Iˇsaˬyaˇ 1:1 - Akha

¹ Sahˬ boꞈ heu taꞈ laꞈ kʼoeˇ ahˇ-eu gaˇ kawˆ deuˬ-aˬ, sahˬ paˬ Awˇziˇ, sahˬ paˬ Yoˇdaˬ, sahˬ paˬ Aˬkaˆ, sahˬ paˬ Heˬsaˬgiˇ aˬ ha maꞈ Yuˇdaˆ miˇ kʼahˬ-ahˇ uˆ lahˇ-euˬ ziˇ kʼoeˇ ziˇ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ taꞈ leˇ-awˇ, Aˬmoˆ-euˬ aˬ li Iˇsaˬyaˇ-ahˇ Miˬyehˇ neh pah mehˬ nehˬ-awˇ bi ngehˬ dah-euˬ gaˇ kawˆ deuˬ meh.

Iˇsaˬyaˇ 1:1 Iomraidhean Croise

2 Sahˬpaˬ 15:1

Sahˬ paˬ Yeˬyawˇbamˬ Iˇsaˬleˬlaˆ miˇ kʼahˬ-ahˇ uˆ lahˇ-euˬ nyiˬ tseˇ shiꞈ kʼoꞈ tiˬ kʼoꞈ-ahˇ, Aˬmaˬziˇ-euˬ aˬ li Awˇziˇ gʼaˬ Yuˇdaˆ sahˬ paˬ pyeuꞈ laˇ-euˬ meh.

2 Sahˬpaˬ 15:13

Sahˬ paˬ Awˇziˇ Yuˇdaˆ miˇ kʼahˬ-ahˇ uˆ lahˇ-euˬ smˬ tseˇ gʼoeˬ kʼoꞈ tiˬ kʼoꞈ-ahˇ, Jaˬbehˆ-euˬ aˬ li Shaˬlmˬ gʼaˬ Iˇsaˬleˬlaˆ sahˬ paˬ pyeuꞈ laˇ-awˇ, Saˬmaˬliˆ meuˬ-ahˇ jawˇ-awˇ, ba la tiˬ siˬ ehˇ gʼaˬ ni uˆ lahˇ-euˬ meh.

2 Sahˬpaˬ 15:32

Leˬmaˬliˇ-euˬ aˬ li sahˬ paˬ Peˬkah Iˇsaˬleˬlaˆ miˇ kʼahˬ-ahˇ uˆ lahˇ-euˬ nyiˬ kʼoꞈ tiˬ kʼoꞈ-ahˇ Awˇziˇ-euˬ aˬ li Yoˇdaˬ gʼaˬ Yuˇdaˆ sahˬ paˬ pyeuꞈ laˇ-euˬ meh.

2 Sahˬpaˬ 15:7

Awˇziˇ shiˇ-awˇ, Daˬbiˇ-euˬ meuˬ laꞈ kʼoeˇ jaˆ-eu sahˬ paˬ-euˬ lmˬ bymˇ-ahˇ baꞈ pahˬ nehˬ-euˬ meh. Aˬ yawꞈ-euˬ aˬ li Yoˇdaˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Sahˬpaˬ 18:1

Eˇlahˬ-euˬ aˬ li sahˬ paˬ Awˇsheˬ Iˇsaˬleˬlaˆ miˇ kʼahˬ-ahˇ uˆ lahˇ-euˬ smˇ kʼoꞈ tiˬ kʼoꞈ-ahˇ, Aˬkaˆ-euˬ aˬ li Heˬsaˬgiˇ Yuˇdaˆ sahˬ paˬ pyeuꞈ laˇ-euˬ meh.

2 Sahˬpaˬ 19:2

Kʼoeˇ naˇ, sahˬ paˬ-euˬ hawˇ nymˇ-ahˇ haw-eu pyaˆ-eu yaw huiˬ yaw mahˇ pyeuꞈ-eu Eˇliˇkmˬ, saˇ naˇ gaˇ paw haw-eu yaw huiˬ yaw mahˇ pyeuꞈ-eu Sheˬbaˬnaˬ hawˇ-eu, piˇ ma deuˬ laꞈ kʼoeˇ aˬ yuiꞈ geuꞈ luꞈ-eu deuˬ-ahˇ, Aˬmoˆ-euˬ aˬ li pyeuꞈ-eu Miˬyehˇ gʼaˇ duˬ ngehˬ dah-eu Iˇsaˬyaˇ jawˇ gaˇ aˬ yawꞈ pyehˬ gʼeh-euˬ meh. Aˬ yawꞈ maꞈ kʼawꞈ, guˬ daˇ pehˇ zeuˇ mehˬ tsoeˬ dm luꞈ-eu meh.

