Iˇsaˬtaˆ 8:6 - Akha

⁶ Ngaˬ-euˬ tsawˇ jeuˬ kʼoeˇ taˆ luˬ-iˇ seˇ-iˇ-eu jeˬ keuˆ le-awˇ, ngaˬ-euˬ aˬ yuiꞈ aˬ nyiˇ deuˬ bi sehꞈ jiˇ-eu keuˆ le-euˬ miˇ neh ngaˬ-ahˇ maˬ jawˇ tehˬ coeˇ nya.”

Iˇsaˬtaˆ 8:6 Iomraidhean Croise

Aˇ dahˬ 44:34

Aˬ li heu li maˬ ahˇ naˇ, ngaˬ da jawˇ gaˇ ngaˇ maˬ gʼoꞈ keuˆ leˇ peuˬ nya. Ngaˬ da shaˬ zahˬ mˇ gaˇ ngaˇ uˇ gawˇ nya.”

Neˬhaˬmiˇ 2:3

Ehˇ kʼawꞈ aˬ yawꞈ-ahˇ ngaˇ heu loꞈ-ehˇ ehˇ kʼoꞈ nehˬ-euˬ ma. “Sahˬ paˬ-oˇ, nawˇ ziˇ baw ziˇ za luꞈ-uˇ. Ngaˬ-euˬ aˬ poeˬ aˬ bawˇ deuˬ-euˬ lmˬ bymˇ jaˆ-eu meuˬ cawˆ-iˇ-awˇ, meuˬ lahˇ laˇ gʼoˆ deuˬ-ahˇ miˬ dzaˬ puiˆ dzeh jiˇ-euˬ miˇ neh, ngaˬ-ahˇ maˬ noeˬ shaˬ-ehˇ maˬ jawˇ tehˬ coeˇ nya.”

Iˇsaˬtaˆ 7:4

Ngaˇ hawˇ-eu ngaˬ-euˬ tsawˇ jeuˬ-aˬ, aˬ cawˬ neh bi sehꞈ-eu lehˇ bi ahˬ dzaˬ taˬ-euˬ tsawˇ haˬ deuˬ pyeuꞈ-eu ma. Zaˬ kʼaˆ bi geuꞈ-eu gʼaˇ duˬ tehꞈ-ehˇ nga maꞈ-ahˇ ahˬ dzaˬ-euˬ law nmˇ-aˬ, nawˬ-ahˇ heu loꞈ-ehˇ shaˇ shaˇ-ehˇ maˬ paˇ laˆ bahˬ-eu ma. Nymˬ-mˇ-aˬ, nga maꞈ tsawˇ jeuˬ aˇ yoeˬ bi sehꞈ cuˆ-eu keuˆ laˇ taˬ-euˬ meh.”

Iˇsaˬtaˆ 9:1

Sahˬ paˬ neh miˇ kʼahˬ-ahˇ bi siˬ bi gaˬ taˬ-euˬ dawˬ byah laˇ-eu aˇ nah hawˇ-eu, Yuˇdaˆ tsawˇ haˬ-ahˇ muiˇ-eu tsawˇ haˬ deuˬ Yuˇdaˆ tsawˇ jeuˬ-ahˇ zuiˆ gʼaˬ ma lehˇ noeˬ tmˬ taˬ-euˬ aˇ nah pyeuꞈ-eu, Aˬdaˬlaˬ ba la tseˇ smˬ nah keuˆ laˇ-euˬ meh. Ehˇ kʼawꞈ, Yuˇdaˆ tsawˇ haˬ deuˬ neh aˬ yawꞈ maꞈ-ahˇ muiˇ-eu tsawˇ haˬ kʼoeˇ deuˬ-ahˇ, tahˬ poˆ-ehˇ paˇ bi gʼaˬ leˇ-euˬ meh.

Yeˬlaˬmiˇ 4:19

Shaˬ zahˬ naꞈ-eu shaˬ zahˬ, shaˬ zahˬ maˬ daˬ coeˇ nya. Nui ma cehˇ tahˬ, nui ma cehˇ tahˬ, ciˬ cuˇ ni maˬ dzahˬ tehˬ coeˇ nya. Daˇ heh teˇ saˇ hawˇ-eu, guiˇ deuˆ-eu teˇ saˇ gaˬ laˇ nya.

Yeˬlaˬmiˇ 9:1

Aˬ cawˬ neh bi sehꞈ-euˬ ngaˬ-euˬ tsawˇ jeuˬ gʼaˇ duˬ, uˬ ciꞈ nah gʼahˇ ngaˇ ngoeˇ coeˇ ni, uˬ duˬ iˇ cuꞈ lah duˬ pyeuꞈ-awˇ, myaˆ biˇ iˇ beuˆ yoeˇ nmˇ duˇ nya.

Lormav 10:1

Aˬ yuiꞈ aˬ nyiˇ Ka li zaˬ deuˬ-oˇ, ngaˬ-euˬ nui ma laꞈ kʼoeˇ ngaˬ-euˬ tsawˇ jeuˬ ka kʼoꞈ-eu jeˬ bi za mawꞈ dui dui nya. Aˬ yawꞈ maꞈ gʼaˇ duˬ ngaˇ guiˬ lahˬ shaˇ dui dui luꞈ ma.