Iˇsaˬtaˆ 9:1 - Akha

¹ Sahˬ paˬ neh miˇ kʼahˬ-ahˇ bi siˬ bi gaˬ taˬ-euˬ dawˬ byah laˇ-eu aˇ nah hawˇ-eu, Yuˇdaˆ tsawˇ haˬ-ahˇ muiˇ-eu tsawˇ haˬ deuˬ Yuˇdaˆ tsawˇ jeuˬ-ahˇ zuiˆ gʼaˬ ma lehˇ noeˬ tmˬ taˬ-euˬ aˇ nah pyeuꞈ-eu, Aˬdaˬlaˬ ba la tseˇ smˬ nah keuˆ laˇ-euˬ meh. Ehˇ kʼawꞈ, Yuˇdaˆ tsawˇ haˬ deuˬ neh aˬ yawꞈ maꞈ-ahˇ muiˇ-eu tsawˇ haˬ kʼoeˇ deuˬ-ahˇ, tahˬ poˆ-ehˇ paˇ bi gʼaˬ leˇ-euˬ meh.

Iˇsaˬtaˆ 9:1 Iomraidhean Croise

2 Saˬmeuˬlaˆ 22:41

Muiˇ-eu deuˬ naˇ kʼahˇ ciꞈ pyawˇ-awˇ, cehˆ byaˆ jiˇ ni nawˇ jahˇ-euˬ meh. Ngaˬ-ahˇ bye-eu tsawˇ haˬ kʼoeˇ deuˬ, ngaˇ laˆ luˬ laˆ seˇ nehˬ-euˬ ma.

Iˇsaˬtaˆ 3:13

Cehˆ coeˬ coeˬ-awˇ sahˬ boꞈ sha-eu tsawˇ haˬ deuˬ miˇ kʼahˬ kʼahˬ ma kʼoeˇ kʼahˬ laꞈ kʼoeˇ jaˆ-eu miˇ kʼahˬ yawˬ kʼahˬ na luꞈ-ahˇ, sahˬ boꞈ kʼoeˇ sha-iˇ-euˬ meh. Aˬdaˬlaˬ ba la tseˇ smˬ nah kʼoeˇ nah laꞈ kʼoeˇ tehꞈ-ehˇ, tsawˇ kʼaˆ maˬ ehˇ, zaˬ guˬ maˬ ehˇ, zaˬ miˬ zaˬ maˬ ehˇ, zaˬ maˬ ehˇ, Yuˇdaˆ tsawˇ haˬ kʼaˇ ngeuˇ-eu dawˬ tawˆ luꞈ-ahˇ ya sehꞈ jiˇ meh lehˇ, sahˬ boꞈ kʼoeˇ taꞈ laꞈ kʼoeˇ boꞈ taˬ-euˬ meh. Aˬ yawꞈ maꞈ-ahˇ gʼawˬ shaˬ maˬ gaˬ ni bi sehꞈ dzeh jiˇ-awˇ, aˬ yawꞈ maꞈ-euˬ pyuˇ shuiˇ myawˬ gahˬ deuˬ ya yuˇ meh lehˇ boꞈ taˬ-euˬ meh.

Iˇsaˬtaˆ 3:7

Sahˬ paˬ Dzeuˬsehˆ uˆ lahˇ-eu tseˇ nyiꞈ kʼoꞈ tiˬ kʼoꞈ ba la yaw beh siˬ pyeuꞈ-eu Niˬsaˬ ba la-ahˇ, Haˬmaˬ aˬ yawꞈ neh noeˬ taˬ-euˬ jeˬ aˇ dahˬ beh-awˇ mˇ-eu gʼaˇ duˬ, Puˬlmˬ lehˇ kuˇ-eu mehˇ beuˬ-eu laꞈ kʼoeˇ, ba la aˇ siˬ hawˇ-eu aˇ nah tseˇ-eu gʼaˇ duˬ dawˬ biꞈ-awˇ bi tseˇ duˬ ngeh, ba la tseˇ nyiꞈ siˬ tiˬ siˬ pyeuꞈ-eu Aˬdaˬlaˇ ba la tseˇ smˬ nah tiˬ nah-ahˇ tsaˬ leˇ-euˬ meh.

Iˇsaˬtaˆ 8:12

Ba la tseˇ nyiꞈ siˬ tiˬ siˬ pyeuꞈ-eu Aˬdaˬlaˇ ba la tseˇ smˬ nah, Yuˇdaˆ tsawˇ haˬ deuˬ-ahˇ ya sehꞈ meh lehˇ ehˇ taˬ-euˬ kʼoeˇ nah-ahˇ neh dahˬ beh-awˇ, sahˬ boꞈ heu taꞈ laꞈ kʼoeˇ kʼaˇ ehˇ taˬ-euˬ dawˬ deuˬ-ahˇ Paˇshaˇ miˇ kʼahˬ kʼahˬ lah ni ya caw teh meh.

