Iˇsaˬyaˇ 3:1 - Akha

¹ Haw yawˬ. Nymˬ-mˇ Sahˬpaˬ Miˬyehˇ, Baoˬ huiˬ-eu Sahˬpaˬ Miˬyehˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ, miˇ kʼahˬ zaˬ gʼoe luꞈ-eu tsawˇ haˬ deuˬ hawˇ-eu, maˬ jaˆ-ehˇ maˬ dehꞈ nya-eu jeˬ dawˬ tawˆ luꞈ, yuˇ dzeh jiˇ-eu lehˇ gʼeh-eu meh. Dzaˬ-eu dzaˇ maˬ jaˆ-ehˇ, dawˇ-eu iˇ cuꞈ maˬ dahˬ-ehˇ pyeuꞈ-iˇ ni, dawˬ tawˆ luꞈ yuˇ dzeh jiˇ tehꞈ-a.

Iˇsaˬyaˇ 3:1 Iomraidhean Croise

2 Sahˬpaˬ 25:3

Kʼoeˇ ngeh kʼoꞈ ba la oeˬ siˬ tiˬ siˬ tseˇ nah tiˬ nah-ahˇ, meuˬ laꞈ kʼoeˇ mehꞈ dui shuꞈ dui dui laˇ-awˇ, dzaˬ-eu maˬ jaˆ-ehˇ pyeuꞈ laˇ taˬ-euˬ meh.

Jaceuq 105:16

Mehꞈ-eu shuꞈ-eu jeˬ aˬ yawꞈ maꞈ miˇ kʼahˬ kʼoeˇ taˆ, Sahˬpaˬ Miˬyehˇ neh bi keuˆ le-awˇ, dzaˬ dzaˬ dawˇ dawˇ bi byoˆ-iˇ-euˬ meh.

Iˇsaˬyaˇ 1:24

Kʼoeˇ miˇ neh Dawˬ tawˆ kʼoeˇ taˆ huiˬ-eu Sahˬpaˬ Miˬyehˇ, Iˇsaˬleˬlaˆ-euˬ baoˬ huiˬ-eu Miˬyehˇ, heu loꞈ-ehˇ ehˇ-eu meh. “Haw taˬ lawˬ. Ngaˬ-ahˇ muiˇ-eu deuˬ-ahˇ ngaˇ jahˇ kʼoꞈ ma. Aˬ yawꞈ maꞈ ngaˬ-ahˇ maˬ paˇ bi laˆ bahˬ ma.

Iˇsaˬyaˇ 2:22

Naˇ mehˇ saꞈ gʼawˇ-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ nui jah taˬ ahˇ. Tiˬ jeˬ-iˬ gaˇ dahˇ maˬ tsoeˬ-a.

Iˇsaˬyaˇ 3:16

Sahˬpaˬ Miˬyehˇ ehˇ-eu, “Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ jahˇ huiˬ gaˇ haw sheˇ. Aˬ yawꞈ maꞈ gaˇ ma cah ngeh kawˬ lahˇ mˇ leuˇ-awˇ, myaˆ nuiˆ haw-eu jahˇ gʼeh-eu jeˬ ahˇ-eu meh. Aˬ yawꞈ maꞈ kuiˇ toꞈ ciˬ-eu mˇ yeuꞈ-awˇ, kuiˇ du-ahˇ duꞈ taˬ-euˬ kuiˇ duꞈ shoe loe shuiˇ luiˇ-ehˇ mahˇ-eu meh.

