Iˇsaˬtaˆ 7:10 - Akha

¹⁰ Kʼoeˇ miˇ neh, Mawˬdaˬkehˇ-ahˇ paꞈ gʼeu sehꞈ-eu gʼaˇ duˬ Haˬmaˬ aˬ yawꞈ neh lehˬ hmˬ taˬ-euˬ kʼawˇ zeuˇ-ahˇ, aˬ yawꞈ gʼaˬ-ahˇ paˇ paꞈ sehꞈ-euˬ meh. Kʼoeˇ naˇ, sahˬ paˬ nui ma pehˇ-eu taˬ leˇ-euˬ meh.

Iˇsaˬtaˆ 7:10 Iomraidhean Croise

Aˇ dahˬ 40:22

Ehˇ kʼawꞈ, kaˬ muˇ jahˇ-eu gʼaˬ-ahˇ-aˬ, bi sehꞈ-euˬ meh. Yawˬ jeˬ na luꞈ Yoˇsehˆ neh ehˇ taˬ-euˬ loꞈ-ehˇ pyeuꞈ laˇ-euˬ meh.

Iˇsaˬtaˆ 2:1

Aˇ nah, sahˬ paˬ Dzeuˬsehˆ nui ma pehˇ taˬ gʼaˬ-euˬ kʼawꞈ, Baˬshaˬtiˇ neh mˇ-euˬ jeˬ hawˇ-eu aˬ yawꞈ neh Baˬshaˬtiˇ-ahˇ yaˇ kʼaˬ daˇ nehˬ-euˬ gaˇ kawˆ-ahˇ aˬ yawꞈ maˬ ngehˇ leˇ coeˇ-a.

Iˇsaˬtaˆ 5:14

Kʼoeˇ ngeh, aˬ yawꞈ-euˬ miˬ zaˬ hawˇ-eu aˬ yawꞈ-euˬ cawˬ kʼoeˇ deuˬ dawˬ tawˆ luꞈ aˬ yawꞈ-ahˇ heu loꞈ-ehˇ ja sawˇ nehˬ-euˬ meh. “Aˬ jeˬ miˇ neh ngaˬ tseˇ caˆ byah-eu tsawˇ haˬ paꞈ gʼeu sehꞈ-eu kʼawˇ zeuˇ tiˬ zeuˇ nawˇ maˬ bi jahˇ te. Ni shawˬ uˬ shawˬ kʼawˇ zeuˇ kʼoeˇ zeuˇ kʼoeˇ taˆ Mawˬdaˬkehˇ-ahˇ bi paꞈ sehꞈ-awˬ lehˇ sahˬ paˬ-ahˇ nawˇ shaˇ-awˇ, uˬ ciꞈ paw laˬ kʼaˬ cehˇ taˆ ni dzaˬ byawˇ lawˇ gaˇ iˇ-awˬ tawˇ.” Kʼoeˇ loꞈ-ehˇ jahˇ naˇ muiˬ tehꞈ-a lehˇ Haˬmaˬ noeˬ-awˇ, tsawˇ haˬ paꞈ gʼeu sehꞈ-eu kʼawˇ zeuˇ bi jahˇ-euˬ meh.

Iˇsaˬtaˆ 7:7

Sahˬ paˬ nui ma pehˇ-eu laꞈ kʼoeˇ tuˇ-awˇ, laꞈ nyiˇ doˆ-iˇ-awˇ yaˇ kmˇ-ahˇ iˇ-euˬ meh. Gaˇ kawˆ kʼoeˇ baˬ da neh aˬ yawꞈ-ahˇ sahˬ paˬ kʼehˬ-eu lehˇ noeˬ tsehˆ taˬ-euˬ gaˇ Haˬmaˬ haw siˬ-awˇ, naˇ kʼah paw jawˇ yaꞈ-awˇ, aˬ yawꞈ maˬ ya shiˇ ni sahˬ paˬ miˬ zaˬ Iˇsaˬtaˆ-ahˇ shaˇ ju-euˬ meh.

Iˇsaˬtaˆ 7:8

Sahˬ paˬ yaˇ kmˇ-ahˇ neh nymˇ laꞈ kʼoeˇ paˇ gʼoꞈ uˇ keuˆ laˇ ngeh, Haˬmaˬ gʼaˬ Iˇsaˬtaˆ nuiˇ luꞈ-eu nuiˇ mahˬ dawˬ peh coˬ lah-awˇ gʼawˬ shaˬ bi gaˬ nehˬ-eu gʼaˇ duˬ tahˬ shaˇ luꞈ-eu tiˬ dehˬ pyeuꞈ-eu meh. Kʼoeˇ loꞈ-ehˇ coꞈ lah gʼeh gaˇ sahˬ paˬ ya mawˇ ngeh, “Tsawˇ haˬ heu gʼaˬ ngaˬ-euˬ nymˇ laꞈ kʼoeˇ, ngaˬ-euˬ mehˬ shi nyiˬ paˆ-ehˇ, sahˬ paˬ miˬ zaˬ-ahˇ dawꞈ-awˇ yehˬ bawˬ-ehˇ jahˇ-eu gʼeh ta loˇ” lehˇ yaw kʼaˆ-ehˇ guˇ-eu meh. Sahˬ paˬ kʼoeˇ loꞈ-ehˇ guˇ doˆ laˇ-euˬ nehˬ-ehˇ, sahˬ paˬ-euˬ zaˬ miˬ zaˬ deuˬ-ahˇ haw luꞈ pyaˆ luꞈ-eu tsawˇ haˬ deuˬ Haˬmaˬ-euˬ uˬ duˬ-ahˇ dehˬ kaˬ-euˬ meh.

