Gʼaˬkʼehˇ 3:16 - Akha

¹⁶ Kuiˇ cawˆ heu gʼaˬ aˬ yawꞈ tsawˇ myahˇ-euˬ baoˬ baˬ da neh gʼaˬ paˇ ahˇ laˇ-euˬ meh. Naw maꞈ ya siˬ ya mawˇ-euˬ gaˇ kawˆ heu-aˬ, aˬ yawꞈ-euˬ tsawˇ myahˇ-ahˇ jah-eu jeˬ baˬ da neh pyeuꞈ laˇ-euˬ meh. Naw maꞈ mawˇ luꞈ-eu loꞈ-ehˇ, tsawˇ haˬ heu gʼaˬ muiˬ laˇ-euˬ-aˬ, Yeˬsuˇ-ahˇ jah-eu jeˬ baˬ da neh meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Nawmaf mawr-awr siqnya-eu tsawrhaq heughaq, ghaq anrlar-euq-aq, aqyawf, Yeqsur-euq tsawrmyanr-anr jan-eu mirnae, Yeqsur-euq tsawrmyanr baqda’nae, aqyawf-anr ghaq anrlar-euq mae. Aqyawf-anr nae dovle-euq Yeqsur-anr jan-eu jeq-euq baqda’nae, aqyawf, nawmaf dawqtawv luf-euq maeqshi tiqbyan tiqlof muiqlar jir-euq mae.

Gʼaˬkʼehˇ 3:16 Iomraidhean Croise

Maꞈtehˬ 14:29

Kʼoeˇ naˇ, “Oe-awˬ tawˇ” lehˇ Yeˬsuˇ ehˇ ngeh, Beˬtuˆluˆ lawˬ laꞈ nyiˇ doˆ-iˇ-awˇ, iˇ cuꞈ kʼoeˇ taˆ cah cah-ehˇ Yeˬsuˇ jawˇ gaˇ iˇ-euˬ meh.

Maꞈtehˬ 9:22

Yeˬsuˇ nahˇ gʼoꞈ gʼoꞈ haw ngeh, aˬ yawꞈ-ahˇ mawˇ-awˇ, “Aˬ buˇ-oˇ, tiˬ jeˬ-iˬ taˬ noeˬ shaˬ. Nawˬ-euˬ jah-eu nui ma neh nawˬ-ahˇ bi taˬ leˇ-euˬ meh” lehˇ ehˇ nehˬ-euˬ meh. Kʼoeˇ loꞈ-ehˇ ehˇ gʼaˬ-eu maˬ dah ni, zaˬ miˬ zaˬ kʼoeˇ gʼaˬ-euˬ naˇ gawˇ taˬ tsehˆ leˇ-euˬ meh.

Yoˇhaˬ 14:12

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-ahˇ kʼaˇ jah-eu tsawˇ haˬ-aˬ, ngaˬ neh mˇ-euˬ zahˬ leˇ paˬ-ehˇ gʼeh-eu gaˇ deuˬ mˇ tehꞈ-a. Ngaˬ neh mˇ-euˬ gaˇ deuˬ myaˆ maˬ tseˇ aˬ yawꞈ mˇ huiˬ gʼeh tehꞈ-a. Aˬ jeˬ miˇ neh ehˇ naˇ, ngaˇ-aˬ, Aˬda jawˇ gaˇ ya gʼoꞈ leˇ meh.

Yoˇhaˬ 7:23

Jawˇ nah ngeh nah aˬ li tiˬ li-ahˇ baˆ kʼoˆ mehˬ dzaˬ yehˬ-euˬ kʼoeˇ Zahˇ dawˬ kʼoꞈ dawˬ-ahˇ maˬ bahˬ-a lehˇ ngeuˇ naˇ, Jawˇ nah ngeh nah tsawˇ haˬ tiˬ gʼaˬ-euˬ gʼawˇ mawˇ mawˇ lah-ehˇ muiˬ laˇ ni ngaˬ neh laˆ taˬ nehˬ-euˬ gaˇ, naw maꞈ aˬ jeˬ miˇ neh nui ma pehˇ te.

Gʼaˬkʼehˇ 14:9

Aˬ yawꞈ nuiˇ-awˇ, Pawˇluˆ dawˬ ngehˬ gaˇ naˇ haˬ luꞈ-eu meh. Aˬ yawꞈ-aˬ, taˬ leˇ nya ni jah-eu nui ma ahˇ luꞈ gaˇ Pawˇluˆ ya mawˇ-euˬ miˇ neh, aˬ yawꞈ-ahˇ haw tsoˆ-awˇ,

Gʼaˬkʼehˇ 16:18

Aˬ yawꞈ kʼoeˇ loꞈ-ehˇ guˇ guˇ-ehˇ caw teh-eu gʼawˬ mya nah byah laˇ-euˬ miˇ neh, Pawˇluˆ maˬ oˇ oꞈ coeˇ laˇ-ehˇ, naˇ kʼah paw zeuˆ pyawˇ-awˇ, nehꞈ kʼoeˇ mawˇ-ahˇ “Aˬ yawꞈ-euˬ laꞈ kʼoeˇ neh doˆ-iˇ-awˬ lehˇ, Yeˬsuˇ Ka li-euˬ tsawˇ myahˇ uˬ moˆ ngaˇ nawˬ-ahˇ dawˬ biꞈ-eu ma” lehˇ ehˇ nehˬ ngeh, nehꞈ kʼoeˇ mawˇ aˬ buˇ kʼoeˇ buˇ-euˬ laꞈ kʼoeˇ neh tiˬ poˆ tehꞈ-ehˇ doˆ-iˇ-euˬ meh.

