Baw gaꞈ deuˬ neh kawˬ doˆ-euˬ maˬ ahˇ leˇ-ehˇ, jeˬ gaꞈ kʼaˇ gaꞈ jeuˬ-euˬ deuˬ maˬ ehˇ, Aˬleˬbyaˇ sahˬ paˬ deuˬ neh kawˬ doˆ nehˬ-euˬ deuˬ maˬ ehˇ, Iˇsaˬleˬlaˆ miˇ kʼahˬ laꞈ kʼoeˇ biˇ taˬ-euˬ miˇ kʼahˬ kʼahˬ zaˬ deuˬ kʼoeˇ taˆ uˆ lahˇ-eu sahˬ paˬ sahˬ ma deuˬ neh kawˬ doˆ nehˬ-euˬ deuˬ maˬ ehˇ, tiˬ pawꞈ-iˬ maˬ sawˇ ahˇ ni, kʼoeˇ myaˆ ni gʼeh-eu shuiˇ aˬ yawꞈ za taˬ-euˬ meh.
Haˬgaiˇ 1:1 - Akha1 Paˇshaˇ miˇ kʼahˬ-ahˇ sahˬ paˬ Daˬliˇ uˆ lahˇ-euˬ nyiˬ kʼoꞈ tiˬ kʼoꞈ ba la koꞈ siˬ tiˬ siˬ yaw beh nah-ahˇ, Haˬgaiˇ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ jawˇ gaˇ, Sahˬpaˬ Miˬyehˇ-euˬ dawˬ keuˆ le-euˬ meh. Dawˬ kʼoeˇ deuˬ-aˬ, Yuˇdaˆ miˇ kʼahˬ-ahˇ uˆ lahˇ luꞈ-eu gʼaˬ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu, piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ gʼaˇ duˬ pyeuꞈ-eu meh. Faic an caibideil |
Haˬgaiˇ 1:1
41 Iomraidhean Croise
Laꞈ taˆ paw pyawˬ-ahˇ jaˆ-eu Haˬmaˆ gʼaˬ lahˇ-ahˇ neh, laꞈ oˆ paw pyawˬ-ahˇ jaˆ-eu Shiˇ-eu iˬ ma laˆ shaˆ-ahˇ keuˆ ni, Iˇsaˬleˬlaˆ miˇ kʼahˬ dawˬ tawˆ luꞈ-ahˇ aˬ yawꞈ paˇ deuˆ za kʼoꞈ geuꞈ-euˬ meh. Kʼoeˇ loꞈ-ehˇ pyeuꞈ laˇ tehꞈ-a lehˇ, Miˬyehˇ gʼaˇ duˬ ngehˬ dah-eu Yawˇnaˆ-ahˇ gʼoe-awˇ Sahˬpaˬ Miˬyehˇ neh ehˇ taˬ-euˬ dawˬ jaˆ-eu meh. Yawˇnaˆ-aˬ, Gaˬdaˇheˬpaˬ meuˬ-ahˇ jawˇ-eu Aˬmiˇtehˇ-euˬ aˬ li meh.
aˬ cawˬ tsawˇ jeuˬ-ahˇ sheuˬ-euˬ tsawˇ haˬ deuˬ-euˬ jaˇ laˇ-aˬ, heu loꞈ-ehˇ meh. Piˇ ma aˇ jeuˬ aˇ ca deuˬ laꞈ kʼoeˇ aˬ cawˬ tsawˇ jeuˬ-ahˇ sheuˬ-euˬ deuˬ-aˬ, Yeˬhawˇzaˬdaˆ-euˬ aˬ li Yawˇshuˆ hawˇ-eu aˬ yawꞈ-euˬ mehˇ nmˇ deuˬ-euˬ zaˬ deuˬ uˆ deuˬ pyeuꞈ-eu Mawˇseˬyaˇ, Eˇliˇzaˬ, Yaˬliˆ hawˇ-eu, Geˬdaˬliˇ meh.
