Iˇsaˬyaˇ 23:11 - Akha

¹¹ Sahˬpaˬ Miˬyehˇ aˬ laꞈ iˬ ma laˆ shaˆ cawˬ tsehˆ taˬ-awˇ, miˇ kʼahˬ deuˬ-ahˇ laˆ byaˆ-euˬ meh. Piˇniˇshaˆ tsawˇ jeuˬ jeˬ gaꞈ jeˬ ka mˇ taꞈ-eu yaw tsuiꞈ-ahˇ, laˆ pyaˆ-awˬ lehˇ aˬ yawꞈ dawˬ biꞈ-euˬ meh.

Iˇsaˬyaˇ 23:11 Iomraidhean Croise

Aˇ dahˬ 9:25

“Kaˬnaˬ-euˬ kʼoeˇ taˆ yaˬ kʼehˇ yaˬ-eu jeˬ keuˆ le luꞈ-uˇ. Aˬ yawꞈ-euˬ mehˇ nmˇ deuˬ-euˬ zaˬ kʼaˆ aˬ yawꞈ ya geuꞈ luꞈ-uˇ.

Jaceuq 46:6

Tsawˇ jeuˬ dawˬ tawˆ luꞈ laˇ baˇ-iˇ-awˇ, miˇ kʼahˬ dawˬ tawˆ luꞈ yaw dzuˬ dzuˬ-eu meh. Miˬyehˇ lmˬ laˇ ngeh, miˇ tsaˬ tahˬ kʼawˇ byaˆ-iˇ meuˇ-iˇ-eu meh.

Jaceuq 71:3

Ngaˬ-euˬ gʼoe duˬ lo guˇ hawˇ-eu, guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za-eu ziꞈ dah ni gʼeh-eu nymˇ nymˇ ma loꞈ-ehˇ, nawˇ ngaˬ-ahˇ haw piˇ nehˬ laꞈ.

Doˆ-iˇ 14:21

Iˬ ma laˆ shaˆ kʼoeˇ taˆ Moˇseˬ aˬ laꞈ cawˬ ja ngeh, Sahˬpaˬ Miˬyehˇ nahˇ ma doˆ kʼehˬ paw neh jaˬ lehˇ lehˇ ma bi baw gʼeh leꞈ-awˇ, iˬ ma laˆ shaˆ iˇ cuꞈ bi baw kʼoꞈ gʼeh-euˬ meh. Jaˬ lehˇ kʼoeˇ bahˬ uˬ ciꞈ miˇ lah-ehˇ baw-euˬ miˇ neh, iˇ cuꞈ nyiˬ paˆ-ehˇ paˆ-iˇ-awˇ, iˬ ma laˆ shaˆ gui coˇ ni pyeuꞈ-iˇ-euˬ meh.

Iˇsaˬyaˇ 10:6

Miˬyehˇ maˬ baw-eu tsawˇ jeuˬ hawˇ-eu, ngaˇ nui ma pehˇ-eu tsawˇ haˬ deuˬ jawˇ gaˇ, aˬ yawꞈ-ahˇ ngaˇ pyehˬ gʼeh-awˇ, aˬ yawꞈ maꞈ-euˬ pyuˇ shuiˇ myawˬ gahˬ bi ceh geuꞈ-awˇ, gaˇ ma-ahˇ jaˆ-eu shaˬ jehˆ nawˬ pahˬ-eu loꞈ-ehˇ, aˬ yawꞈ maꞈ-ahˇ bi nawˬ pahˬ ma.

Iˇsaˬyaˇ 13:13

Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, ngaˬ-euˬ nui ma bi mawˇ ngeh nah, mˬ-ahˇ sheu nyeh nehˬ-awˇ, miˇ tsaˬ tahˬ kʼawˇ jawˇ duˬ bi cehˆ paˇ ma.