Iˇsaˬyaˇ 36:12

Yaw huiˬ yaw mahˇ kʼoeˇ gʼaˬ ehˇ-eu, “Naw maꞈ heu myaˆ gʼaˬ hawˇ-eu naw maꞈ-euˬ sahˬ paˬ tehꞈ-ehˇ bi siˬ-eu gʼaˇ duˬ, ngaˬ-euˬ sahˬ paˬ ngaˬ-ahˇ heu loꞈ-ehˇ bi ngehˬ bi tmˇ le-euˬ nga lehˇ naw maꞈ noeˬ te loˇ. Kʼoeˇ loꞈ-ehˇ maˬ ngeuˇ. Meuˬ meuˬ lahˇ kʼoeˇ taˆ nuiˇ luꞈ-eu tsawˇ haˬ kʼoeˇ deuˬ kʼawꞈ ya gaˬ ni ngaˇ ngehˬ luꞈ-eu ma. Aˬ yawꞈ maꞈ kʼawꞈ naw maꞈ loꞈ-ehˇ, yawˬ ha-euˬ keˬ ya dzaˬ-awˇ yawˬ ha-euˬ iˇ shoi ya dawˇ gaˇ keuˆ tehꞈ-a.”

Iˇsaˬyaˇ 5:13

Ngaˬ-euˬ tsawˇ haˬ deuˬ maˬ noeˬ siˬ maˬ noeˬ mawˇ nya-eu miˇ neh, aˬ cawˬ tsawˇ jeuˬ neh bi nyehꞈ gʼeh tehꞈ-a. Aˬ yawꞈ maꞈ-euˬ aˬ yuiꞈ aˬ tsu deuˬ hawˬ dzahˬ sehꞈ-awˇ, zaˬ lahˇ deuˬ iˇ cuꞈ mehꞈ sehꞈ tehꞈ-a.

Iˇsaˬyaˇ 51:22

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ, naw maꞈ-ahˇ kʼahˇ kʼoꞈ-awˇ heu loꞈ-ehˇ ehˇ-eu meh. “Ngaˇ nui ma pehˇ ngeh ciˬ nehˬ-euˬ, kʼmˬ maˬ kʼoeˇ ngaˇ ciˬ kʼoꞈ-eu ma. Nawˬ-ahˇ gaˇ ma maˬ cah gahˇ nya ni bi shaˬ-euˬ, kʼmˬ maˬ kʼoeˇ nawˇ tiˬ jawˇ-iˬ maˬ paˇ ya dawˇ meh.

Iˇsaˬyaˇ 9:20

Dzaˇ kʼaˇ jaˆ-eu ceh dzaˬ jiˇ-awˇ, kʼaˇ dzaˬ nya-eu jeˬ poˆ dzaˬ jiˇ kʼawꞈ, uˬ maˆ maˬ dehˆ laˇ-eu miˇ neh, yawˬ ha baw-euˬ zaˬ-ahˇ sehꞈ-awˇ, shaˬ jiˇ ya dzaˬ gaˇ keuˆ tehꞈ-a.

Yeˬlaˬmiˇ 37:21

Kʼoeˇ ngeh jawˇ, sahˬ paˬ hawˇ nymˇ-ahˇ jaˆ-eu paꞈ kuˆ laꞈ kʼoeˇ ngaˬ-ahˇ nyehꞈ ahˇ-awˇ mawˬ tawꞈ tawꞈ tehˬ taꞈ-eu gʼaˇ duˬ, sahˬ paˬ Zeˬdaˬkiˇ dawˬ biꞈ-euˬ meh. Ngaˇ kʼoeˇ gaˇ uˇ-awˇ, meuˬ laꞈ kʼoeˇ kaˬ muˇ maˬ jaˆ-ehˇ pyeuꞈ-iˇ ngeh keuˆ ni, kaˬ muˇ jahˇ-eu tsawˇ haˬ deuˬ ngaˬ-ahˇ tiˬ nah-euˬ kaˬ muˇ tiˬ siˬ bi dzaˬ laꞈ-euˬ meh.

Yeˬlaˬmiˇ 38:9

“Sahˬ paˬ-oˇ, tsawˇ haˬ kʼoeˇ deuˬ neh mˇ-euˬ jeˬ maˬ tsaˬ maˬ dawˇ-a. Yeˬlaˬmiˇ-ahˇ lah duˬ laꞈ kʼoeˇ aˬ yawꞈ maꞈ nyehꞈ ahˇ-euˬ meh. Meuˬ laꞈ kʼoeˇ dzaˬ dzaˬ dawˇ dawˇ nym laˇ taˬ-euˬ miˇ neh, Yeˬlaˬmiˇ ya shiˇ-eu yaw duˬ baw meh.”

