Gʼaˬkʼehˇ 7:2 - Akha

² Saˬteˬpaˬ ehˇ-eu, “Aˬ yuiꞈ aˬ nyiˇ aˬ da aˬ ma deuˬ-oˇ, ngaˇ ehˇ gaˇ naˇ haˬ sheˇ. Aˬ dui-euˬ aˬ da yaw dzahˇ Aˬbyaˬhaˬ Haˬlaˬ meuˬ-ahˇ maˬ jawˇ-iˇ mi naˆ-ehˇ, Maˬsoˬpaˬtaˬmiˇ miˇ kʼahˬ laꞈ kʼoeˇ yaw shehꞈ kʼahˬ sehˇ huiˬ-eu Miˬyehˇ aˬ yawꞈ-euˬ mehˬ shi doˆ le-awˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoerngae, Saqteqpaq heulof-aer aerkhof naeq-euq mae: “Aqyuif aqnyir hawr-eu aqda deuq-or! Narhaq sher-eq. Aqdui-euq aqpoeq Aqbyaqhaq, Harlaq meuq-anr maqjawr-ir-euq minav-aer, Meqsoqpoqtaqmir mirkhanq-anr jawr ngae, yawshaef khanqsaer huiq-eu Miqyaer, aqyawf jawr-eu gar dovle-awr,

Gʼaˬkʼehˇ 7:2 Iomraidhean Croise

Aˇ dahˬ 11:31

Teˬlah-aˬ, aˬ yawꞈ-euˬ aˬ li Aˬbyaˬ, Haˬlaˬ-euˬ aˬ li aˬ yawꞈ-euˬ oeˬ paˬ Lawˇtaˬ, Aˬbyaˬ-euˬ miˬ zaˬ pyeuꞈ-eu aˬ yawꞈ-euˬ kuiˬ ma Saˬlehˇ aˬ ha maꞈ-ahˇ sheuˬ-awˇ, Baˬbuˇloˬ miˇ kʼahˬ Uˇlaˆ meuˬ-ahˇ neh doˆ le-awˇ, Kaˬnaˬ miˇ kʼahˬ-ahˇ jawˇ-iˇ-euˬ meh. Haˬlaˬ meuˬ-ahˇ keuˆ ni aˬ yawꞈ maꞈ iˇ gʼeh-awˇ, kʼoeˇ gaˇ jawˇ duˬ dah-euˬ meh.

Aˇ dahˬ 12:1

Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Nawˬ-euˬ miˇ kʼahˬ, nawˬ-euˬ aˬ yuiꞈ aˬ nyiˇ deuˬ hawˇ-eu nawˬ da-euˬ nymˇ-ahˇ nawˇ byehˇ dzeh yaꞈ-awˇ, ngaˇ nawˬ-ahˇ mehˬ nehˬ-eu miˇ kʼahˬ-ahˇ iˇ-awˬ.

Aˇ dahˬ 12:5

Aˬbyaˬ-aˬ, aˬ yawꞈ-euˬ miˬ zaˬ Saˬlehˇ hawˇ-eu aˬ yawꞈ-euˬ aˬ duˇ Lawˇtaˬ-ahˇ sheuˬ-awˇ, Kaˬnaˬ miˇ kʼahˬ-ahˇ iˇ-euˬ meh. Haˬlaˬ meuˬ-ahˇ jawˇ ngeh, aˬ yawꞈ neh mˇ jaˆ-euˬ pyuˇ shuiˇ myawˬ gahˬ dawˬ tawˆ luꞈ yuˇ gʼeh-awˇ, zaˬ kʼaˆ dawˬ tawˆ luꞈ sheuˬ gʼeh-euˬ meh. Aˬ yawꞈ maꞈ Kaˬnaˬ miˇ kʼahˬ-ahˇ iˇ keuˆ ngeh,

Aˇ dahˬ 15:7

“Ngaˇ-aˬ, miˇ kʼahˬ heu kʼahˬ nawˬ-ahˇ biꞈ-eu gʼaˇ duˬ, Baˬbuˇloˬ miˇ kʼahˬ Uˇlaˆ meuˬ-ahˇ neh nawˬ-ahˇ sheuˬ doˆ laꞈ-euˬ Sahˬpaˬ Miˬyehˇ ma” lehˇ, Aˬbyaˬ-ahˇ Sahˬpaˬ Miˬyehˇ ehˇ nehˬ-euˬ meh.

