Iˇsaˬtaˆ 6:6 - Akha

⁶ Kʼoeˇ naˇ, Haˬmaˬ uˇ laˇ-awˇ, aˬ yawꞈ-ahˇ sahˬ paˬ ehˇ nehˬ-eu, “Ngaˇ yaw kʼaˆ-ehˇ ciˬ huiˬ ciˬ mahˇ nehˬ mawꞈ-eu tsawˇ haˬ tiˬ gʼaˬ jawˇ-eu ma. Aˬ yawꞈ-ahˇ ngaˇ aˬ joˆ-ehˇ jahˇ nehˬ-eu tsaˬ nmˇ” lehˇ ehˇ nehˬ-euˬ meh. “Sahˬ paˬ aˇ dzehˬ-ehˇ ciˬ huiˬ ciˬ mahˇ neh mawꞈ-eu gʼaˬ-aˬ, ngaˇ maˬ ngeuˇ-ehˇ aˬ suˇ gʼaˬ paˇ jawˇ nmˇ” lehˇ Haˬmaˬ noeˬ kʼoeˬ-euˬ meh.

Iˇsaˬtaˆ 6:6 Iomraidhean Croise

Iˇsaˬtaˆ 1:15

“Ngaˇ sahˬ paˬ Dzeuˬsehˆ neh ngaˬ-euˬ zaˬ kʼaˆ deuˬ-ahˇ pyehˬ gʼeh-awˇ bi ehˇ nehˬ-iˇ-euˬ dawˬ-ahˇ sahˬ paˬ miˬ zaˬ Baˬshaˬtiˇ maˬ naˇ haˬ geuꞈ-a. Miˇ kʼahˬ-euˬ zahˇ-ahˇ taꞈ leˇ-awˇ aˬ yawꞈ-ahˇ aˬ dui maꞈ aˬ joˆ-ehˇ ya jahˇ nehˬ nmˇ” lehˇ aˬ yawꞈ maꞈ-ahˇ aˬ yawꞈ naˇ haˬ-euˬ meh.

Iˇsaˬtaˆ 5:11

Aˬ yawꞈ aˇ naˆ ni smˇ muiˬ muiˬ-eu gaˇ kawˆ maˬ ehˇ, aˬ yawꞈ-euˬ aˬ li aˇ myaˆ li jawˇ-eu gaˇ kawˆ maˬ ehˇ, sahˬ paˬ neh aˬ yawꞈ-ahˇ aˬ joˆ-ehˇ aˇ yaˬ yuˇ daˆ nehˬ-euˬ gaˇ kawˆ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ naˆ maˬ tseˇ aˬ yawꞈ aˇ naˆ ni gaˇ dahˇ tsoeˬ dzehˬ-eu gaˇ kawˆ maˬ ehˇ, aˬ yawꞈ maꞈ-euˬ mehˬ shi ja-awˇ kʼahˬ sehˇ jehˆ-euˬ meh.

Iˇsaˬtaˆ 6:11

Kʼoeˇ naˇ, Haˬmaˬ gʼaˬ pehˇ kʼahˬ pehˇ mahˇ hawˇ-eu mahˬ tsahˇ laꞈ-awˇ, Mawˬdaˬkehˇ-ahˇ pehˇ kʼahˬ pehˇ mahˇ bi dm-euˬ meh. Mawˬdaˬkehˇ gʼaˬ mahˬ-ahˇ dziˬ leˇ-awˇ, Haˬmaˬ gʼaˬ mahˬ tsahˇ-awˇ, “Sahˬ paˬ nui kʼahˇ shiˇ-awˇ ciˬ huiˬ ciˬ mahˇ mawꞈ-eu gʼaˬ-ahˇ aˬ joˆ-ehˇ taˬ huiˬ nehˬ-eu nga lehˇ haw yawˬ” lehˇ, tsawˇ haˬ kʼaˇ jawˇ gaˇ guˇ gaˬ guˇ gaˬ-ehˇ cah-euˬ meh.

