Gʼaˬkʼehˇ 26:7 - Akha

⁷ Aˬ dui-euˬ tsawˇ jeuˬ tseˇ nyiꞈ jeuˬ luꞈ, uˬ ciꞈ nah gʼahˇ maˬ ehˇ, Miˬyehˇ-ahˇ uˬ duˬ tahˬ tahˬ-ehˇ noeˬ tmˬ luꞈ-eu kʼoeˇ kʼawꞈ, nymˬ-mˇ ngaˇ noeˬ tmˬ luꞈ-eu heu hmˬ meh. Sahˬ paˬ-oˇ, kʼoeˇ loꞈ-ehˇ noeˬ tmˬ-eu heu hmˬ baˬ da neh Yuˇdaˆ tsawˇ haˬ deuˬ ngaˬ-ahˇ yaˇ kʼaˬ ja-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nga’maf-euq tsawrjeuq 12 jeuq, uqcif nan’ghanr maqaer, laejae laejae-aer Miqyaer-anr uqduq tanq-eu lafkhoer, sarjax heu-anr za’ni noeqtmq luf-eu mae. Sanqpaq Aqgirpav-or! Ngar khawf khoerlof-aer noeqtmq-eu baqda’nae, Yurdav tsawrhaq, ngar yawlaeq nga laer daqluf-eu mae.

Gʼaˬkʼehˇ 26:7 Iomraidhean Croise

Eˇzaˬlaˬ 6:17

Uˬ duˬ tahˬ nymˇ nymˇ ma a nehˬ-eu gʼaˇ duˬ, mawˇ neˇ tiˬ yaˇ mawˇ, yawˇ nyiˬ yaˇ mawˇ hawˇ-eu, yawˇ zaˬ oeˬ yaˇ mawˇ aˬ yawꞈ maꞈ lawˇ nehˬ-euˬ meh. Iˬ baˇ shawˇ-eu lawˇ-eu jeˬ gʼaˇ duˬ kʼawꞈ, Iˇsaˬleˬlaˆ tsawˇ jeuˬ tiˬ jeuˬ-euˬ ciꞈ myehꞈ tiˬ mawˇ doˇ leˇ-ehˇ, ciꞈ myehꞈ tseˇ nyiꞈ mawˇ aˬ yawꞈ maꞈ lawˇ-euˬ meh.

Eˇzaˬlaˬ 8:35

Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ dawˬ tawˆ luꞈ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ lawˇ nehˬ-eu gʼaˇ duˬ, miˬ dzaˬ-ahˇ dzah puiˆ-awˇ lawˇ-eu jeˬ yuˇ laꞈ-euˬ meh. Iˇsaˬleˬlaˆ tsawˇ jeuˬ dawˬ tawˆ luꞈ gʼaˇ duˬ mawˇ neˇ tseˇ nyiꞈ mawˇ lawˇ-euˬ meh. Yawˇ aˬ buˬ gʼoeˬ tseˇ koꞈ mawˇ hawˇ-eu yawˇ zaˬ shiꞈ tseˇ shiꞈ mawˇ kʼawꞈ aˬ yawꞈ maꞈ lawˇ-euˬ meh. Kʼoeˇ uˬ taꞈ, aˬ yawꞈ maꞈ-euˬ iˬ baˇ shawˇ-eu gʼaˇ duˬ ciꞈ myehꞈ tseˇ nyiꞈ mawˇ lawˇ-euˬ meh. Jeˬ zaˬ heu deuˬ dawˬ tawˆ luꞈ miˬ dzaˬ-ahˇ dzah puiˆ-awˇ Sahˬpaˬ Miˬyehˇ-ahˇ lawˇ nehˬ-euˬ meh.

Jaceuq 135:2

Sahˬpaˬ Miˬyehˇ-euˬ nymˇ-ahˇ yawꞈ luꞈ-eu, Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ yawꞈ luꞈ-eu, Sahˬpaˬ Miˬyehˇ-euˬ zaˬ kʼaˆ deuˬ-oˇ, aˬ yawꞈ-euˬ tsawˇ myahˇ-ahˇ ja ceuˬ-awˬ.

Maꞈtehˬ 19:28

Aˬ yawꞈ maꞈ-ahˇ Yeˬsuˇ ehˇ nehˬ-eu, “Miˇ tsaˬ tahˬ kʼawˇ yaw shuiꞈ paˇ laˇ-awˇ, yaw shehꞈ kʼahˬ sehˇ huiˬ-eu dzoeˬ dzaˬ nuiˇ mahˬ kʼoeˇ taˆ Tsawˇhaˬ-euˬ Zaˬmaˇ nuiˇ le ngeh, ngaˬ-euˬ mehˬ nah caw teh-eu naw maꞈ tseˇ nyiꞈ gʼaˬ kʼawꞈ, dzoeˬ dzaˬ nuiˇ mahˬ kʼoeˇ taˆ nuiˇ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ ya uˆ lahˇ tehꞈ-a.

Luˇkaꞈ 2:25

Kʼoeˇ ngeh yamˬ-ahˇ, Suˇmoˬ lehˇ myahˇ-euˬ tsawˇ haˬ tiˬ gʼaˬ Yeˬluˇsaˬlehˬ meuˬ-ahˇ jawˇ-eu meh. Aˬ yawꞈ-aˬ, Miˬyehˇ-ahˇ guˆ-eu nui ma ahˇ-eu tsawˇ haˬ yaw muiˬ tiˬ gʼaˬ pyeuꞈ-awˇ, Iˇsaˬleˬlaˆ tsawˇ jeuˬ ka kʼoꞈ-eu jeˬ za-eu aˇ nah-ahˇ dawˬ luꞈ-eu tiˬ gʼaˬ meh. Muiˬ-eu shawˇ-eu Yaw sahˇ Miˬyehˇ aˬ yawꞈ nehˬ-ehˇ jawˇ-eu meh.

