Gʼaˬkʼehˇ 23:16 - Akha

¹⁶ Aˬ yawꞈ maꞈ kʼoeˇ loꞈ-ehˇ bawˬ kʼoeˬ-euˬ gaˇ kawˆ, Pawˇluˆ-euˬ zaˬ oeˇ tiˬ gʼaˬ ya gaˬ-awˇ, taˆ-ahˇ le-awˇ Pawˇluˆ-ahˇ ehˇ nehˬ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aqyawfmaf khoeqlof luf-eu garkawv, Pawrluv-euq zaqoer yagaq-awr, aqyawf, guirzaq-euq jawrnymr-anr lekeuv-awr urler-euq nar-aq, Pawrluv-anr aernaeq-euq mae.

Gʼaˬkʼehˇ 23:16 Iomraidhean Croise

2 Saˬmeuˬlaˆ 17:17

Aˬbyaˬdaˬ-euˬ aˬ li Yawˇnaˆshaˬ hawˇ-eu Zaˬdoˆ-euˬ aˬ li Aˬhiˇmaˆ aˬ nyaꞈ-aˬ, Yeˬluˇsaˬlehˬ-euˬ meuˬ meuˬ taw Eˬloˇgeˬ iˇ cuꞈ iˇ byoe dawˬ peh loꞈ luꞈ-eu meh. Aˬ cawˬ mawˇ gaˇ guˆ-eu miˇ neh, meuˬ laꞈ kʼoeˇ aˬ yawꞈ nyaꞈ maˬ uˇ leˇ peuˬ-a. Zaˬ miˬ zaˬ zaˬ kʼaˆ tiˬ gʼaˬ, kʼaˇ pyeuꞈ laˇ-euˬ gaˇ kawˆ deuˬ aˬ yawꞈ nyaꞈ-ahˇ dzawˇ nehˬ le-awˇ, gaˇ kawˆ kʼoeˇ aˬ yawꞈ nyaꞈ sahˬ paˬ Daˬbiˇ-ahˇ paˇ tsaꞈ gaˬ-iˇ-euˬ meh.

Yawˇbaˆ 5:13

Tsawˇ gahˇ gahˇ dzaˬ-eu tsawˇ haˬ deuˬ noeˬ-euˬ loꞈ-ehˇ maˬ mˇ pyeuꞈ nya-eu gʼaˇ duˬ, aˬ yawꞈ maꞈ-ahˇ aˬ yawꞈ lahˇ ju kʼmˇ-eu meh.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Dawqdaq 24:15

Yaw sui yaw dawˇ tsawˇ haˬ-ahˇ tahˇ joe joe-awˇ, nymˇ nymˇ lah-ehˇ ceh geuꞈ-eu lehˇ gʼeh-eu nui ma maˬ dawˇ-eu tsawˇ haˬ loꞈ-ehˇ taˬ gʼeh.

Ngoeˇ dawˬ 3:37

Sahˬpaˬ Miˬyehˇ maˬ bi pyeuꞈ gaˇ, aˬ suˇ gʼaˬ neh dawˬ biꞈ nehˬ-awˇ, mˇ pyeuꞈ shaˇ pyeuꞈ nya-eu jawˇ ta.

Gʼaˬkʼehˇ 21:34

Tsawˇ haˬ aˇ maꞈ kʼoeˇ maꞈ tiˬ gʼaˬ tiˬ jeˬ ehˇ ehˇ-ehˇ lawꞈ gʼa-eu miˇ neh, yaw huiˬ yaw mahˇ kʼoeˇ gʼaˬ maˬ naˇ haˬ duˬ nya-ehˇ, Pawˇluˆ-ahˇ taˆ-ahˇ sheuˬ gʼeh-eu gʼaˇ duˬ aˬ yawꞈ-euˬ tsawˇ haˬ deuˬ-ahˇ dawˬ biꞈ-euˬ meh.

