Gʼaˬkʼehˇ 9:13 - Akha

¹³ Aˬnaˬniˇ ehˇ-eu, “Sahˬpaˬ-oˇ, tsawˇ haˬ heu gʼaˬ gaˇ kawˆ hawˇ-eu, Yeˬluˇsaˬlehˬ meuˬ-ahˇ jawˇ-eu nawˬ-euˬ tsawˇ haˬ deuˬ-ahˇ aˬ yawꞈ neh kʼehˬ-euˬ kʼaˆ-euˬ gaˇ kawˆ, tsawˇ haˬ gʼawˬ mya gʼaˬ ngaˬ-ahˇ ja mehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoerngae, Aqnaqnir heulof-aer aerkhof naeq-euq mae: “Sanqpaq-or! Tsawrhaq heughaq-aq, Yeqlursaqlaeq-anr jawr-eu nawq-euq tsawrshawr deuq-anr arnavni lavtanq lavnar naeq-euq garkawv, ngar, ghawqmya ghaq ja-eu gar yagaq-euq ma.

Gʼaˬkʼehˇ 9:13 Iomraidhean Croise

Yeˬsaˬgeˬlaˇ 3:14

Gʼaˬ kʼaˆ dui dui-eu Sahˬpaˬ Miˬyehˇ-euˬ baoˬ ngaˬ-euˬ kʼoeˇ taˆ oe-awˇ, aˬ yawꞈ-euˬ yaw sahˇ ngaˬ-ahˇ ciˬ gʼeh ngeh, ngaˇ nui ma naˇ-awˇ, nui ma pehˇ-euˬ ma.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Gʼaˬkʼehˇ 22:4

Gaˇma heu kahˇ mehˬ nah caw teh-eu tsawˇ haˬ deuˬ-ahˇ shiˇ gaˇ keuˆ ni ngaˇ kʼehˬ nehˬ kʼaˆ nehˬ-euˬ ma. Kʼaˬ dzeˇ zaˬ hawˇ-eu zaˬ miˬ zaˬ deuˬ-ahˇ nyehꞈ-awˇ tawˬ-ahˇ dawˆ nehˬ-euˬ ma.

Gʼaˬkʼehˇ 8:3

Ehˇ kʼawꞈ, Sawˇluˆ-aˬ, Ka li zaˬ aˇ muˇ-ahˇ laˆ byoˆ-eu lehˇ leh jeh-euˬ meh. Aˬ yawꞈ tiˬ nymˇ saˇ-iˬ tiˬ nymˇ iˇ iˇ-ehˇ, jah-eu tsawˇ haˬ kʼaˇ ngeuˇ-eu deuˬ-ahˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, nyehꞈ-awˇ tawˬ-ahˇ dawˆ-euˬ meh.

Gʼaˬkʼehˇ 9:1

Kʼoeˇ ngeh, Sawˇluˆ-aˬ, Sahˬpaˬ Yeˬsuˇ-euˬ mehˬ nah kʼaˇ caw teh-eu tsawˇ haˬ deuˬ-ahˇ sehꞈ ma lehˇ lmˬ lmˬ-ehˇ kʼaˬ-euˬ meh. Piˇ ma Yaw huiˬ gʼaˬ jawˇ gaˇ aˬ yawꞈ le-awˇ,

Gʼaˬkʼehˇ 9:21

Aˬ yawꞈ dawˬ mehˬ mehˬ gaˇ kʼaˇ ya gaˬ-euˬ tsawˇ haˬ dawˬ tawˆ luꞈ zahˬ leˇ-awˇ ehˇ-eu, “Tsawˇ haˬ teu gʼaˬ Yeˬluˇsaˬlehˬ meuˬ laꞈ kʼoeˇ Yeˬsuˇ lehˇ kuˇ-eu gʼaˬ-ahˇ uˬ duˬ tahˬ-eu tsawˇ haˬ deuˬ-ahˇ sehꞈ-euˬ kʼoeˇ gʼaˬ maˬ ngeuˇ nga loˇ. Heu gaˇ kʼawꞈ ni, kʼoeˇ loꞈ-ehˇ gʼeh-eu tsawˇ haˬ deuˬ-ahˇ nyehꞈ-awˇ, piˇ ma aˬ yuiꞈ deuˬ jawˇ gaˇ sheuˬ kʼoꞈ gʼeh-eu lehˇ aˬ yawꞈ laˇ-euˬ maˬ ngeuˇ-a loˇ.”

