Iˇsaˬtaˆ 9:2 - Akha

² Sahˬ paˬ Dzeuˬsehˆ-euˬ miˇ kʼahˬ laꞈ kʼoeˇ kʼaˇ jaˆ-eu Yuˇdaˆ tsawˇ haˬ-euˬ meuˬ deuˬ laꞈ kʼoeˇ, Yuˇdaˆ tsawˇ haˬ deuˬ uiˬ leˇ-awˇ, aˬ yawꞈ maꞈ-ahˇ sehꞈ laˇ-eu tsawˇ haˬ deuˬ-ahˇ deuˆ-eu lehˇ lehˬ hmˬ taˬ-euˬ meh. Yawˬ gaˇ na luꞈ aˬ cawˬ aˬ yawꞈ maꞈ-ahˇ guˆ-awˇ, tiˬ gʼaˬ-iˬ maˬ yawꞈ daˬ leˇ peuˬ-a.

Iˇsaˬtaˆ 9:2 Iomraidhean Croise

Aˇ dahˬ 35:5

Yaˬkoˆ hawˇ-eu aˬ yawꞈ-euˬ aˬ li deuˬ pawˇ-iˇ ngeh, dawˬ peh jaˆ-eu meuˬ deuˬ-ahˇ jawˇ-eu tsawˇ haˬ deuˬ guˆ dui dui-eu miˇ neh, aˬ yawꞈ maꞈ-euˬ mehˬ nah maˬ caw teh peuˬ-a.

Iˇsaˬtaˆ 8:11

Sahˬ boꞈ kʼoeˇ taꞈ laꞈ kʼoeˇ heu loꞈ-ehˇ boꞈ taˬ-euˬ meh. “Meuˬ aˬ yawꞈ meuˬ yawꞈ-ahˇ jawˇ-eu Yuˇdaˆ tsawˇ haˬ deuˬ yawˬ ha tsawˇ jeuˬ-ahˇ yawˬ ha deuˆ piˇ-eu gʼaˇ duˬ, aˇ muˇ muˇ-awˇ lehˬ hmˬ taˬ nya meh. Miˇ kʼahˬ aˬ geu kʼahˬ-ahˇ jawˇ-eu tsawˇ jeuˬ aˬ geu jeuˬ maˬ kaˬ, guiˇ deuˆ-eu keu ka baꞈ-awˇ aˬ yawꞈ maꞈ-ahˇ deuˆ laˇ naˇ, aˬ yawꞈ maꞈ kʼawꞈ paˇ deuˆ ceh ceh-eu laꞈ kʼoeˇ, tsawˇ haˬ kʼoeˇ deuˬ hawˇ-eu aˬ yawꞈ maꞈ-euˬ miˬ sawˇ zaˬ deuˬ tiˬ gʼaˬ-iˬ maˬ bi dzeuˇ-iˇ ni sehꞈ-awˇ, pyuˇ shuiˇ myawˬ gahˬ deuˬ yuˇ geuꞈ nya meh.

Iˇsaˬtaˆ 8:17

Sahˬ paˬ-euˬ dawˬ kʼaˇ gaˬ keuˆ-iˇ-euˬ meuˬ yawˬ meuˬ na luꞈ laꞈ kʼoeˇ, Yuˇdaˆ tsawˇ haˬ deuˬ dzaˬ byawˬ dawˇ byawˬ byawˬ-awˇ nah lah lah-euˬ meh. Aˬ cawˬ tsawˇ jeuˬ gʼawˬ mya ni Yuˇdaˆ tsawˇ haˬ-ahˇ guˆ laˇ-awˇ, Yuˇdaˆ tsawˇ jeuˬ geuꞈ-euˬ meh.

Jaceuq 71:13

Ngaˬ-ahˇ laˆ coeˬ laˆ ciˆ le-eu tsawˇ haˬ deuˬ, laˆ luˬ laˆ seˇ nehˬ gaˇ ya daˬ luꞈ-uˇ. Ngaˬ-ahˇ laˆ tahˬ laˆ naˇ mawꞈ-eu deuˬ kʼoeˇ taˆ, shaꞈ dawˇ-eu jeˬ hawˇ-eu nui ma cawˆ-eu jeˬ keuˆ le luꞈ-uˇ.

