Gʼaˬkʼehˇ 8:2 - Akha

² Miˬyehˇ-ahˇ jah-eu gʼaˬ kʼaˆ-eu deuˬ Saˬteˬpaˬ-ahˇ duˬ pahˬ-iˇ-awˇ, tsawˇ ngoeˇ yaw kʼaˆ-ehˇ ngoeˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Miqyaer-anr yawzeu baw-eu deuq, Saqteqpaq-anr bafpanq-ir-awr, aqyawf-euq gharduq tsawrngoer yawkhav-aer ngoer-euq mae.

Gʼaˬkʼehˇ 8:2 Iomraidhean Croise

Aˇ dahˬ 23:2

Kaˬnaˬ miˇ kʼahˬ Heˬbyoˬ meuˬ laꞈ kʼoeˇ aˬ yawꞈ ziˇ dehꞈ jiˇ-euˬ meh. Aˬ yawꞈ shiˇ ngeh, Aˬbyaˬhaˬ tsawˇ ngoeˇ ngoeˇ-euˬ meh.

Aˇ dahˬ 50:9

Mahˬ laˆ lawˬ dziˬ-eu guiˇ maꞈ deuˬ hawˇ-eu mahˬ dziˬ-eu guiˇ maꞈ deuˬ kʼawꞈ, aˬ yawꞈ mehˬ nah caw teh gʼeh-euˬ meh. Yaˬkoˆ-ahˇ baꞈ pahˬ leˇ-eu lehˇ le-euˬ tsawˇ haˬ kʼoeˇ muˇ myaˬ dui dui-eu meh.

2 Saˬmeuˬlaˆ 3:31

Kʼoeˇ naˇ, “Yawˬ ha-euˬ mehˬ tsoeˬ cehˬ pyaˬ cehˬ shaˇ-awˇ, guˬ daˇ pehˇ zeuˇ mehˬ tsoeˬ dm-awˇ, Aˬbaˬnaˬ gʼaˇ duˬ tsawˇ ngoeˇ ngoeˇ-awˬ” lehˇ, Yoˇbaˬ hawˇ-eu aˬ yawꞈ-euˬ tsawˇ haˬ deuˬ-ahˇ Daˬbiˇ dawˬ biꞈ-euˬ meh. Aˬbaˬnaˬ-ahˇ baꞈ pahˬ-iˇ ngeh, sahˬ paˬ Daˬbiˇ gʼaˬ mawˇ dmˬ-euˬ mehˬ nah cah-euˬ meh.

2 Laˬsaˬbaˬ 32:33

Aˬ yawꞈ shiˇ-awˇ, sahˬ paˬ-euˬ lmˬ bymˇ laꞈ taˆ pyawˬ-ahˇ aˬ yawꞈ-ahˇ baꞈ pahˬ-euˬ meh. Aˬ yawꞈ shiˇ ngeh jawˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ dawˬ tawˆ luꞈ aˬ yawꞈ-ahˇ taˬ huiˬ taˬ mahˇ dui dui-euˬ meh. Kʼoeˇ naˇ, aˬ yawꞈ-euˬ aˬ li Maˬnaˇseˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 35:25

Miˬyehˇ gʼaˇ duˬ ngehˬ dah-eu Yeˬlaˬmiˇ neh, sahˬ paˬ Yawˇshiˆ shiˇ-euˬ gaˇ tsawˇ ngoeˇ ngoeˇ nehˬ-eu caˇ dawˬ tiˬ bymˇ yuˇ doˆ-euˬ meh. Aˬ yawꞈ gʼaˇ duˬ tsawˇ ngoeˇ kʼaˇ ngoeˇ ngeh, caˇ dawˬ caˇ-eu Iˇsaˬleˬlaˆ tsawˇ haˬ kʼaˬ dzeˇ zaˬ zaˬ miˬ zaˬ dawˬ tawˆ luꞈ, tsawˇ ngoeˇ caˇ dawˬ heu bymˇ caˇ-eu zahˇ pyeuꞈ-iˇ-euˬ meh. Tsawˇ ngoeˇ ngoeˇ-eu caˇ dawˬ deuˬ boꞈ ahˇ taˬ-euˬ sahˬ boꞈ laꞈ kʼoeˇ, caˇ dawˬ heu bymˇ ahˇ-eu meh.

