Iˇsaˬtaˆ 1:11 - Akha

¹¹ “Sahˬ paˬ miˬ zaˬ Baˬshaˬtiˇ-ahˇ sahˬ paˬ miˬ zaˬ ya kʼoˆ-eu shuiˇ uˬ kʼoˆ bi kʼoˆ-awˇ sheuˬ uˇ laꞈ-awˬ” lehˇ aˬ ha shiꞈ gʼaˬ-ahˇ sahˬ paˬ dawˬ biꞈ-euˬ meh. Sahˬ paˬ miˬ zaˬ kʼoeˇ gʼaˬ seuˆ dzeuꞈ aˇ gʼehˇ muiˬ dui dui-eu miˇ neh, aˬ yawꞈ-euˬ miˬ zaˬ aˇ gʼehˇ aˇ naˆ ni muiˬ-eu gaˇ kawˆ yaw huiˬ yaw mahˇ deuˬ hawˇ-eu aˬ yawꞈ-euˬ daˬ yah deuˬ bi haw mawˇ-eu gʼaˇ duˬ kʼoeˇ loꞈ-ehˇ bi sheuˬ uˇ laꞈ-eu lehˇ gʼeh-eu meh.

Iˇsaˬtaˆ 1:11 Iomraidhean Croise

2 Saˬmeuˬlaˆ 14:25

Iˇsaˬleˬlaˆ miˇ kʼahˬ laꞈ kʼoeˇ, Aˬbaˇsaˬloˬ loꞈ-ehˇ seuˆ dzeuꞈ aˇ gʼehˇ muiˬ-awˇ, tsawˇ myahˇ doˆ-eu tsawˇ haˬ tiˬ gʼaˬ-iˬ maˬ jawˇ-a. Uˬ duˬ-ahˇ neh aˬ kuiˇ pehˬ zaˬ-ahˇ keuˆ ni, ehˇ kʼaˇ za-eu tiˬ tsahˇ-iˬ maˬ jaˆ-a.

Iˇsaˬtaˆ 1:12

Ehˇ kʼawꞈ, sahˬ paˬ kʼoeˇ loꞈ-ehˇ dawˬ biꞈ-euˬ gaˇ kawˆ sahˬ paˬ miˬ zaˬ Baˬshaˬtiˇ-ahˇ zaˬ kʼaˆ kʼoeˇ deuˬ ehˇ nehˬ ngeh, Baˬshaˬtiˇ gʼaˬ sahˬ paˬ jawˇ gaˇ maˬ iˇ ni jawˇ-euˬ meh. Aˬ yawꞈ kʼoeˇ loꞈ-ehˇ maˬ iˇ ni jawˇ-euˬ miˇ neh, sahˬ paˬ nui ma pehˇ-euˬ meh.

Iˇsaˬtaˆ 2:17

Zaˬ miˬ aˬ buˇ zaˬ guˬ dawˬ tawˆ luꞈ laꞈ kʼoeˇ, aˬ yawꞈ-ahˇ sahˬ paˬ mawꞈ dzehˬ leˇ-awˇ, dawˬ tawˆ luꞈ naˆ maˬ tseˇ aˬ yawꞈ-ahˇ gaˬ dzehˬ-euˬ meh. Aˬ yawꞈ-euˬ uˬ duˬ-ahˇ sahˬ paˬ miˬ zaˬ kʼoˆ-eu shuiˇ uˬ kʼoˆ nyehꞈ kʼoˆ nehˬ-awˇ, Baˬshaˬtiˇ-euˬ dah zaˇ sahˬ paˬ miˬ zaˬ bi geuꞈ-euˬ meh.

Dawqdaq 16:9

Tsawˇ haˬ zaˬ nui noeˬ bym kʼawꞈ, Sahˬpaˬ Miˬyehˇ neh kʼaˇ sheu pyawˆ-euˬ jeˬ ya geuꞈ-eu meh.

Dawqdaq 31:30

Aˬ cawˬ bi haw mawꞈ-eu jeˬ maˬ ziꞈ-ehˇ, aˇ gʼehˇ muiˬ-eu jeˬ kʼawꞈ maˬ gmˬ-a. Ehˇ kʼawꞈ, Sahˬpaˬ Miˬyehˇ-ahˇ taˬ huiˬ taˬ mahˇ-eu zaˬ miˬ zaˬ-ahˇ aˬ cawˬ ya ja ceuˬ tehꞈ-a.

1 Saˬmeuˬlaˆ 25:3

Aˬ yawꞈ-euˬ tsawˇ myahˇ-aˬ, Naˬbaˬlaˇ pyeuꞈ-awˇ, aˬ yawꞈ-euˬ miˬ zaˬ-aˬ, Aˬbiˇgeˬlaˆ meh. Miˬ zaˬ gʼaˬ aˇ gʼehˇ muiˬ-awˇ tsawˇ gahˇ ahˇ-eu tsawˇ haˬ tiˬ gʼaˬ meh. Ehˇ kʼawꞈ, Gaˬlehˆ aˇ jeuˬ pyeuꞈ-eu kʼaˬ dzeˇ zaˬ gʼaˬ-aˬ, nui ma yaw doeˇ meh.