Jaceuq 71:24

Ngaˬ-ahˇ laˆ coeˬ laˆ ciˆ mawꞈ-eu deuˬ kʼoeˇ taˆ, shaꞈ dawˇ-eu jeˬ bi keuˆ le-euˬ miˇ neh, nawˬ-euˬ yaw tsaˬ yaw dawˇ jeˬ gaˇ kawˆ, nah ga-ehˇ ngaˇ ja ceuˬ ma.

Doˆ-iˇ 23:27

“Naw maꞈ-ahˇ laˆ tsoeˬ-eu tsawˇ haˬ deuˬ ngaˬ-ahˇ guˆ-iˇ ni ngaˇ jahˇ ma. Naw maꞈ-ahˇ guiˇ deuˆ-eu tsawˇ haˬ-ahˇ ngaˇ laˆ bahˬ laˆ baˆ nehˬ-awˇ, naw maꞈ-ahˇ muiˇ-eu tsawˇ haˬ dawˬ tawˆ luꞈ, naw maꞈ jawˇ gaˇ neh ya cehˆ byoˆ ni ngaˇ jahˇ nehˬ ma.

Iˇsaˬyaˇ 8:9

Miˇ kʼahˬ tsawˇ jeuˬ deuˬ-oˇ, guˆ-eu laꞈ kʼoeˇ tiˬ gaˇ uiˬ leˇ-awˬ. Gaˇ mahˇ kaˬ-eu miˇ kʼahˬ deuˬ-oˇ, naˬ bawˇ ciˬ kʼmˇ-awˬ. Guiˇ deuˆ-eu gʼaˇ duˬ lehˬ hmˬ-awˬ. Ehˇ kʼawꞈ maˬ guˆ-ehˇ taˬ gʼeh. Guiˇ deuˆ-eu gʼaˇ duˬ lehˬ hmˬ-awˬ. Ehˇ kʼawꞈ maˬ guˆ-ehˇ taˬ gʼeh.

Dawˬmehˬ 2:30

“Ehˇ kʼawꞈ, sahˬ paˬ Siˇhoˬ-aˬ, aˬ yawꞈ-euˬ miˇ kʼahˬ laꞈ kʼoeˇ aˬ dui maꞈ-ahˇ maˬ bi cah tsehˆ laꞈ-aˬ. Aˬ yawꞈ-ahˇ aˬ dui guiˇ deuˆ-awˇ gʼaˬ leˇ-eu laꞈ kʼoeˇ, nymˬ-mˇ keuˆ ni aˬ dui-euˬ laꞈ-ahˇ jaˆ luꞈ-eu aˬ yawꞈ-euˬ miˇ kʼahˬ heu aˬ dui za ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.

Yawˇshuˆ 11:20

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, tsawˇ jeuˬ kʼoeˇ deuˬ-ahˇ geuꞈ-eu jeˬ maˬ ahˇ ni bi laˆ luˬ bi laˆ seˇ jiˇ-awˇ, gʼawˬ shaˬ maˬ gaˬ nehˬ ni bi sehꞈ jiˇ-eu gʼaˇ duˬ, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ maˬ guˆ-ehˇ guiˇ deuˆ peuˬ ni, aˬ yawꞈ maꞈ-euˬ nui ma gʼahˇ laˇ ni Sahˬpaˬ Miˬyehˇ jahˇ-euˬ meh.

Yawˇshuˆ 2:9

aˬ yawꞈ nyaꞈ-ahˇ heu loꞈ-ehˇ ehˇ nehˬ-euˬ meh. “Miˇ kʼahˬ heu kʼahˬ Sahˬpaˬ Miˬyehˇ neh naw maꞈ-ahˇ biꞈ gʼaˬ-euˬ meh lehˇ ngaˇ siˬ nya ma. Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ naw maꞈ-ahˇ guˆ dui dui meh.