Yeˬlaˬmiˇ 22:10

Yuˇdaˆ tsawˇ haˬ deuˬ-oˇ, sahˬ paˬ Yawˇshiˆ gʼaˇ duˬ taˬ ngoeˇ. Aˬ yawꞈ shiˇ-euˬ miˇ neh tsawˇ ngoeˇ taˬ ngoeˇ. Ehˇ kʼawꞈ, aˬ yawꞈ aˬ li Yoˇaˬhaˆ-euˬ gʼaˇ duˬ tsawˇ ngoeˇ ngoeˇ dui dui-awˬ. Aˬ cawˬ aˬ yawꞈ-ahˇ nyehꞈ byoˆ-awˇ, tiˬ jawˇ-iˬ maˬ paˇ ya gʼoꞈ doˆ laˇ-ehˇ, aˬ yawꞈ dehꞈ le-euˬ miˇ kʼahˬ-ahˇ, tiˬ jawˇ-iˬ maˬ paˇ ya mawˇ meh.

Yeˬlaˬmiˇ 22:18

Kʼoeˇ miˇ neh, Yawˇshiˆ-euˬ aˬ li Yuˇdaˆ sahˬ paˬ Yeˬhawˇyaˬciˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Aˬ yawꞈ shiˇ-eu aˇ nah keuˆ ngeh, ngaˬ-euˬ cawˬ gʼawˬ shaˬ-ehˇ miˇ-a ehˇ-awˇ, tsawˇ ngoeˇ ngoeˇ-eu gʼaˬ maˬ jawˇ-ehˇ, ngaˬ-euˬ sahˬ paˬ-oˇ lehˇ kuˇ-awˇ, ngoeˇ-eu tsawˇ haˬ tiˬ gʼaˬ-iˬ maˬ jawˇ-aˇ.

Bawˇtsahˬ 20:29

Tsawˇ haˬ aˇ maꞈ aˇ muˇ dawˬ tawˆ luꞈ Aˬloˬ shiˇ-euˬ gaˇ kawˆ siˬ nya-awˇ, smˬ tseˇ nah keuˆ ni aˬ yawꞈ gʼaˇ duˬ tsawˇ ngoeˇ ngoeˇ-euˬ meh.

Maˬkuˆ 6:29

Yoˇhaˬ-euˬ zaˬ lahˇ deuˬ gaˇ kawˆ kʼoeˇ ya gaˬ ngeh, aˬ yawꞈ-euˬ gʼawˇ mawˇ baꞈ kʼoꞈ laˬ le-awˇ, lmˬ bymˇ-ahˇ baꞈ pahˬ nehˬ-euˬ meh.

Luˇkaꞈ 2:25

Kʼoeˇ ngeh yamˬ-ahˇ, Suˇmoˬ lehˇ myahˇ-euˬ tsawˇ haˬ tiˬ gʼaˬ Yeˬluˇsaˬlehˬ meuˬ-ahˇ jawˇ-eu meh. Aˬ yawꞈ-aˬ, Miˬyehˇ-ahˇ guˆ-eu nui ma ahˇ-eu tsawˇ haˬ yaw muiˬ tiˬ gʼaˬ pyeuꞈ-awˇ, Iˇsaˬleˬlaˆ tsawˇ jeuˬ ka kʼoꞈ-eu jeˬ za-eu aˇ nah-ahˇ dawˬ luꞈ-eu tiˬ gʼaˬ meh. Muiˬ-eu shawˇ-eu Yaw sahˇ Miˬyehˇ aˬ yawꞈ nehˬ-ehˇ jawˇ-eu meh.

