Iˇsaˬtaˆ 3:1 - Akha

¹ Aˇ yamˬ ui cuiˆ myahˇ laˇ ngeh jawˇ, sahˬ paˬ Dzeuˬsehˆ-aˬ, Haˬmaˬ lehˇ kuˇ-euˬ gʼaˬ-ahˇ sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼoeˇ taˆ, aˬ cawˬ naˆ maˬ tseˇ huiˬ-eu aˇ yaˬ biꞈ nehˬ-euˬ meh. Haˬmaˬ-aˬ, Aˬgaˆ -euˬ aˇ jeuˬ Haˬmeˬdaˬtaˬ-euˬ aˬ li pyeuꞈ-eu meh.

Iˇsaˬtaˆ 3:1 Iomraidhean Croise

Aˇ dahˬ 41:40

Ngaˇ nawˬ-ahˇ ngaˬ-euˬ miˇ kʼahˬ kʼoeˇ taˆ uˆ lahˇ-eu gʼaˬ bi geuꞈ-awˇ, ngaˬ-euˬ tsawˇ haˬ dawˬ tawˆ luꞈ, nawˬ-euˬ ehˇ dawˬ-ahˇ bi naˇ haˬ ma. Nawˇ naˆ maˬ tseˇ baoˬ huiˬ dzehˬ-eu tsawˇ haˬ ngaˇ tiˬ gʼaˬ jawˇ-eu tehꞈ ma.

Aˇ dahˬ 41:55

Iˇjiˇtuˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ kʼoeˇ taˆ mehꞈ-eu shuꞈ-eu jeˬ keuˆ le ngeh, sahˬ paˬ jawˇ gaˇ le-awˇ, dzaˬ dzaˬ dawˇ dawˇ shaˇ leˇ-euˬ meh. Kʼoeˇ ngeh, Yoˇsehˆ jawˇ gaˇ iˇ-awˇ, Yoˇsehˆ neh kʼaˇ ehˇ nehˬ laꞈ-euˬ loꞈ-ehˇ jahˇ-iˇ-awˬ lehˇ, aˬ yawꞈ maꞈ-ahˇ sahˬ paˬ ehˇ nehˬ-euˬ meh.

Eˇzaˬlaˬ 7:14

Nawˬ-euˬ laꞈ-ahˇ jaˆ-eu nawˬ-euˬ Miˬyehˇ-euˬ zahˇ dawˬ kʼoꞈ dawˬ-ahˇ Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ aˇ naˆ ni caw teh luꞈ-eu gaˇ kawˆ bi pyehˆ tseˇ haw leˇ-eu gʼaˇ duˬ, ngaˇ hawˇ-eu ngaˬ-ahˇ nui noeˬ nui duˇ biꞈ-eu shiꞈ gʼaˬ gʼeh-awˇ, nawˬ-ahˇ pyehˬ gʼeh-eu ma.

Iˇsaˬtaˆ 1:14

Miˇ kʼahˬ zahˇ sahˇ kʼoꞈ-ahˇ taꞈ leˇ-awˇ aˬ yawꞈ tiˬ kʼehˬ maˬ taˬ ni gʼoe luꞈ-eu deuˬ-aˬ, Gaˬsheˬnaˆ, Sheˬdaˬ, Aˬdaˬmaˬdaˇ, Taˬshiˆ, Meˬyehˇ, Maˬseˬnaˬ hawˇ-eu Meˬmuˇkaˬ heu deuˬ meh. Aˬ yawꞈ maꞈ-aˬ, aˬ yawꞈ-euˬ miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ-eu gaˇ tawˬ luꞈ-awˇ, Paˇshaˇ miˇ kʼahˬ hawˇ-eu Meˬdiˇ miˇ kʼahˬ kʼoeˇ taˆ yaw huiˬ yaw mahˇ geuꞈ luꞈ-eu shiꞈ gʼaˬ pyeuꞈ-eu meh.

Iˇsaˬtaˆ 3:10

Sahˬ paˬ-aˬ, aˬ yawꞈ-euˬ dawˬ kʼaˇ biꞈ gʼeh ngeh jmˬ diˬ-euˬ aˬ yawꞈ-euˬ laꞈ behˬ lehˆ doˆ-awˇ, Yuˇdaˆ tsawˇ haˬ-ahˇ muiˇ-eu gʼaˬ pyeuꞈ-eu Aˬgaˆ-euˬ aˇ jeuˬ Haˬmeˬdaˬtaˬ-euˬ aˬ li Haˬmaˬ-ahˇ biꞈ nehˬ-euˬ meh.

Iˇsaˬtaˆ 5:11

Aˬ yawꞈ aˇ naˆ ni smˇ muiˬ muiˬ-eu gaˇ kawˆ maˬ ehˇ, aˬ yawꞈ-euˬ aˬ li aˇ myaˆ li jawˇ-eu gaˇ kawˆ maˬ ehˇ, sahˬ paˬ neh aˬ yawꞈ-ahˇ aˬ joˆ-ehˇ aˇ yaˬ yuˇ daˆ nehˬ-euˬ gaˇ kawˆ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ naˆ maˬ tseˇ aˬ yawꞈ aˇ naˆ ni gaˇ dahˇ tsoeˬ dzehˬ-eu gaˇ kawˆ maˬ ehˇ, aˬ yawꞈ maꞈ-euˬ mehˬ shi ja-awˇ kʼahˬ sehˇ jehˆ-euˬ meh.