2 Laˬsaˬbaˬ 26:1

Yuˇdaˆ miˇ kʼahˬ zaˬ dawˬ tawˆ luꞈ, tseˇ koꞈ kʼoꞈ byah-eu Awˇziˇ-ahˇ, aˬ yawꞈ aˬ da Aˬmaˬziˇ-euˬ dah zaˇ sahˬ paˬ bi geuꞈ-euˬ meh.

2 Laˬsaˬbaˬ 26:22

Sahˬ paˬ Awˇziˇ uˆ lahˇ-euˬ aˇ yamˬ laꞈ kʼoeˇ aˬ yawꞈ neh kʼaˇ mˇ yaꞈ-euˬ gaˇ kawˆ nui deuˬ dawˬ tawˆ luꞈ-ahˇ aˇ dahˬ beh gaˇ neh aˇ saˬ saˬ gaˇ keuˆ ni, Aˬmoˆ-euˬ aˬ li Miˬyehˇ gʼaˇ duˬ ngehˬ dah-eu Iˇsaˬyaˇ neh boꞈ taˬ-euˬ meh.

2 Laˬsaˬbaˬ 27:1

Yoˇdaˬ -aˬ, aˬ yawꞈ-euˬ aˇ kʼoꞈ nyiˬ tseˇ ngaˬ kʼoꞈ kʼawˆ ngeh sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ tseˇ koꞈ kʼoꞈ uˆ lahˇ-euˬ meh. Aˬ yawꞈ-euˬ aˬ ma-aˬ, Zaˬdoˆ-euˬ aˬ buˇ Yeˬluˇshaˬ pyeuꞈ-eu meh.

2 Laˬsaˬbaˬ 28:1

Aˬkaˆ-aˬ, aˇ kʼoꞈ nyiˬ tseˇ kʼawˆ ngeh sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ tseˇ koꞈ kʼoꞈ uˆ lahˇ-euˬ meh. Aˬ yawꞈ-euˬ aˬ poeˬ sahˬ paˬ Daˬbiˇ-euˬ dehꞈ jeˬ dehꞈ kawˆ-ahˇ aˬ yawꞈ maˬ caw teh ni, Sahˬpaˬ Miˬyehˇ nui ma maˬ tsaˬ-eu jeˬ aˬ yawꞈ mˇ-euˬ meh.

2 Laˬsaˬbaˬ 29:33

Tsawˇ haˬ aˇ maꞈ-ahˇ bi dzaˬ-eu lawˇ-eu jeˬ gʼaˇ duˬ kʼawꞈ, mawˇ neˇ mawˇ gaw koꞈ yaˇ mawˇ hawˇ-eu yawˇ smˬ heˇ mawˇ aˬ yawꞈ maˬ tsahˇ laꞈ-euˬ meh.

Jaceuq 89:19

Aˇ hu ba yaw sahˇ laꞈ kʼoeˇ bi siˬ bi mawˇ-eu jeˬ laꞈ kʼoeˇ, nawˬ-ahˇ saˇ jaˇ ziꞈ-eu zaˬ kʼaˆ-ahˇ nawˇ heu loꞈ-ehˇ ehˇ-euˬ meh. “Tsawˇ myahˇ doˆ-eu yehˇ tiˬ gʼaˬ-ahˇ ngaˇ caw ba nehˬ-euˬ ma. Ngaˬ neh tseˇ doˆ-euˬ gʼaˬ-ahˇ sahˬ paˬ-euˬ nuiˇ mahˬ kʼoeˇ taˆ bi nuiˇ-euˬ ma.