Iˇsaˬtaˆ 6:5

Kʼoeˇ miˇ neh, “Nawˇ jawˇ gaˇ laˇ-eu lehˇ Haˬmaˬ heu gaˇ loꞈ luꞈ meh” lehˇ, zaˬ kʼaˆ kʼoeˇ deuˬ sahˬ paˬ-ahˇ ehˇ nehˬ-euˬ meh. Sahˬ paˬ gʼeh, “Bi laˇ-awˬ” lehˇ ehˇ kʼoꞈ nehˬ-euˬ meh.

Iˇsaˬtaˆ 6:7

Kʼoeˇ miˇ neh sahˬ paˬ-ahˇ aˬ yawꞈ heu loꞈ-ehˇ ehˇ kʼoꞈ nehˬ-euˬ meh. “Tsawˇ haˬ kʼoeˇ gʼaˬ gʼaˇ duˬ nawˇ dm luꞈ-eu sahˬ paˬ-euˬ pehˇ kʼahˬ pehˇ mahˇ yuˇ laꞈ-awˬ lehˇ dawˬ biꞈ-awˬ. Nawˬ-euˬ dziˬ mahˬ kʼoeˇ taˆ sahˬ paˬ-euˬ aˇ poeˬ kʼaˆ-eu dziˬ gʼa laˆ dawˆ-awˬ lehˇ dawˬ biꞈ-awˬ.

Iˇsaˬtaˆ 6:9

Kʼoeˇ naˇ, nawˬ-euˬ gaˇ mˇ-eu yaw huiˬ yaw mahˇ deuˬ laꞈ kʼoeˇ aˬ cawˬ naˆ maˬ tseˇ huiˬ dzehˬ-eu tiˬ gʼaˬ tseˇ doˆ-awˇ, tsawˇ haˬ kʼoeˇ gʼaˬ-ahˇ sahˬ paˬ-euˬ pehˇ kʼahˬ pehˇ mahˇ bi dm-awˇ mahˬ-ahˇ bi dziˬ-awˇ, meuˬ gʼahˇ lahˇ ceh mahˬ kʼoeˇ mawˇ tsahˇ-awˇ bi cah jawˬ-awˬ. Kʼoeˇ naˇ, mahˬ tsahˇ-eu yaw huiˬ yaw mahˇ kʼoeˇ gʼaˬ-ahˇ, ‘Sahˬ paˬ nui kʼahˇ shiˇ-awˇ ciˬ huiˬ ciˬ mahˇ mawꞈ-eu gʼaˬ-ahˇ aˬ joˆ-ehˇ taˬ hui nehˬ-eu nga lehˇ haw yawˬ’ lehˇ guˇ guˇ-ehˇ bi cah-awˬ.”

Jaceuq 35:27

Ngaˇ law-iˇgaˇmawˇmawꞈ-eu deuˬ, laˬkʼaˬcehˇ-eu laꞈkʼoeˇguˇ-awˇ, “SahˬpaˬMiˬyehˇhuiˬdui dui meh. Aˬyawꞈ-euˬzaˬkʼaˆgʼaˬleˇgaˇ, aˬyawꞈnui kʼahˇshiˇ-eu meh” lehˇ, maˬtsehˆleˇni ja ceuˬluꞈ-uˇ.

Dawqdaq 1:32

Yaw haiˬ deuˬ tsawˇ gahˇ-ahˇ bye-eu miˇ neh ya shiˇ-awˇ, aˬ dzawˬ aˇ gah deuˬ kʼaˇ dehꞈ mawꞈ-eu dehꞈ gaˇ shiˇ leˇ tehꞈ-a.

Dawqdaq 16:18

Nui ma huiˬ-eu mehˬ nah yaw cawˆ jeˬ caw-awˇ, jahˇ gʼeh-eu mehˬ nah daˬ ga-eu jeˬ teh-eu meh.