Luˇkaꞈ 22:30

Ngaˇ uˆ lahˇ-eu miˇ kʼahˬ laꞈ kʼoeˇ, naw maꞈ ngaˬ-euˬ hawˬ jeh-ahˇ ya dzaˬ yaw dawˇ taꞈ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ uˆ lahˇ-eu dzoeˬ dzaˬ nuiˇ mahˬ deuˬ kʼoeˇ taˆ, naw maꞈ nuiˇ-awˇ ya dzoeˬ tehꞈ-a.

Gʼaˬkʼehˇ 20:31

Kʼoeˇ miˇ neh, smˇ kʼoꞈ byah ni naw maꞈ yawˬ gʼaˬ na luꞈ-ahˇ ngaˇ myaˆ biˇ doˆ-eu laꞈ kʼoeˇ mehˬ nehˬ-euˬ gaˇ maˬ ngehˇ ni, yahˇ yahˇ-ehˇ dehꞈ-awˬ.

Gʼaˬkʼehˇ 24:15

Tsawˇ muiˬ tsawˇ doeˇ dawˬ tawˆ luꞈ-ahˇ shiˇ-euˬ gaˇ paˇ bi gʼoꞈ dehꞈ laˇ tehꞈ-a lehˇ tsawˇ haˬ heu deuˬ Miˬyehˇ laꞈ kʼoeˇ noeˬ tmˬ-eu loꞈ-ehˇ, ngaˇ kʼawꞈ noeˬ tmˬ-eu ma.

Gʼaˬkʼehˇ 26:2

“Sahˬ paˬ Aˬgiˇpaˆ-oˇ, Yuˇdaˆ tsawˇ haˬ neh ngaˬ-euˬ gaˇ kawˆ kʼaˇ daˬ taˬ-euˬ yawˬ jeˬ na luꞈ-ahˇ, iˬ nah nawˬ-euˬ mehˬ shi ngaˇ ya ngehˬ kʼoꞈ-eu heu-aˬ, ngaˬ-euˬ gʼaˇ duˬ guiˬ lahˬ huiˬ-eu tiˬ jeˬ meh lehˇ noeˬ miˇ-a.

Gʼaˬkʼehˇ 26:3

Aˬ jeˬ miˇ neh ehˇ naˇ, Yuˇdaˆ tsawˇ haˬ-euˬ zahˇ sahˇ kʼoꞈ hawˇ-eu aˬ yawꞈ maꞈ tiˬ kʼehˬ maˬ taˬ ni ja dzaˬ-eu gaˇ kawˆ nawˇ yaw muiˬ paˬ-ehˇ siˬ nya-eu meh. Kʼoeˇ miˇ neh, nui ma gʼawˬ mahˇ ni taˬ-awˇ ngaˇ ja gaˇ tiˬ poˆ naˇ haˬ nehˬ laꞈ lehˇ shaˇ-eu ma.

Gʼaˬkʼehˇ 28:20

Kʼoeˇ miˇ neh, naw maꞈ-ahˇ ngaˇ tahˬ puˬ-awˇ ja cawˬ mawꞈ-eu ma. Dawˇ coe ni ya ehˇ naˇ, Iˇsaˬleˬlaˇ tsawˇ haˬ deuˬ noeˬ tmˬ luꞈ-eu gʼaˬ-euˬ gʼaˇ duˬ ngaˇ heu loꞈ-ehˇ shmˇ caˆ daˬ-awˇ jawˇ luꞈ-eu ma.”

Piˇliˇpiˆ 3:11

shiˇ-eu jeˬ laꞈ kʼoeˇ Miˬyehˇ ngaˬ-ahˇ bi gʼoꞈ dehꞈ laˇ tehꞈ-a lehˇ noeˬ tmˬ-eu tiˬ jeˬ, heu tehꞈ ma.

1 Teˇsaˬloˇni 3:10

Naw maꞈ-ahˇ nga maꞈ paˇ ya mawˇ dzoeˇ-awˇ, naw maꞈ jah-eu laꞈ kʼoeˇ maˬ byah-eu jeˬ bi byah laˇ ni bi caw ba nehˬ-eu gʼaˇ duˬ, uˬ ciꞈ nah gʼahˇ maˬ ehˇ nui ma keuˆ dui dui-eu laꞈ kʼoeˇ aˬ yawꞈ-ahˇ guiˬ lahˬ shaˇ luꞈ ma.

1 Tiˆmoˇseˬ 5:5

Ngehˬ gʼeh caw ba nehˬ-eu gʼaˬ maˬ baw ni yawˬ ha tiˬ gʼaˬ tehꞈ-ehˇ jawˇ-eu miˬ coeˬ miˬ ma-aˬ, Miˬyehˇ tiˬ gʼaˬ-ahˇ tehꞈ-ehˇ noeˬ tmˬ kʼaˇ za-awˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ guiˬ lahˬ shaˇ-eu meh.

Yaˬkoˆ 1:1

Miˬyehˇ hawˇ-eu Sahˬpaˬ Yeˬsuˇ Ka li-euˬ zaˬ kʼaˆ pyeuꞈ-eu ngaˇ Yaˬkoˆ, Miˇ tsaˬ heu kʼoeˇ taˆ jawˇ byaˆ taˬ-euˬ Miˬyehˇ-euˬ tsawˇ haˬ dawˬ tawˆ luꞈ-ahˇ dawˬ cawˬ puˬ ahˇ laꞈ-eu ma.