Gʼaˬkʼehˇ 4:16 - Akha

¹⁶ Aˬ yawꞈ maꞈ ehˇ-eu, “Tsawˇ haˬ heu nyiˬ gʼaˬ-ahˇ aˬ joˆ-ehˇ jahˇ nehˬ paˬ nga. Tsawˇ haˬ zaˬ maˬ mˇ nya-eu zahˬ leˇ paˬ-ehˇ gʼeh-eu gaˇ heu hmˬ aˬ yawꞈ nyaꞈ neh mˇ-euˬ meh lehˇ Yeˬluˇsaˬlehˬ meuˬ meuˬ lah ni siˬ nya-euˬ miˇ neh, aˬ dui tsawˇ pyehˇ maˬ paˇ pyehˇ nya ngaˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ “Aqduimaf, tsawrhaq heu nyiq ghaq-anr aqjox-aer janrnaeq paq nga? Aqjeq mirnae aernar-aq, aqyawfnyaf byacaevni mawrlar-eu khavjeq-aer ghae-eu jeq janr-euq mae laer Yeqlursaqlaeq-anr jawr-eu tsawrhaq dawqtawvluf siqnya-eu mae. Aqduimaf khawf maqngeur-a laer maqaer nya-eu beu.

Gʼaˬkʼehˇ 4:16 Iomraidhean Croise

Daˬyeˬlaˇ 8:5

Gaˇ kawˆ kʼoeˇ ngaˇ shaˇ noeˬ luꞈ ngeh, nahˇ ma ga kʼehˬ paw neh ciꞈ myehꞈ tiˬ mawˇ sehˇ laꞈ gaˇ ngaˇ ya mawˇ-euˬ ma. Ciꞈ myehꞈ kʼoeˇ mawˇ sehˇ-eu kawˇ dui dui-eu miˇ neh, aˬ kuiˇ miˇ tsa maˬ tuˆ-a. Aˬ yawꞈ-euˬ myaˆ nuiˆ nyiˬ nuiˆ yaw kaˬ-ahˇ, uˬ coeˇ tiˬ coeˇ ngaw law ni tsoꞈ-eu meh.

Daˬyeˬlaˇ 8:8

Ciꞈ myehꞈ kʼoeˇ mawˇ tiˬ jawˇ saˇ-i tiˬ jawˇ nui ma huiˬ dui mahˇ dui dui laˇ-euˬ meh. Ehˇ kʼawꞈ, aˬ yawꞈ kʼaˇ kʼaˆ maˬ kʼaˆ kʼaˆ ngeh, aˬ yawꞈ-euˬ uˬ coeˇ kʼoeˇ kahˬ lehˆ iˇ-awˇ, ngaw law ni mawˇ laˇ-eu uˬ coeˇ oeˬ kahˬ paˇ doˆ laˇ-euˬ meh. Uˬ coeˇ kʼoeˇ oeˬ kahˬ-aˬ, tiˬ kahˬ tiˬ paw pyawˇ-eu meh.

Maꞈtehˬ 20:7

‘Tsawˇ haˬ tiˬ gʼaˬ-iˬ nga maꞈ-ahˇ gaˇ bi mˇ-eu lehˇ maˬ poˆ le-euˬ miˇ neh, heu loꞈ-ehˇ jawˇ luꞈ-eu ma’ lehˇ aˬ yawꞈ maꞈ ehˇ-eu meh. ‘Toˆ-ehˇ ngeuˇ naˇ, naw maꞈ jiˇ ngaˬ-euˬ aˬ gaꞈ yaˇ kmˇ-ahˇ iˇ-awˇ gaˇ mˇ-iˇ-awˬ’ lehˇ, tsawˇ haˬ kʼoeˇ deuˬ-ahˇ aˬ yawꞈ ehˇ nehˬ-euˬ meh.

Maꞈtehˬ 27:16

Kʼoeˇ ngeh, Yeˬsuˇ Baˬlaˬbaˇ lehˇ myahˇ-euˬ yaw haiˬ mˇ-eu tsawˇ myahˇ doˆ dui dui-eu tsawˇ haˬ tiˬ gʼaˬ tawˬ-ahˇ uˇ-eu meh.

Luˇkaꞈ 21:15

Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ maˬ ja gʼaˬ nya-eu dawˬ hawˇ-eu zaˬ siˬ tsawˇ gahˇ, naw maꞈ-ahˇ ngaˇ biꞈ ma.

Yoˇhaˬ 12:18

Tsawˇ haˬ aˇ maꞈ kʼoeˇ maꞈ aˬ yawꞈ neh mˇ-euˬ zahˬ leˇ paˬ-ehˇ gʼeh-eu gaˇ kawˆ ya gaˬ taˬ-euˬ miˇ neh, aˬ yawꞈ-ahˇ ha laˬ le-euˬ jeˬ pyeuꞈ-eu meh.

Gʼaˬkʼehˇ 6:10

Ehˇ kʼawꞈ, Yaw sahˇ Miˬyehˇ neh Saˬteˬpaˬ-ahˇ tsawˇ gahˇ biꞈ taˬ-euˬ miˇ neh, aˬ yawꞈ maꞈ maˬ pyehˇ gʼaˬ nya-a.