Iˇsaˬtaˆ 8:7

Kʼoeˇ naˇ, sahˬ paˬ miˬ zaˬ Iˇsaˬtaˆ hawˇ-eu Yuˇdaˆ tsawˇ haˬ Mawˬdaˬkehˇ aˬ nyaꞈ-ahˇ sahˬ paˬ Dzeuˬsehˆ heu loꞈ-ehˇ ehˇ nehˬ-euˬ meh. “Haw sheˇ. Yuˇdaˆ tsawˇ haˬ deuˬ kʼoeˇ taˆ yaw haiˬ jeˬ mˇ-euˬ baˬ da neh Haˬmaˬ-ahˇ bi paꞈ gʼeu sehꞈ-awˇ, aˬ yawꞈ-euˬ pyuˇ shuiˇ myawˬ gahˬ deuˬ Iˇsaˬtaˆ-ahˇ ngaˇ biꞈ-euˬ ma.

Iˇsaˬtaˆ 9:14

Iˇsaˬtaˆ neh ehˇ-euˬ loꞈ-ehˇ bi jahˇ-eu gʼaˇ duˬ sahˬ paˬ dawˬ biꞈ-awˇ, Suˇsaˬ meuˬ doe ni bi tsaꞈ gaˬ doe-iˇ-euˬ meh. Haˬmaˬ-euˬ aˬ li kʼoeˇ tseˇ gʼaˬ-euˬ gʼawˇ mawˇ-ahˇ kʼawꞈ, tsawˇ haˬ dawˬ tawˆ luꞈ mawˇ gaˇ byaˬ taˬ-euˬ meh.

Iˇsaˬtaˆ 9:25

Ehˇ kʼawꞈ, Iˇsaˬtaˆ gʼaˬ sahˬ paˬ jawˇ gaˇ le ngeh, sahˬ paˬ dawˬ biꞈ-awˇ sahˬ boꞈ bi pyehˬ gʼeh-eu laꞈ kʼoeˇ, Haˬmaˬ neh Yuˇdaˆ tsawˇ haˬ deuˬ-ahˇ jahˇ coeˬ nehˬ-eu lehˇ lehˬ hmˬ taˬ-euˬ jeˬ, Haˬmaˬ-euˬ uˬ duˬ-ahˇ paˇ bi keuˆ le-euˬ meh.

Yawˇbaˆ 18:8

Lahˇ ju tahˇ taˬ-euˬ gaˇ aˬ yawꞈ aˬ kuiˇ cawˬ ahˇ-awˇ paꞈ leˇ-euˬ meh.

Yawˇbaˆ 20:8

Yuꞈ maˆ maˆ-eu hawˇ-eu uˬ ciꞈ paw yaw sahˇ laꞈ kʼoeˇ ya mawˇ-eu loꞈ-ehˇ, aˬ yawꞈ byoˆ kʼaꞈ-iˇ-awˇ, tiˬ jawˇ-iˬ maˬ paˇ ya mawˇ meh.

Jaceuq 37:15

Ehˇkʼawꞈ yawˬha-euˬmi cehˇneh, yawˬha nui ma bi tsawˆpaˆ-awˇ, kaˆmyaˬkʼehꞈjiˇkʼoeˆjiˇtehꞈ-a.

Jaceuq 7:16

Yawˬha neh mˇ-euˬ yaw haiˬjeˬ, yawˬha-ahˇ paˇgʼoꞈpoˆle-awˇ, yawˬha neh jahˇ-euˬyaw doeˇjeˬ, yawˬha-ahˇ paˇkeuˆle-eu meh.

Jaceuq 94:23

Maˬ sui maˬ dawˇ-eu baˬ da neh aˬ yawꞈ maꞈ-ahˇ aˬ yawꞈ kʼehˬ nehˬ-awˇ, aˬ yawꞈ maꞈ-euˬ iˬ baˇ baˬ da neh laˆ luˬ laˆ seˇ nehˬ tehꞈ-a. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ, aˬ yawꞈ maꞈ-ahˇ laˆ cawˆ tehꞈ-a.

Dawqdaq 11:27

Yaw muiˬ jeˬ toˆ-eu tsawˇ haˬ myaˆ pyawˬ naˇ mehˇ jaˆ-awˇ, yaw doeˇ jeˬ toˆ-eu gʼaˬ ya shaˬ ya zahˬ tehꞈ-a.

