Iˇsaˬtaˆ 1:16 - Akha

¹⁶ Kʼoeˇ ngeh, sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ Meˬmuˇkaˬ gʼaˬ heu loꞈ-ehˇ ehˇ nehˬ-euˬ meh. “Sahˬ paˬ miˬ zaˬ Baˬshaˬtiˇ-aˬ, sahˬ paˬ-ahˇ tehꞈ-ehˇ maˬ ngeuˇ ni, sahˬ paˬ-euˬ gaˇ mˇ-eu yaw huiˬ yaw mahˇ deuˬ hawˇ-eu miˇ kʼahˬ zaˬ dawˬ tawˆ luꞈ-ahˇ mˇ bahˬ-euˬ meh.

Iˇsaˬtaˆ 1:16 Iomraidhean Croise

Eˇzaˬlaˬ 4:6

Paˇshaˇ sahˬ paˬ Dzeuˬsehˆ uˆ lahˇ dahˬ beh ngeh yamˬ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ muiˇ-eu deuˬ, aˬ yawꞈ maꞈ-euˬ gaˇ kawˆ sahˬ boꞈ boꞈ-awˇ daˬ-euˬ meh.

Iˇsaˬtaˆ 1:15

“Ngaˇ sahˬ paˬ Dzeuˬsehˆ neh ngaˬ-euˬ zaˬ kʼaˆ deuˬ-ahˇ pyehˬ gʼeh-awˇ bi ehˇ nehˬ-iˇ-euˬ dawˬ-ahˇ sahˬ paˬ miˬ zaˬ Baˬshaˬtiˇ maˬ naˇ haˬ geuꞈ-a. Miˇ kʼahˬ-euˬ zahˇ-ahˇ taꞈ leˇ-awˇ aˬ yawꞈ-ahˇ aˬ dui maꞈ aˬ joˆ-ehˇ ya jahˇ nehˬ nmˇ” lehˇ aˬ yawꞈ maꞈ-ahˇ aˬ yawꞈ naˇ haˬ-euˬ meh.

Iˇsaˬtaˆ 1:17

Sahˬ paˬ miˬ zaˬ kʼoeˇ loꞈ-ehˇ jahˇ-euˬ gaˇ kawˆ ya gaˬ naˇ, miˇ kʼahˬ heu kʼahˬ-ahˇ jawˇ-eu zaˬ miˬ zaˬ dawˬ tawˆ luꞈ, yawˬ ha-euˬ kʼaˬ dzeˇ zaˬ-ahˇ taˬ nyiˇ tehꞈ-a. ‘Sahˬ paˬ Dzeuˬsehˆ neh aˬ yawꞈ-euˬ miˬ zaˬ Baˬshaˬtiˇ-ahˇ kuˇ-euˬ kʼawꞈ miˬ zaˬ gʼaˬ maˬ iˇ nehˬ-aˬ’ lehˇ aˬ yawꞈ maꞈ ehˇ tehꞈ-a.

Gʼaˬkʼehˇ 18:14

Pawˇluˆ dawˬ ngehˬ-eu lehˇ gʼeh ngeh, Yuˇdaˆ tsawˇ haˬ kʼoeˇ deuˬ-ahˇ Gaˬliˬoˬ heu loꞈ-ehˇ ehˇ nehˬ-euˬ meh. “Yuˇ daˆ tsawˇ haˬ deuˬ-oˇ, gaˇ kawˆ teu hmˬ-aˬ, yaw haiˬ tiˬ jeˬ paˬ mˇ bahˬ-euˬ loˇ, yaw lehˬ tiˬ jeˬ na jahˇ-euˬ loˇ lehˇ ngeuˇ law nmˇ-aˬ, naw maꞈ ehˇ gaˇ ngaˇ oˇ-awˇ naˇ haˬ nehˬ nya te siˬ.

Gʼaˬkʼehˇ 25:10

Pawˇluˆ ehˇ-eu, “Sahˬpaˬ Gehˇsaˬ-euˬ yaˇ kʼaˬ daˇ-eu nymˇ-ahˇ ngaˇ yawꞈ luꞈ-eu ma. Ngaˬ-ahˇ heu gaˇ yaˇ kʼaˬ ja-eu tsaˬ meh. Nawˇ siˬ luꞈ-eu loꞈ-ehˇ, Yuˇdaˆ tsawˇ haˬ deuˬ kʼoeˇ taˆ ngaˬ neh mˇ lehˬ taˬ-euˬ tiˬ jeˬ-iˬ maˬ jaˆ.