Iˇsaˬtaˆ 6:1 - Akha

¹ Uˬ ciꞈ kʼoeˇ miˇ sahˬ paˬ maˬ yuꞈ kʼaˆ leˇ-a. Kʼoeˇ miˇ neh miˇ kʼahˬ-euˬ gaˇ kawˆ boꞈ taˬ-euˬ sahˬ boꞈ bi yuˇ laꞈ-awˇ aˬ yawꞈ-ahˇ gui mehˬ laˇ-awˬ lehˇ aˬ yawꞈ dawˬ biꞈ-euˬ meh.

Iˇsaˬtaˆ 6:1 Iomraidhean Croise

Aˇ dahˬ 22:14

Jawˇ duˬ kʼoeˇ tsahˇ-ahˇ, “Sahˬpaˬ Miˬyehˇ laˆ saˆ taˬ-euˬ” lehˇ Aˬbyaˬhaˬ myahˇ nehˬ-euˬ meh. “Sahˬpaˬ Miˬyehˇ-euˬ gawˬ jawˬ-ahˇ Sahˬpaˬ Miˬyehˇ laˆ saˆ taˬ-euˬ meh” lehˇ, iˬ nah keuˆ ni aˬ cawˬ dawˬ daˬ daˬ luꞈ-eu meh.

Iˇsaˬtaˆ 10:2

Aˬ yawꞈ neh mˇ-euˬ huiˬ dui dui-eu gaˇ deuˬ hawˇ-eu zahˬ leˇ paˬ-ehˇ gʼeh-eu gaˇ deuˬ maˬ ehˇ, Mawˬdaˬkehˇ-ahˇ huiˬ-eu aˇ tiˆ-ahˇ yuˇ daˆ nehˬ-awˇ gaˇ bi mˇ-euˬ gaˇ kawˆ aˇ dahˬ beh gaˇ neh aˇ saˬ saˬ gaˇ keuˆ ni maˬ ehˇ, Paˇshaˇ sahˬ paˬ deuˬ hawˇ-eu Miˇdiˬyaˬ sahˬ paˬ deuˬ gaˇ kawˆ boꞈ taˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ meh.

Iˇsaˬtaˆ 2:21

Sahˬ paˬ-euˬ nymˇ laꞈ kʼoeˇ Mawˬdaˬkehˇ gaˇ mˇ luꞈ-eu yamˬ-ahˇ, sahˬ paˬ jawˇ-eu lawˆ-ahˇ uˇ leˇ-eu laˇ gʼoˆ-ahˇ loꞈ-awˇ sahˬ paˬ-euˬ zaˬ miˬ zaˬ deuˬ-ahˇ haw-eu pyaˆ-eu Biˇdaˬnaˬ hawˇ-eu Teˬlehˆ aˬ nyaꞈ sahˬ paˬ Dzeuˬsehˆ-ahˇ muiˇ-awˇ, aˬ yawꞈ-ahˇ sehꞈ kʼoeˬ-eu lehˇ lehˬ hmˬ luꞈ-eu meh.

Iˇsaˬtaˆ 2:22

Gaˇ kawˆ kʼoeˇ Mawˬdaˬkehˇ ya siˬ-awˇ, sahˬ paˬ miˬ zaˬ Iˇsaˬtaˆ-ahˇ ehˇ nehˬ-awˇ, Iˇsaˬtaˆ gʼaˬ Mawˬdaˬkehˇ neh ya siˬ ya mawˇ-euˬ gaˇ kawˆ kʼoeˇ sahˬ paˬ-ahˇ tiˬ poˆ paˇ dzawˇ nehˬ-euˬ meh.

