Iˇsaˬyaˇ 1:8 - Akha

⁸ Yeˬluˇsaˬlehˬ meuˬ tiˬ meuˬ dzeˇ-eu kʼawꞈ, aˬ cawˬ neh bi jawˬ lahˇ taˬ-awˇ, aˬ gaꞈ yaˇ kmˇ-ahˇ gʼawˆ taˬ-euˬ sehˬ gʼawˆ hawˇ-eu siˬ kʼoˬ kʼoˬ yaˇ-ahˇ jaˆ-eu yaˇ cmˇ loꞈ-ehˇ tiˬ jeˬ-iˬ maˬ mˇ doˆ luꞈ-a.

Iˇsaˬyaˇ 1:8 Iomraidhean Croise

Yawˇbaˆ 27:18

Haiˬ-eu tsawˇ haˬ deuˬ aˬ oˬ loˬ ma aˇ kahˇ kahˇ taˬ-euˬ loꞈ-ehˇ nymˇ tsoˆ-awˇ, deh yaˇ-ahˇ loꞈ piˇ-eu zaˬ kʼaˆ deuˬ-euˬ yaˇ cmˇ loꞈ-ehˇ tsoˆ-eu meh.

Jaceuq 9:14

Yeˬluˇsaˬlehˬmehˬshi yawꞈ-awˇ, gaˇkawˆheu dzawˇmehˬ-eu laꞈkʼoeˇ, nawˬ-ahˇbi ja ceuˬnehˬlaꞈ-awˬ. Nawˇka kʼoꞈnehˬlaꞈ-euˬ miˇ neh, ngaˇlaˬkʼaˬcehˇ nui kʼahˇshiˇma.

Iˇsaˬyaˇ 1:7

Naw maꞈ-euˬ miˇ kʼahˬ pu tsoeˬ tsoeˬ jiˇ-awˇ, naw maꞈ-euˬ meuˬ deuˬ miˬ dzaˬ puiˆ byoˆ jiˇ-euˬ nga. Boeˇ miˬ siˬ kʼaˬ deuˬ naw maꞈ-euˬ mehˬ shi, naw maꞈ-euˬ miˇ kʼahˬ laˆ cawˆ-awˇ, yaw muiˬ tiˬ hmˬ-iˬ maˬ dzeˇ ni, neˇ leuꞈ ni jaˆ luꞈ nga.

Iˇsaˬyaˇ 1:9

Baoˬ huiˬ-eu Sahˬpaˬ Miˬyehˇ neh, aˬ dui tiˬ paˆ na deuˬ-ahˇ maˬ bi dzeuˇ-iˇ law nmˇ-aˬ, Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, ya shiˇ cuˆ jiˇ-eu yaw duˬ baw law hawˇ nga.

Iˇsaˬyaˇ 10:32

Iˬ nah muiˇ-eu deuˬ Noˇbaˆ meuˬ-ahˇ oe keuˆ-awˇ, Ziˇoˬ gawˬ jawˬ hawˇ-eu Yeˬluˇsaˬlehˬ meuˬ-ahˇ, laꞈ du cawˬ doˆ-awˇ lmˬ tehꞈ-a.

Iˇsaˬyaˇ 29:3

Meuˬ kʼoeˇ meuˬ-ahˇ Miˬyehˇ guiˇ deuˆ le-awˇ, tiˬ jawˬ loꞈ tsoeˬ-awˇ bi jaˆ tehꞈ-a.

Iˇsaˬyaˇ 30:17

Aˬ cawˬ-euˬ yehˇ tiˬ gʼaˬ-ahˇ naw maꞈ ya mawˇ ngeh, nawꞈ maꞈ-euˬ yehˇ aˇ muiˇ gʼaˬ cehˆ tehꞈ-a. Aˬ cawˬ-euˬ yehˇ ngaˬ gʼaˬ-ahˇ mawˇ naˇ, naw maꞈ-euˬ yehˇ dawˬ tawˆ luꞈ cehˆ byoˆ jiˇ-awˇ, naw maꞈ guiˇ maꞈ kʼoeˇ myaˆ ni gʼeh-eu laꞈ kʼoeˇ, paˇ loˬ paˇ lehˇ baꞈ-eu tiˬ gʼaˬ tehꞈ-ehˇ, gawˬ jawˬ uˬ du dzeˇ yaꞈ tehꞈ-a.”