Gʼaˬkʼehˇ 9:32

Beˬtuˆluˆ-aˬ, doe doe-ehˇ cah cah-ehˇ jawˇ-euˬ meh. Tiˬ poˆ-aˬ, Luˇda meuˬ-ahˇ jawˇ-eu Miˬyehˇ-euˬ tsawˇ haˬ deuˬ jawˇ gaˇ dawˬ deh gʼa-iˇ-euˬ meh.

Gʼaˬkʼehˇ 9:41

Kʼoeˇ naˇ, Beˬtuˆluˆ aˬ laꞈ cawˬ nehˬ-awˇ, aˬ yawꞈ-ahˇ gʼeu tuˇ nehˬ-euˬ meh. Kʼoeˇ ngeh, jah-eu tsawˇ haˬ deuˬ hawˇ-eu miˬ coeˬ miˬ ma kʼoeˇ deuˬ-ahˇ Beˬtuˆluˆ kuˇ-awˇ, zaˬ miˬ zaˬ kʼoeˇ gʼaˬ-ahˇ, yaw dehꞈ-ehˇ aˬ yawꞈ maꞈ-ahˇ a kʼoꞈ nehˬ-euˬ meh.

Lormav 1:7

Kʼoeˇ miˇ neh, Miˬyehˇ-euˬ tsawˇ haˬ bi pyeuꞈ laˇ-eu lehˇ kuˇ doˆ taˬ-euˬ, aˬ yawꞈ gaˬ-eu naw maꞈ Loˇmaˆ meuˬ-ahˇ kʼaˇ jawˇ-eu tsawˇ haˬ deuˬ-ahˇ, ngaˇ sahˬ boꞈ boꞈ ahˇ laꞈ-euˬ ma. Aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ Ka liˬeuˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ keuˆ le luꞈ-uˇ.

Lormav 15:31

Yuˇdaˆ miˇ kʼahˬ laꞈ kʼoeˇ jawˇ-eu Ka li-ahˇ maˬ jah-eu tsawˇ haˬ kʼoeˇ deuˬ ngaˬ-ahˇ maˬ ya laˆ coeˬ laˆ ciˆ ni maˬ ehˇ, Yeˬluˇsaˬlehˬ meuˬ laꞈ kʼoeˇ ngaˬ neh mˇ nehˬ shaˇ nehˬ-euˬ jeˬ-ahˇ Miˬyehˇ-euˬ tsawˇ haˬ deuˬ laˬ kʼaˬ tiˬ cehˇ ha geuꞈ nehˬ laꞈ ni maˬ ehˇ, guiˬ lahˬ caw shaˇ nehˬ laꞈ-awˬ.

Lormav 16:15

Piˇlawˇluˇ hawˇ-eu Yuˇliˆ aˬ nyaꞈ-ahˇ maˬ ehˇ, Neˬluˇ hawˇ-eu a yawꞈ-euˬ dmˇ ma-ahˇ maˬ ehˇ, Awˇloˬpaˇ-ahˇ maˬ ehˇ, aˬ yawꞈ maꞈ nehˬ-ehˇ kʼaˇ jawˇ-eu Miˬyehˇ-euˬ tsawˇ haˬ deuˬ-ahˇ maˬ ehˇ, noeˬ mawˇ luꞈ ma.

Lormav 16:2

Miˬyehˇ-euˬ tsawˇ haˬ deuˬ ya mˇ-eu loꞈ-ehˇ Sahˬpaˬ Miˬyehˇ-euˬ tsawˇ myahˇ uˬ moˆ aˬ yawꞈ-ahˇ ha geuꞈ-awˇ, aˬ yawꞈ kʼaˇ loˬ-eu jeˬ tiˬ poˆ caw ba nehˬ-awˬ. Aˬ jeˬ miˇ neh ehˇ naˇ, aˬ yawꞈ-aˬ, aˬ cawˬ-ahˇ caw ba nehˬ nya dui dui-awˇ, ngaˬ-ahˇ kʼawꞈ caw ba nehˬ laꞈ-euˬ meh.

