Gʼaˬkʼehˇ 3:4 - Akha

⁴ Beˬtuˆluˆ hawˇ-eu Yoˇhaˬ aˬ nyaꞈ tsawˇ haˬ kʼoeˇ gʼaˬ-ahˇ haw tsoˆ taˬ-awˇ, “Nga nyaꞈ-ahˇ haw sheˇ” lehˇ, Beˬtuˆluˆ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawf, Yorhaq-anr hawtsovtaq ngae Beqtuvluv aer-eu, “Nawr, nga’nyaf-anr hawsher-eq.”

Gʼaˬkʼehˇ 3:4 Iomraidhean Croise

Luˇkaꞈ 4:20

Kʼoeˇ naˇ, sahˬ boꞈ kʼoeˇ yoˆ kʼoꞈ-awˇ, uˬ duˬ tahˬ nymˇ-ahˇ sheuˬ gʼeh-eu gʼaˬ-ahˇ biꞈ kʼoꞈ nehˬ-awˇ nuiˇ-euˬ meh. Uˬ duˬ tahˬ nymˇ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, aˬ yawꞈ-ahˇ haw tsoˆ taˬ-euˬ meh.

Yoˇhaˬ 11:40

Yeˬsuˇ aˬ yawꞈ-ahˇ ehˇ nehˬ-eu, “Nawˇ jah naˇ, Miˬyehˇ-euˬ yaw shehꞈ kʼahˬ sehˇ-ahˇ ya mawˇ tehꞈ-a lehˇ, ngaˇ nawˬ-ahˇ ehˇ-euˬ maˬ ngeuˇ-a loˇ.”

Yoˇhaˬ 5:6

Aˬ yawꞈ kʼoeˇ gaˇ yuꞈ luꞈ gaˇ Yeˬsuˇ mawˇ-awˇ, gʼawˬ mya kʼoꞈ naˇ keuˆ laꞈ-euˬ tsawˇ haˬ ngaˇ lehˇ siˬ nya-euˬ meh. Kʼoeˇ miˇneh, “Nawˬ-ahˇ naˇ gawˇ taˬ leˇ mawꞈ miˇ-a loˇ” lehˇ naˇ haˬ nehˬ-euˬ meh.

Gʼaˬkʼehˇ 10:4

Aˬ yawꞈ guˆ dui dui-iˇ-awˇ, mˬ taˆ gʼaˬ kʼehˇ kʼoeˇ gʼaˬ-ahˇ haw tsoˆ-awˇ, “Sahˬpaˬ-oˇ, aˬ jeˬ ehˇ te” lehˇ ehˇ kʼoꞈ nehˬ-euˬ meh. Mˬ taˆ gʼaˬ kʼehˇ kʼoeˇ gʼaˬ ehˇ-eu,“Nawˬ neh guiˬ lahˬ shaˇ-euˬ jeˬ-ahˇ maˬ ehˇ, nawˇ aˬ cawˬ-ahˇ caw ba nehˬ-euˬ jeˬ-ahˇ maˬ ehˇ, Miˬyehˇ nui kʼahˇ shiˇ-eu miˇ neh, nawˬ-euˬ shaˇ dawˬ-ahˇ naˇ haˬ nehˬ laꞈ-euˬ meh.

Gʼaˬkʼehˇ 11:6

Laꞈ kʼoeˇ paw yaw muiˬ paˬ-ehˇ haw duˬ ngeh, cu-eu jeˬ zaˬ maˬ ehˇ, bawˇ tsahˬ jeˬ zaˬ maˬ ehˇ, joe joe-ehˇ cah-eu jeˬ zaˬ maˬ ehˇ, aˇ jiˇ deuˬ maˬ ehˇ, ya mawˇ-euˬ ma.

Gʼaˬkʼehˇ 3:1

Tiˬ nah-aˬ, guiˬ lahˬ shaˇ yamˬ pyeuꞈ-eu uˬ ciꞈ uˬ taw paw naˬ liˬ smˇ laꞈ kʼoeˇ yamˬ-ahˇ, Beˬtuˆluˆ hawˇ-eu Yoˇhaˬ aˬ nyaꞈ Uˬ duˬ tahˬ nymˇ nymˇ ma-ahˇ le-euˬ meh.

Gʼaˬkʼehˇ 3:11

Sawˇlaˬmoˬ-euˬ guiˇ ga ceuˬ lehˇ kuˇ-eu tsahˇ-ahˇ, tsawˇ haˬ kʼoeˇ gʼaˬ Beˬtuˆluˆ hawˇ-eu Yoˇhaˬ-ahˇ gʼeu tehˬ-awˇ jawˇ ngeh, aˬ cawˬ zahˬ leˇ-awˇ cehˆ gʼeh laꞈ-euˬ meh.

Gʼaˬkʼehˇ 3:12

Cehˆ gʼeh laꞈ-euˬ tsawˇ haˬ kʼoeˇ deuˬ-ahˇ Beˬtuˆluˆ mawˇ ngeh, heu loꞈ-ehˇ ehˇ nehˬ-euˬ meh. “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, aˬ jeˬ miˇ neh gaˇ kawˆ heu-ahˇ zahˬ leˇ-awˇ nga nyaꞈ-ahˇ haw te. Nga nyaꞈ-euˬ baoˬ hawˇ-eu nga nyaꞈ muiˬ-eu shawˇ-eu baˬ da neh tsawˇ haˬ heu gʼaˬ gaˇ ma cah nya laˇ ni jahˇ nehˬ nya-eu ngaˇ lehˇ naw maꞈ noeˬ te loˇ.

Gʼaˬkʼehˇ 3:3

Beˬtuˆluˆ hawˇ-eu Yoˇhaˬ aˬ nyaꞈ uˇ leˇ-eu lehˇ gʼeh gaˇ aˬ yawꞈ ya mawˇ ngeh, tiˬ jeˬ paˬ biꞈ laꞈ lehˇ shaˇ-euˬ meh.

Gʼaˬkʼehˇ 3:5

Aˬ yawꞈ nyaꞈ tiˬ jeˬ paˬ biꞈ laꞈ tehꞈ-a lehˇ noeˬ-awˇ, aˬ yawꞈ haw tsoˆ taˬ-euˬ meh.