Iˇsaˬyaˇ 37:22

Saˬneˬkaˬliˇ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. Saˬneˬkaˬliˇ-oˇ, Yeˬluˇsaˬlehˬ meuˬ nawˬ-ahˇ uiˇ-awˇ, noeˬ teˬ dui dui luꞈ meh.

Iˇsaˬyaˇ 37:4

Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ gʼaˬ-ahˇ pyehˬ gʼeh leꞈ-awˇ, dehꞈ luꞈ-eu Miˬyehˇ-ahˇ yehˬ bawˬ sehˇ lu-ehˇ bi ehˇ le-euˬ meh. Kʼoeˇ loꞈ-ehˇ yehˬ bawˬ sehˇ lu-ehˇ ehˇ-eu dawˬ-ahˇ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, kʼoeˇ loꞈ-ehˇ ehˇ-eu tsawˇ haˬ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ luˬ maˬ seˇ-iˇ-ehˇ dzeˇ-eu aˬ dui-euˬ tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ nehˬ laꞈ-awˬ.”

Iˇsaˬyaˇ 4:4

Sahˬpaˬ Miˬyehˇ aˬ yawꞈ-euˬ baoˬ-ahˇ gʼoe-awˇ, aˬ yawꞈ-euˬ tsawˇ jeuˬ-ahˇ yaˇ kʼaˬ daˇ-awˇ bi muiˬ bi shawˇ laˇ-eu laꞈ kʼoeˇ, Yeˬluˇsaˬlehˬ meuˬ-euˬ iˬ baˇ hawˇ-eu, kʼoeˇ gaˇ yoeˇ dzeh-euˬ shiˬ deuˬ tsiˬ shawˇ nehˬ tehꞈ-a.

Iˇsaˬyaˇ 49:21

Kʼoeˇ ngeh nawˇ yawˬ haˇ yawˬ ha heu loꞈ-ehˇ ehˇ tehꞈ-a. ‘Ngaˬ-euˬ gʼaˇ duˬ zaˬ heu deuˬ-ahˇ aˬ suˇ gʼaˬ neh puˬ byah taˬ ta. Ngaˬ-euˬ zaˬ deuˬ byoˆ-iˇ jiˇ-awˇ aˇ dzehˬ maˬ paˇ jawˇ ma. Ngaˬ-ahˇ aˬ cawˬ paꞈ-awˇ bi tsahˇ byoˆ gʼeh-euˬ ma. Zaˬ heu deuˬ-ahˇ aˬ suˇ gʼaˬ paˇ sheuˬ uiˬ laꞈ taˬ. Ngaˇ tiˬ gʼaˬ tehꞈ-ehˇ dzeˇ yaꞈ-euˬ maˬ ngeuˇ-a loˇ. Zaˬ heu deuˬ aˬ geu gaˇ paˇ doˆ le taˬ.’ ”

Iˇsaˬyaˇ 62:11

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ heu loꞈ-ehˇ ehˇ luꞈ meh. “Naw maꞈ-ahˇ ka kʼoꞈ-eu gʼaˇ duˬ, aˬ yawꞈ neh ka kʼoꞈ doˆ laꞈ-euˬ tsawˇ haˬ deuˬ-ahˇ sheuˬ-awˇ, Sahˬpaˬ Miˬyehˇ oe luꞈ meh lehˇ, Yeˬluˇsaˬlehˬ tsawˇ haˬ-ahˇ ehˇ nehˬ-awˬ.”