1 Gawˇliˬtu 1:2

Miˬyehˇ-euˬ muiˬ-eu shawˇ-eu tsawˇ haˬ bi geuꞈ-eu gʼaˇ duˬ bi kuˇ doˆ-awˇ, aˬ dui-euˬ Sahˬpaˬ Yeˬsuˇ ka li-ahˇ uˬ duˬ kʼaˇ tahˬ-eu yawˬ gaˇ na luꞈ jawˇ-eu tsawˇ haˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, aˬ dui-euˬ Sahˬpaˬ hawˇ-eu aˬ yawꞈ maꞈ-euˬ Sahˬpaˬ pyeuꞈ-eu Yeˬsuˇ Ka li laꞈ kʼoeˇ Miˬyehˇ-euˬ tsawˇ haˬ pyeuꞈ laˇ-euˬ Gawˇliˬtu meuˬ-ahˇ jawˇ-eu Ka li zaˬ aˇ muˇ jawˇ gaˇ sahˬ boꞈ boꞈ ahˇ laꞈ-eu ma.

1 Gawˇliˬtu 14:33

Aˬ jeˬ miˇ neh ehˇ naˇ, aˬ dui maˬ tsaˬ maˬ dzoeˇ leˇ-eu jeˬ-ahˇ Miˬyehˇ maˬ geuꞈ mawꞈ-a. Tsaˬ leˇ dzoeˇ leˇ-eu jeˬ-ahˇ aˬ yawꞈ geuꞈ mawꞈ-eu meh. Miˬyehˇ-euˬ tsawˇ haˬ deuˬ-euˬ Ka li zaˬ aˇ muˇ yawˬ muˇ na luꞈ mˇ luꞈ-eu loꞈ-ehˇ,

1 Gawˇliˬtu 16:1

Nymˬ-mˇ poˆ jawˇ-aˬ, Yuˇdaˆ miˇ kʼahˬ-ahˇ jawˇ-eu aˬ yuiꞈ aˬ nyiˇ Ka li zaˬ deuˬ-ahˇ caw ba nehˬ-eu gʼaˇ duˬ pyuˇ daˬ gʼoˆ uiˬ-eu gaˇ kawˆ naw maꞈ neh ngaˇ jawˇ gaˇ boꞈ ahˇ laꞈ-euˬ gaˇ kawˆ-ahˇ taꞈ leˇ-awˇ, ngaˇ heu loꞈ-ehˇ ehˇ-eu ma. Gaˬlaˬtiˆ miˇ kʼahˬ-ahˇ jawˇ-eu Ka li zaˬ aˇ muˇ deuˬ-ahˇ ngaˬ neh ehˇ nehˬ-euˬ loꞈ-ehˇ naw maꞈ mˇ-awˬ.

1 Gawˇliˬtu 6:5

Naw maꞈ shaꞈ dawˇ dui dui paˬ-ehˇ gʼeh-eu meh. Ka li zaˬ yaw kaˬ ja dzaˬ-eu jeˬ doˆ laˇ ngeh, jahˇ tsaˬ nehˬ nya-eu noeˬ dahˇ doe-eu tsawˇ haˬ naw maꞈ laꞈ kʼoeˇ maˬ jawˇ-ehˇ gʼeh tehꞈ-a loˇ.

Eˇpeˇsu 1:1

Miˬyehˇ nui ma tsaˬ-eu miˇ neh Yeˬsuˇ Ka li-euˬ gʼaˬ kʼehˇ ya geuꞈ luꞈ-eu ngaˇ Pawˇluˆ, Yeˬsuˇ Ka li laꞈ kʼoeˇ saˇ jaˇ ziꞈ-eu Eˇpeˇsu meuˬ-ahˇ jawˇ-eu Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ leꞈ-eu ma.

