Gʼaˬkʼehˇ 9:22 - Akha

²² Ehˇ kʼawꞈ, Sawˇluˆ dawˬ mehˬ mehˬ-eu baoˬ ahˇ dzehˬ laˇ-awˇ, Yeˬsuˇ-aˬ, Ka li pyeuꞈ-eu gaˇ kawˆ aˬ yawꞈ saˇ kiˇ kamˬ-eu tsaˬ dui byah dui dui-eu miˇ neh, Daˬmaˬsehˇ meuˬ-ahˇ jawˇ-eu Yuˇdaˆ tsawˇ haˬ deuˬ tiˬ jeˬ-iˬ maˬ ehˇ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aerkhawf, Sawrluv tiqjawr sair tiqjawr ghaq khavdzaeq lar-awr, Yeqsur-aq, Kali mae laer yawmuiq-aer aerduq nya-eu mirnae, Daqmaqsaer-anr jawr-eu Yurdav tsawrhaq deuq zanqlerjir taq-euq mae.

Gʼaˬkʼehˇ 9:22 Iomraidhean Croise

Aˇ dahˬ 49:24

Ehˇ kʼawꞈ, aˬ yawꞈ-euˬ kaˆ kaˆ poˆ maˬ byehˆ-iˇ-ehˇ, Aˬ yawꞈ-euˬ laꞈ du deuˇ dui dui ni, Iˇsaˬleˬlaˆ-ahˇ haw piˇ-eu yawˇ bo-eu yaw sahˇ, Yaˬkoˆ-euˬ Baoˬ huiˬ-eu Miˬyehˇ-euˬ baoˬ, aˬ yawꞈ-ahˇ caw ba-eu meh.

Yawˇbaˆ 17:9

Yawˬ haˇ yawˬ ha yaw tsaˬ yaw dawˇ ma lehˇ ehˇ-eu tsawˇ haˬ deuˬ, aˬ yawꞈ maꞈ yaw tsaˬ ma lehˇ, ngehˬ jawˇ ngehˬ noeˬ luꞈ meh.

Jaceuq 51:13

Kʼoeˇ naˇ, iˬ baˇ zaˬ deuˬ-ahˇ nawˬ-euˬ dawˬ ngaˇ mehˬ-awˇ, aˬ yawꞈ maꞈ nawˇ jawˇ gaˇ gʼoꞈ kʼoꞈ laˇ tehꞈ-a.

Jaceuq 84:7

Aˬ yawꞈ maꞈ mehˬ hu paw le ngeh gʼaˬ ahˇ dzehˬ laˇ-awˇ, miˬyehˇ dawˬ tawˆ luꞈ-euˬ Miˬyehˇ-ahˇ, Ziˇoˬ gawˬ jawˬ kʼoeˇ taˆ aˬ yawꞈ maꞈ ya tahˬ puˬ tehꞈ-a.

Iˇsaˬyaˇ 40:29

Gʼaˬ doeˇ doeˇ-awˇ gʼaˬ baˬ luꞈ-eu tsawˇ haˬ deuˬ-ahˇ, aˬ yawꞈ gʼaˬ biꞈ lahˬ nehˬ-eu meh.

Luˇkaꞈ 21:15

Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ maˬ ja gʼaˬ nya-eu dawˬ hawˇ-eu zaˬ siˬ tsawˇ gahˇ, naw maꞈ-ahˇ ngaˇ biꞈ ma.

Gʼaˬkʼehˇ 17:3

Jaˇliꞈ laꞈ kʼoeˇ ehˇ taˬ-euˬ gaˇ kawˆ aˬ yawꞈ maꞈ-ahˇ ja mehˬ-awˇ, Ka li shiˇ-awˇ gʼoꞈ dehꞈ laˇ-euˬ kʼoeˇ-aˬ, maˬ pyeuꞈ laˇ-ehˇ maˬ gʼeh nya-eu gaˇ kawˆ tiˬ hmˬ meh lehˇ mehˬ duˬ nehˬ-euˬ meh. “Ngaˇ naw maꞈ-ahˇ ja mehˬ luꞈ-eu Yeˬsuˇ heu gʼaˬ-aˬ, Ka li meh” lehˇ Pawˇluˆ ehˇ-eu meh.

Gʼaˬkʼehˇ 18:5

Siˬlaˆ hawˇ-eu Tiˆmoˇseˬ aˬ nyaꞈ Maˬgeˬdawˇniˆ miˇ kʼahˬ-ahˇ neh oe keuˆ ngeh, Pawˇluˆ gʼaˬ-aˬ, Miˬyehˇ dawˬ kawˬ mehˬ-eu gaˇ tehꞈ-ehˇ aˇ yamˬ tiˬ byah ni mˇ-awˇ, Yeˬsuˇ Meˬsiˇya pyeuꞈ-eu gaˇ kawˆ Yuˇdaˆ tsawˇ haˬ deuˬ-ahˇ saˇ kiˇ kamˬ-euˬ meh.

Gʼaˬkʼehˇ 28:23

Kʼoeˇ naˇ, aˬ yawꞈ maꞈ aˇ nah tiˬ nah laˆ duˬ-awˇ, aˇ nah kʼoeˇ nah keuˆ laˇ ngeh, tsawˇ haˬ gʼawˬ mya ni Pawˇluˆ jawˇ gaˇ uiˬ laˇ-euˬ meh. Uˬ shawˬ paw neh uˬ ciꞈ paw keuˆ ni, Pawˇluˆ neh aˬ yawꞈ maꞈ-ahˇ Miˬyehˇ Miˇkʼahˬ gaˇ kawˆ ja mehˬ-awˇ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ gaˇ kawˆ-ahˇ gʼoe gʼoe-ehˇ, Yeˬsuˇ-euˬ gaˇ kawˆ-ahˇ jah laˇ ni leh jeh-awˇ mehˬ nehˬ-euˬ meh.