Gʼaˬkʼehˇ 21:37

Yehˇ kʼoeˇ deuˬ Pawˇluˆ-ahˇ taˆ laꞈ kʼoeˇ sheuˬ uˇ leꞈ-eu lehˇ gʼeh ngeh, yaw mahˇ kʼoeˇ gʼaˬ-ahˇ Pawˇluˆ ehˇ nehˬ-eu, “Ngaˇ nawˬ-ahˇ dawˬ ngehˬ cawˬ mawꞈ nya.” Yaw huiˬ yaw mahˇ kʼoeˇ gʼaˬ ehˇ-eu, “Nawˇ Heˬlaˬsaˇ dawˬ siˬ nya hawˇ ngaˬ laˬ.

Gʼaˬkʼehˇ 23:10

Aˬ yawꞈ maꞈ yaw kaˬ ja dzaˬ-eu kʼoeˇ aˇ dzehˬ dzeuˇ-awˇ, Pawˇluˆ-ahˇ gʼeu paˆ gʼeu shaˆ paˬ-ehˇ pyeuꞈ laˇ taˬ-euˬ miˇ neh, Loˇmaˆ guiˇ maꞈ-ahˇ uˆ lahˇ-eu yaw huiˬ yaw mahˇ kʼoeˇ gʼaˬ kʼahˬ lahˇ laˇ-euˬ meh. Kʼoeˇ miˇ neh, tsawˇ haˬ aˇ maꞈ jawˇ gaˇ iˇ ka-awˇ, Pawˇluˆ-ahˇ gʼeu doˆ laˬ-iˇ-awˇ taˆ-ahˇ sheuˬ kʼoꞈ gʼeh-eu gʼaˇ duˬ aˬ yawꞈ-euˬ yehˇ deuˬ-ahˇ dawˬ biꞈ-euˬ meh.

Gʼaˬkʼehˇ 23:17

Kʼoeˇ ngeh, Loˇmaˆ yehˇ kʼoeˇ taˆ aˬ yuiꞈ geuꞈ-eu tiˬ gʼaˬ-ahˇ Pawˇluˆ kuˇ-awˇ ehˇ nehˬ-eu, “Aˬ li heu gʼaˬ-ahˇ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ jawˇ gaˇ tiˬ poˆ sheuˬ ha nehˬ leˇ sheˇ. Aˬ yawꞈ dzawˇ nehˬ leˇ paˬ-ehˇ gʼeh-eu gaˇ kawˆ jaˆ te jeˇ.”

Gʼaˬkʼehˇ 23:32

Yawˬ nah yawˬ, kuiˇ zoˬ cah-eu yehˇ deuˬ taˆ-ahˇ gʼoꞈ-iˇ-awˇ, mahˬ dziˬ-eu yehˇ deuˬ tehꞈ-ehˇ aˬ yawꞈ-ahˇ sheuˬ ha-iˇ-euˬ meh.

Gʼaˬkʼehˇ 24:23

Kʼoeˇ naˇ, Pawˇluˆ-ahˇ yaw muiˬ paˬ-ehˇ haw lahˇ-eu gʼaˇ duˬ, yehˇ tiˬ yaˇ gʼaˬ kʼoeˇ taˆ aˬ yuiꞈ geuꞈ-eu gʼaˬ-ahˇ aˬ yawꞈ dawˬ biꞈ-euˬ meh. Ehˇ kʼawꞈ, aˇ dzehˬ-ehˇ maˬ ka lahˇ ni bi jawˇ-eu uˬ taꞈ, aˬ yawꞈ loˬ-eu jeˬ-ahˇ aˬ yawꞈ-euˬ cawˬ deuˬ caw ba nehˬ le gaˇ taˬ laˆ tsoeˬ lehˇ ehˇ nehˬ taˬ-euˬ meh.

1 Gawˇliˬtu 3:19

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ zaˬ siˬ tsawˇ gahˇ lehˇ sawˇ taˬ-euˬ jeˬ-aˬ, Miˬyehˇ mehˬ shi tiˬ jeˬ-iˬ gaˇ dahˇ maˬ tsoeˬ-a. “Zaˬ siˬ tsawˇ gahˇ ahˇ-eu deuˬ gahˇ dui dui luꞈ gaˇ Miˬyehˇ lahˇ ju kʼmˇ paꞈ-eu meh” lehˇ, Jaˇliꞈ laꞈ kʼoeˇ boꞈ taˬ-euˬ jaˆ meh.