Iˇsaˬyaˇ 8:8

Yuˇdaˆ miˇ kʼahˬ-ahˇ aˬ yawꞈ maꞈ iˇ jeuˬ jeuˬ ahˇ leꞈ-awˇ, kawˬ lahˇ-ahˇ keuˆ ni jeuˬ keuˆ laꞈ-awˇ, yawˬ jeˬ na luꞈ-ahˇ dahˬ pymˬ jiˇ tehꞈ-a. Iˇ jeuˬ kʼoeˇ miˇ kʼahˬ kʼoeˇ coeˇ heu coeˇ doˆ ni oe byah leꞈ tehꞈ-a.” Miˬyehˇ-oˇ, nga maꞈ nehˬ-ehˇ jawˇ nehˬ laꞈ.

Yeˬlaˬmiˇ 4:17

Yeˬluˇsaˬlehˬ meuˬ Sahˬpaˬ Miˬyehˇ-ahˇ puiˬ-eu miˇ neh, deh yaˇ-ahˇ tsawˇ haˬ loꞈ-eu loꞈ-ehˇ, muiˇ-eu deuˬ Yeˬluˇsaˬlehˬ meuˬ-ahˇ loꞈ jawˬ tehꞈ-a lehˇ, Sahˬpaˬ Miˬyehˇ ehˇ taˬ-euˬ meh.

Yeˬlaˬmiˇ 6:2

Ziˇoˬ meuˬ-euˬ aˇ gʼehˇ yaw zawˇ muiˬ kʼawꞈ, luˬ-iˇ seˇ-iˇ tehꞈ-a.

Ngoeˇ dawˬ 2:1

“Sahˬpaˬ Miˬyehˇ nui ma pehˇ-awˇ, zahˇ tsui ni gʼeh-eu mˬ dmˇ neh, Ziˇoˬ meuˬ-ahˇ dehˬ kaˬ-euˬ meh. Iˇsaˬleˬlaˆ yaw shehꞈ kʼahˬ sehˇ, mˬ yaw goˇ-ahˇ bi jaˆ-euˬ kʼoeˇ, miˇ tsaˬ-ahˇ biˬ dzeh nehˬ-euˬ meh. Aˬ yawꞈ nui ma pehˇ-eu kʼoeˇ nah, Uˬ duˬ tahˬ nymˇ nymˇ ma-ahˇ kʼawꞈ, byehˇ dzeh nehˬ peuˬ gaˇ keuˆ ni meh.

Ngoeˇ dawˬ 2:6

Kmˇ cehˇ ngawˬ pyaˆ dzeh-eu loꞈ-ehˇ, yawꞈ-euˬ Uˬ duˬ tahˬ nymˇ nymˇ ma, yawꞈ ngawˬ pyaˆ-awˇ laˆ cawˆ-euˬ meh. Yawꞈ neh bawˬ-iˬ bi gʼeh-euˬ jawˇ duˬ, yawꞈ laˆ luˬ laˆ seˇ nehˬ-euˬ meh. Bawˬ-iˬ deuˬ hawˇ-eu jawˇ nah tawˬ-eu, yawꞈ neh laˆ byoˆ jiˇ nehˬ-euˬ meh. Sahˬ paˬ maˬ ehˇ, piˇ ma maˬ ehˇ, yawꞈ-euˬ nui pehˇ zaw leˇ-euˬ meh.

Zaˬkaˬliˇ 2:10

“Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, laˬ kʼaˬ cehˇ-eu caˇ dawˬ caˇ-awˬ. Ngaˇ naw maꞈ nehˬ-ehˇ jawˇ le-eu lehˇ gʼeh-eu ma” lehˇ, Sahˬpaˬ Miˬyehˇ ehˇ-eu meh.

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Yoˇhaˬ 12:15

“Ziˇoˬ meuˬ-oˇ taˬ guˆ. Nawˬ-euˬ dzoeˬ dzaˬ sahˬ paˬ, tahˬ laˆ dziˬ-awˇ oe luꞈ meh.”