Iˇsaˬtaˆ 10:3 - Akha

³ Yuˇdaˆ tsawˇ haˬ Mawˬdaˬkehˇ-aˬ, sahˬ paˬ Dzeuˬsehˆ-euˬ laꞈ oˆ teˬ ni gʼeh-eu gʼaˬ pyeuꞈ-eu meh. Yuˇdaˆ tsawˇ haˬ deuˬ aˬ yawꞈ-ahˇ nui kʼahˇ shiˇ-awˇ, taˬ huiˬ taˬ mahˇ-euˬ meh. Aˬ yawꞈ-euˬ tsawˇ jeuˬ gʼaˇ duˬ gaˇ dahˇ tsoeˬ-eu muiˬ-eu gaˇ deuˬ aˬ yawꞈ mˇ-awˇ, aˬ yawꞈ maꞈ-euˬ zaˬ deuˬ uˆ deuˬ dawˬ tawˆ luꞈ kʼoeˇ taˆ, nui saˇ oꞈ-eu jeˬ aˬ yawꞈ mˇ yaꞈ-euˬ meh.

Iˇsaˬtaˆ 10:3 Iomraidhean Croise

Aˇ dahˬ 41:40

Ngaˇ nawˬ-ahˇ ngaˬ-euˬ miˇ kʼahˬ kʼoeˇ taˆ uˆ lahˇ-eu gʼaˬ bi geuꞈ-awˇ, ngaˬ-euˬ tsawˇ haˬ dawˬ tawˆ luꞈ, nawˬ-euˬ ehˇ dawˬ-ahˇ bi naˇ haˬ ma. Nawˇ naˆ maˬ tseˇ baoˬ huiˬ dzehˬ-eu tsawˇ haˬ ngaˇ tiˬ gʼaˬ jawˇ-eu tehꞈ ma.

Aˇ dahˬ 45:10

Ngaˇ jawˇ-eu dawˬ peh jaˆ-eu Goˬsheˬ lehˇ kuˇ-eu jawˇ duˬ-ahˇ nawˇ jawˇ le nya tehꞈ-a. Nawˇ hawˇ-eu nawˬ-euˬ zaˬ deuˬ, nawˬ-euˬ oeˬ paˬ oeˬ ma deuˬ, nawˬ-euˬ jeˬ zaˬ deuˬ hawˇ-eu, nawˇ kʼaˇ jaˆ-eu jeˬ dawˬ tawˆ luꞈ gʼaˇ duˬ, taˬ kʼaˇ jawˇ kʼaˇ za ma.

Aˇ dahˬ 45:11

Goˬsheˬ miˇ tsaˬ-ahˇ nawˇ jawˇ le naˇ, nawˬ-ahˇ ngaˇ haw piˇ nehˬ nya ma. Mehꞈ-eu shuꞈ-eu aˇ kʼoꞈ ngaˬ kʼoꞈ dzeˇ-a siˬ. Nawˇ hawˇ-eu nawˬ-euˬ miˬ sawˇ zaˬ deuˬ maˬ ehˇ, nawˬ-euˬ jeˬ zaˬ deuˬ maˬ ehˇ, mehꞈ-eu shuꞈ-eu jeˬ-ahˇ maˬ bi daˬ mawꞈ nya lehˇ tsaꞈ ahˇ laꞈ-euˬ meh lehˇ ehˇ nehˬ-awˬ.”

2 Laˬsaˬbaˬ 28:7

Ziˇkaˬliˇ lehˇ myahˇ-euˬ Iˇsaˬleˬlaˆ yehˇ tiˬ gʼaˬ neh, sahˬ paˬ Aˬkaˆ-euˬ aˬ li Mawˇseˬyaˇ-ahˇ maˬ ehˇ, sahˬ paˬ-euˬ nymˇ-ahˇ haw-eu pyaˆ-eu gʼaˬ pyeuꞈ-eu Aˬzaˬliˇkmˬ-ahˇ maˬ ehˇ, sahˬ paˬ-euˬ laꞈ oˆ teˬ ni gʼeh-eu gʼaˬ pyeuꞈ-eu Eˇlaˬkaˬnaˬ-ahˇ maˬ ehˇ, sehꞈ-euˬ meh.

Neˬhaˬmiˇ 2:10

Ehˇ kʼawꞈ, Iˇsaˬleˬlaˆ tsawˇ jeuˬ huiˬ laˇ mahˇ laˇ ni mˇ-eu gʼaˇ duˬ tsawˇ haˬ laˇ taˬ-euˬ gaˇ kawˆ-ahˇ, Behˬhawˇleuˬ meuˬ-ahˇ jawˇ-eu Sahˬbaˬlaˆ hawˇ-eu Aˬmoˬ miˇ kʼahˬ-ahˇ yaw huiˬ yaw mahˇ geuꞈ luꞈ-eu Tawˇbyaˬ aˬ nyaꞈ ya gaˬ ngeh, nui ma maˬ tsaˬ-a.

Iˇsaˬtaˆ 2:5

Kʼoeˇ ngeh yamˬ-ahˇ, Yaˬiˇlaˆ-euˬ aˬ li Mawˬdaˬkehˇ lehˇ myahˇ-euˬ Yuˇdaˆ tsawˇ haˬ tiˬ gʼaˬ Suˇsaˬ meuˬ-ahˇ jawˇ luꞈ-eu meh. Aˬ yawꞈ-aˬ, Beˬyaˬmiˬ tsawˇ jeuˬ pyeuꞈ-awˇ, Giˇshaˆ hawˇ-eu Shiˇmiˇ-euˬ aˇ jeuˬ aˇ ca pyeuꞈ-eu meh.

