Gʼaˬkʼehˇ 4:1 - Akha

¹ Beˬtuˆluˆ hawˇ-eu Yoˇhaˬ aˬ nyaꞈ tsawˇ haˬ kʼoeˇ deuˬ-ahˇ dawˬ ngehˬ ngehˬ luꞈ ngeh, piˇ ma deuˬ, Uˬduˬ tahˬ nymˇ nymˇ ma-ahˇ loꞈ piˇ-eu deuˬ kʼoeˇ taˆ uˆ lahˇ-eu yawˬ huiˬ yaw mahˇ deuˬ hawˇ-eu, Saˬduˬgehˇ deuˬ laˇ keuˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Aqyawfnyaf, tsawrhaq khoerdeuq-anr ngaeqnaeqluf ngae, pirma deuq, uqduq tanqnymr nymrma-anr lofpir-eu aqyuif ghaq hawr-eu Saqduqgaer deuq, aqyawfmaf jawr-eu gar oekeuv-euq mae.

Gʼaˬkʼehˇ 4:1 Iomraidhean Croise

Maꞈtehˬ 16:12

Kʼoeˇ ngeh jawˇ, kaˬ muˇ jahˇ gaˇ dawˆ-eu dehˬ tseˬ-ahˇ yahˇ-eu gʼaˇ duˬ, Yeˬsuˇ aˬ yawꞈ maꞈ-ahˇ ehˇ mawꞈ-eu maˬ ngeuˇ-ehˇ, Paˬliˬsehˇ deuˬ hawˇ-eu Saˬduˬgehˇ deuˬ neh mehˬ-euˬ tsoˆ-euˬ dawˬ deuˬ-ahˇ yahˇ-awˬ lehˇ ehˇ mawꞈ-eu gaˇ kawˆ, zaˬ lahˇ deuˬ gʼoˆ shaw-euˬ meh.

Maꞈtehˬ 22:16

Aˬ yawꞈ maꞈ-euˬ zaˬ lahˇ tiˬ paˆ na deuˬ hawˇ-eu, Heˬloˆ aˇ muˇ -ahˇ uˇ-eu tsawˇ haˬ tiˬ paˆ na deuˬ-ahˇ, Yeˬsuˇ jawˇ gaˇ aˬ yawꞈ maꞈ pyehˬ gʼeh-euˬ meh. Aˬ yawꞈ maꞈ ehˇ-eu, “Saˬ laˬ-oˇ, nawˇ-aˬ, dawˇ coe ni ehˇ-eu tsawˇ haˬ meh lehˇ nga maꞈ siˬ nya ma. Tsawˇ haˬ zaˬ-euˬ myaˆ pyawˬ-ahˇ nawˇ maˬ haw-eu uˬ taꞈ, aˬ cawˬ noeˬ doeˇ laˇ gaˇ nawˇ maˬ yahˇ ni, tsawˇ haˬ zaˬ gʼaˇ duˬ Miˬyehˇ-euˬ nui kʼahˇ aˬ joˆ-ehˇ jaˆ-eu gaˇ kawˆ, dawˇ coe ni mehˬ-eu meh.

Maꞈtehˬ 27:20

Baˬlaˬbaˇ-ahˇ pyehˬ-awˇ Yeˬsuˇ-ahˇ sehꞈ ni sahˬ paˬ Piˇlaˆ-ahˇ shaˇ-eu gʼaˇ duˬ, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ neh tsawˇ haˬ aˇ maꞈ-ahˇ mehˬ gahˇ taˬ-euˬ meh.

Maꞈtehˬ 27:41

Piˇ ma aˬ yuiꞈ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, aˬ yuiꞈ aˬ tsu deuˬ kʼawꞈ, aˬ yawꞈ-ahˇ heu loꞈ-ehˇ naˬ gʼa-eu meh.

Maꞈtehˬ 3:7

Paˬliˬsehˇ deuˬ hawˇ-eu Saˬduˬgehˇ deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ.

Luˇkaꞈ 20:1

Tiˬ nah-aˬ, Yeˬsuˇ Uˬ duˬ tahˬ nymˇ nymˇ ma laꞈ kʼoeˇ mehˬ-awˇ tsoˆ-awˇ, Laˬ kʼaˬ cehˇ-eu Guiˬ lahˬ dawˬ mehˬ luꞈ ngeh, piˇ ma aˬ yuiꞈ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, aˬ yuiꞈ aˬ tsu deuˬ aˬ yawꞈ jawˇ gaˇ laˇ-awˇ ehˇ-eu,

Luˇkaꞈ 22:4

Kʼoeˇ miˇ neh, piˇ ma aˬ yuiꞈ deuˬ hawˇ-eu uˬ duˬ tahˬ nymˇ nymˇ ma-ahˇ loꞈ piˇ-eu deuˬ kʼoeˇ taˆ uˆ lahˇ-eu yaw huiˬ yaw mahˇ deuˬ jawˇ gaˇ Yuˇdaˆ iˇ-awˇ, Yeˬsuˇ-ahˇ aˬ joˆ-ehˇ ahˬ dzaˬ-eu gaˇ kawˆ ja cawˬ-iˇ-euˬ meh.

