Gʼaˬkʼehˇ 23:12 - Akha

¹² Uˬ bya bya laˇ ngeh, Yuˇdaˆ tsawˇ haˬ tiˬ deuˬ tahˬ dzoeˇ-awˇ, Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ saˇ jaˇ dzaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Uqbya byalar ngae, Yurdav tsawrhaq tiqpavnav deuq banrler-awr, Pawrluv-anr maqsaef-euq khoer-aq, maqdzaq maqdawr laer kamq-awr aertsaev taq-euq mae.

Gʼaˬkʼehˇ 23:12 Iomraidhean Croise

Aˇ dahˬ 37:18

Gaˇ mahˇ kaˬ gaˇ aˬ yawꞈ oe luꞈ ngeh neh, aˬ yawꞈ-euˬ aˇ doˆ deuˬ aˬ yawꞈ-ahˇ mawˇ-awˇ, aˬ yawꞈ maˬ oe keuˆ mi naˆ-ehˇ, aˬ yawꞈ-ahˇ sehꞈ-eu lehˇ bawˬ dzaˬ taˬ-euˬ meh.

1 Sahˬpaˬ 19:2

Kʼoeˇ naˇ, Eˇliˇyaˆ jawˇ gaˇ Yeˬsaˬbeˬlaˇ tsawˇ haˬ pyehˬ gʼeh-awˇ, “Baˬlaˇ miˬ yehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ nawˬ neh jahˇ nehˬ-euˬ loꞈ-ehˇ, ni shawˬ nah nawˬ-ahˇ ngaˇ maˬ jahˇ kʼ oꞈ nehˬ nya naˇ, miˬ yehˇ kʼoeˇ deuˬ ngaˬ-ahˇ sehꞈ luꞈ-uˇ” lehˇ bi ehˇ gaˬ-iˇ-euˬ meh.

2 Sahˬpaˬ 6:31

“Iˬ nah Eˇliˇshehˇ-euˬ uˬ duˬ ngaˇ maˬ deuˆ tsehˆ nya naˇ, Sahˬpaˬ Miˬyehˇ ngaˬ-ahˇ sehꞈ luꞈ-uˇ” lehˇ aˬ yawꞈ ehˇ-eu meh.

Neˬhaˬmiˇ 10:29

nga maꞈ-euˬ aˬ yuiꞈ aˬ tsu deuˬ nehˬ-ehˇ tiˬ kawˆ loꞈ-ehˇ heu loꞈ-ehˇ saˇ jaˇ dzaˬ-euˬ ma. Miˬyehˇ neh aˬ yawꞈ-euˬ zaˬ kʼaˆ Moˇseˬ-ahˇ gʼoe-awˇ biꞈ laꞈ-euˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ dehꞈ-eu gʼaˇ duˬ maˬ ehˇ, Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ kʼaˇ biꞈ-euˬ jeˬ-ahˇ naˇ haˬ geuꞈ-eu gʼaˇ duˬ maˬ ehˇ, aˬ yawꞈ-euˬ zahˇ dawˬ kʼoꞈ dawˬ deuˬ hawˇ-eu zahˇ sahˇ kʼoꞈ deuˬ-ahˇ aˬ myah luꞈ caw teh-awˇ dehꞈ-eu gʼaˇ duˬ maˬ ehˇ, nga maꞈ saˇ jaˇ dzaˬ-awˇ, kʼoeˇ loꞈ-ehˇ maˬ mˇ naˇ, kʼehˬ-eu kʼaˆ-eu jeˬ nga maꞈ-euˬ kʼoeˇ taˆ bi keuˆ le ma lehˇ kamˬ tsehˆ-euˬ ma.

Iˇsaˬtaˆ 2:22

Gaˇ kawˆ kʼoeˇ Mawˬdaˬkehˇ ya siˬ-awˇ, sahˬ paˬ miˬ zaˬ Iˇsaˬtaˆ-ahˇ ehˇ nehˬ-awˇ, Iˇsaˬtaˆ gʼaˬ Mawˬdaˬkehˇ neh ya siˬ ya mawˇ-euˬ gaˇ kawˆ kʼoeˇ sahˬ paˬ-ahˇ tiˬ poˆ paˇ dzawˇ nehˬ-euˬ meh.

Jaceuq 31:13

Muiˇ-eu deuˬdawˬsaˆsaˆkʼoeˬ-eu, ngaˬ-euˬnaˬbawˇ-ahˇgaˬle-awˇ, guˆ-eu jeˬtiˬjawˬ oe miˇ-a. Aˬyawꞈmaꞈtiˬgaˇuiˬleˇ-awˇ, ngaˬ-ahˇsehꞈ-eu bawˬkʼoeˬluꞈmeh.