Iˇsaˬtaˆ 3:2

Sahˬ paˬ-euˬ gaˇ kʼaˇ mˇ-eu yaw huiˬ yaw mahˇ dawˬ tawˆ luꞈ, Haˬmaˬ-euˬ mehˬ shi pawˬ tsuiꞈ pawˬ dmˬ dmˬ-awˇ uˬ duˬ tahˬ moꞈ-eu laꞈ kʼoeˇ, Haˬmaˬ-ahˇ yaw zeu ya baw nehˬ meh lehˇ sahˬ paˬ dawˬ biꞈ-euˬ meh. Mawˬdaˬkehˇ tiˬ gʼaˬ maˬ ngeuˇ naˇ, dawˬ tawˆ luꞈ kʼoeˇ loꞈ-ehˇ jahˇ-awˇ yaw zeu baw nehˬ-euˬ meh.

Daˬyeˬlaˇ 5:16

Zaꞈ taˬ-euˬ gaˇ kawˆ deuˬ hawˇ-eu, naꞈ dui dui-eu dawˬ tsuiꞈ deuˬ nawˇ yuˇ doˆ nya meh lehˇ ngaˇ ya gaˬ-euˬ ma. Heu gaˇ boꞈ taˬ-euˬ sahˬ boꞈ heu nawˇ gui-awˇ ngaˬ-ahˇ dawˬ tsuiꞈ yuˇ doˆ nehˬ laꞈ nya naˇ, sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, taˬ huiˬ taˬ mahˇ-eu shuiˇ shuiˇ caˆ nawˬ-euˬ kawˬ lahˇ-ahˇ sheu dah nehˬ-awˇ, miˇ kʼahˬ heu kʼahˬ laꞈ kʼoeˇ aˬ cawˬ taꞈ-ehˇ huiˬ dzehˬ-eu sahˬ paˬ smˇ gʼaˬ tiˬ gʼaˬ bi geuꞈ ma.”

Daˬyeˬlaˇ 5:29

Beˬlaˇshaˬzaˬ neh aˬ yawꞈ-euˬ tsawˇ haˬ deuˬ-ahˇ tiˬ poˆ tehꞈ-ehˇ dawˬ biꞈ-awˇ, Daˬyeˬlaˇ-ahˇ sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, taˬ huiˬ taˬ mahˇ-eu shuiˇ shuiˇ caˆ kawˬ lahˇ-ahˇ nyehꞈ dah nehˬ-euˬ meh. Kʼoeˇ naˇ, miˇ kʼahˬ kʼoeˇ taˆ aˬ cawˬ naˆ maˬ tseˇ huiˬ-eu sahˬ paˬ smˇ gʼaˬ tiˬ gʼaˬ bi geuꞈ-euˬ meh.

Daˬyeˬlaˇ 6:3

Kʼoeˇ smˇ gʼaˬ laꞈ kʼoeˇ, Daˬyeˬlaˇ gʼaˬ aˬ cawˬ naˆ maˬ tseˇ gaˇ mˇ nya dzehˬ-eu meh. Aˬ yawꞈ bym dui nya dui dui-eu miˇ neh, miˇ kʼahˬ kʼahˬ lah ni kʼoeˇ taˆ bi haw bi pyaˆ-eu gʼaˇ duˬ sahˬ paˬ shaˇ noeˬ-euˬ meh.

Lormav 10:1

Aˬ yuiꞈ aˬ nyiˇ Ka li zaˬ deuˬ-oˇ, ngaˬ-euˬ nui ma laꞈ kʼoeˇ ngaˬ-euˬ tsawˇ jeuˬ ka kʼoꞈ-eu jeˬ bi za mawꞈ dui dui nya. Aˬ yawꞈ maꞈ gʼaˇ duˬ ngaˇ guiˬ lahˬ shaˇ dui dui luꞈ ma.

Lormav 14:18

Ka li gʼaˇ duˬ kʼoeˇ loꞈ-ehˇ mˇ-eu tsawˇ haˬ-ahˇ Miˬyehˇ nui ma tsaˬ-awˇ, tsawˇ haˬ zaˬ kʼawꞈ nui kʼahˇ shiˇ-eu meh.

1 Saˬmeuˬlaˆ 18:16

Ehˇ kʼawꞈ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, Daˬbiˇ-ahˇ gaˬ-eu meh. Aˬ jeˬ miˇ neh ehˇ naˇ, aˬ yawꞈ-aˬ, kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ, mˇ pyeuꞈ shaˇ pyeuꞈ nya-eu aˬ yuiꞈ aˬ tsu tiˬ gʼaˬ pyeuꞈ-eu meh.

1 Saˬmeuˬlaˆ 23:17

Yawˇnaˆshaˬ ehˇ-eu, “Taˬ guˆ. Ngaˬ da Sawˇluˆ nawˬ-ahˇ tiˬ jeˬ-iˬ maˬ jahˇ laˇ nya-a. Nawˇ Iˇsaˬleˬlaˆ tsawˇ jeuˬ-euˬ sahˬ paˬ ya pyeuꞈ laˇ-awˇ, ngaˇ nawˬ-euˬ laꞈ oˆ teˬ ni jawˇ-awˇ gaˇ ya mˇ-eu gaˇ kawˆ aˬ yawꞈ siˬ duˬ luꞈ meh.”