ-awˬ. Aˇ dahˬ beh ngeh neh ngaˇ bya cehˆ ni ehˇ taˬ-euˬ jaˆ-awˇ, ngaˬ neh kʼaˇ ehˇ-euˬ jeˬ bi pyeuꞈ jiˇ laˇ-euˬ ma.” (Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ nymˬ-mˇ ngaˬ-ahˇ aˬ yawꞈ-euˬ baoˬ biꞈ nehˬ laꞈ-awˇ ngaˬ-ahˇ pyehˬ gʼeh leꞈ-euˬ meh.)
“Eˬdoˬ miˇ kʼahˬ Bawˇzaˬlahˬ meuˬ-ahˇ neh oe-euˬ, tsawˇ haˬ kʼoeˇ gʼaˬ aˬ suˇ gʼaˬ-a. Yaw shehꞈ kʼahˬ sehˇ huiˬ-eu mehˬ tsoeˬ paˇ neˇ dm-awˇ, baoˬ hawˇ-eu gʼaˬ huiˬ dui dui-eu laꞈ kʼoeˇ, mehˬ hu paw oe luꞈ-eu kʼoeˇ gʼaˬ aˬ suˇ gʼaˬ-a. Kʼoeˇ-aˬ, ka kʼoꞈ-eu baoˬ ahˇ-eu Sahˬpaˬ Miˬyehˇ pyeuꞈ-awˇ, aˬ yawꞈ gʼaˬ leˇ-eu gaˇ kawˆ ja gaˬ-eu lehˇ oe-eu meh.”
Eˬdoˬ miˇ kʼahˬ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Eˬdoˬ tsawˇ haˬ deuˬ tsawˇ gahˇ maˬ paˇ ahˇ mehˬ loˇ. Aˬ yawꞈ maꞈ-ahˇ nui noeˬ nui duˇ biꞈ-eu deuˬ, aˬ joˆ-ehˇ ya jahˇ-eu gaˇ kawˆ aˬ yawꞈ maꞈ-ahˇ maˬ paˇ ehˇ nehˬ nya meh loˇ. Aˬ yawꞈ maꞈ-euˬ zaˬ siˬ tsawˇ gahˇ dawˬ tawˆ luꞈ byoˆ jiˇ mehˬ loˇ.
Aˇ hu ba neh, Iˇsaˬleˬlaˆ tsawˇ haˬ deuˬ-ahˇ Miˬyehˇ gʼaˇ duˬ bi ngehˬ dah-euˬ ngaˬ-euˬ zaˬ kʼaˆ deuˬ-ahˇ zmˬ-awˇ bi gaˬ doe-iˇ-euˬ gaˇ kawˆ pyeuꞈ-eu, aˬ kaˇ tiˬ nah Iˇsaˬleˬlaˆ miˇ kʼahˬ-ahˇ guiˇ bi deuˆ le-eu gʼaˇ duˬ, ngaˇ tsawˇ haˬ pyehˬ gʼeh leꞈ ma lehˇ ehˇ-euˬ kʼoeˇ-aˬ, nawˬ-ahˇ ehˇ-euˬ jeˬ pyeuꞈ-eu ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.
Heu-aˬ, Miˬyehˇ gʼaˇ duˬ Awˇbaˬdiˇ neh ngehˬ dah-euˬ dawˬ deuˬ meh. Eˬdoˬ miˇ kʼahˬ-euˬ gaˇ kawˆ Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. Sahˬpaˬ Miˬyehˇ gʼaˬ kʼehˇ pyehˬ-awˇ, miˇ kʼahˬ doe ni bi tsaꞈ gaˬ-euˬ, dawˬ kʼoeˇ nga maꞈ ya gaˬ-euˬ ma. “Lehˬ hmˬ-awˬ. Eˬdoˬ miˇ kʼahˬ-ahˇ, aˬ dui guiˇ deuˆ-iˇ-eu lehˇ ma.
Mˬ hawˇ-eu miˇ-ahˇ tsawˇ kaˬ bi geuꞈ-awˇ, naw maꞈ-ahˇ iˬ nah ngaˇ heu loꞈ-ehˇ ehˇ-eu ma. Ngaˬ-euˬ ehˇ dawˬ-ahˇ naw maꞈ maˬ naˇ haˬ geuꞈ naˇ, miˇ kʼahˬ kʼoeˇ kʼahˬ laꞈ kʼoeˇ, tiˬ kʼehˇ laˇ kʼehˬ laꞈ kʼoeˇ tehꞈ-ehˇ naw maꞈ ya luˬ ya seˇ-iˇ tehꞈ-a. Naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ-ahˇ jaˆ-eu miˇ kʼahˬ kʼoeˇ kʼahˬ laꞈ kʼoeˇ, gʼawˬ myahˇ ni maˬ ya jawˇ-aˇ. Geuꞈ-eu jeˬ maˬ ahˇ gaˇ keuˆ ni laˆ luˬ laˆ seˇ nehˬ-eu jeˬ-ahˇ ya daˬ tehꞈ-a.
Sanasan