Iˇsaˬyaˇ 13:1

Heu-aˬ, Miˬyehˇ neh Aˬmoˆ-euˬ aˬ li Iˇsaˬyaˇ-ahˇ pah mehˬ nehˬ-euˬ, Baˬbuˇloˬ meuˬ-ahˇ taꞈ leˇ-eu gaˇ kawˆ deuˬ meh.

Iˇsaˬyaˇ 2:1

Heu-aˬ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ taꞈ leˇ-awˇ, Aˬmoˆ-euˬ aˬ li Iˇsaˬyaˇ-ahˇ Miˬyehˇ neh pah mehˬ nehˬ-euˬ gaˇ kawˆ meh.

Iˇsaˬyaˇ 20:2

Kʼoeˇ-euˬ mehˬ hu smˇ kʼoꞈ huˬ-ehˇ, “Nawˇ nawˬ luꞈ-eu sehˬ nawˆ hawˇ-eu, nawˇ dm luꞈ-eu guˬ daˇ pehˇ zeuˇ mehˬ tsoeˬ lehˆ dzeh-awˬ” lehˇ, Aˬmoˆ-euˬ aˬ li Iˇsaˬyaˇ-ahˇ Sahˬpaˬ Miˬyehˇ ehˇ nehˬ-euˬ meh. Kʼoeˇ ngeh, Iˇsaˬyaˇ mehˬ tsoeˬ maˬ dm, sehˬ nawˆ maˬ nawˬ ni, smˇ kʼoꞈ cah-euˬ meh.

Iˇsaˬyaˇ 21:2

Kʼehˬ-eu kʼaˆ-eu jeˬ hawˇ-eu ceh geuꞈ lu geuꞈ-eu jeˬ maˬ ehˇ, saˇ jaˇ puiˬ-eu jeˬ hawˇ-eu laˆ luˬ laˆ seˇ-eu jeˬ maˬ ehˇ, yaw sahˇ laꞈ kʼoeˇ ngaˇ ya mawˇ-euˬ ma. Eˇlamˬ guiˇ maꞈ deuˬ-oˇ, guiˇ deuˆ-awˬ. Meˬdiˇ guiˇ maꞈ deuˬ-oˇ, meuˬ deuˬ-ahˇ loꞈ jawˬ-awˬ. Baˬbuˇloˬ meuˬ baˬ da neh myaˆ biˇ ya yoeˇ-eu jeˬ, Miˬyehˇ aˇ saˬ bi saˬ tehꞈ-a.

Iˇsaˬyaˇ 37:2

Kʼoeˇ naˇ, sahˬ paˬ-euˬ nymˇ-ahˇ haw-eu pyaˆ-eu paw aˬ yuiꞈ geuꞈ luꞈ-eu Eˇliˇkmˬ, saˇ naˇ-ahˇ gaˇ nyehꞈ tehˬ-eu Sheˬbaˬnaˬ hawˇ-eu, piˇ ma yaw huiˬ deuˬ-ahˇ, Aˬmoˆ-euˬ aˬ li Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Iˇsaˬyaˇ jawˇ gaˇ pyehˬ gʼeh-euˬ meh. Aˬ ha smˇ gʼaˬ kʼawꞈ, guˬ daˇ pehˇ zeuˇ mehˬ tsoeˬ dm-awˇ iˇ-euˬ meh.

Iˇsaˬyaˇ 38:1

Aˇ yamˬ kʼoeˇ yamˬ-ahˇ, sahˬ paˬ Heˬsaˬgiˇ shiˇ taw tehˬ ni naˇ luꞈ-eu meh. Aˬmoˆ-eu aˬ li Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Iˇsaˬyaˇ aˬ yawꞈ-ahˇ haw leˇ-awˇ ehˇ-eu, “Yawˬ jeˬ na luꞈ lehˬ hmˬ laˆ dah yaꞈ jiˇ-awˬ. Aˬ jeˬ miˇ neh ehˇ naˇ, nawˇ naˇ-eu maˬ paˇ taˬ leˇ nya meh. Shiˇ-eu gʼaˇ duˬ lehˬ hmˬ-awˬ lehˇ Sahˬpaˬ Miˬyehˇ ehˇ-eu meh.”