Yeˬlaˬmiˇ 52:3

Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui-eu miˇ neh, aˬ yawꞈ-euˬ mehˬ shi maˬ bi jawˇ ni teh dzeh nehˬ-euˬ meh. Baˬbuˇloˬ sahˬ paˬ Neˬbuˬkaˬneˬzaˬ-ahˇ Zeˬdaˬkiˇ puiˬ-euˬ meh.

Yeˬlaˬmiˇ 52:6

Kʼoeˇ ngeh kʼoꞈ ba la oeˬ siˬ tiˬ siˬ gʼoeˬ nah tiˬ nah-ahˇ, mehꞈ dui shuꞈ dui dui-eu miˇ neh, dzaˬ-eu tiˬ jeˬ-iˬ maˬ jaˆ-ehˇ pyeuꞈ laˇ ngeh,

Ngoeˇ dawˬ 5:4

Iˇ cuꞈ-ahˇ keuˆ ya zeuˇ dawˇ-awˇ, miˬ dzaˬ-ahˇ keuˆ zeuˇ doꞈ luꞈ ma.

Yeˬsaˬgeˬlaˇ 14:13

“Tsawˇ haˬ zaˬ-oˇ, miˇ kʼahˬ tiˬ kʼahˬ iˬ baˇ mˇ-awˇ ngaˬ-ahˇ saˇ jaˇ maˬ ziꞈ naˇ, ngaˬ-euˬ aˬ laꞈ cawˬ ja-awˇ, aˬ yawꞈ maꞈ dzaˬ dzaˬ dawˇ dawˇ sha ahˇ-eu gaˇ ma ngaˇ laˆ tsoeˬ nehˬ ma. Mehꞈ-eu shuꞈ-eu jeˬ bi keuˆ le-awˇ, tsawˇ haˬ maˬ ehˇ, jeˬ zaˬ maˬ ehˇ, bi shiˇ ma.

Uˬ duˬ 26:26

Naw maꞈ-euˬ dzaˬ dzaˬ dawˇ dawˇ sha miˇ-eu gaˇ ma ngaˇ deuˆ tsehˆ-euˬ miˇ neh, zaˬ miˬ zaˬ tseˇ gʼaˬ kʼaˇ jaˆ-eu kaˬ muˇ yuˇ uiˬ-awˇ jahˇ ngeh, mui za za zaˬ tiˬ siˬ laꞈ kʼoeˇ jahˇ loꞈ ni tehꞈ-ehˇ jaˆ tehꞈ-a. Kaˬ muˇ kʼoeˇ aˬ yawꞈ maꞈ biˇ doe nehˬ-awˇ, naw maꞈ dzaˬ jiˇ ngeh, maˬ ya dzaˬ dehˆ-ehˇ ya shaˬ tehꞈ-a.

Aˬmoˆ 4:6

Naw maꞈ-euˬ meuˬ dawˬ tawˆ luꞈ kʼoeˇ taˆ mehꞈ-eu shuꞈ-eu jeˬ keuˆ le ni mˇ-euˬ gʼaˬ ngaˇ ma. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a.

Miˇkaˬ 4:9

Aˬ jeˬ miˇ neh nawˇ yaw kʼaˆ-ehˇ guˇ guˇ-ehˇ ngoeˇ te. Aˬ jeˬ miˇ neh zaˬ baw luꞈ-eu zaˬ miˬ zaˬ tiˬ gʼaˬ loꞈ-ehˇ nawˇ shaˬ zahˬ mˇ luꞈ te. Nawˬ-euˬ sahˬ paˬ hawˇ-eu nawˬ-ahˇ nui noeˬ nui duˇ biꞈ-eu deuˬ maˬ jawˇ-ehˇ pyeuꞈ-iˇ-euˬ miˇ neh te loˇ.