Aˬ yawꞈ maꞈ-euˬ aˬ yuiꞈ aˬ tsu deuˬ-aˬ, Yeˬluˇbaˬbeˬlaˇ, Yawˇshuˆ, Neˬhaˬmiˇ, Seˬlehˇyaˬ, Yeˬlaˇyaˬ, Mawˬdaˬkehˇ, Biˇlaˬshaˬ, Miˇsaˬpaˬ, Biˇgaˬbeˬ, Leˬhamˬ hawˇ-eu, Baˬnahˬ meh. Baˬbuˇloˬ miˇ kʼahˬ-ahˇ neh gʼoꞈ laˇ-euˬ Iˇsaˬleˬlaˆ tsawˇ jeuˬ tsawˇ ca aˬ yawꞈ jeuˬ yawꞈ hawˇ-eu tsawˇ haˬ aˇ gʼaˬ-euˬ jaˇ laˇ-aˬ, heu loꞈ-ehˇ meh.
Miˬyehˇ-euˬ tsawˇ haˬ pyeuꞈ-eu Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ loꞈ-ehˇ miˬ dzaˬ-ahˇ dzah puiˆ-awˇ lawˇ-eu jeˬ lawˇ nya shehˇ nya ni, Yeˬhawˇzaˬdaˆ-euˬ aˬ li Yawˇshuˆ hawˇ-eu aˬ yawꞈ-euˬ cawˬ piˇ ma deuˬ maˬ ehˇ, Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu aˬ yawꞈ-euˬ aˬ yuiꞈ aˬ nyiˇ deuˬ maˬ ehˇ, tiˬ kawˆ loꞈ-ehˇ Iˇsaˬleˬlaˆ tsawˇ jeuˬ-euˬ Miˬyehˇ-euˬ lawˇ duˬ gawˬ-euˬ meh.
Yeˬluˇsaˬlehˬ meuˬ Uˬ duˬ tahˬ nymˇ nymˇ ma nymˇ coeˬ-ahˇ aˬ yawꞈ maꞈ gʼoꞈ keuˆ laˇ-euˬ nyiˬ kʼoꞈ tiˬ kʼoꞈ ba la nyiˬ siˬ tiˬ siˬ-ahˇ, Uˬ duˬ tahˬ nymˇ nymˇ ma tsoˆ dahˬ beh-euˬ meh. Zeˬluˇbaˬbeˬlaˇ, Yawˇshuˆ hawˇ-eu aˬ yawꞈ maꞈ-euˬ miˇ kʼahˬ zaˬ deuˬ pyeuꞈ-eu piˇ ma deuˬ, Leˬbiˇ tsawˇ haˬ deuˬ ahˇ leˇ-ehˇ, Baˬbuˇloˬ miˇ kʼahˬ-ahˇ neh kʼaˇ gʼoꞈ laˇ-euˬ tsawˇ haˬ dawˬ tawˆ luꞈ, Uˬ duˬ tahˬ nymˇ nymˇ ma tsoˆ-eu gaˇ mˇ-euˬ meh. Nyiˬ tseˇ kʼoꞈ-ahˇ neh laꞈ taˆ paw-euˬ Leˬbiˇ tsawˇ haˬ dawˬ tawˆ luꞈ-ahˇ, gaˇ mˇ gaˇ bi haw bi pyaˆ-euˬ meh.
Kʼoeˇ miˇ neh, Zeˬluˇbaˬbeˬlaˇ hawˇ-eu tsawˇ jeuˬ tsawˇ ca deuˬ kʼoeˇ taˆ aˬ yuiꞈ geuꞈ-eu deuˬ jawˇ gaˇ aˬ yawꞈ maꞈ iˇ-awˇ, heu loꞈ-ehˇ ehˇ nehˬ-euˬ meh. “Nga maꞈ jiˇ naw maꞈ Uˬ duˬ tahˬ nymˇ nymˇ ma tsoˆ gaˇ caw ba ma. Nga maꞈ gʼeh naw maꞈ uˬ duˬ tahˬ luꞈ-eu Miˬyehˇ-ahˇ uˬ duˬ tahˬ luꞈ-awˇ, Aˬshuˇliˆ sahˬ paˬ Eˇsaˬhaˬdoˬ neh nga maꞈ-ahˇ heu gaˇ bi jawˇ laˇ ngeh neh, naw maꞈ-euˬ Miˬyehˇ-ahˇ nga maꞈ lawˇ luꞈ shehˇ luꞈ-eu ma.”
