Gʼaˬkʼehˇ 8:21 - Akha

²¹ Miˬyehˇ-euˬ mehˬ shi nawˬ-euˬ nui ma maˬ dawˇ-eu miˇ neh, nga maꞈ neh mˇ-euˬ gaˇ heu-ahˇ nawˇ maˬ taꞈ laˇ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Miqyaer-euq maeqshi nawq-euq nuima maqdawr-eu mirnae, nawr garkawv heu-anr tiqjeq-iq maqtaf-aer, tiqpawf-iq maqgawf-a.

Gʼaˬkʼehˇ 8:21 Iomraidhean Croise

2 Laˬsaˬbaˬ 25:2

Sahˬpaˬ Miˬyehˇ nui ma tsaˬ-euˬ jeˬ-ahˇ aˬ yawꞈ mˇ-euˬ meh. Ehˇ kʼawꞈ, nui ma keuˆ-awˇ mˇ-euˬ maˬ ngeuˇ-a.

Neˬhaˬmiˇ 2:20

Aˬ yawꞈ maꞈ-ahˇ ngaˇ heu loꞈ-ehˇ ehˇ kʼoꞈ nehˬ-euˬ ma. “Gaˇ heu mˇ pyeuꞈ nya ni Mˬ taˆ Miˬyehˇ nga maꞈ-ahˇ caw ba nehˬ laꞈ tehꞈ-a. Nga maꞈ-aˬ aˬ yawꞈ-euˬ zaˬ kʼaˆ pyeuꞈ-awˇ, gaˇ heu hmˬ mˇ dahˬ beh-eu lehˇ gʼeh-eu ma. Ehˇ kʼawꞈ, naw maꞈ-aˬ, Yeˬluˇsaˬlehˬ meuˬ-ahˇ tiˬ jeˬ-iˬ maˬ taꞈ-a. Meuˬ heu meuˬ laꞈ kʼoeˇ pyeuꞈ dzeuˇ yaꞈ-euˬ aˇ hu gaˇ kawˆ deuˬ kawꞈ naw maꞈ-ahˇ maˬ taꞈ-a.”

Jaceuq 36:1

Haiˬ-eu tsawˇhaˬ nui ma dawˬdah, iˬbaˇ neh dawˬngehˬahˇ taˬ-awˇ, Miˬyehˇ-ahˇguˆ-awˇ zeu-eu jeˬ, aˬyawꞈ-euˬmehˬshi maˬjaˆ-a.

Yeˬsaˬgeˬlaˇ 14:3

“Tsawˇ haˬ zaˬ-oˇ, tsawˇ haˬ heu deuˬ tahˬ pahˬ aˬ ma mawˇ kawˇ deuˬ-ahˇ nui ma gʼawˇ mawˇ a nehˬ taˬ-awˇ, tahˬ pahˬ aˬ ma mawˇ kawˇ neh iˬ baˇ gaˇ ma-ahˇ bi sheuˬ gʼeh-euˬ meh. Aˬ yawꞈ maꞈ-ahˇ ngaˇ dawˬ ngehˬ cawˬ nahˇ tehꞈ-a lehˇ aˬ yawꞈ maꞈ noeˬ-eu ngaˇ.

Uˬ duˬ 13:8

Piˇ ma gʼaˬ aˬ yawꞈ-ahˇ tiˬ poˆ paˇ pyehˆ tseˇ haw-awˇ, maˇ naˇ huiˬ laˇ taˬ-eu gaˇ ya mawˇ naˇ, tsawˇ haˬ kʼoeˇ gʼaˬ maˬ shawˇ-a lehˇ, piˇ ma gʼaˬ paˇ ya daˇ tsehˆ meh. Kʼoeˇ-aˬ, nyawˬ naˇ-eu maˇ naˇ meh.

Haˬbaˬkuˆ 2:4

Gaˇ kawˆ kʼoeˇ-aˬ, heu loꞈ-ehˇ meh. Miˬyehˇ-ahˇ saˇ jaˇ maˬ puiˬ-eu, yaw tsaˬ yaw dawˇ deuˬ ya dehꞈ-awˇ, yaw haiˬ deuˬ maˬ dzeuˇ-iˇ nya-a.”

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Yoˇhaˬ 21:17

Yeˬsuˇ aˬ yawꞈ-ahˇ smˬ poˆ tiˬ poˆ paˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, nawˇ ngaˬ-ahˇ gaˬ ma loˇ.” “Nawˇ ngaˬ-ahˇ gaˬ ma loˇ” lehˇ Yeˬsuˇ aˬ yawꞈ-ahˇ smˬ poˆ naˇ haˬ keuˆ laꞈ-euˬ miˇ neh, Beˬtuˆluˆ nui ma maˬ saˇ-ehˇ, heu loꞈ-ehˇ ehˇ kʼoꞈ nehˬ-euˬ meh. “Sahˬpaˬ-oˇ, nawˇ yawˬ jeˬ na luꞈ siˬ nya meh. Ngaˇ nawˬ-ahˇ aˇ naˆ ni gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Ngaˬ-euˬ yawˇ deuˬ-ahˇ bo saˆ-awˬ.