Iˇsaˬtaˆ 7:6

Iˇsaˬtaˆ ehˇ-eu, “Nga maꞈ-ahˇ muiˇ-awˇ kʼehˬ-eu lehˇ gʼeh-eu gʼaˬ-aˬ, haiˬ dui dui-eu Haˬmaˬ heu gʼaˬ meh.” Kʼoeˇ ngeh, Haˬmaˬ-aˬ, sahˬ paˬ hawˇ-eu sahˬ paˬ miˬ zaˬ mehˬ shi guˆ-awˇ yaw dzuˬ dzuˬ-eu meh.

Iˇsaˬtaˆ 8:3

Kʼoeˇ naˇ, Iˇsaˬtaˆ gʼaˬ sahˬ paˬ-euˬ aˬ kuiˇ dawˬ peh ga byaˆ-awˇ, ngoeˇ ngoeˇ-ehˇ sahˬ paˬ-ahˇ dawˬ tiˬ poˆ paˇ ngehˬ cawˬ-euˬ meh. Aˬgaˆ -euˬ aˇ jeuˬ Haˬmaˬ neh Yuˇdaˆ tsawˇ jeuˬ kʼoeˇ taˆ mˇ taˬ-euˬ yaw haiˬ jeˬ-ahˇ laˆ naˬ nehˬ laꞈ lehˇ sahˬ paˬ-ahˇ aˬ yawꞈ shaˇ-euˬ meh.

Jaceuq 12:8

Yaw haiˬdeuˬyawˬgaˇna byah-awˇ, tsawˇdoeˇ-ahˇtaˬhuiˬ-eu ziˇmeh.

Dawqdaq 29:2

Yaw tsaˬ yaw dawˇ tsawˇ haˬ dzoeˬ dzaˬ ngeh, miˇ kʼahˬ zaˬ nui saˇ oꞈ-awˇ, maˬ tsaˬ maˬ dawˇ-eu tsawˇ haˬ dzoeˬ dzaˬ ngeh, miˇ kʼahˬ zaˬ ya noeˬ shaˬ tehꞈ-a.

Dawˬ tsoˆ 10:6

Aˬ dzawˬ aˇ gah deuˬ-ahˇ yaw huiˬ yaw mahˇ bi geuꞈ-awˇ, smˇ muiˬ smˇ baw deuˬ-ahˇ taˬ nyiˇ nehˬ-eu meh.

Daˬyeˬlaˇ 6:2

Kʼoeˇ uˬ taꞈ, sahˬ paˬ sahˬ ma kʼoeˇ deuˬ sahˬ paˬ-ahˇ maˬ tsaˬ-eu jeˬ maˬ ya mˇ ni aˬ yawꞈ maˬ kʼoeˇ taˆ bi haw bi pyaˆ-eu gʼaˇ duˬ, Daˬyeˬlaˇ ahˇ leˇ-ehˇ tsawˇ haˬ smˇ gʼaˬ paˇ tseˇ doˆ-euˬ meh.

Bawˇtsahˬ 24:7

Aˬ yawꞈ maꞈ uˬ yehˇ tiˬ loꞈ za-awˇ, iˇ cuꞈ za-eu deh yaˇ-ahˇ siˬ yoeˬ sehˬ tehꞈ-a. Aˬ yawꞈ maꞈ-euˬ sahˬ paˬ-aˬ, sahˬ paˬ Aˬgaˆ naˆ maˬ tseˇ baoˬ huiˬ-awˇ, aˬ yawꞈ-euˬ miˇ kʼahˬ huiˬ dui jeˇ dui dui tehꞈ-a.

1 Saˬmeuˬlaˆ 15:33

Saˬmeuˬlaˆ ehˇ-eu, “Nawˬ-euˬ mi cehˇ neh aˬ ma gʼawˬ mya gʼaˬ-ahˇ zaˬ maˬ jawˇ ni bi pyeuꞈ-iˇ-euˬ loꞈ-ehˇ, nymꞈ-mˇ poˆ jawˇ-aˬ, nawˬ ma kʼawꞈ zaˬ maˬ paˇ jawˇ ni ya shaˬ tehꞈ-a.” Kʼoeˇ naˇ, Giˇlaˇgaˬlaˇ meuˬ-ahˇ jaˆ-eu lawˇ duˬ mehˬ shi, Aˬgaˆ-euˬ gʼawˇ mawˇ-ahˇ Saˬmeuˬlaˆ neh deuˆ tm deuˆ tmˇ jiˇ nehˬ-euˬ meh.

1 Saˬmeuˬlaˆ 15:8

Aˬmaˬlehˇ sahˬ paˬ Aˬgaˆ-ahˇ yaw dehꞈ-ehˇ nyehꞈ mi-awˇ, tsawˇ haˬ dawˬ tawˆ luꞈ-ahˇ sehꞈ-euˬ meh.