Gʼaˬkʼehˇ 23:11 - Akha

¹¹ Kʼoeˇ ngeh miˇ, Sahˬ paˬ Yeˬsuˇ Pawˇluˆ-euˬ dawˬ peh yawꞈ le-awˇ ehˇ-eu, “Taˬ guˆ. Yeˬluˇsaˬlehˬ meuˬ laꞈ kʼoeˇ ngaˬ-euˬ gʼaˇ duˬ nawˇ saˇ kiˇ kamˬ gʼaˬ-euˬ meh. Loˇmaˆ meuˬ laꞈ kʼoeˇ kʼawꞈ, kʼoeˇ loꞈ-ehˇ ya kamˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Nishawq nan ngae mir, Sanqpaq Yeqsur, Pawrluv-euq dawqpae yawfle-awr aer-eu, “Pawrluv-or! Nuima khaqduqni jawr-awq. Nawr, ngaq-euq garkawv Yeqlursaqlaeq-euq lafkhoer sarkir kamq-euq lof-aer, Lormav meuq-anr khawf sarkir yakamq taef-a.”

Gʼaˬkʼehˇ 23:11 Iomraidhean Croise

Jaceuq 109:31

Aˬ jeˬ miˇ neh ehˇ naˇ, shaˬ zaˬ zahˬ zaˬ-ahˇ aˬ yawꞈ haw piˇ-awˇ, shiˇ gaˇ keuˆ ni kʼaˆ dzaˬ-eu deuˬ-euˬ laꞈ-ahˇ ka kʼoꞈ doˆ nehˬ-eu meh.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

Iˇsaˬyaˇ 43:2

Iˇ cuꞈ naꞈ gaˇ nawˇ tsehˆ doˆ ngeh, nawˬ nehˬ-ehˇ ngaˇ jawˇ ma. Guˆ-eu gaˆ-eu jeˬ-ahˇ nawˇ tahˬ puˬ kʼawꞈ, nawˇ maˬ ya cawˆ-iˇ-a. Miˬ dzaˬ laꞈ kʼoeˇ nawˇ cah tsehˆ kʼawꞈ, nawˬ-ahˇ maˬ puiˆ dzaˬ-a. Shaˬ zahˬ nawˬ-ahˇ lawˬ haw le kʼawꞈ, nawˬ-ahˇ coeˬ ni maˬ jahˇ nya-a.

Iˇsaˬyaˇ 46:10

Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Maꞈtehˬ 14:27

Yeˬsuˇ ehˇ-eu, “Taˬ guˆ. Nui ma taˬ baˬ. Ngaˇ ma.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Maꞈtehˬ 9:2

Kʼoeˇ ngeh, maˬ luˆ nya-ehˇ yuꞈ zaˇ kʼoeˇ taˆ bi yuꞈ taˬ-euˬ kuiˇ shiˇ laꞈ shiˇ shiˇ-euˬ tsawˇ haˬ tiˬ gʼaˬ-ahˇ, aˬ yawꞈ jawˇ gaˇ baꞈ ha le-euˬ meh. Baꞈ ha le-euˬ tsawˇ haˬ kʼoeˇ deuˬ-euˬ jah-eu nui ma-ahˇ Yeˬsuˇ ya mawˇ ngeh, kuiˇ shiˇ laꞈ shiˇ shiˇ-euˬ tsawˇ haˬ kʼoeˇ gʼaˬ-ahˇ, “Aˬ li-oˇ, tiˬjeˬ-iˬ taˬ noeˬ shaˬ. Nawˬ-euˬ iˬ baˇ-ahˇ Miˬyehˇ pyehˬ nehˬ gʼaˬ-euˬ meh lehˇ ngaˇ ehˇ-eu ma” lehˇ ehˇ nehˬ-euˬ meh.

Luˇkaꞈ 16:28

Ngaˬ-euˬ mehˇ nmˇ ngaˬ gʼaˬ jawˇ-eu ma. Kʼehˬ-eu kʼaˆ-eu jeˬ-ahˇ ya daˬ dui dui-eu jawˇ duˬ heu tsahˇ-ahˇ, aˬ ha mehˇ nmˇ maˬ ya laˇ keuˆ ni yahˇ-eu gʼaˇ duˬ tiˬ poˆ bi ehˇ gaˬ-iˇ sheˇ.’

Yoˇhaˬ 14:18

“Ngaˇ naw maꞈ-ahˇ muˇ coe aˬ nmˇ loꞈ-ehˇ byehˇ dzeh-awˇ bi shaˬ yaꞈ-eu maˬ ngeuˇ. Naw maꞈ jawˇ gaˇ paˇ gʼoꞈ le ma.

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Gʼaˬkʼehˇ 18:9

Tiˬ miˇ-aˬ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Pawˇluˆ-ahˇ Sahˬpaˬ Yeˬsuˇ ehˇ-eu,“Taˬguˆ. Dawˬ mehˬ maˬ mehˬ-ehˇ ciˬ cuˇ ni taˬ jawˇ.