Gʼaˬkʼehˇ 10:2

Aˬ yawꞈ-aˬ, guiˬ lahˬ saꞈ laˇ paw gʼaˬ kʼaˆ-awˇ, aˬ yawꞈ hawˇ-eu miˬ sawˇ zaˬ dawˬ tawˆ luꞈ, Miˬyehˇ-ahˇ uˬ duˬ tahˬ-eu meh. Shaˬ-eu zahˬ-eu Yuˇdaˆ tsawˇ haˬ deuˬ-ahˇ aˬ yawꞈ caw ba-awˇ, Miˬyehˇ-ahˇ maˬ tsehˆ leˇ ni guiˬ lahˬ shaˇ-eu meh.

Gʼaˬkʼehˇ 2:5

Kʼoeˇ ngeh, miˇ tsaˬ kʼoeˇ taˆ jaˆ-eu miˇ kʼahˬ yawˬ kʼahˬ na luꞈ-ahˇ neh uiˬ laˇ taˬ-euˬ Miˬyehˇ-ahˇ yaw zeu baw dui dui-eu Yuˇdaˆ tsawˇ haˬ deuˬ, Yeˬluˇsaˬlehˬ meuˬ laꞈ kʼoeˇ jawˇ luꞈ-eu meh.

Gʼaˬkʼehˇ 8:1

Aˬ yawꞈ-ahˇ kʼoeˇ loꞈ-ehˇ sehꞈ gaˇ, Sawˇluˆ kʼawꞈ nui ma tsaˬ-euˬ meh. Kʼoeˇ ngeh nah, Yeˬluˇsaˬlehˬ meuˬ-ahˇ jawˇ-eu Ka li zaˬ aˇ muˇ, kʼehˬ-eu kʼaˆ-eu jeˬ-ahˇ yaw kʼaˆ-ehˇ ya daˬ-euˬ meh. Gʼaˬ kʼehˇ deuˬ maˬ ngeuˇ naˇ, jah-eu tsawˇ haˬ dawˬ tawˆ luꞈ Yuˇdaˆ miˇ kʼahˬ hawˇ-eu Saˬmaˬliˇ miˇ kʼahˬ doe ni cehˆ byaˆ jiˇ-euˬ meh.

Gʼaˬkʼehˇ 8:3

Ehˇ kʼawꞈ, Sawˇluˆ-aˬ, Ka li zaˬ aˇ muˇ-ahˇ laˆ byoˆ-eu lehˇ leh jeh-euˬ meh. Aˬ yawꞈ tiˬ nymˇ saˇ-iˬ tiˬ nymˇ iˇ iˇ-ehˇ, jah-eu tsawˇ haˬ kʼaˇ ngeuˇ-eu deuˬ-ahˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, nyehꞈ-awˇ tawˬ-ahˇ dawˆ-euˬ meh.

Dawˬmehˬ 34:8

Mawˇbaˆ deh kʼawꞈ-ahˇ Iˇsaˬleˬlaˆ tsawˇ haˬ deuˬ aˬ yawꞈ gʼaˇ duˬ smˬ tseˇ nah tsawˇ ngoeˇ ngoeˇ-euˬ meh.

1 Saˬmeuˬlaˆ 28:3

Saˬmeuˬlaˆ shiˇ-euˬ miˇ neh, Iˇsaˬleˬlaˆ tsawˇ haˬ dawˬ tawˆ luꞈ aˬ yawꞈ gʼaˇ duˬ tsawˇ ngoeˇ ngoeˇ-awˇ, aˬ yawꞈ jawˇ-eu Laˬmahˇ meuˬ-ahˇ aˬ yawꞈ-ahˇ baꞈ pahˬ nehˬ-euˬ meh. Nyiˇ paˬ shaˆ ma dawˬ tawˆ luꞈ-ahˇ, Iˇsaˬleˬlaˆ miˇ kʼahˬ laꞈ kʼoeˇ neh Sawˇluˆ teh dzeh-euˬ meh.