Iˇsaˬtaˆ 8:5 - Akha

⁵ “Sahˬ paˬ-oˇ, nawˇ ngaˬ-ahˇ gʼawˬ shaˬ gaˬ-eu laꞈ kʼoeˇ, tsaˬ tehꞈ-a lehˇ noeˬ-awˇ mˇ nehˬ laꞈ nya naˇ, Aˬgaˆ aˇ jeuˬ Haˬmeˬdaˬtaˬ-euˬ aˬ li Haˬmaˬ neh miˇ kʼahˬ kʼahˬ ma heu kʼahˬ laꞈ kʼoeˇ kʼaˇ jawˇ-eu Yuˇdaˆ tsawˇ haˬ dawˬ tawˆ luꞈ-ahˇ sehꞈ jiˇ-awˬ lehˇ miˇ kʼahˬ doe ni pyehˬ taˬ-euˬ dawˬ kʼoeˇ dawˬ-ahˇ laˆ tsoeˬ-eu dawˬ tiˬ poˆ pyehˬ neh laꞈ sheˇ.

Iˇsaˬtaˆ 8:5 Iomraidhean Croise

Iˇsaˬtaˆ 2:17

Zaˬ miˬ aˬ buˇ zaˬ guˬ dawˬ tawˆ luꞈ laꞈ kʼoeˇ, aˬ yawꞈ-ahˇ sahˬ paˬ mawꞈ dzehˬ leˇ-awˇ, dawˬ tawˆ luꞈ naˆ maˬ tseˇ aˬ yawꞈ-ahˇ gaˬ dzehˬ-euˬ meh. Aˬ yawꞈ-euˬ uˬ duˬ-ahˇ sahˬ paˬ miˬ zaˬ kʼoˆ-eu shuiˇ uˬ kʼoˆ nyehꞈ kʼoˆ nehˬ-awˇ, Baˬshaˬtiˇ-euˬ dah zaˇ sahˬ paˬ miˬ zaˬ bi geuꞈ-euˬ meh.

Iˇsaˬtaˆ 2:4

Kʼoeˇ naˇ, nawˇ mawꞈ dzehˬ leˇ-eu gʼaˬ-ahˇ sheuˬ-awˇ, Baˬshaˬtiˇ-euˬ jawˇ duˬ-ahˇ sahˬ paˬ miˬ zaˬ bi geuꞈ-awˬ.” Aˬ yawꞈ maꞈ kʼoeˇ loꞈ-ehˇ ja noeˬ ja duˇ nehˬ-euˬ gaˇ sahˬ paˬ nui kʼahˇ shiˇ-awˇ, kʼoeˇ loꞈ-ehˇ mˇ-euˬ meh.

Iˇsaˬtaˆ 3:1

Aˇ yamˬ ui cuiˆ myahˇ laˇ ngeh jawˇ, sahˬ paˬ Dzeuˬsehˆ-aˬ, Haˬmaˬ lehˇ kuˇ-euˬ gʼaˬ-ahˇ sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼoeˇ taˆ, aˬ cawˬ naˆ maˬ tseˇ huiˬ-eu aˇ yaˬ biꞈ nehˬ-euˬ meh. Haˬmaˬ-aˬ, Aˬgaˆ -euˬ aˇ jeuˬ Haˬmeˬdaˬtaˬ-euˬ aˬ li pyeuꞈ-eu meh.

Iˇsaˬtaˆ 5:8

Ngaˬ neh shaˇ-euˬ dawˬ-ahˇ sahˬ paˬ nawˇ naˇ haˬ geuꞈ nehˬ laꞈ ma lehˇ ngeuˇ naˇ, ni shawˬ uˬ ciꞈ naw nyaꞈ gʼaˇ duˬ ngaˬ neh lehˬ hmˬ laˆ saˆ taˬ-euˬ dzaˬ byawˇ-ahˇ kʼawꞈ, Haˬmaˬ naw nyaꞈ tiˬ poˆ paˇ oe nehˬ laꞈ siˬ. Kʼoeˇ poˆ jawˇ ngaˇ shaˇ mawꞈ-eu jeˬ nawˬ-ahˇ ehˇ nehˬ ma” lehˇ eh ˇnehˬ-euˬ meh.