Aˇ dahˬ 29:4

“Mawˬ cawˬ-oˇ , naw maꞈ aˬ gaˇ jawˇ te” lehˇ, yawˇ bo-eu deuˬ-ahˇ Yaˬkoˆ naˇ haˬ ngeh, “Nga maꞈ Haˬlaˬ meuˬ-ahˇ jawˇ-eu ma” lehˇ aˬ yawꞈ maꞈ ehˇ-eu meh.

Neˬhaˬmiˇ 9:7

Aˬbyaˬ-ahˇ tseˇ doˆ-euˬ Miˬyehˇ, Sahˬpaˬ Miˬyehˇ nawˇ gʼaˬ pyeuꞈ-awˇ, Baˬbuˇloˬ miˇ kʼahˬ Uˇlaˆ meuˬ-ahˇ neh, aˬ yawꞈ-ahˇ nawˇ sheuˬ doˆ laꞈ-awˇ, aˬ yawꞈ tsawˇ myahˇ Aˬbyaˬhaˬ lehˇ, nawˇ myahˇ paˇ nehˬ-euˬ meh.

Jaceuq 24:10

Huiˬ-eu Sahˬpaˬ aˬsuˇ gʼaˬ-a. Dawˬtawˆkʼoeˇtaˆuˆlahˇluꞈ-eu, Baoˬhuiˬ-eu SahˬpaˬMiˬyehˇmeh.

Jaceuq 24:7

Gʼoˆ kʼehˬ deuˬ-oˇ, pah dzeh taˬ-awˬ. aˇhu-euˬ laˇgʼoˆdeuˬ pah-awˬ. Huiˬ-eu Sahˬpaˬ bi uˇ le law.

Jaceuq 29:3

Iˬma laˆshaˆiˇcuꞈkʼoeˇtaˆ, SahˬpaˬMiˬyehˇdawˬngehˬ-eu meh. Yaw shehꞈkʼahˬ sehˇhuiˬ-eu Miˬyehˇ, mˬjeˬjeˬ-awˇmahˇ-eu teˇsaˇ, laˆshaˆyui yui-ehˇjaˆ-eu meh.

Iˇsaˬyaˇ 37:12

Gaˬzaˬ meuˬ, Haˬlaˬ meuˬ hawˇ-eu Yeˬzehˇ meuˬ kʼoeˇ deuˬ-ahˇ, nga maꞈ-euˬ aˬ poeˬ aˬ bawˇ deuˬ neh laˆ cawˆ byoˆ nehˬ-awˇ, Teˬlaˬsaˬ meuˬ-ahˇ jawˇ-eu Behˬeˬdeˬ tsawˇ haˬ deuˬ-ahˇ aˬ yawꞈ maꞈ neh sehꞈ-euˬ kʼawꞈ, aˬ yawꞈ maꞈ-euˬ miˬ yehˇ tiˬ gʼaˬ-iˬ aˬ yawꞈ maꞈ-ahˇ maˬ ka kʼoꞈ nehˬ nya-a.

Iˇsaˬyaˇ 51:2

Naw maꞈ-euˬ aˬ da yaw dzahˇ Aˬbyaˬhaˬ-ahˇ shaˇ noeˬ-awˬ. Aˬ ma ma dzahˇ Saˬlaˇ-ahˇ noeˬ keuˆ-awˬ. Aˬbyaˬhaˬ-ahˇ ngaˇ kuˇ doˆ ngeh zaˬ maˬ jawˇ kʼawꞈ, ngaˇ guiˬ lahˬ biꞈ-awˇ zaˬ oeˬ sahˇ le ngeh, aˬ yawꞈ-euˬ zaˬ deuˬ uˆ deuˬ maˬ gui jiˇ coeˇ-a.

