Gʼaˬkʼehˇ 21:8 - Akha

⁸ Yawˬ nah yawˬ paˇ doˆ-iˇ-awˇ, Gehˇsaˬliˇ meuˬ-ahˇ iˇ keuˆ-euˬ ma. Piˇliˇpuˆ lehˇ myahˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˬ-euˬ nymˇ-ahˇ nga maꞈ yaꞈ-euˬ ma. Yeˬluˇsaˬlehˬ meuˬ laꞈ kʼoeˇ gaˇ bi caw mˇ-eu gʼaˇ duˬ tsawˇ haˬ shiꞈ gʼaˬ tseˇ doˆ ngeh, aˬ yawꞈ kʼawꞈ ahˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nishawq ngae nan, Pawrluv naeq-aer canluf-eu nga’maf dov-ir-awr, Gaersaqlir-anr irkeuv-euq ma. Pirlirpuv laer kur-eu guiqlanqdawq maeq-eu ghaq-euq nymr-anr urler-awr, aqyawf naeq-aer yaf-euq ma. Aqyawf-aq, cawba-eu shif ghaq-euq lafkhoer keuq-eu tiq ghaq mae.

Gʼaˬkʼehˇ 21:8 Iomraidhean Croise

Gʼaˬkʼehˇ 10:1

Gehˇsaˬliˇ miˇ kʼahˬ-ahˇ Gawˬ neˬ liˇ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, “Iˬtaˬliˬ guiˇ maꞈ” lehˇ kuˇ-eu Loˆmaˆ guiˇ maꞈ tiˬ maꞈ kʼoeˇ taˆ uˆ lahˇ luꞈ-eu yaw huiˬyaw mahˇ tiˬ gʼaˬ meh.

Gʼaˬkʼehˇ 16:10

Yaw sahˇ laꞈ kʼoeˇ Pawˇluˆ kʼoeˇ loꞈ-ehˇ ya siˬ ya mawˇ gʼaˬ-euˬ nehˬ-ehˇ, Maˬgeˬdawˇniˆ miˇ kʼahˬ-ahˇ le-eu gʼaˇ duˬ nga maꞈ tiˬ poