Iˇsaˬtaˆ 1:12 - Akha

¹² Ehˇ kʼawꞈ, sahˬ paˬ kʼoeˇ loꞈ-ehˇ dawˬ biꞈ-euˬ gaˇ kawˆ sahˬ paˬ miˬ zaˬ Baˬshaˬtiˇ-ahˇ zaˬ kʼaˆ kʼoeˇ deuˬ ehˇ nehˬ ngeh, Baˬshaˬtiˇ gʼaˬ sahˬ paˬ jawˇ gaˇ maˬ iˇ ni jawˇ-euˬ meh. Aˬ yawꞈ kʼoeˇ loꞈ-ehˇ maˬ iˇ ni jawˇ-euˬ miˇ neh, sahˬ paˬ nui ma pehˇ-euˬ meh.

Iˇsaˬtaˆ 1:12 Iomraidhean Croise

Aˇ dahˬ 3:16

Kʼoeˇ naˇ, Miˬyehˇ pyeuꞈ-eu Sahˬpaˬ Miˬyehˇ zaˬ miˬ zaˬ gʼaˬ-ahˇ heu loꞈ-ehˇ ehˇ nehˬ-euˬ meh. “Aˬ nyiˇ pi luꞈ ngeh maˬ ehˇ, aˬ nyiˇ ciˬ ngeh maˬ ehˇ, nawˇ ya mˇ-eu shaˬ zahˬ heu naˆ maˬ tseˇ naꞈ dzehˬ laˇ ni ngaˇ jahˇ ma. Nawˇ kʼoeˇ naˆ naˆ-ehˇ ya shaˬ kʼawꞈ, nawˬ-euˬ kʼaˬ dzeˇ zaˬ-ahˇ nawˇ aˬ myah luꞈ nui kʼahˇ jaˆ tehꞈ-a. Ehˇ kʼawꞈ, nawˬ-euˬ kʼaˬ dzeˇ zaˬ uˆ lahˇ-eu uˬ moˆ nawˇ ya jawˇ tehꞈ-a” lehˇ ehˇ nehˬ-euˬ meh.

Iˇsaˬtaˆ 1:11

“Sahˬ paˬ miˬ zaˬ Baˬshaˬtiˇ-ahˇ sahˬ paˬ miˬ zaˬ ya kʼoˆ-eu shuiˇ uˬ kʼoˆ bi kʼoˆ-awˇ sheuˬ uˇ laꞈ-awˬ” lehˇ aˬ ha shiꞈ gʼaˬ-ahˇ sahˬ paˬ dawˬ biꞈ-euˬ meh. Sahˬ paˬ miˬ zaˬ kʼoeˇ gʼaˬ seuˆ dzeuꞈ aˇ gʼehˇ muiˬ dui dui-eu miˇ neh, aˬ yawꞈ-euˬ miˬ zaˬ aˇ gʼehˇ aˇ naˆ ni muiˬ-eu gaˇ kawˆ yaw huiˬ yaw mahˇ deuˬ hawˇ-eu aˬ yawꞈ-euˬ daˬ yah deuˬ bi haw mawˇ-eu gʼaˇ duˬ kʼoeˇ loꞈ-ehˇ bi sheuˬ uˇ laꞈ-eu lehˇ gʼeh-eu meh.

Iˇsaˬtaˆ 1:13

Kʼoeˇ loꞈ-ehˇ gʼeh-eu gaˇ doˆ laˇ ngeh, miˇ kʼahˬ-euˬ zahˇ hawˇ-eu yaˇ kʼaˬ daˇ-eu paw tsawˇ gahˇ ahˇ-eu deuˬ-ahˇ sahˬ paˬ ya naˇ haˬ-eu zahˇ sahˇ kʼoꞈ jaˆ-eu miˇ neh, aˬ joˆ-ehˇ ya mˇ ya shaˇ-eu gaˇ kawˆ siˬ duˬ-eu aˬ yawꞈ-ahˇ nui noeˬ nui duˇ biꞈ-eu tsawˇ haˬ deuˬ-ahˇ kuˇ uiˬ-euˬ meh.

Iˇsaˬtaˆ 7:7

Sahˬ paˬ nui ma pehˇ-eu laꞈ kʼoeˇ tuˇ-awˇ, laꞈ nyiˇ doˆ-iˇ-awˇ yaˇ kmˇ-ahˇ iˇ-euˬ meh. Gaˇ kawˆ kʼoeˇ baˬ da neh aˬ yawꞈ-ahˇ sahˬ paˬ kʼehˬ-eu lehˇ noeˬ tsehˆ taˬ-euˬ gaˇ Haˬmaˬ haw siˬ-awˇ, naˇ kʼah paw jawˇ yaꞈ-awˇ, aˬ yawꞈ maˬ ya shiˇ ni sahˬ paˬ miˬ zaˬ Iˇsaˬtaˆ-ahˇ shaˇ ju-euˬ meh.

Jaceuq 74:1

Miˬyehˇ-oˇ, aˬ jeˬ miˇ neh nga maꞈ-ahˇ heu loꞈ-ehˇ byehˇ dzeh nehˬ laꞈ te. Nawˬ-euˬ tsawˇ jeuˬ-ahˇ mˬ maˬ maˬ byaˆ zaˇ ziˇ nawˇ nui ma pehˇ-eu gʼeh te loˇ.

Jaceuq 79:5

Sahˬpaˬ Miˬyehˇ-oˇ, nga maꞈ-ahˇ mˬ maˬ maˬ byaˆ zaˇ ziˇ nui ma pehˇ-eu gʼeh te loˇ. Nawˇ nui ma pehˇ-eu jeˬ miˬ dzaˬ doꞈ-eu loꞈ-ehˇ, aˬ myah luꞈ doꞈ doꞈ-ehˇ bi jaˆ-eu gʼeh te loˇ.

Doˆ-iˇ 32:19

Iˇsaˬleˬlaˆ tsawˇ haˬ deuˬ-euˬ jawˇ duˬ dawˬ peh Moˇseˬ zaꞈ ka keuˆ-iˇ-awˇ, mawˇ neˇ mawˇ kawˇ hawˇ-eu tsawˇ haˬ kʼoeˇ deuˬ gaˇ nyeh nyeh luꞈ gaˇ ya mawˇ ngeh, nui ma pehˇ dui dui-euˬ meh. Kʼoeˇ gaˇ, gawˬ jawˬ dawˬ dahˬ-ahˇ, aˬ yawꞈ baꞈ luꞈ-eu kʼaˬ lo teˇ byaꞈ baꞈ dzeh ka gʼeh-awˇ, bi paˆ-iˇ-euˬ meh.

Doˆ-iˇ 32:22

Aˬloˬ ehˇ-eu, “Ngaˬ-euˬ kʼoeˇ taˆ iˬ baˇ taˬ taˬ. Tsawˇ haˬ heu deuˬ maˬ muiˬ maˬ jaˬ-eu jeˬ aˇ naˆ ni mˇ mawꞈ-eu nawˇ siˬ nya-eu meh.

Dawqdaq 19:12

Sahˬ paˬ-euˬ nui pehˇ kʼaˬ laˬ joeˬ gaˇ duˇ-awˇ, aˬ yawꞈ-euˬ nui gaˬ yaˇ moꞈ-ahˇ ceuˬ ga gaˇ duˇ-eu meh.

Dawqdaq 20:2

Sahˬ paˬ nui pehˇ dzoeˬ-eu kʼaˬ laˬ, sahˬ paˬ-ahˇ laˆ ca-euˬ tsawˇ shiˇ uˬ kʼawˇ.

Daˬyeˬlaˇ 2:12

Kʼoeˇ loꞈ-ehˇ ehˇ laˇ gaˇ sahˬ paˬ nui ma pehˇ dui dui-awˇ, Baˬbuˇloˬ meuˬ-ahˇ kʼaˇ jawˇ-eu sahˬ paˬ-ahˇ nui noeˬ nui duˇ biꞈ-eu deuˬ pyeuꞈ-eu tsawˇ gahˇ ahˇ-eu tsawˇ haˬ dawˬ tawˆ luꞈ-ahˇ sehꞈ-eu gʼaˇ duˬ, dawˬ biꞈ-euˬ meh.