Iˇsaˬyaˇ 6:3

Aˬ yawꞈ maꞈ tiˬ gʼaˬ tiˇ gʼaˬ heu loꞈ-ehˇ guˇ cawˬ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ meh.”

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Luˇkaꞈ 2:14

“Mˬ taˆ yaw goˇ jawˇ-eu Miˬyehˇ, baoˬ yaw shehꞈ kʼahˬ sehˇ huiˬ luꞈ-uˇ. Miˇ tsaˬ tsawˇ haˬ zaˬ deuˬ laꞈ kʼoeˇ, aˬ yawꞈ nui kʼahˇ shiˇ-eu deuˬ-ahˇ, nui saˇ za-eu jeˬ oꞈ luꞈ-uˇ.”

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 12:41

Iˇsaˬyaˇ neh kʼoeˇ loꞈ-ehˇ ehˇ taˬ-euˬ kʼoeˇ-aˬ, Yeˬsuˇ-euˬ yaw shehꞈ kʼahˬ sehˇ-ahˇ aˬ yawꞈ ya mawˇ-awˇ aˬ yawꞈ-euˬ gaˇ kawˆ ehˇ taˬ-euˬ jeˬ pyeuꞈ-eu meh.

Gʼaˬkʼehˇ 22:1

“Aˬ yuiꞈ aˬ nyiˇ deuˬ-oˇ, ngaˬ-euˬ gaˇ kawˆ naw maꞈ-ahˇ ngaˇ ngehˬ kʼoꞈ gaˇ tiˬ poˆ naˇ haˬ sheˇ” lehˇ ehˇ nehˬ-euˬ meh.

Gʼaˬkʼehˇ 23:7

Aˬ yawꞈ kʼoeˇ loꞈ-ehˇ ehˇ gʼaˬ-eu nehˬ-ehˇ, Paˬliˬsehˇ deuˬ hawˇ-eu Saˬduˬgehˇ deuˬ yaw kaˬ ja dzaˬ-awˇ, uiˬ laˇ taˬ-euˬ tsawˇ haˬ deuˬ aˇ muˇ nyiˬ muˇ paˆ-iˇ-euˬ meh.

Gʼaˬkʼehˇ 7:1

Piˇ ma yaw huiˬ gʼaˬ Saˬteˬpaˬ-ahˇ naˇ haˬ-eu, “Aˬ yawꞈ maꞈ ehˇ-eu ngeuˇ meh loˇ.”

1 Gawˇliˬtu 2:8

Miˇ tsaˬ heu kʼoeˇ taˆ uˆ lahˇ-eu sahˬ paˬ sahˬ ma deuˬ zaˬ siˬ tsawˇ gahˇ kʼoeˇ-ahˇ tiˬ gʼaˬ-iˬ maˬ siˬ nya-aˬ. Siˬ nya law nmˇ-aˬ, yaw shehꞈ kʼahˬ sehˇ huiˬ dui dui-eu Sahˬpaˬ-ahˇ laꞈ yaꞈ kʼoeˇ taˆ maꞈ taꞈ sehꞈ-aˇ.

Eˇpeˇsu 1:17

Naw maꞈ-ahˇ Yaw sahˇ Miˬyehˇ biꞈ nehˬ-eu gʼaˇ duˬ, baoˬ yaw shehꞈ kʼahˬ sehˇ huiˬ-eu Aˬda pyeuꞈ-eu aˬ duiˬ-euˬ Sahˬpaˬ Yeˬsuˇ Ka li-euˬ Miˬyehˇ-ahˇ ngaˇ shaˇ-eu ma. Naw maꞈ Miˬyehˇ-ahˇ siˬ nya laˇ ni, yaw sahˇ Miˬyehˇ naw maꞈ-ahˇ zaˬ siˬ tsawˇ gahˇ bi ahˇ laˇ-awˇ, Miˬyehˇ gaˇ kawˆ pah mehˬ nehˬ laꞈ tehꞈ-a.