Dawqdaq 11:8

Yaw tsaˬ yaw dawˇ deuˬ guˆ-eu gaˆ-eu jeˬ-ahˇ ya dzeuˇ-iˇ kʼawꞈ, haiˬ-eu tsawˇ haˬ deuˬ maˬ dzeuˇ-iˇ nya-a.

Dawqdaq 26:27

Aˬ cawˬ-ahˇ lahˇ ju kʼmˇ-eu tsawˇ haˬ, yawˬ haˇ yawˬ ha kʼmˇ paꞈ tehꞈ-a. Miˇ byaˆ ngawˬ-eu tsawˇ haˬ, yawˬ haˇ yawˬ ha bi byaˆ tehˬ sehꞈ tehꞈ-a.

Yeˬlaˬmiˇ 34:17

Kʼoeˇ miˇ neh, naw maꞈ ngaˬ-euˬ ehˇ dawˬ maˬ naˇ haˬ nga lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma. Naw maꞈ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ naw maꞈ maˬ pyehˬ nehˬ-a. Muiˬ tehꞈ-a. Ngaˇ naw maꞈ-ahˇ pyehˬ-awˇ, naw maꞈ-euˬ nui noeˬ bi dehꞈ ma. Ngaˇ naw maꞈ-ahˇ pyehˬ nehˬ-awˇ, guiˇ deuˆ-eu jeˬ, naˇ-eu gawˇ-eu jeˬ hawˇ-eu, mehꞈ-eu shuꞈ-eu jeˬ laꞈ kʼoeˇ bi shiˇ jiˇ ma. Ngaˬ neh naw maꞈ-ahˇ jahˇ nehˬ-euˬ jeˬ-ahˇ tsawˇ jeuˬ yawˬ jeuˬ na luꞈ tsawˬ guˆ-iˇ ngeh keuˆ ni ngaˇ mˇ ma.

Yeˬsaˬgeˬlaˇ 5:13

Ngaˇ nui kʼahˇ tiˬ shiˇ maˬ ya jahˇ nehˬ gʼaˬ kʼoeˇ keuˆ ni, ngaˬ-euˬ nui pehˇ naw maꞈ ya mawˇ duˬ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ saˇ jaˇ maˬ ziꞈ gaˇ ngaˇ nui ma pehˇ dui dui-awˇ ehˇ luꞈ-eu ngaˇ lehˇ, naw maꞈ ya siˬ duˬ tehꞈ-a.

Daˬyeˬlaˇ 6:24

Kʼoeˇ naˇ, Daˬyeˬlaˇ-ahˇ yaw doeˇ jahˇ-euˬ tsawˇ haˬ dawˬ tawˆ luꞈ-ahˇ nyehꞈ-eu gʼaˇ duˬ sahˬ paˬ dawˬ biꞈ-awˇ, aˬ yawꞈ maꞈ hawˇ-eu aˬ yawꞈ maꞈ-euˬ miˬ sawˇ zaˬ deuˬ dawˬ tawˆ luꞈ-ahˇ, aˇ laˬ jaˬ shiˇ kuˆ-ahˇ biˬ ahˇ jiˇ-euˬ meh. Aˬ yawꞈ maꞈ aˇ laˬ jaˬ shiˇ kuˆ-euˬ duˬ kʼahˬ-ahˇ maˬ ga keuˆ -iˇ mi naˆ-ehˇ, aˇ laˬ jaˬ shiˇ kʼoeˇ deuˬ aˬ yawꞈ maꞈ-ahˇ tsawˬ dawꞈ-awˇ, shaˬ yoeˬ shaˬ laꞈ kawꞈ kʼehꞈ kawꞈ kʼoeˆ jiˇ-euˬ meh.

Daˬyeˬlaˇ 6:25

Kʼoeˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ-ahˇ, sahˬ paˬ Daˬliˇ heu loꞈ-ehˇ sahˬ boꞈ boꞈ nehˬ-euˬ meh. “Naw maꞈ dawˬ tawˆ luꞈ nui saˇ oꞈ-awˇ jawˇ saˇ doˆ luꞈ-uˇ.

Zaˬkaˬliˇ 6:8

Kʼoeˇ ngeh, “Laꞈ taˆ paw pyawˬ-ahˇ jaˆ-eu Baˬbuˇloˬ miˇ kʼahˬ paw le-euˬ mahˬ kʼoeˇ deuˬ, Sahˬpaˬ Miˬyehˇ nui ma pehˇ-eu taˬ leˇ ni jahˇ-euˬ meh” lehˇ, mˬ taˆ gʼaˬ kʼehˇ kʼoeˇ gʼaˬ ngaˬ-ahˇ guˇ-awˇ ehˇ-eu meh.

Yaˇ kʼaˬ daˇ 15:7

Aˬ yawꞈ maꞈ-ahˇ Saˬsoˬ ehˇ nehˬ-eu, “Naw maꞈ teu loꞈ-ehˇ jahˇ te loˇ. Toˆ-ehˇ ngeuˇ naˇ, naw maꞈ-ahˇ ngaˇ maˬ ya jahˇ kʼoꞈ kʼoeˇ keuˆ ni maˬ juˬ.”