Yeˬlaˬmiˇ 11:19

Ngaˇ-aˬ aˬ cawˬ neh bi sehꞈ dzaˬ-eu lehˇ gʼeh-eu nahˬ jawˆ ni gʼeh-eu yawˇ zaˬ-ahˇ duˇ-eu ma. Aˬ yawꞈ maꞈ ngaˬ-ahˇ yaw doeˇ jahˇ mawꞈ law hawˇ ngaˬ lehˇ ngaˇ maˬ siˬ-aˬ. Aˬ yawꞈ maꞈ heu loꞈ-ehˇ ehˇ-eu meh. “Aˇ siˬ siˬ-eu aˇ bawˇ heu bawˇ tuˇ dzeh kaˇ-euˇ. Tsawˇ haˬ tiˬ gʼaˬ-iˬ maˬ noeˬ mawˇ coeˇ ni, bi ngehˇ jiˇ-eu gʼaˇ duˬ sehꞈ byoˆ kaˇ-euˇ.”

Yeˬlaˬmiˇ 44:25

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Naw maꞈ hawˇ-eu naw maꞈ-euˬ miˬ zaˬ deuˬ, mˬ taˆ miˬyehˇ ma-ahˇ lawˇ-eu shehˇ-eu jeˬ mˇ-awˇ, aˬ gaꞈ dzaˇ uiˇ shehˆ-awˇ lawˇ-eu jeˬ lawˇ nehˬ ma lehˇ saˇ jaˇ dzaˬ-euˬ loꞈ-ehˇ, aˬ laꞈ kʼawꞈ mˇ keuˆ-euˬ meh. Muiˬ ngaˇ. Naw maꞈ neh saˇ jaˇ kʼaˇ dzaˬ taˬ-euˬ loꞈ-ehˇ mˇ byah mˇ byah-ehˇ dehꞈ-awˬ.

Uˬ duˬ 27:29

Tsawˇ haˬ zaˬ kʼawꞈ, Sahˬpaˬ Miˬyehˇ-ahˇ damˬ tsehˆ nehˬ gʼaˬ-euˬ ngeuˇ naˇ, maˬ zeuˇ kʼoꞈ geuꞈ ni ya sehꞈ dzeh meh.

Maꞈtehˬ 26:4

Yeˬsuˇ-ahˇ ciˬ cuˇ ni paꞈ-awˇ sehꞈ-eu gʼaˇ duˬ, aˬ yawꞈ maꞈ bawˬ kʼoeˬ-euˬ meh.

Maꞈtehˬ 26:74

Kʼoeˇ ngeh jawˇ, Beˬtuˆluˆ ehˇ-eu, “Ngaˇ jaˬ myawꞈ maˬ myawꞈ lehˇ kamˬ peuˬ ma. Ngaˇ jaˬ myawꞈ myawꞈ lawˬ naˇ, Miˬyehˇ ngaˬ-ahˇ kʼehˬ luꞈ-uˇ. Tsawˇ haˬ kʼoeˇ gʼaˬ-ahˇ ngaˇ maˇ maˇ ni maˬ siˬ nya nya.” Kʼoeˇ loꞈ-ehˇ ehˇ gʼaˬ-eu nehˬ-ehˇ, ya poeˇ doeˇ doˆ laˇ-euˬ meh.

Maꞈtehˬ 27:25

Kʼoeˇ ngeh, tsawˇ haˬ dawˬ tawˆ luꞈ ehˇ-eu, “Tsawˇ haˬ teu gʼaˬ-ahˇ sehꞈ-eu iˬ baˇ kʼoeˇ, nga maꞈ kʼoeˇ taˆ hawˇ-eu nga maꞈ-euˬ zaˬ deuˬ kʼoeˇ taˆ keuˆ le luꞈ-uˇ.”

Gʼaˬkʼehˇ 23:13

Kʼoeˇ loꞈ-ehˇ bawˬ kʼoeˬ-euˬ tsawˇ haˬ oeˬ tseˇ gʼaˬ dzehˬ-euˬ meh.

Gʼaˬkʼehˇ 23:14

Kʼoeˇ naˇ, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ jawˇ gaˇ aˬ yawꞈ maꞈ iˇ-awˇ ehˇ-eu, “Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma nga maꞈ tiˬ kawˆ loꞈ-ehˇ saˇ jaˇ dzaˬ gʼaˬ taˬ-euˬ ma.

