Iˇsaˬtaˆ 2:21 - Akha

²¹ Sahˬ paˬ-euˬ nymˇ laꞈ kʼoeˇ Mawˬdaˬkehˇ gaˇ mˇ luꞈ-eu yamˬ-ahˇ, sahˬ paˬ jawˇ-eu lawˆ-ahˇ uˇ leˇ-eu laˇ gʼoˆ-ahˇ loꞈ-awˇ sahˬ paˬ-euˬ zaˬ miˬ zaˬ deuˬ-ahˇ haw-eu pyaˆ-eu Biˇdaˬnaˬ hawˇ-eu Teˬlehˆ aˬ nyaꞈ sahˬ paˬ Dzeuˬsehˆ-ahˇ muiˇ-awˇ, aˬ yawꞈ-ahˇ sehꞈ kʼoeˬ-eu lehˇ lehˬ hmˬ luꞈ-eu meh.

Iˇsaˬtaˆ 2:21 Iomraidhean Croise

2 Saˬmeuˬlaˆ 16:11

Aˬbiˇshaiˇ hawˇ-eu yaw huiˬ yaw mahˇ kʼoeˇ deuˬ-ahˇ Daˬbiˇ ehˇ nehˬ-eu, “Ngaˬ li maˇ maˇ ni gʼeh-eu gʼaˬ kʼawꞈ, ngaˬ-ahˇ sehꞈ-eu lehˇ leh jeh luꞈ-eu maˬ ngeuˇ-a loˇ. Aˬ jeˬ miˇ neh Beˬyaˬmiˬ tsawˇ jeuˬ heu gʼaˬ-ahˇ naw maꞈ zahˬ leˇ-eu nya. Sahˬpaˬ Miˬyehˇ neh aˬ yawꞈ-ahˇ kʼoeˇ loꞈ-ehˇ yaˬ kʼehˇ bi yaˬ-euˬ meh. Aˬ yawˇ yawꞈ kʼaˇ ehˇ mawꞈ-eu jeˬ ehˇ ehˇ-ehˇ jawˇ luꞈ-uˇ.

1 Sahˬpaˬ 16:9

Sahˬ paˬ-euˬ mahˬ laˆ lawˬ tiˬ paˆ paˆ ni-ahˇ haw-eu pyaˆ-eu gʼaˬ bi geuꞈ-euˬ aˬ yawꞈ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu Zmˇliˬ-aˬ, ciˬ cuˇ ni aˬ yawꞈ-ahˇ puiˬ-euˬ meh. Tiˬ nah-aˬ, Teuˇzaˬ meuˬ laꞈ kʼoeˇ sahˬ paˬ-euˬ hawˇ nymˇ-ahˇ haw-eu pyaˆ-eu gʼaˬ pyeuꞈ-eu Aˬzaˇ-euˬ nymˇ-ahˇ, Eˇlahˬ dzaˬ yehꞈ dawˇ yehꞈ-awˇ jawˇ-eu meh.

2 Sahˬpaˬ 12:20

Aˬ yawꞈ-euˬ gaˇ mˇ-eu yaw huiˬ yaw mahˇ deuˬ aˬ yawꞈ-ahˇ puiˬ-awˇ, Yeˬluˇsaˬlehˬ meuˬ-euˬ nahˇ ma doˆ kʼehˬ paw pyawˬ-ahˇ jaˆ-eu Siˇlaˬ meuˬ-ahˇ iˇ-eu gaˇ ma-ahˇ miˇ tsaˬ ciˬ dzm-awˇ tsoˆ taˬ-euˬ nymˇ laꞈ kʼoeˇ, aˬ yawꞈ-ahˇ sehꞈ-euˬ meh.

2 Sahˬpaˬ 21:23

Aˬmo-euˬ gaˇ mˇ-eu yaw huiˬ yaw mahˇ deuˬ Aˬmo-ahˇ ciˬ cuˇ ni puiˬ-awˇ, sahˬ paˬ-euˬ hawˇ nymˇ laꞈ kʼoeˇ aˬ yawꞈ-ahˇ sehꞈ-euˬ meh.

Eˇzaˬlaˬ 4:6

Paˇshaˇ sahˬ paˬ Dzeuˬsehˆ uˆ lahˇ dahˬ beh ngeh yamˬ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ muiˇ-eu deuˬ, aˬ yawꞈ maꞈ-euˬ gaˇ kawˆ sahˬ boꞈ boꞈ-awˇ daˬ-euˬ meh.

Iˇsaˬtaˆ 2:19

Aˇ yamˬ kʼoeˇ yamˬ-ahˇ, sahˬ paˬ neh Mawˬdaˬkehˇ-ahˇ miˇ kʼahˬ-ahˇ uˆ lahˇ-eu gaˇ bi mˇ-euˬ meh.

Iˇsaˬtaˆ 6:1

Uˬ ciꞈ kʼoeˇ miˇ sahˬ paˬ maˬ yuꞈ kʼaˆ leˇ-a. Kʼoeˇ miˇ neh miˇ kʼahˬ-euˬ gaˇ kawˆ boꞈ taˬ-euˬ sahˬ boꞈ bi yuˇ laꞈ-awˇ aˬ yawꞈ-ahˇ gui mehˬ laˇ-awˬ lehˇ aˬ yawꞈ dawˬ biꞈ-euˬ meh.

Iˇsaˬtaˆ 6:2

Aˬ yawꞈ maꞈ neh gui mehˬ-euˬ laꞈ kʼoeˇ, sahˬ paˬ jawˇ-eu lawˆ-ahˇ bi loꞈ-euˬ sahˬ paˬ-euˬ zaˬ miˬ zaˬ deuˬ-ahˇ haw-eu pyaˆ-eu gaˇ mˇ-eu Biˇdaˬnaˬ hawˇ-eu Teˬlehˆ aˬ nyaꞈ sahˬ paˬ-ahˇ sehꞈ kʼoeˬ-eu lehˇ lehˬ hmˬ luꞈ-eu gaˇ kawˆ-ahˇ Mawˬdaˬkehˇ siˬ nya-awˇ ehˇ doˆ nehˬ-euˬ gaˇ kawˆ kʼoeˇ hmˬ kʼawꞈ, gui mawˇ-euˬ meh.

Jaceuq 144:10

Miˇ kʼahˬ sahˬ paˬ deuˬ-ahˇ gʼaˬ leˇ-eu jeˬ biꞈ-eu gʼaˬ nawˇ pyeuꞈ-awˇ, nawˬ-euˬ zaˬ kʼaˆ Daˬbiˇ-ahˇ nawˇ ka kʼoꞈ-eu meh.

Daˬyeˬlaˇ 2:49

Daˬyeˬlaˇ-euˬ shaˇ dawˬ-ahˇ sahˬ paˬ naˇ haˬ-awˇ, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-ahˇ, Baˬbuˇloˬ meuˬ-euˬ gahˬ kaˬ-ahˇ haw-eu pyaˆ-eu deuˬ bi geuꞈ-euˬ meh. Daˬyeˬlaˇ-aˬ, sahˬ paˬ-euˬ saˇ naˇ-ahˇ gaˇ mˇ-euˬ meh.