Gʼaˬkʼehˇ 5:4 - Akha

⁴ Myawˬ gahˬ kʼoeˇ maˬ ahˬ mi naˆ-ehˇ, nawˬ-euˬ maˬ ngeuˇ loˇ. Ahˬ gʼaˬ-awˇ za-euˬ pyuˇ kʼoeˇ kʼawꞈ nawˬ-euˬ maˬ ngeuˇ loˇ. Toˆ-ehˇ ngeuˇ naˇ, teu loꞈ-ehˇ jahˇ-eu gʼaˇ duˬ aˬ joˆ-ehˇ noeˬ doˆ kʼmˬ-eu nya. Nawˇ tsawˇ haˬ zaˬ-ahˇ jaˬ myawꞈ myawꞈ-euˬ maˬ ngeuˇ-a. Miˬyehˇ-ahˇ jaˬ myawꞈ myawꞈ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Mirtsaq maqanq-euq siq khoer-aq, nawq-euq mirtsaq maqngeur-a lor? Paranq-euq law-awr khawf, arpoeq khoer nawq-euq navni jav-eu maqngeur-a laq? Nawr aqjeq mirnae teulof-aer janr-eu laer, nawq-euq nuima-euq lafkhoer sharnoeq-euq le? Nawr, tsawrhaq-anr maqngeur-eu, Miqyaer-anr jaqmyawf myawf-euq mae.”

Gʼaˬkʼehˇ 5:4 Iomraidhean Croise

1 Laˬsaˬbaˬ 29:17

Tsawˇ haˬ yawˬ gʼaˬ na luꞈ-euˬ nui ma-ahˇ nawˇ lawˬ haw-awˇ, nui ma tiˬ siˬ tehꞈ-ehˇ taˬ luꞈ-eu miˇ neh, nawˇ laˬ kʼaˬ cehˇ meh lehˇ ngaˇ siˬ nya ma. Nui ma dawˇ coe ni jaˆ-awˇ, nui ma keuˆ dui dui-eu laꞈ kʼoeˇ, heu deuˬ dawˬ tawˆ luꞈ nawˬ-ahˇ ngaˇ damˬ nehˬ-eu ma. Heu gaˇ uiˬ laˇ taˬ-euˬ nawˬ-euˬ tsawˇ haˬ deuˬ kʼawꞈ, laˬ kʼaˬ cehˇ-eu laꞈ kʼoeˇ nawˬ-ahˇ damˬ-eu jeˬ yuˇ laꞈ-euˬ gaˇ ngaˇ ya mawˇ-euˬ ma.

1 Laˬsaˬbaˬ 29:3

Ngaˬ neh biꞈ taˬ-euˬ heu deuˬ dawˬ tawˆ luꞈ uˬ taꞈ, Miˬyehˇ-euˬ Uˬ duˬ tahˬ nymˇ nymˇ ma-ahˇ ngaˇ gaˬ-eu miˇ neh, ngaˬ-euˬ shuiˇ hawˇ-eu pyuˇ deuˬ kʼawꞈ ngaˇ biꞈ-euˬ ma.

1 Laˬsaˬbaˬ 29:9

Iˇsaˬleˬlaˆ tsawˇ haˬ deuˬ nui ma keuˆ-eu laꞈ kʼoeˇ Sahˬpaˬ Miˬyehˇ-ahˇ damˬ nehˬ-awˇ, pyuˇ shuiˇ myawˬ gahˬ gʼawˬ mya ni uiˬ laˇ taˬ-euˬ gaˇ ya mawˇ ngeh, aˬ yawꞈ maꞈ laˬ kʼaˬ cehˇ-eu meh. Sahˬ paˬ Daˬbiˇ kʼawꞈ laˬ kʼaˬ cehˇ dui dui-eu meh.

Yawˇbaˆ 15:35

Tsawˇ haˬ kʼoeˇ deuˬ-aˬ, aˬ cawˬ-ahˇ laˆ shaˬ laˆ zahˬ-eu jeˬ shaˇ noeˬ-awˇ, yaw haiˬ jeˬ mˇ doˆ laꞈ-eu meh. Aˬ cawˬ-ahˇ myawꞈ dzaˬ gahˇ dzaˬ-eu nui noeˬ aˬ yawꞈ maꞈ-euˬ nui ma laꞈ kʼoeˇ aˬ myah luꞈ byah luꞈ-eu meh.”