Gʼaˬkʼehˇ 8:37

Piˇliˇpuˆ ehˇ-eu, “Nawˬ-euˬ nui ma laꞈ kʼoeˇ keuˆ ni jah naˇ, iˇ cuꞈ shawˇ nya tehꞈ-a.” Aˬ yawꞈ ehˇ-eu, “Ngaˇ jah ma. Yeˬsuˇ Ka li-aˬ, Miˬyehˇ-euˬ Zaˬmaˇ meh lehˇ ngaˇ jah ma.”*

Eˇpeˇsu 5:5

Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, jawꞈ dui dui-eu jeˬ mˇ-eu tsawˇ haˬ hawˇ-eu, aˬ cawˬ-euˬ myawˬ-ahˇ mehˇ juiˇ juiˇ-eu tsawˇ haˬ-aˬ, Ka li-euˬ miˇkʼahˬ hawˇ-eu Miˬyehˇ Miˇkʼahˬ-ahˇ maˬ ya uˇ leˇ-a lehˇ naw maꞈ siˬ duˬ-awˬ. (Aˬ cawˬ-euˬ myawˬ-ahˇ mehˇ juiˇ juiˇ-eu tsawˇ haˬ-aˬ, pyuˇ shuiˇ myawˬ gahˬ-ahˇ uˬ duˬ tahˬ gaˇ duˇ-eu meh.)

Dawˬmehˬ 10:9

Kʼoeˇ miˇ neh, Leˬbiˇ tsawˇ jeuˬ-aˬ, Iˇsaˬleˬlaˆ tsawˇ jeuˬ nui deuˬ loꞈ-ehˇ miˇ kʼahˬ maˬ za-a. Aˬ yawꞈ maꞈ za-euˬ jeˬ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, Sahˬpaˬ Miˬyehˇ gʼaˇ duˬ piˇ ma geuꞈ-eu kʼoeˇ meh.)

Dawˬmehˬ 12:12

Naw maꞈ-euˬ zaˬ deuˬ, naw maꞈ-euˬ zaˬ kʼaˆ deuˬ hawˇ-eu, naw maꞈ-euˬ meuˬ deuˬ-ahˇ jawˇ-eu Leˬbiˇ tsawˇ haˬ deuˬ nehˬ-ehˇ tiˬ kawˆ loꞈ-ehˇ, kʼoeˇ gaˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ. Leˬbiˇ tsawˇ haˬ deuˬ miˇ kʼahˬ maˬ baw-eu gaˇ noeˬ keuˆ-awˬ.

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.

Yawˇshuˆ 22:25

Luˇbeˬ tsawˇ jeuˬ hawˇ-eu Gaˆ tsawˇ jeuˬ pyeuꞈ-eu naw maꞈ deuˬ hawˇ-eu nga maꞈ-euˬ yaw kaˬ-ahˇ, Yawˇdaˬ lawˇ baˬ neh aˬ yawꞈ miˇ kaˬ biˇ paˆ taˬ-euˬ meh. ‘Naw maꞈ Sahˬpaˬ Miˬyehˇ-ahˇ maˬ taꞈ-a’ lehˇ naw maꞈ-euˬ zaˬ deuˬ uˆ deuˬ nga maꞈ-euˬ zaˬ deuˬ uˆ deuˬ-ahˇ ehˇ-awˇ, Sahˬpaˬ Miˬyehˇ-ahˇ uˬ duˬ maˬ bi tahˬ gaˇ guˆ-eu miˇ neh, nga maꞈ heu loꞈ-ehˇ mˇ-euˬ ma.

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.

Panmaeq 20:6

Gʼoꞈ dehꞈ beh beh laˇ-eu heu poˆ laꞈ kʼoeˇ ahˇ-eu tsawˇ haˬ deuˬ-aˬ, guiˬ lahˬ huiˬ dui dui-awˇ, laˬ kʼaˬ cehˇ dui dui-eu meh. Nyiˬ poˆ tiˬ poˆ shiˇ-eu jeˬ-euˬ baoˬ aˬ yawꞈ maꞈ-ahˇ maˬ gʼaˬ leˇ-a. Aˬ yawꞈ maꞈ-aˬ, Miˬyehˇ hawˇ-eu Ka li-euˬ piˇ ma ya geuꞈ-awˇ, aˬ yawꞈ nehˬ-ehˇ tiˬ heˇ kʼoꞈ ya uˆ lahˇ tehꞈ-a.

Panmaeq 22:19

Tsawˇ haˬ tiˬ gʼaˬ na, mehˬ hu paw pyeuꞈ laˇ-eu gaˇ kawˆ ehˇ taˬ-euˬ sahˬ boꞈ heu taꞈ laꞈ kʼoeˇ ahˇ-eu dawˬ tiˬ dawˬ na yuˇ dzeh naˇ, sahˬ boꞈ heu taꞈ laꞈ kʼoeˇ ehˇ taˬ-euˬ saꞈ laˇ bi dehꞈ-eu aˇ bawˇ-euˬ aˇ siˬ hawˇ-eu Muiˬ-eu shawˇ-eu Meuˬ-ahˇ jaˆ-eu aˬ yawꞈ-ahˇ oꞈ-eu jeˬ, Miˬyehˇ neh bi yuˇ kʼoꞈ jiˇ tehꞈ-a.