Iˇsaˬtaˆ 1:2 - Akha

² Aˇ yamˬ kʼoeˇ yamˬ laꞈ kʼoeˇ, sahˬ paˬ Dzeuˬsehˆ-aˬ, Paˇshaˇ miˇ kʼahˬ-euˬ meuˬ meuˬ ma pyeuꞈ-eu Suˇsaˬ meuˬ-ahˇ jawˇ-awˇ uˆ lahˇ luꞈ-eu meh.

Iˇsaˬtaˆ 1:2 Iomraidhean Croise

2 Saˬmeuˬlaˆ 7:1

Sahˬ paˬ Daˬbiˇ-aˬ, aˬ yawꞈ-euˬ hawˇ nymˇ laꞈ kʼoeˇ jawˇ luꞈ-awˇ, aˬ yawꞈ-euˬ tiˬ jawˬ jawˇ-eu aˬ yawꞈ-ahˇ muiˇ-eu deuˬ-euˬ aˬ laꞈ laꞈ kʼoeˇ, Sahˬpaˬ Miˬyehˇ aˬ yawꞈ-ahˇ haw piˇ nehˬ-euˬ miˇ neh, saˇ lehˆ ni dehꞈ luꞈ-eu meh.

1 Sahˬpaˬ 1:46

Nymˬ-mˇ poˆ jawˇ, Sawˇlaˬmoˬ sahˬ paˬ pyeuꞈ laˇ gʼaˬ-euˬ meh.

Neˬhaˬmiˇ 1:1

Heu-aˬ, Haˬkaˬliˇ-euˬ aˬ li Neˬhaˬmiˇ neh mˇ doˆ shaˇ doˆ yaꞈ-euˬ gaˇ deuˬ gaˇ kawˆ meh. Paˇshaˇ sahˬ paˬ Aˬtaˬdzeuˬsehˆ uˆ lahˇ-eu nyiˬ tseˇ kʼoꞈ tiˬ kʼoꞈ Giˇsaˬlehˆ ba la-ahˇ, ngaˇ Neˬhaˬmiˇ-aˬ, miˇ kʼahˬ kʼoeˇ kʼahˬ laꞈ kʼoeˇ huiˬ dzehˬ-eu meuˬ pyeuꞈ-eu Suˇsaˬ meuˬ-ahˇ jawˇ luꞈ-eu ma.

Iˇsaˬtaˆ 2:3

Nawˬ-euˬ miˇ kʼahˬ kʼahˬ ma laꞈ kʼoeˇ jaˆ-eu miˇ kʼahˬ aˬ yawꞈ kʼahˬ yawꞈ laꞈ kʼoeˇ yaw huiˬ yaw mahˇ deuˬ-ahˇ nawˇ tseˇ doˆ-awˇ, miˬ daꞈ daꞈ shuiꞈ kʼoeˇ deuˬ-ahˇ heu gaˇ Suˇsaˬ meuˬ-ahˇ jaˆ-eu miˬ daꞈ deuˬ bi jawˇ-euˬ nawˬ-euˬ nymˇ-ahˇ bi sheuˬ uiꞈ laꞈ-awˇ, nawˬ-euˬ zaˬ miˬ zaˬ deuˬ-ahˇ haw-eu pyaˆ-eu gʼaˬ pyeuꞈ-eu Heˬgehˇ-ahˇ a nehˬ-awˇ, yaw muiˬ paˬ-ehˇ bi laˆ muiˬ-awˬ.

Iˇsaˬtaˆ 2:5

Kʼoeˇ ngeh yamˬ-ahˇ, Yaˬiˇlaˆ-euˬ aˬ li Mawˬdaˬkehˇ lehˇ myahˇ-euˬ Yuˇdaˆ tsawˇ haˬ tiˬ gʼaˬ Suˇsaˬ meuˬ-ahˇ jawˇ luꞈ-eu meh. Aˬ yawꞈ-aˬ, Beˬyaˬmiˬ tsawˇ jeuˬ pyeuꞈ-awˇ, Giˇshaˆ hawˇ-eu Shiˇmiˇ-euˬ aˇ jeuˬ aˇ ca pyeuꞈ-eu meh.

Iˇsaˬtaˆ 3:15

Sahˬ paˬ neh dawˬ biꞈ-euˬ loꞈ-ehˇ, gaˇ kawˆ kʼoeˇ Suˇsaˬ meuˬ-ahˇ jawˇ-eu tsawˇ haˬ dawˬ tawˆ luꞈ-ahˇ bi siˬ bi gaˬ-awˇ, cehˆ coeˬ coeˬ-awˇ sahˬ boꞈ sha-eu tsawˇ haˬ deuˬ neh miˇ kʼahˬ doe ni cehˆ gaˬ-iˇ-euˬ meh. Suˇsaˬ meuˬ laꞈ kʼoeˇ gaˇ kawˆ kʼoeˇ hmˬ baˬ da neh luiˬ gʼaˬ dui dui luꞈ ngeh, sahˬ paˬ hawˇ-eu Haˬmaˬ aˬ nyaꞈ tiˬ gaˇ nuiˇ-awˇ aˬ gaꞈ dzaˇ uiˇ dawˇ luꞈ-eu meh.

Iˇsaˬtaˆ 4:16

“Nawˇ iˇ-awˇ Suˇsaˬ meuˬ-ahˇ kʼaˇ jawˇ-eu Yuˇdaˆ tsawˇ haˬ dawˬ tawˆ luꞈ-ahˇ tiˬ gaˇ tehꞈ-ehˇ kuˇ uiˬ-awˇ, smˬ nah keuˆ ni tiˬ jeˬ-iˬ maˬ dzaˬ maˬ dawˇ ni lah-eu daw-eu laꞈ kʼoeˇ, ngaˬ-euˬ gʼaˇ duˬ guiˬ lahˬ shaˇ-awˬ. Ngaˇ hawˇ-eu ngaˬ-euˬ zaˬ kʼaˆ zaˬ miˬ zaˬ deuˬ kʼawꞈ, kʼoeˇ loꞈ-ehˇ lah ma. Kʼoeˇ naˇ, zahˇ sahˇ kʼoꞈ-ahˇ bahˬ kʼawꞈ ehˬ-ehˇ ngeuˇ-iˬ. Sahˬ paˬ jawˇ gaˇ ngaˇ le ma. Kʼoeˇ loꞈ-ehˇ mˇ-eu baˬ da neh ngaˇ ya shiˇ naˇ kʼawꞈ, nui kʼahˇ shiˇ ma.”

Daˬyeˬlaˇ 4:4

“Ngaˇ-aˬ, ngaˬ-euˬ nymˇ pyeuꞈ-eu sahˬ paˬ-euˬ hawˇ nymˇ-ahˇ saˇ lehˆ ni jawˇ-awˇ, pyuˇ shuiˇ myawˬ gahˬ maˬ ehˇ jiˇ coeˇ ni jaˆ-eu ma.

Daˬyeˬlaˇ 8:2

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Eˇlamˬ miˇ kʼahˬ-ahˇ jaˆ-eu Suˇsaˬ meuˬ-ahˇ ngaˇ jawˇ luꞈ gaˇ ya mawˇ-euˬ ma. Kʼoeˇ gaˇ, Uˇlehˇ lawˇ baˬ dawˬ peh ngaˇ yawꞈ luꞈ-eu ma.