Gʼaˬkʼehˇ 9:20

Aˬ yawꞈ tiˬ poˆ tehꞈ-ehˇ Yuˇdaˆ tsawˇ haˬ-euˬ uˬ duˬ tahˬ nymˇ kʼaˇ jaˆ gaˇ le-awˇ, Yeˬsuˇ-aˬ Miˬyehˇ-euˬ Zaˬ maˇ pyeuꞈ-eu gaˇ kawˆ dawˬ mehˬ mehˬ-euˬ meh.

Gʼaˬkʼehˇ 9:21

Aˬ yawꞈ dawˬ mehˬ mehˬ gaˇ kʼaˇ ya gaˬ-euˬ tsawˇ haˬ dawˬ tawˆ luꞈ zahˬ leˇ-awˇ ehˇ-eu, “Tsawˇ haˬ teu gʼaˬ Yeˬluˇsaˬlehˬ meuˬ laꞈ kʼoeˇ Yeˬsuˇ lehˇ kuˇ-eu gʼaˬ-ahˇ uˬ duˬ tahˬ-eu tsawˇ haˬ deuˬ-ahˇ sehꞈ-euˬ kʼoeˇ gʼaˬ maˬ ngeuˇ nga loˇ. Heu gaˇ kʼawꞈ ni, kʼoeˇ loꞈ-ehˇ gʼeh-eu tsawˇ haˬ deuˬ-ahˇ nyehꞈ-awˇ, piˇ ma aˬ yuiꞈ deuˬ jawˇ gaˇ sheuˬ kʼoꞈ gʼeh-eu lehˇ aˬ yawꞈ laˇ-euˬ maˬ ngeuˇ-a loˇ.”

Gʼaˬkʼehˇ 9:23

Gʼawˬ mya nah byah laˇ-awˇ, Sawˇluˆ-ahˇ sehꞈ-eu gʼaˇ duˬ Yuˇdaˆ tsawˇ haˬ deuˬ bawˬ kʼoeˬ-euˬ meh.

Gʼaˬkʼehˇ 9:27

Kʼoeˇ ngeh, Baˬnaˬbaˇ oe-awˇ, aˬ yawꞈ-ahˇ gʼaˬ kʼehˇ deuˬ jawˇ gaˇ sheuˬ gʼeh-euˬ meh. Sawˇluˆ gaˇ pehˇ-ahˇ Sahˬpaˬ Yeˬsuˇ-ahˇ aˬ joˆ-ehˇ ya tahˬ puˬ-awˇ, Sahˬpaˬ Yeˬsuˇ aˬ yawꞈ-ahˇ aˬ joˆ-ehˇ dawˬ ngehˬ cawˬ nehˬ-euˬ gaˇ kawˆ, Baˬnaˬbaˇ neh aˬ yawꞈ maꞈ-ahˇ dzawˇ nehˬ-euˬ meh. Daˬmaˬsehˇ meuˬ laꞈ kʼoeˇ, Yeˬsuˇ-euˬ tsawˇ myahˇ uˬ moˆ Sawˇluˆ kʼaˬ duˬ ni dawˬ mehˬ mehˬ-euˬ gaˇ kawˆ kʼawꞈ, aˬ yawꞈ dzawˇ nehˬ-euˬ meh.

1 Gawˇliˬtu 1:27

Zaˬ siˬ tsawˇ gahˇ ahˇ-eu deuˬ daˬ bi ga-eu gʼaˇ duˬ, miˇ tsaˬ zaˬ neh gaˇ dahˇ maˬ tsoeˬ-a lehˇ sawˇ taˬ-euˬ deuˬ-ahˇ Miˬyehˇ neh diˇ daˬ-ehˇ tseˇ doˆ-awˇ, baoˬ jaˆ-eu tsawˇ haˬ deuˬ daˬ bi ga-eu gʼaˇ duˬ, miˇ tsaˬ zaˬ neh gʼaˬ baˬ dui dui meh lehˇ sawˇ taˬ-euˬ deuˬ-ahˇ Miˬyehˇ neh diˇ daˬ-ehˇ tseˇ doˆ-euˬ meh.

Gaˬlaˬtiˆ 1:18

Aˇ nah ba smˇ kʼoꞈ gʼeh-awˇ neh hawˇ-eu Yeˬluˇsaˬlehˬ meuˬ-ahˇ ngaˇ iˇ-awˇ, Beˬtuˆluˆ jawˇ gaˇ dawˬ deh gʼa leˇ-euˬ ma. Aˬ yawꞈ nehˬ-ehˇ tseˇ ngaˬ nah byah ni ngaˇ jawˇ-euˬ ma.

Piˇliˇpiˆ 4:13

Aˬ geu jeˬ keuˆ le-eu maˬ kaˬ, Ka li neh ngaˬ-ahˇ biꞈ laꞈ-euˬ baoˬ-ahˇ gʼoe-awˇ ciˬ daˬ coeˇ ma.

1 Tiˆmoˇseˬ 1:12

Ngaˇ gaˇ mˇ nya ni gʼaˬ biꞈ nehˬ laꞈ-euˬ gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ-ahˇ ja ceuˬ-eu ma. Aˬ yawꞈ-euˬ gaˇ mˇ-eu tsawˇ haˬ lehˇ sawˇ-awˇ bi mˇ bi shaˇ laꞈ-euˬ miˇ neh, aˬ yawꞈ-euˬ guiˬ lahˬ-ahˇ ngaˇ ja ceuˬ-eu ma.