HeˬByehˇ 8:2 - Akha

² Aˬ yawꞈ-aˬ, tsawˇ haˬ zaˬ neh tsoˆ-euˬ sehˬ gʼawˆ maˬ ngeuˇ-eu, Sahˬpaˬ Miˬyehˇ neh tsoˆ-euˬ maˇ maˇ ni gʼeh-eu sehˬ gʼawˆ laꞈ kʼoeˇ, Muiˬ dui shawˇ dui dui-eu Jawˇduˬ-ahˇ gaˇ mˇ-eu Piˇma Yaw huiˬ gʼaˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqyawf-aq, tsawrhaq nae ghawv-euq maqngeur-eu, Sanqpaq Miqyaer nae ghawv-euq aqdir saqpar saeqghawv-euq lafkhoer, shawr-eu jawrduq-anr uqduq tanq-eu gar mrluf-eu mae.

HeˬByehˇ 8:2 Iomraidhean Croise

Doˆ-iˇ 25:9

Sehˬ gʼawˆ hawˇ-eu, sehˬ gʼawˆ laꞈ kʼoeˇ bi jaˆ-eu keu ka deuˬ-ahˇ, ngaˇ nawˬ-ahˇ mehˬ nehˬ-eu loꞈ-ehˇ tsoˆ-awˬ.

Doˆ-iˇ 28:1

“Nawˬ-euˬ aˇ doˆ Aˬloˬ hawˇ-eu aˬ yawꞈ-euˬ aˬ li Naˬdehˇ, Aˬbiˇhuˬ, Eˇlaˬzaˬ hawˇ-eu Iˇdaˬmaˬ-ahˇ kuˇ-awˬ. Iˇsaˬleˬlaˆ tsawˇ haˬ laꞈ kʼoeˇ, aˬ yawꞈ maꞈ-ahˇ kuˇ doˆ-awˇ, ngaˬ-euˬ gaˇ mˇ-eu piˇ ma deuˬ bi geuꞈ-awˬ.

Doˆ-iˇ 28:35

Aˬloˬ piˇ ma geuꞈ ngeh, pehˇ kʼahˬ pehˇ mahˇ heu kahˇ ya dm meh. Muiˬ-eu shawˇ-eu jawˇ duˬ-ahˇ, ngaˇ jawˇ gaˇ aˬ yawꞈ laˇ ngeh, aˬ yawꞈ maˬ ya shiˇ-eu gʼaˇ duˬ, jaˇ cuˇ teˇ saˇ ya bi mahˇ meh.

Doˆ-iˇ 33:7

Iˇsaˬleˬlaˆ tsawˇ haˬ deuˬ kʼaˇ jawˇ naˬ-euˬ tsahˇ-ahˇ, aˬ yawꞈ maꞈ-euˬ sehˬ gʼawˆ deuˬ nehˬ-ehˇ ui cuiˆ gaˇ mahˇ kaˬ gaˇ, muiˬ-eu shawˇ-eu Sehˬ gʼawˆ kʼoeˇ gʼawˆ Moˇseˬ bi jaˆ-euˬ meh. Sehˬ gʼawˆ kʼoeˇ gʼawˆ-ahˇ, Sahˬpaˬ Miˬyehˇ jawˇ-eu Sehˬ gʼawˆ lehˇ myahˇ-awˇ, Sahˬpaˬ Miˬyehˇ-ahˇ kʼaˇ tahˬ puˬ mawꞈ-eu tsawˇ haˬ deuˬ kʼoeˇ gaˇ ya le-eu meh.

Luˇkaꞈ 24:44

Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ sahˬ boꞈ deuˬ laꞈ kʼoeˇ maˬ ehˇ, Ja ceuˬ-eu sahˬ boꞈ laꞈ kʼoeˇ maˬ ehˇ, ngaˬ-euˬ gaˇ kawˆ boꞈ taˬ-euˬ yawˬ jeˬ na luꞈ, heu loꞈ-ehˇ pyeuꞈ laˇ-awˇ ya byah laˇ meh lehˇ, ngaˇ naw maꞈ nehˬ-ehˇ jawˇ ngeh neh naw maꞈ-ahˇ ehˇ nehˬ-euˬ ma.”