Iˇsaˬyaˇ 14:26

Miˇ tsaˬ dawˬ tawˆ luꞈ kʼoeˇ taˆ heu loꞈ-ehˇ keuˆ le ni, ngaˇ noeˬ tsehˆ taˬ-euˬ ma. Tsawˇ jeuˬ dawˬ tawˆ luꞈ-ahˇ kʼehˬ-eu gʼaˇ duˬ, ngaˇ aˬ laꞈ cawˬ ja taˬ-euˬ ma.”

Iˇsaˬyaˇ 19:5

Niˬlaˇ lawˇ baˬ baˬ ma iˇ cuꞈ nyiˇ le-awˇ, aw lawˆ lawˆ-ehˇ gui-iˇ tehꞈ-a.

Iˇsaˬyaˇ 2:19

Sahˬpaˬ Miˬyehˇ miˇ tsaˬ tahˬ kʼawˇ-ahˇ ngawˬ nyeh le ngeh, aˬ yawꞈ-euˬ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ-eu lehˇ, tsawˇ haˬ zaˬ deuˬ lo byoe doe ni cehˆ uˇ-awˇ, duˬ kʼahˬ doe ni cehˆ zaꞈ tehꞈ-a.

Iˇsaˬyaˇ 23:10

Saˬbeˬ miˇ kʼahˬ-ahˇ jawˇ duˬ yaw shuiꞈ nawˬ-iˇ-awˇ, mˇ dzaˬ kʼawꞈ dawˇ-iˇ-awˬ. Naw maꞈ-ahˇ laˆ tsoeˬ-eu tsawˇ haˬ, kʼoeˇ gaˇ tiˬ gʼaˬ-iˬ maˬ jawˇ-a.

Iˇsaˬyaˇ 23:3

Siˇdoˬ meuˬ-ahˇ jawˇ-eu baw gaꞈ deuˬ-oˇ, noeˬ shaˬ-awˇ ngoeˇ-awˬ. Naw maꞈ iˬ ma laˆ shaˆ-ahˇ tsawˇ haˬ pyehˬ gʼeh-awˇ, Iˇjiˇtuˆ miˇ kʼahˬ-ahˇ cehˇ tawˬ laˬ-iˇ-awˇ, miˇ kʼahˬ doe ni ahˬ nehˬ-euˬ meh.

Iˇsaˬyaˇ 25:2

Meuˬ deuˬ-ahˇ nawˇ laˆ luˬ laˆ seˇ-awˇ, ziꞈ dah ni gʼeh-eu meuˬ deuˬ bi byaˆ-iˇ-euˬ meh. Nga maꞈ-ahˇ muiˇ-eu sahˬ paˬ deuˬ-euˬ nymˇ deuˬ, piˬ-iˇ byoˆ-iˇ jiˇ-euˬ meh.

Iˇsaˬyaˇ 5:25

Kʼoeˇ miˇ neh, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui ma pehˇ-awˇ, aˬ yawꞈ maꞈ-ahˇ kʼehˬ-eu lehˇ aˬ laꞈ cawˬ doˆ ngeh, gawˬ jawˬ deuˬ luˆ luˆ-ehˇ pyeuꞈ laˇ-awˇ, meuˬ-euˬ lehˆ kawˆ doe ni aˬ yawꞈ maꞈ shiˇ uiˬ taˬ-awˇ, mˇ myawˬ yaw cehˇ byaˆ dzeh taˬ-euˬ loꞈ-ehˇ ga tehꞈ-a. Ehˇ kʼawꞈ, Sahˬpaˬ Miˬyehˇ nui ma pehˇ-eu maˬ taˬ leˇ-ehˇ, aˬ laꞈ maˬ cawˬ kʼoꞈ ni bi jaˆ tehꞈ-a.