Piˇliˇpiˆ 1:1

Yeˬsuˇ Ka li-euˬ zaˬ kʼaˆ pyeuꞈ-eu Pawˇluˆ hawˇ-eu Tiˆmoˇseˬ nga nyaꞈ, Yeˬsuˇ Ka li laꞈ kʼoeˇ Piˇliˇpiˆ meuˬ-ahˇ jawˇ luꞈ-eu Ka li zaˬ aˇ muˇ-ahˇ sheuˬ gʼeh-eu deuˬ, caw dehˬ caw toˆ-eu deuˬ hawˇ-eu, Miˬyehˇ-euˬ tsawˇ haˬ dawˬ tawˆ luꞈ-ahˇ sahˬ boꞈ boꞈ ahˇ laꞈ-eu ma.

Piˇliˇpiˆ 4:22

Heu gaˇ kʼaˇ jawˇ-eu Miˬyehˇ-euˬ tsawˇ haˬ deuˬ naw maꞈ-ahˇ dawˬ cawˬ puˬ ahˇ laꞈ-euˬ meh. Kʼoeˇ naˆ maˬ tseˇ, sahˬ paˬ Gehˇsaˬ-euˬ hawˇ nymˇ-ahˇ gaˇ mˇ luꞈ-eu deuˬ kawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh.

Gawˇlawˇsehˇ 1:2

Yeˬsuˇ Ka li laꞈ kʼoeˇ saˇ jaˇ ziꞈ-eu aˬ yuiꞈ aˬ nyiˇ Ka li zaˬ deuˬ pyeuꞈ-eu Gawˇlawˇsehˇ meuˬ-ahˇ jawˇ-eu Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma. Aˬ dui-euˬ Aˬda Miˬyehˇ-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

HeˬByehˇ 13:24

Naw maꞈ-euˬ aˬ yuiꞈ aˬ tsu dawˬ tawˆ luꞈ hawˇ-eu Miˬyehˇ-euˬ zaˬ dawˬ tawˆ luꞈ-ahˇ, nga maꞈ dawˬ cawˬ puˬ ahˇ leꞈ-euˬ gaˇ kawˆ tiˬ poˆ tsaꞈ nehˬ-awˬ. Iˇdaˬliˬ miˇ kʼahˬ-ahˇ jawˇ-eu aˬ yuiꞈ aˬ nyiˇ Ka li zaˬ deuˬ naw maꞈ-ahˇ dawˬ cawˬ puˬ ahˇ leꞈ-euˬ meh.

Yuˇdaˆ 1:3

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, aˬ dui dawˬ tawˆ luꞈ-ahˇ taꞈ-eu ka kʼoꞈ-eu jeˬ gaˇ kawˆ, ngaˇ kʼaˇ gʼeh nya-eu loꞈ-ehˇ boꞈ ahˇ laꞈ-eu ma. Miˬyehˇ neh aˬ yawꞈ-euˬ tsawˇ haˬ deuˬ-ahˇ mˬ maˬ maˬ byaˆ zaˇ ziˇ tiˬ poˆ tehꞈ-ehˇ biꞈ-euˬ jah-eu jeˬ gʼaˇ duˬ leh jeh dui dui-awˇ deuˆ ceh ceh paˬ-ehˇ gʼeh-eu gaˇ kawˆ, naw maꞈ-ahˇ gʼaˬ biꞈ-eu sahˬ boꞈ yaw kawˇ-ehˇ boꞈ paˬ-ehˇ gʼeh-eu meh lehˇ ngaˇ noeˬ-eu ma.

1 Saˬmeuˬlaˆ 16:2

Saˬmeuˬlaˆ ehˇ-eu, “Ngaˇ teu loꞈ-ehˇ aˬ joˆ-ehˇ mˇ nya nmˇ. Gaˇ kawˆ kʼoeˇ Sawˇluˆ ya gaˬ naˇ, ngaˬ-ahˇ sehꞈ laˇ tehꞈ-a.” Sahˬpaˬ Miˬyehˇ ehˇ-eu, “Nawˇ mawˇ neˇ mawˇ kʼaˇ zaˬ tiˬ mawˇ tsahˇ gʼeh-awˇ, Sahˬpaˬ Miˬyehˇ-ahˇ lawˇ nehˬ-eu lehˇ oe-euˬ ma lehˇ ehˇ nehˬ-awˬ.