Iˇsaˬtaˆ 1:6 - Akha

⁶ Yaˇ kmˇ kʼoeˇ-ahˇ pyuˇ laꞈ ma dawˆ tsoꞈ taˬ-euˬ muiˬ dui dui-eu kʼaˬ lo lo ba kʼawˇ zeuˇ deuˬ ka tuˇ taˬ-awˇ, pyuˇ laꞈ ma kʼoeˇ deuˬ-ahˇ, neˇ leuˬ leuˬ-eu shawˇ jehˆ ni gʼeh-eu saˬ paˇ aˇ caˆ neh, saˬ paˇ paˇ puiˇ hawˇ-eu paˇ pyuˇ paꞈ gʼeu-awˇ laˆ saˆ muiˬ taˬ-euˬ miˇ neh, haw muiˬ dui dui-eu meh. Yaˇ kʼmˇ kʼoeˇ laꞈ kʼoeˇ, aˇ poeˬ kʼaˆ-eu kʼaˬ lo pyuˇ, lo neˇ, lo guiˇ hawˇ-eu lo puiˇ deuˬ kʼawˬ taˬ-euˬ kʼoeˇ taˆ, shuiˇ neh jahˇ taˬ-euˬ nuiˇ duˬ jawˇ duˬ laˆ saˆ taˬ-awˇ bi jaˆ-euˬ meh.

Iˇsaˬtaˆ 1:6 Iomraidhean Croise

Iˇsaˬtaˆ 7:8

Sahˬ paˬ yaˇ kmˇ-ahˇ neh nymˇ laꞈ kʼoeˇ paˇ gʼoꞈ uˇ keuˆ laˇ ngeh, Haˬmaˬ gʼaˬ Iˇsaˬtaˆ nuiˇ luꞈ-eu nuiˇ mahˬ dawˬ peh coˬ lah-awˇ gʼawˬ shaˬ bi gaˬ nehˬ-eu gʼaˇ duˬ tahˬ shaˇ luꞈ-eu tiˬ dehˬ pyeuꞈ-eu meh. Kʼoeˇ loꞈ-ehˇ coꞈ lah gʼeh gaˇ sahˬ paˬ ya mawˇ ngeh, “Tsawˇ haˬ heu gʼaˬ ngaˬ-euˬ nymˇ laꞈ kʼoeˇ, ngaˬ-euˬ mehˬ shi nyiˬ paˆ-ehˇ, sahˬ paˬ miˬ zaˬ-ahˇ dawꞈ-awˇ yehˬ bawˬ-ehˇ jahˇ-eu gʼeh ta loˇ” lehˇ yaw kʼaˆ-ehˇ guˇ-eu meh. Sahˬ paˬ kʼoeˇ loꞈ-ehˇ guˇ doˆ laˇ-euˬ nehˬ-ehˇ, sahˬ paˬ-euˬ zaˬ miˬ zaˬ deuˬ-ahˇ haw luꞈ pyaˆ luꞈ-eu tsawˇ haˬ deuˬ Haˬmaˬ-euˬ uˬ duˬ-ahˇ dehˬ kaˬ-euˬ meh.

Iˇsaˬtaˆ 8:15

Mawˬdaˬkehˇ-aˬ, paˇ puiˇ hawˇ-eu paˇ pyuˇ keuˬ taˬ-euˬ sahˬ paˬ sahˬ ma deuˬ dm-eu pehˇ kʼahˬ dm-awˇ, shawˇ jehˆ ni gʼeh-eu saˬ paˇ neh guꞈ taˬ-euˬ neˇ tseuˆ ni gʼeh-eu pehˇ kʼahˬ pehˇ mahˇ dm daˆ-awˇ, muiˬ dui jaˬ dui dui-eu shuiˇ uˬ kʼoˆ kʼoˆ-awˇ, sahˬ paˬ-euˬ nymˇ-ahˇ neh doˆ-iˇ ngeh, Suˇsaˬ meuˬ-euˬ gaˇ ma doe ni laˬ kʼaˬ cehˇ-awˇ guˇ-eu lawꞈ lawꞈ-ehˇ jaˆ-eu meh.