Lormav 15:8

Miˬyehˇ saˇ jaˇ ziꞈ-eu gaˇ kawˆ bi siˬ bi mawˇ-eu gʼaˇ duˬ hawˇ-eu, aˬ yawꞈ neh aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ bi byah laˇ-eu lehˇ, Yuˇdaˆ tsawˇ haˬ deuˬ gʼaˇ duˬ Ka li mˇ le-euˬ meh.

2 Gawˇliˬtu 5:1

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui jawˇ luꞈ-eu yaˇ cmˇ pyeuꞈ-eu aˬ dui-euˬ gʼawˇ mawˇ heu cawˆ-iˇ ngeh, aˬ dui bi jawˇ-eu gʼaˇ duˬ Miˬyehˇ neh mˬ kʼoeˇ taˆ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu nymˇ jaˆ ma lehˇ aˬ dui siˬ nya ma.

Gawˇlawˇsehˇ 2:11

Ka li laꞈ kʼoeˇ naw maꞈ baˆ kʼoˆ mehˬ dzaˬ yehˬ gʼaˬ-euˬ meh. Kʼoeˇ-aˬ, tsawˇ haˬ zaˬ neh baˆ kʼoˆ mehˬ dzaˬ yehˬ-euˬ gaˇ maˬ duˇ-a. Ka li laꞈ kʼoeˇ baˆ kʼoˆ mehˬ dzaˬ yehˬ-euˬ kʼoeˇ-aˬ, iˬ baˇ ahˇ-eu gʼawˇ mawˇ heu-euˬ laꞈ kʼoeˇ neh bi buˬ-iˇ nya-eu baoˬ ahˇ-eu meh.

HeˬByehˇ 10:11

Yuˇdaˆ tsawˇ haˬ piˇ ma aˬ yawꞈ gʼaˬ yawꞈ, yawˬ nah na luꞈ piˇ ma-euˬ gaˇ ya mˇ-awˇ, aˬ yawꞈ tiˬ jeˬ-ahˇ gʼawˬ mya poˆ ya lawˇ ya shehˇ poˆ-eu meh. Ehˇ kʼawꞈ, aˬ yawꞈ maꞈ neh lawˇ-euˬ shehˇ-euˬ kʼoeˇ iˬ baˇ maˬ shawˇ nya-a.

HeˬByehˇ 10:21

Miˬyehˇ-euˬ nymˇ-ahˇ haw-eu pyaˆ-eu huiˬ dui dui-eu piˇ ma tiˬ gʼaˬ aˬ dui jawˇ-eu ma.

HeˬByehˇ 11:10

Aˬ jeˬ miˇ neh ehˇ naˇ, Miˬyehˇ neh shaˇ noeˬ-awˇ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu meuˬ-ahˇ Aˬbyaˬhaˬ noeˬ tmˬ taˬ-euˬ meh.

HeˬByehˇ 9:1

Dawˬ ma saˇ jaˇ yaw beh hmˬ laꞈ kʼoeˇ, uˬ duˬ aˬ joˆ-ehˇ ya tahˬ-eu zahˇ sahˇ kʼoꞈ deuˬ ahˇ-awˇ, tsawˇ haˬ zaˬ neh jahˇ-euˬ uˬ duˬ tahˬ-eu jawˇ duˬ kʼawꞈ baw-eu meh.

Panmaeq 21:3

Kʼaˆ dui dui-eu teˇ saˇ tiˬ saˇ dzoeˬ dzaˬ nuiˇ mahˬ-ahˇ neh heu loꞈ-ehˇ ehˇ doˆ leꞈ gaˇ ngaˇ ya gaˬ-euˬ ma. “Nymˬ-mˇ, Miˬyehˇ-euˬ nymˇ tsawˇ haˬ zaˬ jawˇ gaˇ jaˆ le-euˬ meh. Aˬ yawꞈ maꞈ nehˬ-ehˇ aˬ yawꞈ jawˇ-awˇ, aˬ yawꞈ maꞈ aˬ yawꞈ-euˬ tsawˇ haˬ pyeuꞈ laˇ tehꞈ-a. Aˬ yawꞈ-euˬ mawˇ do aˬ yawꞈ maꞈ nehˬ-ehˇ jawˇ tehꞈ-a.