Gʼaˬkʼehˇ 26:3 - Akha

³ Aˬ jeˬ miˇ neh ehˇ naˇ, Yuˇdaˆ tsawˇ haˬ-euˬ zahˇ sahˇ kʼoꞈ hawˇ-eu aˬ yawꞈ maꞈ tiˬ kʼehˬ maˬ taˬ ni ja dzaˬ-eu gaˇ kawˆ nawˇ yaw muiˬ paˬ-ehˇ siˬ nya-eu meh. Kʼoeˇ miˇ neh, nui ma gʼawˬ mahˇ ni taˬ-awˇ ngaˇ ja gaˇ tiˬ poˆ naˇ haˬ nehˬ laꞈ lehˇ shaˇ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Guiqlanq huiqdzaeq-eu tiqjeq-aq, nawr, Yurdav tsawrhaq-euq zanrsanrkhof hawr-eu narhaq-eu dawqdeuq dawqtawv luf-anr yawmuiq-aer siqnya-eu mae. Khoermirnae, or-awr ngaq-euq dawq narhaq naeqlaf laer ngar, nawq-anr shar-eu ma.”

Gʼaˬkʼehˇ 26:3 Iomraidhean Croise

Yeˬlaˬmiˇ 32:11

Kʼoeˇ naˇ, zeuˇ laꞈ mˇ-euˬ gaˇ kawˆ jahˇ tsehˆ gʼaˬ-awˇ jmˬ diˬ taˬ-euˬ seuˬ gʼaˬ kʼoeˇ taꞈ hawˇ-eu, jmˬ maˬ diˬ-euˬ seuˬ gʼaˬ kʼoeˇ nyiˬ taꞈ luꞈ-ahˇ,

Gʼaˬkʼehˇ 21:21

Aˬ cawˬ tsawˇ jeuˬ-euˬ miˇ kʼahˬ deuˬ laꞈ kʼoeˇ kʼaˇ jawˇ-eu Yuˇdaˆ tsawˇ haˬ deuˬ-ahˇ, Moˇseˬ-euˬ Zahˇ dawˬ kʼoꞈ dawˬ-ahˇ byehˇ dzeh ni nawˇ mehˬ nehˬ tsoˆ nehˬ-awˇ, aˬ yawꞈ maꞈ-euˬ zaˬ deuˬ-ahˇ baˆ kʼoˆ mehˬ dzaˬ maˬ yehˬ nehˬ-ehˇ, Yuˇdaˆ tsawˇ haˬ-euˬ zahˇ sahˇ kʼoꞈ-ahˇ maˬ caw teh ni dehꞈ-eu gʼaˇ duˬ nawˇ mehˬ luꞈ-eu gaˇ kawˆ, aˬ yawꞈ maꞈ ya gaˬ gʼaˬ-euˬ meh.

Gʼaˬkʼehˇ 24:10

Kʼoeˇ naˇ, Pawˇluˆ dawˬ ngehˬ-eu gʼaˇ duˬ sahˬ paˬ Peˬliˇ laꞈ dzawˇ dzawˇ nehˬ ngeh, Pawˇluˆ heu loꞈ-ehˇ ehˇ-eu meh. “Nawˇ-aˬ, miˇ kʼahˬ heu kʼahˬ kʼoeˇ taˆ yaˇ kʼaˬ daˇ-eu gʼaˬ geuꞈ luꞈ-eu gʼawˬ mya kʼoꞈ byah laˇ-euˬ meh. Kʼoeˇ miˇ neh, nawˬ-euˬ mehˬ shi ngaˬ-euˬ gaˇ kawˆ ya dzawˇ mehˬ-eu nui kʼahˇ shiˇ dui dui nya.

Gʼaˬkʼehˇ 24:4

Ehˇ kʼawꞈ, ngaˇ dawˬ gʼawˬ mya ni ngehˬ-eu laꞈ kʼoeˇ nawˬ-euˬ aˇ yamˬ maˬ laˆ jiˇ mawꞈ nya. Teu miˇ neh, nga maꞈ-euˬ gaˇ kawˆ ngaˇ yaw nymˇ nymˇ-ehˇ ehˇ gaˇ, gʼawˬ shaˬ gaˬ-eu laꞈ kʼoeˇ tiˬ poˆ naˇ haˬ nehˬ laꞈ lehˇ nawˬ-ahˇ shaˇ-eu ma.

Gʼaˬkʼehˇ 25:26

Ehˇ kʼawꞈ, Huiˬ dui dui-eu Sahˬ paˬ jawˇ gaˇ aˬ yawꞈ-euˬ gaˇ kawˆ aˬ joˆ-ehˇ boꞈ nehˬ paˬ nga lehˇ maˬ ya shaˇ noeˬ duˬ-aˬ siˬ. Kʼoeˇ miˇ neh, aˬ yawꞈ-ahˇ pyehˆ tseˇ gʼaˬ ngeh jawˇ, aˬ yawꞈ-euˬ gaˇ kawˆ ngaˇ sahˬ boꞈ boꞈ nehˬ nya paˬ-ehˇ bi duˬ laˇ-eu gʼaˇ duˬ, naw maꞈ-euˬ mehˬ shi, aˬ cawˬ naˆ maˬ tseˇ sahˬ paˬ Aˬgiˇpaˆ-euˬ mehˬ shi, aˬ yawꞈ-ahˇ bi sheuˬ laꞈ taˬ-euˬ jeˬ pyeuꞈ-eu ma.