Doˆ-iˇ 26:1

“Nyoeˇ leuˬ leuˬ-eu, neˇ naˆ naˆ-eu hawˇ-eu neˇ tseuˆ ni gʼeh-eu saˬ kahˇ deuˬ neh zaꞈ taˬ-awˇ, Jeˬluˇbeˬ aˇ baˇ aˇ boꞈ boꞈ taˬ-euˬ shawˇ jehˆ ni gʼeh-eu saˬ paˇ tseˇ dzeh yuˇ-awˇ, Ngaˇ jawˇ-eu gʼaˇ duˬ, muiˬ-eu shawˇ-eu sehˬ gʼawˆ tsoˆ-awˬ.

Yeˬsaˬgeˬlaˇ 23:41

Muiˬ dui dui-eu ja ciˬ kʼoeˇ taˆ aˬ yawꞈ nyaꞈ nuiˇ-awˇ, aˬ yawꞈ nyaꞈ-euˬ mehˬ shi hawˬ jeh ciˬ taˬ-awˇ, ngaˬ neh biꞈ taˬ-euˬ tsiˇ yaw saw jeˬ hawˇ-eu saˬ loˬ tsiˇ ciˬ daˆ-awˇ yaw muiˬ jeˬ gʼawˬ mya ni ciˬ daˆ taˬ-euˬ meh.

Aˬmoˆ 2:8

Uˬ duˬ tahˬ-eu jawˇ duˬ yawˬ tsahˇ na luꞈ-ahˇ, shaˬ-eu zahˬ-eu tsawˇ haˬ deuˬ pyuˇ shaˇ paˇ gaˇ biꞈ daˇ taˬ-euˬ dm gʼaˬ dm lmˇ deuˬ kʼawˬ-awˇ, aˬ yawꞈ maꞈ yuꞈ-euˬ meh. Aˬ yawꞈ maꞈ-euˬ Miˬyehˇ-euˬ uˬ duˬ tahˬ nymˇ laꞈ kʼoeˇ, aˬ yawꞈ maꞈ-ahˇ dziˇ dzoˆ daˆ-eu deuˬ jawˇ gaˇ yuˇ-euˬ aˬ gaꞈ dzaˇ uiˇ dawˇ-eu meh.

Aˬmoˆ 3:12

Sahˬpaˬ Miˬyehˇ ehˇ-eu, “Aˇ laˬ jaˬ shiˇ neh bi kawꞈ sehꞈ dzaˬ-euˬ yawˇ tiˬ mawˇ-euˬ aˬ kuiˇ nyiˬ kahˬ hawˇ-eu naˬ paꞈ tiˬ pyawˬ tehꞈ-ehˇ, yawˇ bo-eu gʼaˬ mawˇ kʼoꞈ-euˬ loꞈ-ehˇ, nymˬ-mˇ muiˬ-eu ja ciˬ kʼoeˇ taˆ saˇ lehˆ ni dehꞈ byawˬ luꞈ-eu Saˬmaˬliˆ meuˬ-ahˇ jawˇ-eu tsawˇ haˬ deuˬ laꞈ kʼoeˇ, ui cuiˆ tehꞈ-ehˇ ya buˬ ya law-iˇ tehꞈ-a.”

Aˬmoˆ 6:4

Nahˬ yu ni gʼeh-eu ja ciˬ kʼoeˇ taˆ yuꞈ niˇ gʼa-awˇ, muiˬ dui dui-eu mawˇ neˇ hawˇ-eu yawˇ shaˬ jiˇ dzaˬ luꞈ-eu naw maꞈ deuˬ, aˇ naˆ ni noeˬ shaˬ paˬ-ehˇ gʼeh-eu nga.

1 Saˬmeuˬlaˆ 28:23

Zaˬ miˬ zaˬ kʼoeˇ gʼaˬ ehˇ gaˇ Sawˇluˆ maˬ naˇ haˬ-ehˇ, Ngaˇ tiˬ jeˬ-iˬ maˬ dzaˬ lehˇ ehˇ-eu meh. Ehˇ kʼawꞈ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ, aˬ yawꞈ tiˬ jeˬ paˬ dzaˬ ni gʼaˬ biꞈ nehˬ ngeh, aˬ yawꞈ naˇ haˬ-awˇ, miˇ tsa ga luꞈ-eu tuˇ laˇ-awˇ, ja ciˬ kʼoeˇ taˆ nuiˇ-euˬ meh.