Iˇsaˬtaˆ 7:3

Sahˬ paˬ miˬ zaˬ Iˇsaˬtaˆ ehˇ-eu, “Sahˬ paˬ-oˇ, nawˇ ngaˬ-ahˇ gʼawˬ shaˬ gaˬ nehˬ laꞈ-awˇ ngaˬ neh shaˇ-euˬ jeˬ biꞈ nehˬ laꞈ ma lehˇ ngeuˇ naˇ, ngaˇ hawˇ-eu ngaˬ-euˬ tsawˇ jeuˬ-ahˇ maˬ sehꞈ ni bi dehꞈ nehˬ laꞈ-awˬ.

Doˆ-iˇ 33:13

Toˆ-ehˇ ngeuˇ naˇ, mehˬ hu paw dzeˇ kʼawꞈ nawˇ ngaˬ-ahˇ nui ma tsaˬ ni, nawˬ-euˬ gaˇ ngaˇ mˇ-eu gʼaˇ duˬ, nawˬ neh lehˬ hmˬ taˬ-euˬ gaˇ kawˆ deuˬ ngaˬ-ahˇ ehˇ mehˬ nehˬ laꞈ-awˬ. Tsawˇ jeuˬ heu jeuˬ-aˬ, nawˬ-euˬ tsawˇ jeuˬ bi pyeuꞈ laˇ-eu gʼaˇ duˬ, nawˬ neh tseˇ doˆ taˬ-euˬ tsawˇ jeuˬ pyeuꞈ-eu gaˇ noeˬ keuˆ-awˬ.”

Doˆ-iˇ 33:16

Nga maꞈ nehˬ-ehˇ nawˇ maˬ le naˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ nawˇ nui ma tsaˬ-eu gaˇ kawˆ, aˬ suˇ gʼaˬ aˬ joˆ-ehˇ ya siˬ nmˇ. Nawˇ nga maꞈ nehˬ-ehˇ jawˇ naˇ, miˇ tsaˬ kʼoeˇ taˆ jawˇ-eu tsawˇ jeuˬ aˬ geu jeuˬ nehˬ-ehˇ maˬ kaˬ, nga maꞈ beu gaˇ tehꞈ-a.”

1 Saˬmeuˬlaˆ 20:29

Behˬ lehˬhehˬ meuˬ laꞈ kʼoeˇ aˬ yawꞈ pehˬ aˇ jeuˬ lawˇ-eu shehˇ-eu jeˬ mˇ luꞈ-awˇ, aˬ yawꞈ-ahˇ maˬ gʼoꞈ le-ehˇ taˬ byehˇ lehˇ, aˬ yawꞈ-euˬ aˇ doˆ tsaꞈ ahˇ laꞈ-euˬ miˇ neh bi gʼoꞈ-iˇ nehˬ laꞈ-awˬ lehˇ, aˬ yawꞈ ngaˬ-ahˇ shaˇ-eu meh. Ngaˇ aˬ yawꞈ-ahˇ gʼoeˇ-eu cawˬ pyeuꞈ-eu ngeuˇ naˇ, aˬ yawꞈ-euˬ aˬ yuiꞈ aˬ nyiˇ deuˬ jawˇ gaˇ tiˬ poˆ bi gʼoꞈ-iˇ nehˬ laꞈ-awˬ lehˇ shaˇ-eu miˇ neh, aˬ yawꞈ-ahˇ ngaˇ bi gʼoꞈ-iˇ-euˬ ma. Kʼoeˇ miˇ neh, nawˬ neh lehˬ hmˬ taˬ-euˬ dzaˬ byawˇ-ahˇ aˬ yawꞈ hawˬ jawˬ maˬ jawˬ laˇ nya-eu jeˬ pyeuꞈ-eu meh.”