Iˇsaˬyaˇ 40:9

Yeˬluˇsaˬlehˬ-oˇ, gawˬ jawˬ yaw goˇ-ahˇ daˆ leˇ-awˇ, laˬ kʼaˬ cehˇ-eu guiˬ lahˬ dawˬ guˇ gaˬ-awˬ. Ziˇoˬ gawˬ jawˬ-oˇ, teˇ saˇ yaw kʼaˆ kʼaˆ-ehˇ guˇ-awˇ, laˬ kʼaˬ cehˇ-eu guiˬ lahˬ dawˬ tsaꞈ gaˬ-awˬ. Maˬ guˆ ni dawˬ tmˇ dawˬ dzawˇ mˇ-awˇ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ, aˬ yawꞈ maꞈ-euˬ Miˬyehˇ oe luꞈ meh lehˇ ehˇ gaˬ nehˬ-awˬ.

Iˇsaˬyaˇ 6:1

Sahˬ paˬ Awˇziˇ shiˇ ngeh kʼoꞈ, Sahˬpaˬ Miˬyehˇ-ahˇ ngaˇ mawˇ-euˬ ma. Aˬ yawꞈ-euˬ nuiˇ mahˬ-ahˇ nuiˇ-awˇ, aˬ yawꞈ-ahˇ ciˬ huiˬ ciˬ mahˇ nehˬ-euˬ meh. Aˬ yawꞈ-euˬ pehˇ kʼahˬ pehˇ mahˇ Uˬ duˬ tahˬ nymˇ nymˇ ma ma lah-ehˇ byah-eu meh.

Iˇsaˬyaˇ 7:1

Yoˇdaˬ-euˬ aˬ li pyeuꞈ-awˇ, Awˇziˇ-euˬ oeˬ paˬ pyeuꞈ-eu sahˬ paˬ Aˬkaˆ Yuˇdaˆ miˇ kʼahˬ-ahˇ uˆ lahˇ ngeh, Suˇliˆ sahˬ paˬ Leˬzeˬ hawˇ-eu, Iˇsaˬleˬlaˆ sahˬ paˬ pyeuꞈ-eu Leˬmaˬliˇ-euˬ aˬ li Peˬkah aˬ nyaꞈ Yeˬluˇsaˬlehˬ meuˬ-ahˇ guiˇ deuˆ le-euˬ meh. Ehˇ kʼawꞈ, maˬ deuˆ gʼaˬ nya-a.

Yeˬlaˬmiˇ 23:16

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ ehˇ gaˇ taˬ naˇ haˬ. Aˬ yawꞈ maꞈ naw maꞈ-ahˇ, maˬ tsaˬ maˬ dawˇ-eu noeˬ tmˬ duˬ biꞈ byah nehˬ laꞈ-euˬ meh. Ngaˬ neh bi ehˇ-euˬ dawˬ naw maꞈ-ahˇ maˬ ehˇ nehˬ ni, aˬ yawꞈ maꞈ neh kʼaˇ noeˬ doˆ-euˬ jeˬ tehꞈ-ehˇ ehˇ nehˬ-euˬ meh.

Yeˬsaˬgeˬlaˇ 1:1

Aˇ kʼoꞈ smˬ tseˇ kʼoꞈ tiˬ kʼoꞈ, ba la oeˬ siˬ tiˬ siˬ, aˇ nah ngaˬ nah tiˬ nah-ahˇ, Buˇziꞈ-euˬ aˬ li pyeuꞈ-eu ngaˇ piˇ ma Yeˬsaˬgeˬlaˇ-aˬ, Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ Yuˇdaˆ tsawˇ haˬ deuˬ nehˬ-ehˇ, Baˬbuˇloˬ miˇ kʼahˬ-ahˇ jaˆ-eu Ceˬbaˬ lawˇ baˬ dawˬ peh jawˇ luꞈ-eu ma. Mˬ pah dzeh le-awˇ, yaw sahˇ laꞈ kʼoeˇ Miˬyehˇ-ahˇ ngaˇ ya mawˇ-euˬ ma.