Tiˇtuˆ 2:13

aˬ dui-euˬ huiˬ dui dui-eu Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw shehꞈ kʼahˬ sehˇ doˆ le-eu Aˇ nah kʼoeˇ nah-ahˇ noeˬ tmˬ-awˇ dawˬ-eu gʼaˇ duˬ mehˬ nehˬ laꞈ-euˬ meh.

HeˬByehˇ 1:3

Aˬ yawꞈ-euˬ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bya doˆ luꞈ-awˇ, Miˬyehˇ-ahˇ duˇ duˇ dehꞈ dehꞈ pyeuꞈ-eu meh. Baoˬ huiˬ dui dui-eu aˬ yawꞈ-euˬ dawˬ-ahˇ gʼoe-awˇ, mˬ hawˇ-eu miˇ dawˬ tawˆ luꞈ-ahˇ haw luꞈ pyaˆ luꞈ-eu meh. Tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni mˇ gʼaˬ shaˇ gʼaˬ-awˇ, Dawˬ tawˆ kʼoeˇ taˆ Baoˬ huiˬ-eu gʼaˬ pyeuꞈ-eu Miˬyehˇ-euˬ aˇ maˇ paw, mˬ kʼoeˇ taˆ aˬ yawꞈ nuiˇ luꞈ-eu meh.

HeˬByehˇ 11:8

Miˬyehˇ neh Aˬbyaˬhaˬ-ahˇ biꞈ-eu lehˇ saˇ jaˇ dzaˬ taˬ-euˬ miˇ kʼahˬ-ahˇ iˇ-eu gʼaˇ duˬ Miˬyehˇ kuˇ ngeh, Aˬbyaˬhaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Yawˬ ha aˬ gaˇ ya iˇ-eu maˬ siˬ nya kʼawꞈ, aˬ yawꞈ-euˬ miˇ kʼahˬ-ahˇ byehˇ dzeh yaꞈ-awˇ doˆ-iˇ-euˬ meh.

Yaˬkoˆ 2:1

Aˬ yuiꞈ aˬ nyiˇ ka li zaˬ deuˬ-oˇ, yaw shehꞈ kʼahˬ sehˇ huiˬ-eu Sahˬpaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-ahˇ jah-eu aˬ dui-aˬ, aˬ cawˬ-ahˇ kʼoeˇ taˆ paw haw-awˇ myaˆ pyawˬ huiˬ nyiˇ maˬ ya tseˇ-a.

Yawˇshuˆ 24:2

Iˇsaˬleˬlaˆ tsawˇ haˬ dawˬ tawˆ luꞈ-ahˇ Yawˇshuˆ ehˇ nehˬ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Aˇ hu ba naw maꞈ-euˬ aˬ poeˬ aˬ bawˇ deuˬ Uˇpaˬlaˇ lawˇ baˬ nui baˬ paw jawˇ-awˇ, miˬ yehˇ nui deuˬ-ahˇ uˬ duˬ tahˬ-euˬ meh. Aˬ poeˬ aˬ bawˇ kʼoeˇ deuˬ laꞈ kʼoeˇ, Aˬbyaˬhaˬ hawˇ-eu Naˬkawˬ aˬ nyaꞈ nmˇ-euˬ aˬ da kʼawꞈ ahˇ-eu meh.

Panmaeq 4:11

“Nga maꞈ-euˬ Sahˬpaˬ Miˬyehˇ-oˇ, yawˬ jeˬ na luꞈ nawˬ neh beh-awˇ, nawˬ-euˬ nui kʼahˇ baˬ da baˇ neh, jaˆ luꞈ jawˇ luꞈ-eu baˬ da neh, yaw shehꞈ kʼahˬ sehˇ maˬ ehˇ, taˬ huiˬ taˬ mahˇ-eu jeˬ maˬ ehˇ, baoˬ maˬ ehˇ, nawˇ za geuˇ-eu meh.”