Iˇsaˬyaˇ 3:2 - Akha

² Baoˬ huiˬ-eu aˬ yuiꞈ aˬ tsu hawˇ-eu yehˇ deuˬ maˬ ehˇ, yaˇ kʼaˬ daˇ-eu deuˬ hawˇ-eu Miˬyehˇ gʼaˇ duˬ ngehˬ dah-eu deuˬ maˬ ehˇ, shaˆ ma deuˬ hawˇ-eu sahˬ paˬ sahˬ ma geuꞈ-eu deuˬ maˬ ehˇ,

Iˇsaˬyaˇ 3:2 Iomraidhean Croise

1 Laˬsaˬbaˬ 9:1

Iˇsaˬleˬlaˆ tsawˇ haˬ dawˬ tawˆ luꞈ, aˇ jeuˬ aˇ ca aˬ yawꞈ ca yawꞈ tsawˇ myahˇ yuˇ-awˇ, Iˇsaˬleˬlaˆ sahˬ paˬ deuˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ meh. Yuˇdaˆ miˇ kʼahˬ zaˬ deuˬ-aˬ, aˬ yawꞈ maꞈ-euˬ iˬ baˇ baˬ da neh Baˬbuˇloˬ miˇ kʼahˬ-ahˇ bi nyehꞈ gʼeh-euˬ meh.

Jaceuq 74:9

Nga maꞈ-euˬ muiˬ-eu shawˇ-eu mˇ myawˬ keu ka dawˬ tawˆ luꞈ bi laˆ byoˆ jiˇ-awˇ, Miˬyehˇ gʼaˇ duˬ ngehˬ dah-eu tsawˇ haˬ kʼawꞈ, tiˬ gʼaˬ-iˬ maˬ dzeˇ-a. Aˇ myah keuˆ ni heu loꞈ-ehˇ ya shaˬ-eu tiˬ gʼa-iˬ maˬ siˬ nya-a.

Iˇsaˬyaˇ 3:3

Guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu, miˇ kʼahˬ-ahˇ uˆ lahˇ-eu yaw huiˬ yaw mahˇ deuˬ maˬ ehˇ, zaˬ siˬ tsawˇ gahˇ byah-eu deuˬ hawˇ-eu mah loˬ nya-eu deuˬ maˬ ehˇ, jaˬ nehꞈ pyehˬ nya-eu deuˬ maˬ ehˇ, (dawˬ tawˆ luꞈ bi yuˇ dzeh jiˇ tehꞈ-a.)

Yeˬsaˬgeˬlaˇ 17:12

“Yaw jeˬ ma jeˬ kʼoeˇ-euˬ gaˇ kawˆ dawˬ tsuiꞈ siˬ nya ma loˇ lehˇ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ naˇ haˬ-iˬ sheˇ. Baˬbuˇloˬ sahˬpaˬ Yeˬluˇsaˬlehˬ meuˬ-ahˇ oe-awˇ, Yuˇdaˆ sahˬpaˬ hawˇ-eu gaˇ mˇ-eu yaw huiˬ yaw mahˇ deuˬ-ahˇ Baˬbuˇloˬ miˇ kʼahˬ-ahˇ nyehꞈ ka gʼeh-euˬ meh.

Yeˬsaˬgeˬlaˇ 17:13

Sahˬpaˬ-euˬ aˇ jeuˬ aˇ ca nymˇ jiˇ tiˬ nymˇ-ahˇ aˬ yawꞈ tseˇ doˆ-awˇ, saˇ jaˇ dzaˬ-awˇ bi kamˬ-eu laꞈ kʼoeˇ sahˬpaˬ ka nehˬ yaꞈ-euˬ meh. Miˇ kʼahˬ kʼoeˇ taˆ aˬ yuiꞈ aˬ tsu kʼaˇ geuꞈ-euˬ deuˬ-ahˇ aˬ yawꞈ nyehꞈ gʼeh jiˇ-euˬ meh.

Yeˬsaˬgeˬlaˇ 8:12

Miˬyehˇ ngaˬ-ahˇ heu loꞈ-ehˇ naˇ haˬ-eu meh. “Tsawˇ haˬ zaˬ-oˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ ciˬ cuˇ ni mˇ kʼoeˬ luꞈ-eu jeˬ nawˇ mawˇ maˬ loˇ. Tahˬ pahˬ aˬ ma mawˇ kawˇ tiˬ byah ni jaˆ-eu kuˆ lawˆ laꞈ kʼoeˇ, aˬ yawꞈ maꞈ uˬ duˬ tahˬ luꞈ-eu meh. ‘Sahˬpaˬ Miˬyehˇ aˬ dui-ahˇ maˬ paˇ mawˇ nya meh. Aˬ yawꞈ miˇ kʼahˬ heu kʼahˬ-ahˇ byehˇ dzeh yaꞈ-euˬ meh’ lehˇ aˬ yawꞈ maꞈ ehˇ-eu meh.”

Yeˬsaˬgeˬlaˇ 9:5

Kʼoeˇ naˇ, nui deuˬ-ahˇ Miˬyehˇ heu loꞈ-ehˇ ehˇ nehˬ-eu ngaˇ gaˬ-euˬ ma. “Naw maꞈ aˬ yawꞈ-euˬ mehˬ nah caw teh gʼeh-awˇ, tsawˇ haˬ sehꞈ-iˇ-awˬ. Tiˬ gʼaˬ-iˬ maˬ bi dzeuˇ-iˇ ni sehꞈ-awˬ. Tiˬ gʼaˬ-ahˇ-iˬ gʼawˬ shaˬ taˬ gaˬ nehˬ.

Aˬmoˆ 2:3

Mawˇbaˆ miˇ kʼahˬ-ahˇ uˆ lahˇ-eu gʼaˬ hawˇ-eu aˬ yuiꞈ aˬ tsu deuˬ dawˬ tawˆ luꞈ-ahˇ ngaˇ sehꞈ jiˇ ma.”