Hawˇseˬ 1:1

Heu-aˬ, Awˇzeˬ, Yoˇdaˬ, Aˬgaˆ, Heˬsaˬgiˇ aˬ ha maꞈ Yuˇdaˆ miˇ kʼahˬ-euˬ sahˬ paˬ geuꞈ-awˇ, Yeˬhawˇshaˆ-euˬ aˬ li Yeˬyawˇbaoˬ gʼaˬ Iˇsaˬleˬlaˆ miˇ kʼahˬ-euˬ sahˬ paˬ geuꞈ luꞈ ngeh, Beˬliˇ-euˬ aˬ li Hawˇseˬ jawˇ gaˇ keuˆ le-euˬ Sahˬpaˬ Miˬyehˇ-euˬ dawˬ meh.

Aˬmoˆ 1:1

Heu-aˬ, Teˬkawˬ meuˬ-ahˇ jawˇ-eu yawˇ bo-eu tsawˇ haˬ tiˬ gʼaˬ pyeuꞈ-eu Aˬmoˆ-euˬ dawˬ deuˬ meh. Miˇ luˆ luˆ-euˬ mehˬ hu nyiˬ kʼoꞈ-ahˇ, Awˇziˇ gʼaˬ Yuˇdaˆ sahˬ paˬ geuꞈ luꞈ-awˇ, Yeˬhawˇshaˆ-euˬ aˬ li Yeˬyawˇbamˬ gʼaˬ Iˇsaˬleˬlaˆ sahˬ paˬ geuꞈ luꞈ ngeh yamˬ-ahˇ, Iˇsaˬleˬlaˆ miˇ kʼahˬ-ahˇ taꞈ leˇ-eu gaˇ kawˆ heu deuˬ dawˬ tawˆ luꞈ, Aˬmoˆ-ahˇ Miˬyehˇ pah mehˬ nehˬ-euˬ meh.

Aˬmoˆ 4:5

Miˬyehˇ-euˬ guiˬ lahˬ-ahˇ noeˬ keuˆ-eu laꞈ kʼoeˇ kaˬ muˇ lawˇ-awˬ. Kʼoeˇ uˬ taꞈ-ehˇ, nui ma keuˆ-eu laꞈ kʼoeˇ lawˇ-eu jeˬ lawˇ-awˇ kʼahˬ sehˇ jehˆ-awˬ. Naw maꞈ kʼoeˇ loꞈ-ehˇ mˇ mawꞈ-eu maˬ ngeuˇ loˇ.

Miˇkaˬ 1:1

Yoˇdaˬ, Aˬkaˆ, Heˬsaˬgiˇ, heu deuˬ Yuˇdaˆ miˇ kʼahˬ-euˬ sahˬ paˬ geuꞈ-euˬ aˇ yamˬ-ahˇ, Mawˇleˇshehˆ meuˬ-ahˇ jawˇ-euˬ Miˇkaˬ jawˇ gaˇ Sahˬpaˬ Miˬyehˇ-euˬ dawˬ keuˆ le-euˬ meh. Saˬmaˬliˆ meuˬ hawˇ-eu Yuˇdaˆ miˇ kʼahˬ-ahˇ taꞈ leˇ-eu gaˇ kawˆ heu deuˬ dawˬ tawˆ luꞈ, Miˇkaˬ-ahˇ Sahˬpaˬ Miˬyehˇ pah mehˬ nehˬ-euˬ meh.

Naˬhmˬ 1:1

Heu-aˬ, Eˇlaˬkawˇshaˆ meuˬ-ahˇ jawˇ-eu Naˬhmˬ neh, Niˇnaˬbeˬ meuˬ gaˇ kawˆ yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu meh.

Haˬbaˬkuˆ 2:2

Sahˬpaˬ Miˬyehˇ ehˇ kʼoꞈ leꞈ-euˬ, “Ngaˬ neh nawˬ-ahˇ pah mehˬ-euˬ jeˬ, yaw awˇ laꞈ-ehˇ gui doˆ nya ni, tsaˬ byaˆ kʼoeˇ taˆ toeˬ boꞈ taˬ-awˬ.

Bawˇtsahˬ 12:6

Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.