Aˇ yamˬ kʼoeˇ yamˬ laꞈ kʼoeˇ, Haˬgaiˇ hawˇ-eu Iˇdoˬ-euˬ aˬ li Zaˬkaˬliˇ lehˇ myahˇ-euˬ Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ deuˬ-ahˇ, Iˇsaˬleˬlaˆ tsawˇ jeuˬ-euˬ Miˬyehˇ-euˬ tsawˇ myahˇ uˬ moˆ dawˬ ngehˬ cawˬ le-euˬ meh.
Kʼoeˇ ngeh, Uˇpaˬlaˇ lawˇ baˬ nahˇ ma ga kʼehˬ paw jaˆ-eu miˇ kʼahˬ-ahˇ uˆ lahˇ-eu Taˬteˬnehˇ, Sheˬdaˬbawˇzaˬnehˇ hawˇ-eu, aˬ nyaꞈ-euˬ cawˬ yaw huiˬ yaw mahˇ geuꞈ luꞈ-eu deuˬ Yeˬluˇsaˬlehˬmeuˬ-ahˇ laˇ-awˇ, “Uˬ duˬ tahˬ nymˇ nymˇ ma heu nymˇ tsoˆ-awˇ kʼoeˇ gaˇ jaˆ-eu keu ka deuˬ laˆ saˆ-eu gʼaˇ duˬ aˬ suˇ gʼaˬ naw maꞈ-ahˇ aˬ kawˬ-aˬ biꞈ laꞈ-euˬ ta” lehˇ naˇ haˬ-euˬ meh.
Miˬyehˇ gʼaˇ duˬ ngehˬ dah-eu nyiˬ gʼaˬ pyeuꞈ-eu Haˬgaiˇ hawˇ-eu Zaˬkaˬliˇ aˬ nyaꞈ neh gʼaˬ biꞈ nehˬ-euˬloꞈ-ehˇ, Yuˇdaˆ tsawˇ haˬ aˬ yuiꞈ aˬ tsu deuˬ Uˬ duˬ tahˬ nymˇ nymˇ ma tsoˆ-eu gaˇ-ahˇ tiˬ tiˆ saˇ-iˬ tiˬ tiˆ mˇ daˆ leꞈ-euˬ meh. Iˇsaˬleˬlaˆ-euˬ Miˬyehˇ hawˇ-eu Paˇshaˇ sahˬ paˬ deuˬ pyeuꞈ-eu Guˇluˆ, Daˬliˇ hawˇ-eu Aˬtaˬdzeuˬsehˆmaꞈ neh dawˬ biꞈ-euˬ loꞈ-ehˇ, Uˬ duˬ tahˬ nymˇ nymˇ ma-ahˇ aˬ yawꞈ maꞈ tsoˆ gʼaˬ-euˬ meh.
Sahˬpaˬ Aˬtaˬdzeuˬsehˆ sahˬpaˬ geuꞈ-euˬ nyiˬ tseˇ kʼoꞈ tiˬ kʼoꞈ-ahˇ neh smˬ tseˇ nyiꞈ kʼoꞈ tiˬ kʼoꞈ-ahˇ keuˆ ni, Yuˇdaˆ miˇ kʼahˬ-ahˇ ngaˇ tseˇ nyiꞈ kʼoꞈ uˆ lahˇ-euˬ ma. Tseˇ nyiꞈ kʼoꞈ aˇ yamˬ kʼoeˇ laꞈ kʼoeˇ, uˆ lahˇ-eu gʼaˬ-ahˇ oꞈ-eu dzaˬ dzaˬ dawˇ dawˇ deuˬ-ahˇ, ngaˇ maˬ ehˇ, ngaˬ-euˬ aˬ yuiꞈ aˬ nyiˇ deuˬ maˬ ehˇ, maˬ taꞈ dzaˬ-aˬ.
Aˬ yawꞈ maꞈ-euˬ aˬ yuiꞈ aˬ tsu deuˬ-aˬ, Yeˬluˇbaˬbeˬlaˇ, Yawˇshuˆ, Neˬhaˬmiˇ, Aˬzaˬliˇ, Lawˬmiˇ, Naˬhaˬmaˬniˇ, Mawˬdaˬkehˇ, Biˇlaˬshaˬ, Miˇsaˬpeˬlehˆ, Biˇgaˬbeˬ, Neˬhamˬ hawˇ-eu, Baˬnahˬ meh. Baˬbuˇloˬ miˇ kʼahˬ-ahˇ neh gʼoꞈ laˇ-euˬ Iˇsaˬleˬlaˆ tsawˇ jeuˬ tsawˇ ca aˬ yawꞈ jeuˬ yawꞈ hawˇ-eu, tsawˇ haˬ aˇ gʼaˬ-euˬ jaˇ laˇ-aˬ heu loꞈ-ehˇ meh.