Gʼaˬkʼehˇ 23:21

Ehˇ kʼawꞈ, aˬ yawꞈ maꞈ ehˇ gaˇ taˬ naˇ haˬ. Aˬ jeˬ miˇ neh ehˇ naˇ, tsawˇ haˬ oeˬ tseˇ gʼaˬ dzehˬ ni dzuˇ zaꞈ-awˇ loꞈ luꞈ-eu meh. Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ aˬ yawꞈ maꞈ saˇ jaˇ dzaˬ tsehˆ taˬ-euˬ meh. Nymˬ-mˇ aˬ yawꞈ maꞈ lehˬ hmˬ dah jiˇ taˬ-awˇ nawˬ neh ngehˬ tsehˆ ehˇ tsehˆ-euˬ dawˬ-ahˇ loꞈ luꞈ-eu tehꞈ meh.”

Gʼaˬkʼehˇ 23:30

Aˬ yawꞈ-ahˇ aˬ cawˬ sehꞈ kʼoeˬ-eu lehˇ gʼeh-eu ngaˇ ya siˬ ngeh, tiˬ poˆ tehꞈ-ehˇ nawˇ jawˇ gaˇ bi sheuˬ ha le-eu gʼaˇ duˬ noeˬ tsehˆ-euˬ ma. Aˬ yawꞈ-ahˇ yaˇ kʼaˬ ja mawꞈ-eu tsawˇ haˬ deuˬ nawˬ-euˬ mehˬ shi ja-iˇ-awˬ lehˇ ngaˇ ehˇ nehˬ-euˬ ma.”

Gʼaˬkʼehˇ 25:3

Aˬ yawꞈ maꞈ-euˬ myaˆ pyawˬ-ahˇ haw-awˇ, Pawˇluˆ-ahˇ Yeˬluˇsaˬlehˬ meuˬ-ahˇ tiˬ poˆ bi sheuˬ ha laˇ-eu gʼaˇ duˬ shaˇ-euˬ meh. Gaˇ pehˇ-ahˇ loꞈ-awˇ Pawˇluˆ-ahˇ sehꞈ-eu gʼaˇ duˬ aˬ yawꞈ maꞈ lehˬ hmˬ jiˇ taˬ-euˬ meh.

Gʼaˬkʼehˇ 9:23

Gʼawˬ mya nah byah laˇ-awˇ, Sawˇluˆ-ahˇ sehꞈ-eu gʼaˇ duˬ Yuˇdaˆ tsawˇ haˬ deuˬ bawˬ kʼoeˬ-euˬ meh.

Gʼaˬkʼehˇ 9:24

Ehˇ kʼawꞈ, aˬ yawꞈ maꞈ kʼoeˇ loꞈ-ehˇ bawˬ kʼoeˬ-euˬ gaˇ kawˆ Sawˇluˆ ya siˬ-euˬ meh. Aˬ yawꞈ-ahˇ sehꞈ-eu gʼaˇ duˬ, uˬ ciꞈ nah gʼahˇ maˬ ehˇ meuˬ-euˬ lahˇ kʼehˬ deuˬ-ahˇ aˬ yawꞈ maꞈ loꞈ luꞈ-eu meh.

1 Gawˇliˬtu 16:22

Sahˬpaˬ Yeˬsuˇ-ahˇ maˬ kʼaˇ gaˬ-eu tsawˇ haˬ kʼoeˇ taˆ yaˬ kʼehˇ yaˬ-eu jeˬ keuˆ le luꞈ-uˇ. Maˬ laˬ naˬ daˬ--Aˬ dui-euˬ Sahˬpaˬ Yeˬsuˇ oe luꞈ-uˇ.

2 Gawˇliˬtu 11:26

Ngaˇ tiˬ kʼehˬ maˬ taˬ ni gaˇ ma doˆ-iˇ-eu laꞈ kʼoeˇ, gʼawˬ mya jeˬ-ahˇ guˆ kʼaˇ za za-ehˇ cah-euˬ ma. Lawˇ baˬ huiˬ le gaˇ maˬ ehˇ, tahˇ joe joe laˇ gaˇ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ kʼehˬ laˇ gaˇ maˬ ehˇ, guˆ guˆ-ehˇ cah-euˬ ma. Meuˬ laꞈ kʼoeˇ maˬ ehˇ, bawˇ tsahˬ bawˇ dahˇ-ahˇ maˬ ehˇ, iˬ ma laˆ shaˆ kʼoeˇ taˆ maˬ ehˇ, guˆ-eu gaˆ-eu jeˬ-ahˇ ya tahˬ puˬ-eu uˬ taꞈ, maˬ ngeuˇ-eu Ka li zaˬ deuˬ yehˬ bawˬ-ehˇ jahˇ laˇ gaˇ guˆ guˆ-ehˇ shaˬ haw-euˬ ma.

Gaˬlaˬtiˆ 3:13

Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh.

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.