Iˇsaˬtaˆ 8:6

Ngaˬ-euˬ tsawˇ jeuˬ kʼoeˇ taˆ luˬ-iˇ seˇ-iˇ-eu jeˬ keuˆ le-awˇ, ngaˬ-euˬ aˬ yuiꞈ aˬ nyiˇ deuˬ bi sehꞈ jiˇ-eu keuˆ le-euˬ miˇ neh ngaˬ-ahˇ maˬ jawˇ tehˬ coeˇ nya.”

Iˇsaˬtaˆ 9:17

Aˬdaˬlaˬ ba la tseˇ smˬ nah ngeh nah-ahˇ, aˬ yawꞈ maꞈ kʼoeˇ loꞈ-ehˇ jahˇ-euˬ meh. Tseˇ oeˬ nah tiˬ nah keuˆ laˇ ngeh, aˬ yawꞈ maꞈ tsawˇ haˬ maˬ paˇ sehꞈ ni, byawˬ gʼa-awˇ nah lah lah-euˬ meh.

Jaceuq 18:40

Muiˇ-eu deuˬ-ahˇnawˇteh byaˆ-awˇ, ngaˬ-ahˇbye-eu tsawˇhaˬdeuˬ-ahˇ, ngaˇlaˆluˬlaˆseˇnehˬ-euˬma.

Jaceuq 30:11

Ngaˇnoeˬshaˬnoeˬzahˬ-eu jeˬ-ahˇ, laˬkʼaˬcehˇ-eu jeˬpyeuꞈlaˇni, nawˬneh yuˇpaˇnehˬlaꞈ-euˬmeh. Nui ma shaˬzahˬnyehꞈlehˆlaꞈ-awˇ, laˬkʼaˬcehˇnui saˇza-eu jeˬ, nawˬneh nyehꞈdm nehˬlaꞈ-euˬmeh.

Gʼaˬkʼehˇ 12:11

Kʼoeˇ ngeh, Beˬtuˆluˆ yaw muiˬ paˬ-ehˇ noeˬ gahˇ laˇ-awˇ, heu loꞈ-ehˇ ehˇ-eu meh. “Nymˬ-mˇ poˆ jawˇ-aˬ, yuꞈ maˆ maˆ-eu maˬ ngeuˇ-ehˇ aˬ diˇ aˬ maˇ pyeuꞈ luꞈ law hawˇ ngaˬ tawˇ. Sahˬpaˬ Miˬyehˇ-aˬ, aˬ yawꞈ-euˬ mˬ taˆ gʼaˬ kʼehˇ pyehˬ gʼeh leꞈ-awˇ, Heˬloˆ-euˬ baoˬ laꞈ kʼoeˇ maˬ ehˇ, Yuˇdaˆ tsawˇ haˬ deuˬ neh ngaˬ-ahˇ jahˇ nehˬ-eu lehˇ noeˬ tmˬ taˬ-euˬ jeˬ laꞈ kʼoeˇ maˬ ehˇ, ngaˬ-ahˇ bi ka kʼoꞈ le-euˬ ngaˇ.”

Dawˬmehˬ 32:36

Yawꞈ-euˬ tsawˇ haˬ gʼaˬ juˬ-iˇ ngeh, Sahˬpaˬ Miˬyehˇ ka kʼoꞈ tehꞈ-a. Yawꞈ-ahˇ saˇ jaˇ ziꞈ luꞈ-eu deuˬ, caw ba nehˬ-eu gʼaˬ maˬ jawˇ ngeh, aˬ yawꞈ gʼawˬ shaˬ gaˬ nehˬ tehꞈ-a.

Panmaeq 11:18

Nawˬ-euˬ nui pehˇ keuˆ le luꞈ-awˇ, shiˇ-eu deuˬ-ahˇ yaˇ kʼaˬ daˇ-eu aˇ yamˬ keuˆ le taˬ-euˬ miˇ neh, aˬ cawˬ tsawˇ jeuˬ tsawˇ ca kʼoeˇ deuˬ, nui ma pehˇ dui dui luꞈ-eu meh. Miˬyehˇ gʼaˇ duˬ ngehˬ dah nehˬ-euˬ, nawˬ-ahˇ yaw zeu baw-awˇ dehꞈ-eu, nawˬ-euˬ tsawˇ haˬ dawˬ tawˆ luꞈ-ahˇ, huiˬ zaˬ nyiˇ zaˬ maˬ tseˇ paˆ ni, guiˬ lahˬ biꞈ yamˬ keuˆ le-euˬ meh. Miˇ tsaˬ-ahˇ laˆ cawˆ-euˬ deuˬ-ahˇ, laˆ cawˆ kʼoꞈ yamˬ keuˆ le-euˬ meh.”