Bawˇtsahˬ 24:16

Miˬyehˇ-euˬ dawˬ-ahˇ gaˬ nya-awˇ, dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu gʼaˬ jawˇ gaˇ neh oe-euˬ zaˬ siˬ nui gahˇ za-euˬ gʼaˬ-euˬ dawˬ heu loˇ ma. Baoˬ huiˬ-eu Miˬyehˇ neh mehˬ nehˬ laꞈ-euˬ jeˬ-ahˇ, yaw sahˇ laꞈ kʼoeˇ maˇ jawˆ ni ngaˇ mawˇ-euˬ ma.

Bawˇtsahˬ 24:4

Miˬyehˇ-euˬ dawˬ-ahˇ gaˬ nya-eu gʼaˬ-euˬ dawˬ-aˬ, heu loꞈ-ehˇ ma. Baoˬ huiˬ-eu Miˬyehˇ neh mehˬ nehˬ laꞈ-euˬ jeˬ-ahˇ, yaw sahˇ laꞈ kʼoeˇ maˇ jawˆ ni ngaˇ mawˇ-euˬ ma.

Maꞈtehˬ 17:9

Aˬ yawꞈ maꞈ gawˬ jawˬ-ahˇ neh zaꞈ ka le luꞈ ngeh, aˬ ha smˇ gʼaˬ-ahˇ Yeˬsuˇ ehˇ nehˬ-eu, “Tsawˇhaˬ-euˬ Zaˬmaˇ shiˇ-awˇ, Miˬyehˇ neh maˬ bi gʼoꞈ dehꞈ laˇ kʼoeˇ keuˆ ni, naw maꞈ neh yaw sahˇ laꞈ kʼoeˇ ya mawˇ-euˬ gaˇ kawˆ heu, aˬ cawˬ tiˬ gʼahˬ-ahˇ-iˬ taˬ ja nehˬ.”

Gʼaˬkʼehˇ 10:17

Yaw sahˇ laꞈ kʼoeˇ ya mawˇ-euˬ gaˇ kawˆ kʼoeˇ-euˬ dawˬ tsuiꞈ-ahˇ Beˬtuˆluˆ zahˬ leˇ-awˆ jawˇ ngeh, Gawˬneˬliˇ neh kʼehˇ gʼeh leꞈ-euˬ tsawˇ haˬ kʼoeˇ smˇ gʼaˬ Siˇmoˬ-euˬ nymˇ-ahˇ naˇ haˬ ka leꞈ-awˇ, nymˇ gʼoˆ kʼehˬ-ahˇ oe keuˆ-awˇ yawꞈ luꞈ-eu meh.

Gʼaˬkʼehˇ 26:19

“Kʼoeˇ miˇ neh, sahˬ paˬ Aˬgiˇpaˆ-oˇ, mˬ kʼoeˇ taˆ neh oe-euˬ yaw sahˇ laꞈ kʼoeˇ bi siˬ bi mawˇ-le-euˬ jeˬ-ahˇ ngaˇ maˬ naˇ haˬ geuꞈ ni maˬ byehˇ-aˬ.

2 Gawˇliˬtu 12:1

Kʼahˬ sehˇ jehˆ-eu jeˬ gaˇ dahˇ maˬ tsoeˬ kʼawꞈ, ngaˇ kʼahˬ sehˇ ya jehˆ meh. Nymˬ-mˇ ngaˇ Sahˬpaˬ Yeˬsuˇ neh pah mehˬ nehˬ laꞈ-euˬ yaw sahˇ laꞈ kʼoeˇ ya siˬ ya mawˇ-euˬ gaˇ kawˆ ja ma.

2 Beˬtuˆluˆ 1:21

Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-euˬ dawˬ aˬ geu dawˬ maˬ kaˬ, tsawˇ haˬ zaˬ-euˬ nui ma laꞈ kʼoeˇ neh doˆ laˇ-euˬ jeˬ maˬ ngeuˇ-a. Ehˇ kʼawꞈ, Miˬyehˇ jawˇ gaˇ neh doˆ le-euˬ dawˬ deuˬ-ahˇ tsawˇ haˬ zaˬ ngehˬ dah ngeh, aˬ yawꞈ maꞈ-ahˇ Muiˬ-eu shawˇ-eu Yaw sahˇ Miˬyehˇ uˆ lahˇ-awˇ bi ngehˬ-eu meh.