Gʼaˬkʼehˇ 3:6

Ehˇ kʼawꞈ, Beˬtuˆluˆ ehˇ-eu, “Ngaˇ pyuˇ maˬ ahˇ. Ehˇ kʼawꞈ, ngaˇ ahˇ-eu jeˬ nawˬ-ahˇ biꞈ ma. Naˬzaˬlehˇ tsawˇ haˬ Yeˬsuˇ Ka li-euˬ tsawˇ myahˇ uˬ moˆ tuˇ-awˇ gaˇ ma cah gʼeh-awˬ lehˇ, ngaˇ nawˬ-ahˇ dawˬ biꞈ-eu ma.”

Gʼaˬkʼehˇ 3:8

Aˬ yawꞈ tsawˬ diˇ laˇ-awˇ, gawˬ yawꞈ yawꞈ-awˇ gaˇ ma cah-euˬ meh. Kʼoeˇ naˇ, aˬ yawꞈ tsawˬ tsawˬ-ehˇ cah-awˇ, Miˬ-ehˇ-ahˇ ja ceuˬ-eu laꞈ kʼoeˇ, aˬ yawꞈ nyaꞈ nehˬ-ehˇ Uˬ duˬtahˬ nymˇ nymˇ ma-ahˇ le-euˬ meh

Gʼaˬkʼehˇ 4:10

naw maꞈ neh laꞈ yaꞈ kʼoeˇ taˆ taꞈ sehꞈ nehˬ-awˇ, Miˬyehˇ neh bi gʼoꞈ dehꞈ laˇ-euˬ Naˬzaˬlehˇ tsawˇ haˬ Yeˬsuˇ Ka li-euˬ tsawˇ myahˇ baoˬ baˬ da neh , nymˬ-mˇ naw maꞈ mehˬ shi yawꞈ luꞈ-eu tsawˇ haˬ heu gʼaˬ muiˬ laˇ-euˬ meh lehˇ naw maꞈ dawˬ tawˆ luꞈ siˬ duˬ-eu uˬ taꞈ, Iˇsaˬleˬlaˇ tsawˇ haˬ dawˬ tawˆ luꞈ siˬ duˬ-eu tsaˬ meh.

Gʼaˬkʼehˇ 4:30

Nawˬ-euˬ aˬ laꞈ cawˬ ja-eu laꞈ kʼoeˇ, naˇ-eu gawˇ-eu tsawˇ haˬ deuˬ-ahˇ bi taˬ leˇ-awˇ, nawˬ-euˬ muiˬ-eu shawˇ-eu Zaˬkʼaˆ pyeuꞈ-eu Yeˬsuˇ-euˬ tsawˇ myahˇ-ahˇ gʼoe-awˇ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ mehˬ laꞈ.”

Gʼaˬkʼehˇ 4:7

Gʼaˬ kʼehˇ kʼoeˇ nyiˬ gʼaˬ-ahˇ aˬ yawꞈ maꞈ-euˬ mehˬ shi bi yawꞈ-awˇ, “Aˬ geu jeˬ baoˬ hawˇ-eu aˬ suˇ gʼaˬ-euˬ tsawˇ myahˇ-ahˇ gʼoe-awˇ naw nyaꞈ teu loꞈ-ehˇ mˇ te” lehˇ naˇ haˬ-euˬ meh.

Lormav 3:22

Aˬ yawꞈ maꞈ Yeˬsuˇ Ka li-ahˇ jah-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ bi pyeuꞈ laˇ-euˬ meh. Ka li-ahˇ kʼaˇ jah-eu tsawˇ haˬ dawˬ tawˆ luꞈ-ahˇ, tsawˇ jeuˬ maˬ tseˇ paˆ ni, Miˬyehˇ kʼoeˇ loꞈ-ehˇ jahˇ nehˬ-euˬ meh.

1 Gawˇliˬtu 13:2

Ngaˇ-aˬ, Miˬyehˇ gʼaˇ duˬ ngehˬ dah nya-eu baoˬ za-euˬ tsawˇ haˬ pyeuꞈ-awˇ, zaˬ siˬ tsawˇ gahˇ dawˬ tawˆ luꞈ hawˇ-eu zaꞈ taˬ-euˬ jeˬ-ahˇ siˬ nya-eu tsawˇ gahˇ ahˇ-eu uˬ taꞈ, gawˬ jawˬ teh jiˆ nya gaˇ keuˆ ni jah-eu jeˬ ahˇ kʼawꞈ, gʼoeˇ-eu gaˬ-eu jeˬ maˬ ahˇ naˇ, tiˬ jeˬ-iˬ gaˇ dahˇ maˬ tsoeˬ-a.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.