Daˬyeˬlaˇ 3:13

Kʼoeˇ ngeh, sahˬ paˬ nui ma pehˇ laˇ-awˇ, tsawˇ haˬ kʼoeˇ smˇ gʼaˬ-ahˇ aˬ yawꞈ mehˬ shi bi sheuˬ laꞈ-eu gʼaˇ duˬ dawˬ biꞈ-euˬ meh.

Daˬyeˬlaˇ 3:19

Kʼoeˇ ngeh, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-ahˇ Neˬbuˬkaˬneˬzaˬ nui ma pehˇ dui dui laˇ-awˇ, baˬ ba neˇ tseuˆ ni pyeuꞈ laˇ-euˬ meh. Kʼoeˇ miˇ neh, miˬ dzaˬ tsawˬ bu kʼoeˇ shiꞈ bymˇ lahˇ dzehˬ laˇ ni laˆ nyehˆ-eu gʼaˇ duˬ aˬ yawꞈ dawˬ biꞈ-euˬ meh.

Naˬhmˬ 1:6

Aˬ yawꞈ nui ma pehˇ-eu jeˬ-ahˇ, dehꞈ dzeuˇ nya-eu aˬ suˇ jawˇ ta. Nui pehˇ miˬ lmˇ shehˆ daˆ leꞈ ngeh, lo gahˬ lo guˇ byaˆ ka le-awˇ, kʼaˬ lehˇ loꞈ-ehˇ meuˇ jiˇ-eu meh.

Eˇpeˇsu 5:22

Miˬ zaˬ deuˬ-oˇ, Sahˬpaˬ Yeˬsuˇ-euˬ ehˇ dawˬ naˇ haˬ-eu loꞈ-ehˇ, yawˬ ha kʼaˬ dzeˇ zaˬ-euˬ ehˇ dawˬ naˇ haˬ-awˬ.

Eˇpeˇsu 5:24

Kʼoeˇ miˇ neh, Ka li-euˬ dawˬ-ahˇ Ka li zaˬ aˇ muˇ tiˬ byah ni naˇ haˬ geuꞈ-eu loꞈ-ehˇ, kʼaˬ dzeˇ zaˬ-euˬ dawˬ-ahˇ miˬ zaˬ gʼaˬ tiˬ byah ni ya naˇ haˬ geuꞈ-eu meh.

Dawˬmehˬ 29:20

Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Miˬyehˇ iˬ baˇ maˬ pyehˬ nehˬ-ehˇ, Sahˬpaˬ Miˬyehˇ-euˬ nui ma pehˇ-eu miˬ dzaˬ aˬ yawꞈ-ahˇ zaw leˇ-awˇ, geuꞈ-eu jeˬ maˬ ahˇ gaˇ keuˆ ni aˬ yawꞈ-ahˇ laˆ luˬ laˆ seˇ nehˬ ngeh keuˆ ni, sahˬ boꞈ heu taꞈ laꞈ kʼoeˇ kʼaˇ boꞈ taˬ-euˬ luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le tehꞈ-a.

1 Beˬtuˆluˆ 3:1

Kʼoeˇ loꞈ-ehˇ duˇ ni, miˬ zaˬ deuˬ kʼawꞈ, yawˬ ha-euˬ kʼaˬ dzeˇ zaˬ ehˇ dawˬ naˇ haˬ-awˬ. Kʼoeˇ loꞈ-ehˇ naˇ haˬ naˇ, kʼaˬ dzeˇ zaˬ gʼaˬ Miˬyehˇ dawˬ kawˬ-ahˇ maˬ jah-eu kʼawꞈ, naw maꞈ dehꞈ gaˇ jawˇ gaˇ haw-awˇ jah laˇ tehꞈ-a. Aˬ yawꞈ maꞈ jah laˇ ni naw maꞈ kʼaˬ meh mehˬ boeˬ neh ja mehˬ-eu maˬ loˬ-aˇ.