Yoˇhaˬ 15:20

‘Baw leˬ naˆ maˬ tseˇ huiˬ dzehˬ-eu zaˬ kʼaˆ maˬ jawˇ-a’ lehˇ ngaˬ neh naw maꞈ-ahˇ ehˇ nehˬ-euˬ dawˬ-ahˇ taˬ ngehˇ. Aˬ yawꞈ maꞈ ngaˬ-ahˇ kʼehˬ nehˬ kʼaˆ nehˬ laꞈ-euˬ-aˬ, naw maꞈ-ahˇ kʼawꞈ kʼehˬ nehˬ kʼaˆ nehˬ laꞈ tehꞈ-a. Aˬ yawꞈ maꞈ ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ naˇ, naw maꞈ neh mehˬ nehˬ tsoˆ nehˬ-euˬ dawˬ-ahˇ kʼawꞈ naˆ haˬ geuꞈ tehꞈ -a.

Yoˇhaˬ 18:3

Yuˇdaˆ-aˬ, Loˇmaˆ yehˇ yehˇ maꞈ tiˬ maꞈ hawˇ-eu, piˇ ma aˬ yuiꞈ deuˬ hawˇ-eu Paˬliˬsehˇ deuˬ neh kʼehˇ gʼeh leꞈ-euˬ Uˬ duˬ tahˬ nymˇ nymˇ ma-ahˇ loꞈ-eu yehˇ deuˬ sheuˬ-awˇ, yaˇ kmˇ kʼoeˇ kmˇ-ahˇ iˇ-euˬ meh. Aˬ yawꞈ maꞈ-aˬ, guiˇ deuˆ-eu keu ka yuˇ-awˇ, tsiˇ kʼmˬ hawˇ-eu tsiˇ du keuˬ-awˇ iˇ-euˬ meh.

Gʼaˬkʼehˇ 4:6

Piˇ ma Yaw huiˬ gʼaˬ pyeuꞈ-eu Aˬna hawˇ-eu Gaˬyaˬpaˇ, Yoˇhaˬ, Aˬleˬsaˬduˇ hawˇ-eu, Piˇ ma Yaw huiˬ gʼaˬ-euˬ aˬ yuiꞈ aˬ nyiˇ deuˬ-ahˇ aˬ yawꞈ maꞈ tahˬ dzoeˇ-euˬ meh.

Gʼaˬkʼehˇ 5:17

Kʼoeˇ ngeh, Piˇ ma Yaw huiˬ gʼaˬ hawˇ-eu aˬ yawꞈ-euˬ tsawˇ haˬ dawˬ tawˆ luꞈ maˬ ehˇ, Saˬduˬgehˇ aˇ muˇ laꞈ kʼoeˇ uˇ-eu tsawˇ haˬ deuˬ maˬ ehˇ, gʼaˬ kʼehˇ deuˬ-ahˇ myaˆ naˆ dui dui laˇ-awˇ, yaw doeˇ jahˇ-eu gʼaˇ duˬ noeˬ tsehˆ-euˬ meh.

Gʼaˬkʼehˇ 5:24

Piˇ ma aˬ yuiꞈ deuˬ hawˇ-eu, Uˬ duˬ tahˬ nymˇ nymˇ ma-ahˇ loꞈ piˇ-eu deuˬ kʼoeˇ taˆ uˆ lahˇ-eu yaw huiˬ yaw mahˇ gʼaˬ gaˇ kawˆ kʼoeˇ ya gaˬ ngeh, gʼaˬ kʼehˇ deuˬ aˬ joˆ-ehˇ jahˇ-euˬ gaˇ kawˆ noeˬ maˬ doˆ-ehˇ pyeuꞈ-iˇ-euˬ meh.

Gʼaˬkʼehˇ 5:26

Yaw huiˬ yaw mahˇ kʼoeˇ gʼaˬ aˬ yawꞈ-euˬ tsawˇ haˬ deuˬ sheuˬ-awˇ, gʼaˬ kʼehˇ deuˬ-ahˇ sheuˬ laˬ-iˇ-euˬ meh. Tsawˇ haˬ aˇ maꞈ kʼoeˇ deuˬ aˬ yawꞈ maꞈ-ahˇ kʼaˬ lo biˬ laˇ gaˇ guˆ-eu miˇ neh, gʼaˬ kʼehˇ deuˬ-ahˇ yehˬ bawˬ sehˇ lu-ehˇ maˬ jahˇ ni sheuˬ laꞈ-euˬ meh.

Gʼaˬkʼehˇ 6:12

Kʼoeˇ loꞈ-ehˇ jahˇ-eu laꞈ kʼoeˇ, miˇ kʼahˬ zaˬ deuˬ, tsawˇ mawˬ tsawˇ kʼaˆ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ nui ma pehˇ laˇ ni kawˆ-euˬ meh. Aˬ yawꞈ maꞈ Saˬteˬpaˬ-ahˇ nyehꞈ-awˇ, Baꞈ dzah mehˬ shi sheuˬ gʼeh-euˬ meh.

Gʼaˬkʼehˇ 6:7

Kʼoeˇ loꞈ-ehˇ jahˇ-eu laꞈ kʼoeˇ, Miˬyehˇ-euˬ dawˬ kawˬ mehˬ hu paw maˬ naˬ leˇ ni gaˬ doe-iˇ luꞈ-eu meh. Yeˬluˇsaˬlehˬ meuˬ laꞈ kʼoeˇ zaˬ lahˇ deuˬ tiˬ jawˇ saˇ-iˬ tiˬ jawˇ myaˬ laˇ luꞈ-awˇ, piˇ ma gʼawˬ mya gʼaˬ jah-eu tsawˇ haˬ pyeuꞈ laˇ-euˬ meh.