Iˇsaˬyaˇ 50:2

“Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu lehˇ ngaˇ iˇ ngeh, aˬ jeˬ miˇ neh aˬ yawꞈ maꞈ maˬ haw cawˬ laˇ ta. Aˬ jeˬ miˇ neh ngaˇ kuˇ ngeh aˬ yawꞈ maꞈ oˬ maˬ toˬ ta. Ngaˬ-euˬ aˬ laꞈ yaw nymˇ miˇ neh maˬ ka kʼoꞈ nya ta loˇ. Naw maꞈ-ahˇ ka kʼoꞈ nehˬ nya ni ngaˇ gʼaˬ maˬ loꞈ ta loˇ. Ngaˇ dawˬ biꞈ-awˇ iˬ ma laˆ shaˆ-ahˇ bi gui-iˇ nya ma. Iˇ cuꞈ lawˇ baˬ kʼaˇ shuiꞈ deh ga bi pyeuꞈ-iˇ-awˇ, iˇ cuꞈ maˬ dahˬ-eu miˇ neh ngaˬ shaˬ shiˇ jiˇ ni ngaˇ jahˇ nya ma.

Yeˬlaˬmiˇ 47:7

Aˬshaˇgaˬloˇ meuˬ-ahˇ hawˇ-eu, laˆ shaˆ lawˇ deh doe ni jawˇ-eu deuˬ-ahˇ, bi kʼehˬ-eu lehˇ Sahˬpaˬ Miˬyehˇ neh kʼehˇ leꞈ-euˬ, mi cehˇ kʼoeˇ aˬ joˆ-ehˇ naˬ leˇ nya nmˇ.”

Yeˬsaˬgeˬlaˇ 26:10

Aˬ yawꞈ maꞈ-euˬ mahˬ myaˬ dui dui-eu miˇ neh, mahˬ cehˆ ngeh pyuˬ laˇ-eu kʼaˬ lehˇ nawˬ-ahˇ pymˬ tehˬ tehꞈ-a. Meuˬ lahˇ kʼehˬ-ahˇ neh cawˆ-iˇ taˬ-euˬ meuˬ laꞈ kʼoeˇ laˇ uˇ-eu mahˬ laˆ lawˬ kʼoeˇ deuˬ luiˬ gʼa ngeh, meuˬ lahˇ nyeh laˇ tehꞈ-a.

Yeˬsaˬgeˬlaˇ 26:4

Nawˬ-euˬ meuˬ meuˬ lahˇ aˬ yawꞈ maꞈ laˆ cawˆ-awˇ, loꞈ-eu nymˇ goˇ laˆ coˬ dzeh tehꞈ-a. Kʼoeˇ naˇ, miˇ tsaˬ dawˬ tawˆ luꞈ ngaˇ yaˆ dzeh jiˇ-awˇ, kʼaˬ lo tehꞈ-ehˇ buˇ coeˆ ni bi jaˆ ma.

Yeˬsaˬgeˬlaˇ 31:16

Aˬ yawꞈ-ahˇ ngaˇ shiˇ-eu miˇ kʼahˬ-ahˇ bi iˇ ngeh, aˇ bawˇ kʼoeˇ bawˇ coˬ-iˇ-eu teˇ saˇ-ahˇ, miˇ kʼahˬ tsawˇ jeuˬ dawˬ tawˆ luꞈ yaw dzuˬ dzuˬ dui dui tehꞈ-a. Miˇ oˆ kʼahˬ-ahˇ iˇ keuˆ taˬ-euˬ aˇ bawˇ deuˬ pyeuꞈ-eu, Eˬdeˬ yaˇ kmˇ-ahˇ kʼaˇ dehꞈ-eu aˇ bawˇ deuˬ hawˇ-eu, Leˬbaˬnoˬ gawˬ jawˬ-ahˇ kʼaˇ dehꞈ-eu, iˇ cuꞈ dawˇ dehˆ-awˇ muiˬ dui dui-eu aˇ bawˇ dawˬ tawˆ luꞈ, aˇ bawˇ kʼoeˇ bawˇ coˬ le gaˇ laˬ kʼaˬ cehˇ tehꞈ-a.