Jaceuq 139:4

Ngaˇ dawˬ maˬ ngehˬ doˆ mi naˆ-ehˇ, kʼaˇ ngehˬ kʼaˇ tmˇ mawꞈ-eu jeˬ nawˇ siˬ jiˇ taˬ-euˬ meh.

Jaceuq 7:14

Haiˬ-eu kʼoeˇdeuˬ doeˇgaˇhaw sheˇ. Aˬcawˬ-ahˇ laˆ shaˬ-eu toˆ-awˇ, laˆdzaˬgahˇdzaˬ-eu jawˬ-eu meh.

Doˆ-iˇ 16:8

Moˇseˬ paˇ ehˇ-eu, “Naw maꞈ dzaˬ-eu gʼaˇ duˬ shaˬ jiˇ deuˬ-ahˇ, uˬ ciꞈ uˬ taw paw maˬ ehˇ, naw maꞈ dzaˬ loꞈ dawˇ loꞈ-eu kaˬ muˇ deuˬ-ahˇ uˬ shawˬ paw maˬ ehˇ, Sahˬpaˬ Miˬyehˇ biꞈ nehˬ laꞈ tehꞈ-a. Aˬ jeˬ miˇ neh ehˇ naˇ, naw maꞈ nui ma cawˆ-eu laꞈ kʼoeˇ, aˬ yawꞈ-ahˇ iˬ baˇ taˬ-awˇ toˇ luꞈ-eu teˇ saˇ-ahˇ aˬ yawꞈ ya gaˬ gʼaˬ-euˬ meh. Aˬ diˇ aˬ maˇ ehˇ naˇ, naw maꞈ nui ma cawˆ-awˇ nga nyaꞈ-ahˇ iˬ baˇ taˬ-eu jeˬ-aˬ, Sahˬpaˬ Miˬyehˇ-ahˇ naw maꞈ nui ma cawˆ-awˇ iˬ baˇ taˬ gaˇ duˇ-eu meh.”

Doˆ-iˇ 35:29

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, nui ma keuˆ-eu Iˇsaˬleˬlaˆ tsawˇ haˬ dawˬ tawˆ luꞈ, Sahˬpaˬ Miˬyehˇ-ahˇ damˬ nehˬ laˇ-euˬ meh.

Dawˬ tsoˆ 5:5

Saˇ jaˇ dzaˬ-awˇ maˬ mˇ byah-eu naˆ maˬ tseˇ, saˇ jaˇ maˬ dzaˬ ni jawˇ-eu muiˬ dzehˬ meh.

Iˇsaˬyaˇ 59:4

Naw maꞈ yaˇ kʼaˬ daˇ duˬ-ahˇ le-eu kʼawꞈ, yaw tsaˬ yaw dawˇ jeˬ naw maꞈ jawˇ paw maˬ pyawˬ-ehˇ, jaˬ myawꞈ myawꞈ-awˇ gʼaˬ leˇ ni leh jeh-eu laꞈ kʼoeˇ, aˬ cawˬ-ahˇ coeˬ leˇ-eu jeˬ toˆ-eu meh.

Yeˬsaˬgeˬlaˇ 38:10

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ Gawˇgaˆ-ahˇ heu loꞈ-ehˇ ehˇ-eu meh. “Aˇ nah aˇ yamˬ kʼoeˇ keuˆ le ngeh, yaw haiˬ jeˬ mˇ-eu gʼaˇ duˬ nawˇ shaˇ noeˬ tehꞈ-a.

Bawˇtsahˬ 16:11

Naw maꞈ Aˬloˬ-ahˇ iˬ baˇ taˬ-eu dawˬ ngehˬ-eu heu-aˬ, aˬ diˇ aˬ maˇ nawˇ hawˇ-eu nawˬ-euˬ mehˬ nah caw teh-eu tsawˇ haˬ deuˬ Sahˬpaˬ Miˬyehˇ-ahˇ puiˬ-eu jeˬ pyeuꞈ-eu meh.”