Yawˇshuˆ 6:26

Kʼoeˇ ngeh, yahˇ dui dui paˬ-ehˇ gʼeh-eu jeˬ Yawˇshuˆ ehˇ-eu, “Yeˬliˇkoˇ meuˬ paˇ tsoˆ muiˬ-eu lehˇ kʼaˇ leh jeh-eu tsawˇ haˬ aˬ geu gʼaˬ maˬ kaˬ, Sahˬpaˬ Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ tehꞈ-a. Meuˬ gawˬ dahˬ beh nehˬ-eu gʼaˬ-aˬ, aˬ li aˬ yuiꞈ ya bi shiˇ-awˇ, Meuˬ-euˬ lahˇ kʼehˬ gawˬ-eu gʼaˬ-aˬ, aˬ li zaˬ saˬ bi shiˇ tehꞈ-a” lehˇ ehˇ-euˬ meh.

Yawˇshuˆ 7:1

Yeˬliˇkoˇ meuˬ-ahˇ kʼaˇ jaˆ-eu, ya laˆ luˬ ya laˆ seˇ nehˬ-eu mˇ myawˬ aˬ geu jeˬ maˬ kaˬ, maˬ ya yuˇ geuꞈ-a lehˇ Sahˬpaˬ Miˬyehˇ neh dawˬ biꞈ taˬ-euˬ gaˇ maˬ naˇ haˬ geuꞈ-eu iˬ baˇ, Iˇsaˬleˬlaˆ tsawˇ haˬ deuˬ laꞈ kʼoeˇ jaˆ laˇ-euˬ meh. Aˬkaˬ lehˇ myahˇ-euˬ tsawˇ haˬ tiˬ gʼaˬ dawˬ kʼoeˇ dawˬ-ahˇ maˬ naˇ haˬ geuꞈ-euˬ baˬ da neh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ laˇ-euˬ meh. Aˬkaˬ-aˬ, Kaˬmiˬ-euˬ aˬ li pyeuꞈ-awˇ, Zaˬbaˬdiˇ-euˬ oeˬ paˬ pyeuꞈ-eu meh. Aˬ yawꞈ-aˬ, Yuˇdaˆ tsawˇ jeuˬ Zeˬlahˬ aˇ jeuˬ meh.

Yawˇshuˆ 7:15

Ya laˆ luˬ ya laˆ seˇ jiˇ meh lehˇ ehˇ taˬ-euˬ myawˬ kʼoeˇ deuˬ yuˇ-euˬ ngaˬ neh laꞈ noeˇ toeˬ-euˬ tsawˇ haˬ kʼoeˇ gʼaˬ-ahˇ, aˬ yawꞈ-euˬ miˬ sawˇ zaˬ hawˇ-eu aˬ yawꞈ kʼaˇ jaˆ-eu yawˬ jeˬ na luꞈ nehˬ-ehˇ tiˬ kawˆ loꞈ-ehˇ, miˬ dzaˬ-ahˇ ya dzah puiˆ nehˬ meh. Aˬ jeˬ miˇ neh ehˇ naˇ, guˆ dui dui laˇ paˬ-ehˇ gʼeh-eu shaꞈ dawˇ-eu jeˬ Iˇsaˬleˬlaˆ tsawˇ haˬ kʼoeˇ taˆ keuˆ le ni aˬ yawꞈ mˇ-awˇ, ngaˬ-euˬ dawˬ ma saˇ jaˇ-ahˇ puiˬ-euˬ meh.”

1 Saˬmeuˬlaˆ 14:24

Kʼoeˇ ngeh nah, Iˇsaˬleˬlaˆ tsawˇ haˬ deuˬ hawˬ mehꞈ laˇ-awˇ, gʼaˬ baˬ dui dui-eu meh. Aˬ jeˬ miˇ neh ehˇ naˇ, “Iˬ nah uˬ ciꞈ uˬ taw paw keuˆ ni ngaˬ-ahˇ muiˇ-eu deuˬ-ahˇ ngaˇ laꞈ poˆ maˬ poˆ gʼaˬ mi naˆ-ehˇ, tiˬ jeˬ paˬ kʼaˇ dzaˬ-eu tsawˇ haˬ aˬ geu gʼaˬ maˬ kaˬ, yaˬ kʼehˇ yaˬ-eu jeˬ-ahˇ ya daˬ luꞈ-uˇ” lehˇ, Sawˇluˆ saˇ jaˇ dawˬ ngehˬ taˬ-euˬ miˇ neh meh. Kʼoeˇ miˇ neh, yawˬ gʼaˬ na luꞈ tiˬ jeˬ-iˬ maˬ dzaˬ ni nah ga-ehˇ dzahˬ-euˬ meh.