Zahˇ dawˬ kʼoꞈ dawˬ-ahˇ tsawˇ haˬ kʼoeˇ deuˬ gʼoˆ siˬ gʼaˬ ngeh, nui ma-ahˇ zaw dui dui leˇ-awˇ ngoeˇ-euˬ meh. Kʼoeˇ ngeh, Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Neˬhaˬmiˇ, piˇ ma hawˇ-eu zahˇ dawˬ kʼoꞈ dawˬ siˬ nya-eu zahˇ dzoeˬ miˬ ma pyeuꞈ-eu Eˇzaˬlaˬ hawˇ-eu, zahˇ dawˬ kʼoꞈ dawˬ-euˬ dawˬ tsuiꞈ mehˬ nehˬ-eu Leˬbiˇ tsawˇ haˬ deuˬ aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Iˬ nah-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ muiˬ-eu shawˇ-eu aˇ nah meh. Kʼoeˇ miˇ neh naw maꞈ taˬ ngoeˇ.
Kʼoeˇ naˇ, Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ maˬ ehˇ, Baˬbuˇloˬ miˇ kʼahˬ-ahˇ neh gʼoꞈ doˆ laˇ-euˬ tsawˇ haˬ dawˬ tawˆ luꞈ maˬ ehˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ mˇ-euˬ meh. Aˬ yawꞈ maꞈ Sahˬpaˬ Miˬyehˇ-ahˇ guˆ-eu laꞈ kʼoeˇ, Sahˬpaˬ Miˬyehˇ gʼaˇ duˬ ngehˬ dah-eu Haˬgaiˇ-euˬ dawˬ-ahˇ naˇ haˬ geuꞈ-euˬ meh.
Kʼoeˇ naˇ, Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ, piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ hawˇ-eu, Baˬbuˇloˬ miˇ kʼahˬ-ahˇ neh gʼoꞈ doˆ le-euˬ tsawˇ haˬ dawˬ tawˆ luꞈ-euˬ nui ma-ahˇ Sahˬpaˬ Miˬyehˇ ciˬ tuˇ nehˬ-awˇ, aˬ yawꞈ maꞈ dawˬ tawˆ luꞈ, aˬ yawꞈ maꞈ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma tsoˆ-euˬ meh.
Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Sahˬpaˬ Miˬyehˇ ngaˬ- ahˇ heu loꞈ-ehˇ paˇ bi mawˇ laꞈ-euˬ meh. Piˇ ma yaw huiˬ gʼaˬ pyeuꞈ-eu Yawˇshuˆ-aˬ, Sahˬpaˬ Miˬyehˇ-euˬ mˬ taˆ gʼaˬ kʼehˇ dawˬ peh yawꞈ luꞈ-awˇ, aˬ yawꞈ-euˬ dawˬ peh nehꞈ saˬdaˬ yawꞈ luꞈ-awˇ, aˬ yawꞈ-ahˇ yaˇ kʼaˬ ja-eu lehˇ gʼeh-eu meh.
Myaˆ behꞈ behꞈ-eu jeˬ zaˬ, naˇ gawˇ ahˇ-eu jeˬ zaˬ, kuiˇ kuˆ laꞈ kuˆ kuˆ-eu jeˬ zaˬ heu deuˬ naw maꞈ ngaˬ-ahˇ lawˇ nehˬ laˇ ngeh, tiˬ jeˬ-iˬ maˬ bahˬ-aˇ lehˇ noeˬ te loˇ. Miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ-ahˇ kʼoeˇ loꞈ-ehˇ gʼeh-eu jeˬ zaˬ biꞈ leˇ haw sheˇ. Aˬ yawꞈ maꞈ nui kʼahˇ shiˇ-awˇ laˬ kʼaˬ tiˬ cehˇ ha geuꞈ nehˬ laꞈ tehꞈ-a loˇ.”
Sanasan