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

Gʼaˬkʼehˇ 5:3

Beˬtuˆluˆ ehˇ-eu, “Aˬnaˬniˇ-oˇ, aˬ jeˬ miˇ neh Saˬdaˬ nawˬ-ahˇ bi uˆ lahˇ-awˇ, Muiˬ-eu shawˇ-eu Yaw sahˇ Miˬyehˇ-ahˇ jaˬ myawꞈ myawꞈ-eu laꞈ kʼoeˇ, myawˬ gahˬ ahˬ za-euˬ pyuˇ tiˬ paˆ yuˇ doˆ taˬ yaꞈ teˬ.

Gʼaˬkʼehˇ 5:9

Ehˇ kʼawꞈ, Beˬtuˆluˆ ehˇ-eu, “Aˬ jeˬ miˇ neh naw nyaꞈ dzeˇ zaˬ nui ma tiˬ siˬ tehꞈ-ehˇ taˬ-awˇ SahˬpaˬMiˬyehˇ-euˬ Yaw sahˇ-ahˇ lawˬ haw te. Nawˬ-euˬ kʼaˬ dzeˇ zaˬ-ahˇ baꞈ pahˬ-iˇ-euˬ tsawˇ haˬ deuˬ nymˬ-mˇ gʼoˆ kʼehˬ-ahˇ gʼoꞈ uˇ laˇ luꞈ meh. Aˬ yawꞈ maꞈ nawˬ-ahˇ paˇ ya baꞈ doˆ gʼeh tehꞈ-a.”

1 Gawˇliˬtu 8:8

Dzaˇ ehˇ-eu jeˬ-aˬ, aˬ dui hawˇ-eu Miˬyehˇ yaw kaˬ cawˬ cawˬ taꞈ gaˇ bi muiˬ laˇ-eu jeˬ maˬ ngeuˇ-a. Maˬ dzaˬ-euˬ baˬ da neh smˬ-iˇ-eu maˬ baw-ehˇ, dzaˬ-euˬ baˬ da neh lahˬ laˇ duˬ kʼawꞈ maˬ jaˆ-a.

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.

Piˇleˇmoˬ 1:14

Ehˇ kʼawꞈ, ngaˬ-ahˇ caw ba nehˬ laꞈ lehˇ nawˬ-ahˇ ngaˇ maˬ kaˬ naˬ mawꞈ nya. Nawˇ nui ma keuˆ-awˇ caw ba nehˬ laꞈ-eu jeˬ-ahˇ tehꞈ-ehˇ ngaˇ geuꞈ mawꞈ-eu ma. Kʼoeˇ miˇ neh, nawˇ nui ma maˬ tsaˬ gaˇ ngaˇ tiˬ jeˬ-iˬ maˬ mˇ.

Yaˬkoˆ 1:15

Kʼoeˇ naˇ, aˬ yawꞈ-euˬ maˬ muiˬ maˬ jaˬ-eu nui kʼahˇ kʼoeˇ zaˬ jeuˬ-eu loꞈ-ehˇ jeuˬ leˇ-awˇ, iˬ baˇ bi dehꞈ doˆ le-eu meh. Iˬ baˇ kʼoeˇ huiˬ loˆ laˇ ngeh, shiˇ-eu jeˬ bi dehꞈ doˆ le-eu meh.

1 Saˬmeuˬlaˆ 8:7

Kʼoeˇ ngeh, Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ ehˇ gaˇ naˇ haˬ nehˬ-awˬ. Nawˬ-ahˇ aˬ yawꞈ maꞈ byehˇ dzeh-eu maˬ ngeuˇ-a. Ngaˬ-euˬ mawˇ do aˬ yawꞈ maꞈ kʼoeˇ taˆ maˬ bi uˆ lahˇ-eu gʼaˇ duˬ, aˬ yawꞈ maꞈ ngaˬ-ahˇ byehˇ dzeh-euˬ meh.