Gʼaˬkʼehˇ 26:2

“Sahˬ paˬ Aˬgiˇpaˆ-oˇ, Yuˇdaˆ tsawˇ haˬ neh ngaˬ-euˬ gaˇ kawˆ kʼaˇ daˬ taˬ-euˬ yawˬ jeˬ na luꞈ-ahˇ, iˬ nah nawˬ-euˬ mehˬ shi ngaˇ ya ngehˬ kʼoꞈ-eu heu-aˬ, ngaˬ-euˬ gʼaˇ duˬ guiˬ lahˬ huiˬ-eu tiˬ jeˬ meh lehˇ noeˬ miˇ-a.

Gʼaˬkʼehˇ 26:26

Sahˬ paˬ Aˬgiˇpaˆ-oˇ, gaˇ kawˆ heu deuˬ nawˬ-euˬ mehˬ shi kʼaˬ duˬ ni ngaˇ ehˇ peuˬ ma. Aˬ jeˬ miˇ neh ehˇ naˇ, gaˇ kawˆ heu nawˇ siˬ luꞈ-eu meh. Gaˇ kawˆ heu baˇ zaꞈ-ahˇ pyeuꞈ laˇ-euˬ maˬ ngeuˇ-eu miˇ neh, yawˬ jeˬ na luꞈ nawˇ siˬ jiˇ meh lehˇ ngaˇ ehˇ tsehˆ peuˬ ma.

Gʼaˬkʼehˇ 26:7

Aˬ dui-euˬ tsawˇ jeuˬ tseˇ nyiꞈ jeuˬ luꞈ, uˬ ciꞈ nah gʼahˇ maˬ ehˇ, Miˬyehˇ-ahˇ uˬ duˬ tahˬ tahˬ-ehˇ noeˬ tmˬ luꞈ-eu kʼoeˇ kʼawꞈ, nymˬ-mˇ ngaˇ noeˬ tmˬ luꞈ-eu heu hmˬ meh. Sahˬ paˬ-oˇ, kʼoeˇ loꞈ-ehˇ noeˬ tmˬ-eu heu hmˬ baˬ da neh Yuˇdaˆ tsawˇ haˬ deuˬ ngaˬ-ahˇ yaˇ kʼaˬ ja-eu meh.

Gʼaˬkʼehˇ 28:17

Smˬ nah byah laˇ ngeh, kʼoeˇ gaˇ jawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ-ahˇ Pawˇluˆ kuˇ uiˬ-euˬ meh. Aˬ yawꞈ maꞈ uiˬ laˇ ngeh, Pawˇluˆ heu loꞈ-ehˇ ehˇ nehˬ-euˬ meh. “Aˬ yuiꞈ aˬ nyiˇ Iˇsaˬleˬlaˇ tsawˇ haˬ deuˬ-oˇ, aˬ duiˬ-euˬ tsawˇ jeuˬ-ahˇ maˬ ehˇ, aˬ dui-euˬ aˬ poeˬ aˬ bawˇ ziˇ neh tawˬ ka leꞈ-euˬ zahˇ sahˇ kʼoꞈ deuˬ-ahˇ maˬ ehˇ, ngaˬ neh mˇ bahˬ-euˬ tiˬ jeˬ-iˬ maˬ jaˆ gaˇ, Yeˬluˇsaˬlehˬ meuˬ-ahˇ ngaˬ-ahˇ paꞈ-awˇ, Loˇmaˆ tsawˇ haˬ deuˬ-euˬ aˬ laꞈ laꞈ kʼoeˇ a ahˇ nehˬ laꞈ-euˬ meh.

Gʼaˬkʼehˇ 6:14

Naˬzaˬlehˇ tsawˇ haˬ Yeˬsuˇ heu gʼaˬ, Uˬ duˬ tahˬ nymˇ nymˇ ma heu laˆ cawˆ-awˇ, Moˇseˬ neh biꞈ laꞈ-awˇ tawˬ ka leꞈ-euˬ zahˇ sahˇ kʼoꞈ dawˬ tawˆ luꞈ laˆ paˇ jiˇ tehꞈ-a lehˇ, tsawˇ haˬ heu gʼaˬ ehˇ-eu nga maꞈ gaˬ-euˬ ma.”

1 Gawˇliˬtu 13:2

Ngaˇ-aˬ, Miˬyehˇ gʼaˇ duˬ ngehˬ dah nya-eu baoˬ za-euˬ tsawˇ haˬ pyeuꞈ-awˇ, zaˬ siˬ tsawˇ gahˇ dawˬ tawˆ luꞈ hawˇ-eu zaꞈ taˬ-euˬ jeˬ-ahˇ siˬ nya-eu tsawˇ gahˇ ahˇ-eu uˬ taꞈ, gawˬ jawˬ teh jiˆ nya gaˇ keuˆ ni jah-eu jeˬ ahˇ kʼawꞈ, gʼoeˇ-eu gaˬ-eu jeˬ maˬ ahˇ naˇ, tiˬ jeˬ-iˬ gaˇ dahˇ maˬ tsoeˬ-a.

Dawˬmehˬ 17:18

Aˬ yawꞈ sahˬ paˬ pyeuꞈ laˇ ngeh, Leˬbiˇ tsawˇ jeuˬ piˇ ma deuˬ jeˬ hmˬ taˬ-euˬ Miˬyehˇ-euˬ zahˇ dawˬ kʼoꞈ dawˬ hawˇ-eu mehˬ-euˬ tsoˆ-euˬ jeˬ boꞈ ahˇ taˬ-euˬ sahˬ boꞈ paˇ dmˬ laꞈ kʼoeˇ kʼaˇ boꞈ taˬ-euˬ jeˬ dawˬ tawˆ luꞈ, aˬ yawꞈ yaw oeˇ-ahˇ duˇ ni paˇ boꞈ ahˇ taˬ-euˬ sahˬ boꞈ paˇ dmˬ tiˬ dmˬ aˬ yawꞈ jawˇ gaˇ ya bi jaˆ meh.