Iˇsaˬtaˆ 1:18 - Akha

¹⁸ Sahˬ paˬ miˬ zaˬ kʼoeˇ loꞈ-ehˇ mˇ-euˬ gaˇ kawˆ-ahˇ, Paˇshaˇ miˇ kʼahˬ hawˇ-eu Meˬdiˇ miˇ kʼahˬ-ahˇ sahˬ paˬ-euˬ gaˇ mˇ luꞈ-eu yaw huiˬ yaw mahˇ deuˬ-euˬ miˬ zaˬ deuˬ ya gaˬ ngeh, uˬ ciꞈ maˬ ciꞈ-iˇ dah mi naˆ-ehˇ yawˬ ha-euˬ kʼaˬ dzeˇ zaˬ deuˬ-ahˇ gaˇ kawˆ kʼoeˇ ja mehˬ nehˬ tehꞈ-a. Yawˬ gaˇ na luꞈ miˬ zaˬ deuˬ yawˬ ha-euˬ kʼaˬ dzeˇ zaˬ deuˬ-ahˇ kʼoeˇ loꞈ-ehˇ ja nehˬ-eu miˇ neh, kʼaˬ dzeˇ zaˬ deuˬ yawˬ ha-euˬ miˬ zaˬ-ahˇ nui ma ya pehˇ tehꞈ-a.

Iˇsaˬtaˆ 1:18 Iomraidhean Croise

1 Sahˬpaˬ 11:3

Sawˇlaˬmoˬ-aˬ, sahˬ paˬ zaˬ miˬ shiꞈ yaˇ gʼaˬ-ahˇ sheuˬ-euˬ uˬ taꞈ, ma nyiˇ smˬ yaˇ gʼaˬ jawˇ-eu meh. Aˬ yawꞈ Miˬyehˇ-ahˇ byehˇ dzeh ni, aˬ yawꞈ-euˬ miˬ zaˬ kʼoeˇ deuˬ jahˇ-euˬ meh.

Iˇsaˬtaˆ 1:17

Sahˬ paˬ miˬ zaˬ kʼoeˇ loꞈ-ehˇ jahˇ-euˬ gaˇ kawˆ ya gaˬ naˇ, miˇ kʼahˬ heu kʼahˬ-ahˇ jawˇ-eu zaˬ miˬ zaˬ dawˬ tawˆ luꞈ, yawˬ ha-euˬ kʼaˬ dzeˇ zaˬ-ahˇ taˬ nyiˇ tehꞈ-a. ‘Sahˬ paˬ Dzeuˬsehˆ neh aˬ yawꞈ-euˬ miˬ zaˬ Baˬshaˬtiˇ-ahˇ kuˇ-euˬ kʼawꞈ miˬ zaˬ gʼaˬ maˬ iˇ nehˬ-aˬ’ lehˇ aˬ yawꞈ maꞈ ehˇ tehꞈ-a.

Iˇsaˬtaˆ 1:19

Sahˬ paˬ-oˇ, nawˇ nui ma tsaˬ naˇ, Baˬshaˬtiˇ gʼaˬ sahˬ paˬ-euˬ mehˬ shi tiˬ jawˇ-iˬ maˬ paˇ ya laˇ meh lehˇ dawˬ biꞈ gʼeh-awˬ. Dawˬ heu dawˬ tiˬ jawˇ-iˬ maˬ poˆ maˬ paˇ laˇ nya ni, Paˇshaˇ miˇ kʼahˬ hawˇ-eu Meˬdiˇ miˇ kʼahˬ-euˬ zahˇ sahˇ kʼoꞈ sahˬ boꞈ laꞈ kʼoeˇ bi boꞈ ahˇ taˬ-awˬ. Kʼoeˇ naˇ, aˬ yawꞈ naˆ maˬ tseˇ maˬ gaˇ dzehˬ-eu zaˬ miˬ zaˬ tiˬ gʼaˬ-ahˇ sahˬ paˬ miˬ zaˬ-euˬ aˇ yaˬ biꞈ nehˬ-awˬ.

Yaˇ kʼaˬ daˇ 5:29

Tsawˇ gahˇ ahˇ dui dui-eu zaˬ miˬ zaˬ deuˬ aˬ yawꞈ-ahˇ ehˇ-awˇ, aˬ yawꞈ yawˬ haˇ yawˬ ha ehˇ poˆ poˆ-eu,