Iˇsaˬtaˆ 3:5 - Akha

⁵ Mawˬdaˬkehˇ gʼaˬ aˬ yawꞈ mehˬ shi pawˬ tsuiꞈ pawˬ dmˬ dmˬ-awˇ uˬ duˬ tahˬ moꞈ-eu jeˬ maˬ mˇ lehˇ noeˬ tsehˆ taˬ-euˬ gaˇ Haˬmaˬ ya siˬ duˬ ngeh, nui ma pehˇ dui dui leˇ-euˬ meh.

Iˇsaˬtaˆ 3:5 Iomraidhean Croise

Iˇsaˬtaˆ 1:12

Ehˇ kʼawꞈ, sahˬ paˬ kʼoeˇ loꞈ-ehˇ dawˬ biꞈ-euˬ gaˇ kawˆ sahˬ paˬ miˬ zaˬ Baˬshaˬtiˇ-ahˇ zaˬ kʼaˆ kʼoeˇ deuˬ ehˇ nehˬ ngeh, Baˬshaˬtiˇ gʼaˬ sahˬ paˬ jawˇ gaˇ maˬ iˇ ni jawˇ-euˬ meh. Aˬ yawꞈ kʼoeˇ loꞈ-ehˇ maˬ iˇ ni jawˇ-euˬ miˇ neh, sahˬ paˬ nui ma pehˇ-euˬ meh.

Iˇsaˬtaˆ 3:2

Sahˬ paˬ-euˬ gaˇ kʼaˇ mˇ-eu yaw huiˬ yaw mahˇ dawˬ tawˆ luꞈ, Haˬmaˬ-euˬ mehˬ shi pawˬ tsuiꞈ pawˬ dmˬ dmˬ-awˇ uˬ duˬ tahˬ moꞈ-eu laꞈ kʼoeˇ, Haˬmaˬ-ahˇ yaw zeu ya baw nehˬ meh lehˇ sahˬ paˬ dawˬ biꞈ-euˬ meh. Mawˬdaˬkehˇ tiˬ gʼaˬ maˬ ngeuˇ naˇ, dawˬ tawˆ luꞈ kʼoeˇ loꞈ-ehˇ jahˇ-awˇ yaw zeu baw nehˬ-euˬ meh.

Iˇsaˬtaˆ 3:4

Tiˬ nah saˇ-iˬ tiˬ nah aˬ yawꞈ maꞈ aˬ yawꞈ-ahˇ kʼoeˇ loꞈ-ehˇ ehˇ tehˇ tehˬ kʼawꞈ, Haˬmaˬ-ahˇ aˬ yawꞈ yaw zeu maˬ baw nehˬ ni, “Ngaˇ Yuˇdaˆ tsawˇ haˬ pyeuꞈ-eu miˇ neh, Haˬmaˬ-euˬ mehˬ shi uˬ duˬ tahˬ moꞈ-awˇ yaw zeu baw nehˬ-eu jeˬ maˬ mˇ kʼmˬ-a” lehˇ aˬ yawꞈ maꞈ-ahˇ ehˇ kʼoꞈ nehˬ-euˬ meh. Kʼoeˇ miˇ neh, Haˬmaˬ gʼaˬ Mawˬdaˬkehˇ-ahˇ iˬ baˇ pyehˬ nehˬ nga loˇ lehˇ haw-eu gʼaˇ duˬ, Mawˬdaˬkehˇ neh ehˇ-euˬ dawˬ kʼoeˇ, Haˬmaˬ-ahˇ aˬ yawꞈ maꞈ dzawˇ nehˬ leˇ-euˬ meh.

Iˇsaˬtaˆ 5:9

Haˬmaˬ-aˬ, dzaˬ byawˇ kʼoeˇ dzaˬ gʼaˬ ngeh jawˇ, nui ma saˇ lehˆ ni laˬ kʼaˬ cehˇ cehˇ-ehˇ doˆ-iˇ-euˬ meh. Ehˇ kʼawꞈ, sahˬ paˬ-euˬ nymˇ gʼoˆ kʼehˬ-ahˇ Mawˬdaˬkehˇ-ahˇ ya mawˇ-awˇ, aˬ yawꞈ iˇ tsehˆ gʼeh luꞈ gaˇ Mawˬdaˬkehˇ tsawˬ tuˇ-awˇ yaw zeu maˬ baw nehˬ-euˬ miˇ neh, Mawˬdaˬkehˇ-ahˇ aˬ yawꞈ nui ma pehˇ-euˬ meh.

Yawˇbaˆ 5:2

Shiˇ gaˇ keuˆ ni noeˬ shaˬ-eu-aˬ, tsawˇ uˬ deuˬ mˇ-eu gaˇ meh.

Jaceuq 37:12

Tsawˇmuiˬ-ahˇyaw doeˇmˇ-eu lehˇ, yaw haiˬdeuˬseuˬtsehꞈtehˬ-eu meh.

Dawqdaq 12:16

Aˬ dzawˬ aˇ gah-euˬ nui pehˇ bya cehˆ ni mawˇ laˇ kʼawꞈ, tsawˇ gahˇ ahˇ-eu deuˬ dawˬ doeˇ oˇ dzeuˇ nya-eu meh.

Dawqdaq 19:19

Nui ma huiˬ-eu tsawˇ haˬ lehˬ-eu shaˬ bymˇ bi tawˆ-awˬ. Aˬ yawꞈ-ahˇ ka kʼoꞈ nehˬ-eu aˇ saˬ saˬ-euˬ maˬ baw-a.

Dawqdaq 21:24

Aˬ dzawˬ aˇ gah aˬ cawˬ maˬ ngeuˇ-a, nui ma huiˬ-eu gʼaˬ meh.

Dawˬ tsoˆ 10:6

Aˬ dzawˬ aˇ gah deuˬ-ahˇ yaw huiˬ yaw mahˇ bi geuꞈ-awˇ, smˇ muiˬ smˇ baw deuˬ-ahˇ taˬ nyiˇ nehˬ-eu meh.

Daˬyeˬlaˇ 3:19

Kʼoeˇ ngeh, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-ahˇ Neˬbuˬkaˬneˬzaˬ nui ma pehˇ dui dui laˇ-awˇ, baˬ ba neˇ tseuˆ ni pyeuꞈ laˇ-euˬ meh. Kʼoeˇ miˇ neh, miˬ dzaˬ tsawˬ bu kʼoeˇ shiꞈ bymˇ lahˇ dzehˬ laˇ ni laˆ nyehˆ-eu gʼaˇ duˬ aˬ yawꞈ dawˬ biꞈ-euˬ meh.