Naˬhmˬ 1:14

Niˇnaˬbeˬ meuˬ-ahˇ taꞈ leˇ-awˇ, Sahˬpaˬ Miˬyehˇ ehˇ taˬ-euˬ-aˬ, “Nawˬ-euˬ tsawˇ myahˇ pi ka gʼeh-eu, zaˬ maˬ jawˇ-ehˇ pyeuꞈ-iˇ tehꞈ-a. Nawˬ-euˬ miˬ yehˇ deuˬ-euˬ nymˇ-ahˇ, tahˬ pahˬ aˬ ma mawˇ kawˇ kʼoeˇ deuˬ, ngaˇ laˆ piˬ laˆ byoˆ jiˇ nehˬ ma. Nawˇ doeˇ dui dui-eu baˬ da neh, nawˬ-euˬ lmˬ bymˇ ngaˇ lehˬ hmˬ ma.”

Haˬgaiˇ 2:7

Miˇ tsaˬ tsawˇ jeuˬ dawˬ tawˆ luꞈ ngaˇ ngawˬ zuˆ ka-awˇ, aˬ yawꞈ maꞈ-euˬ pyuˇ shuiˇ dawˬ tawˆ luꞈ heu gaˇ bi laˇ keuˆ jiˇ-awˇ, Uˬ duˬ tahˬ nymˇ nymˇ ma bi byah laˇ ma.

Zaˬkaˬliˇ 14:21

Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jaˆ-eu oeˬ lahˬ dawˬ tawˆ luꞈ, Baoˬ huiˬ-eu Sahˬpaˬ Miˬyehˇ-ahˇ uˬ duˬ tahˬ gaˇ geuꞈ-eu gʼaˇ duˬ yuˇ doˆ-awˇ bi jaˆ tehꞈ-a. Lawˇ-eu shehˇ-eu jeˬ mˇ-eu tsawˇ haˬ deuˬ, oeˬ lahˬ kʼoeˇ deuˬ yuˇ-awˇ lawˇ-euˬ shehˇ-euˬ shaˬ jiˇ caꞈ gaˇ zmˬ tehꞈ-a. Aˇ nah aˇ yamˬ kʼoeˇ keuˆ laˇ ngeh, Baoˬ huiˬ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ, jeˬ gaꞈ gaꞈ-eu tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Maˬkuˆ 11:17

Aˬ yawꞈ maꞈ-ahˇ aˬ yawꞈ mehˬ nehˬ tsoˆ nehˬ-eu, “‘Ngaˬ-euˬ Uˬ duˬ tahˬ nymˇ nymˇ ma-ahˇ, tsawˇ jeuˬ dawˬ tawˆ luꞈ guiˬ lahˬ shaˇ-eu nymˇ lehˇ kuˇ tehꞈ-a’ lehˇ Miˬyehˇ neh ehˇ taˬ-euˬ, Jaˇliꞈ laꞈ kʼoeˇ boꞈ taˬ-euˬ maˬ ngeuˇ-a loˇ. Ehˇ kʼawꞈ, smˇ kʼoeˬ tahˇ joe deuˬ baˇ smˇ duˬ pyeuꞈ laˇ ni naw maꞈ jahˇ luꞈ-eu ngaˇ.”

Yoˇhaˬ 2:16

Yaˇ miˇ kʼaˬ kʼoeˬ ahˬ luꞈ-eu tsawˇ haˬ deuˬ-ahˇ kʼawꞈ, “Yaˇ miˇ kʼaˬ kʼoeˬ teu deuˬ yuˇ doˆ gʼeh-awˬ. Ngaˬ Da-euˬ nymˇ-ahˇ lehˆ juꞈ-eu nymˇ taˬ paˇ bi pyeuꞈ” lehˇ ehˇ nehˬ-euˬ meh.