Iˇsaˬtaˆ 2:23

Gaˇ kawˆ kʼoeˇ-ahˇ yaw muiˬ paˬ-ehˇ pyehˆ tseˇ duˬ haw ngeh, Mawˬdaˬkehˇ ehˇ-eu loꞈ-ehˇ tsaˬ gaˇ ya mawˇ-awˇ, tsawˇ haˬ kʼoeˇ nyiˬ gʼaˬ-ahˇ tsawˇ haˬ paꞈ gʼeu sehꞈ-eu kʼawˇ zeuˇ-ahˇ paꞈ sehꞈ nehˬ-euˬ meh. Gaˇ kawˆ kʼoeˇ miˇ kʼahˬ-euˬ sahˬ boꞈ laꞈ kʼoeˇ bi boꞈ ahˇ taˬ-eu gʼaˇ duˬ, sahˬ paˬ dawˬ biꞈ-euˬ meh.

Iˇsaˬtaˆ 5:8

Ngaˬ neh shaˇ-euˬ dawˬ-ahˇ sahˬ paˬ nawˇ naˇ haˬ geuꞈ nehˬ laꞈ ma lehˇ ngeuˇ naˇ, ni shawˬ uˬ ciꞈ naw nyaꞈ gʼaˇ duˬ ngaˬ neh lehˬ hmˬ laˆ saˆ taˬ-euˬ dzaˬ byawˇ-ahˇ kʼawꞈ, Haˬmaˬ naw nyaꞈ tiˬ poˆ paˇ oe nehˬ laꞈ siˬ. Kʼoeˇ poˆ jawˇ ngaˇ shaˇ mawꞈ-eu jeˬ nawˬ-ahˇ ehˇ nehˬ ma” lehˇ eh ˇnehˬ-euˬ meh.

Iˇsaˬyaˇ 41:17

“Ngaˬ-euˬ tsawˇ haˬ iˇ cuꞈ mehꞈ-awˇ poˆ ngeh, aˬ yawꞈ maꞈ-euˬ kuˬ byahˬ gui ngeh, Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-euˬ shaˇ dawˬ naˇ haˬ nehˬ ma. Iˇsaˬleˬlaˆ-euˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ tiˬ jawˇ-iˬ maˬ byehˇ dzeh.

Daˬyeˬlaˇ 2:1

Neˬbuˬkaˬneˬzaˬ-aˬ, aˬ yawꞈ sahˬ paˬ geuꞈ-awˇ uˆ lahˇ-euˬ nyiˬ kʼoꞈ tiˬ kʼoꞈ-ahˇ, yuꞈ maˆ maˆ mawˇ-euˬ meh. Yuꞈ maˆ kʼoeˇ baˬ da neh aˬ yawꞈ noeˬ shaˬ dui dui-awˇ, maˬ yuꞈ kʼaˆ leˇ-a.

Daˬyeˬlaˇ 6:18

Kʼoeˇ naˇ, sahˬ paˬ-euˬ hawˇ nymˇ-ahˇ sahˬ paˬ gʼoꞈ leˇ-awˇ, tiˬ jeˬ-iˬ maˬ dzaˬ maˬ dawˇ-eu uˬ taꞈ, aˬ yawꞈ byawˬ gʼa-eu jeˬ tiˬ jeˬ-iˬ maˬ bi jahˇ ni, uˬ ciꞈ maˬ yuꞈ kʼaˆ leˇ-ehˇ shaˬ bya-euˬ meh.

Maˬlaˬkiˇ 3:16

Kʼoeˇ naˇ, Sahˬpaˬ Miˬyehˇ-ahˇ guˆ-eu tsawˇ haˬ deuˬ tiˬ gʼaˬ tiˇ gʼaˬ dawˬ ja ja cawˬ gaˇ Sahˬpaˬ Miˬyehˇ naˇ haˬ-eu meh. Sahˬpaˬ Miˬyehˇ-ahˇ guˆ-awˇ yaw zeu baw-eu tsawˇ haˬ deuˬ gaˇ kawˆ, aˬ yawꞈ-euˬ mehˬ shi jaˆ-eu sahˬ boꞈ paˇ dmˬ laꞈ kʼoeˇ boꞈ ahˇ taˬ-eu meh.

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.