Gʼaˬkʼehˇ 19:21

Gaˇ kawˆ kʼoeˇ deuˬ pyeuꞈ laˇ gʼaˬ ngeh, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ cah-iˇ-awˇ, Yeˬluˇsaˬlehˬ meuˬ-ahˇ iˇ ma lehˇ Pawˇluˆ noeˬ tsehˆ-euˬ meh. “Kʼoeˇ gaˇ iˇ gʼaˬ naˇ, Loˇmaˆ meuˬ-ahˇ kʼawꞈ ya iˇ haw nga siˬ” lehˇ aˬ yawꞈ ehˇ-eu meh.

Gʼaˬkʼehˇ 2:25

Aˬ yawꞈ-euˬ gaˇ kawˆ Daˬbiˇ neh heu loꞈ-ehˇ ehˇ taˬ-euˬ jaˆ-eu meh. ‘Ngaˬ-euˬ mehˬ shi yawˬ jawˇ na luꞈ, SahˬpaˬMiˬyehˇ-ahˇ mawˇ luꞈ ma. Ngaˬ-euˬ dawˬ peh aˬ yawꞈ jawˇ-awˇ, ngaˇ kʼahˬ lahˇ duˬ maˬ paˇ jaˆ ma.

Gʼaˬkʼehˇ 20:22

Nymˬ-mˇ, Muiˬ-eu shawˇ-eu Yaw sahˇ Miˬyehˇ-euˬ ehˇ dawˬ naˇ haˬ-eu laꞈ kʼoeˇ Yeˬluˇsaˬlehˬ meuˬ-ahˇ iˇ luꞈ-eu ma. Kʼoeˇ gaˇ, ngaˬ-euˬ kʼoeˇ taˆ aˬ joˆ-ehˇ gʼeh-eu jeˬ keuˆ le-eu lehˇ gʼeh-eu maˬ siˬ.

Gʼaˬkʼehˇ 22:15

Aˬ jeˬ miˇ neh ehˇ naˇ, nawˬ neh kʼaˇ ya gaˬ kʼaˇ ya mawˇ-euˬ jeˬ tsawˇ haˬ yawˬ gʼaˬ na luꞈ-ahˇ dzawˇ mehˬ nehˬ-eu laꞈ kʼoeˇ, aˬ yawꞈ gʼaˇ duˬ nawˇ saˇ kiˇ ya kamˬ tehꞈ-a.

Gʼaˬkʼehˇ 22:18

Sahˬpaˬ Yeˬsuˇ-ahˇ ngaˇ ya mawˇ-euˬ ma. Aˬ yawꞈ ngaˬ-ahˇ ehˇ-eu, ‘Yaw kawˇ-ehˇ lehˬ hmˬ-awˇ Yeˬluˇsaˬlehˬ meuˬ-ahˇ neh doˆ-iˇ-awˬ. Aˬ jeˬ miˇ neh ehˇ naˇ, heu gaˇ jawˇ-eu tsawˇ haˬ deuˬ-aˬ, nawˇ ngaˬ-euˬ gaˇ kawˆ saˇ kiˇ kamˬ gaˇ maˬ ha geuꞈ-aˇ.’

1 Gawˇliˬtu 9:1

Ngaˇ yawˬ ha mˇ mawꞈ-eu jeˬ maˬ mˇ nya ni bi ka lahˇ taˬ-euˬ tsawˇ haˬ nga loˇ. Gʼaˬ kʼehˇ geuꞈ luꞈ-eu tsawˇ haˬ maˬ ngeuˇ nga loˇ. Aˬ dui-euˬ Sahˬpaˬ Yeˬsuˇ-ahˇ ya mawˇ-euˬ tsawˇ haˬ maˬ ngeuˇ nga loˇ. Naw maꞈ-aˬ, Sahˬpaˬ Miˬyehˇ-euˬ gaˇ-ahˇ ngaˬ neh mˇ-awˇ mˇ doˆ shaˇ doˆ taˬ-euˬ aˇ siˬ aˇ lu deuˬ maˬ ngeuˇ te loˇ.

Piˇliˇpiˆ 1:13

Kʼoeˇ loꞈ-ehˇ pyeuꞈ laˇ-euˬ miˇ neh, sahˬ paˬ-euˬ hawˇ nymˇ-ahˇ loꞈ piˇ-eu yehˇ dawˬ tawˆ luꞈ hawˇ-eu heu gaˇ kʼaˇ jawˇ-eu tsawˇ haˬ dawˬ tawˆ luꞈ, ngaˇ Ka li-euˬ zaˬ kʼaˆ geuꞈ-eu miˇ neh tawˬ-ahˇ ya uˇ luꞈ-eu meh lehˇ siˬ nya meh.

2 Tiˆmoˇseˬ 4:17

Ehˇ kʼawꞈ, Sahˬpaˬ Yeˬsuˇ ngaˬ nehˬ-ehˇ jawˇ-awˇ, ngaˬ-ahˇ gʼaˬ biꞈ nehˬ laꞈ-euˬ meh. Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ dawˬ kawˬ nui kʼahˇ tiˬ shiˇ ya mehˬ yaꞈ-euˬ ma. Kʼoeˇ uˬ taꞈ, ngaˬ-ahˇ sehꞈ-eu gʼaˇ duˬ yaˇ kʼaˬ maˬ daˇ nehˬ laꞈ ni nya dzeuˇ-iˇ-euˬ ma.