Dawqdaq 18:12

Nui ma huiˬ-eu mehˬ nah yaw cawˆ teh-awˇ, nui nahˬ nui yu mehˬ nah taˬ huiˬ taˬ mahˇ-eu jeˬ caw-eu meh.

Dawqdaq 30:13

Yawˬ haˇ yawˬ ha maˬ gaˇ dui dui miˇ-a lehˇ noeˬ-eu tsawˇ haˬ jawˇ-eu meh.

Iˇsaˬyaˇ 42:1

Sahˬpaˬ Miˬyehˇ ehˇ-eu, “Heu-aˬ, ngaˬ-euˬ zaˬ kʼaˆ ma. Ngaˇ hehˇ tehˇ nehˬ luꞈ-eu gʼaˬ ma. Aˬ yawꞈ-ahˇ ngaˇ tseˇ doˆ-awˇ, nui kʼahˇ shiˇ luꞈ-eu gʼaˬ ma. Aˬ yawꞈ kʼoeˇ taˆ ngaˬ-euˬ Yaw sahˇ jawˇ-awˇ, tsawˇ jeuˬ yawˬ jeuˬ na luꞈ kʼoeˇ taˆ, yaw tsaˬ yaw dawˇ jeˬ aˬ yawꞈ bi keuˆ le tehꞈ-a.

Yeˬlaˬmiˇ 32:41

Aˬ yawꞈ maꞈ-ahˇ yaw muiˬ jeˬ mˇ nehˬ-eu gʼaˇ duˬ ngaˇ laˬ kʼaˬ cehˇ-awˇ, miˇ kʼahˬ heu kʼahˬ laꞈ kʼoeˇ ziꞈ dah ni bi dehꞈ ma.

Aaˇbaˬdiˇ 1:3

Nawˇ nui ma huiˬ-eu mahˇ-eu jeˬ nawˬ-ahˇ mehˇshuiˇshuiˇ gʼaˬ-euˬ meh. Lo guˇ uˬ gʼmˬ-ahˇ jawˇ-eu nawˇ, gawˬ jawˬ uˬ du ziꞈ luꞈ-eu nawˇ, ‘Ngaˬ-ahˇ gʼeu ka nya nmˇ loˇ’ lehˇ nui ma laꞈ kʼoeˇ lmˬ luꞈ-eu meh.

Maꞈtehˬ 3:17

“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

Luˇkaꞈ 14:9

Kʼoeˇ loꞈ-ehˇ kuˇ taˬ-euˬ gaˇ zaˬ leˇ ngeh jawˇ, naw nyaꞈ nyiˬ gʼaˬ luꞈ-ahˇ kuˇ-euˬ nymˇ sahˇ gʼaˬ nawˬ-ahˇ, ‘Heu gʼaˬ-ahˇ nawˬ-euˬ nuiˇ duˬ tiˬ poˆ pawˇ nehˬ-iˬ sheˇ’ lehˇ ehˇ le tehꞈ-a. Kʼoeˇ ngeh jawˇ, nawˇ ya shaꞈ dawˇ-awˇ, aˬ cawˬ taꞈ-ehˇ awˆ dzehˬ-eu nuiˇ duˬ-ahˇ ya nuiˇ paˇ-iˇ tehꞈ-a.

Yoˇhaˬ 5:23

Kʼoeˇ miˇ neh, tsawˇ haˬ dawˬ tawˆ luꞈ Aˬda-ahˇ taˬ huiˬ taˬ mahˇ-eu loꞈ-ehˇ, Zaˬmaˇ-ahˇ taˬ huiˬ taˬ mahˇ tehꞈ-a. Zaˬ maˇ-ahˇ maˬ taˬ huiˬ-eu tsawˇ haˬ-aˬ, aˬ yawꞈ-ahˇ kʼehˇ gʼeh leꞈ-euˬ Aˬda-ahˇ maˬ taˬ huiˬ gaˇ duˇ-eu meh.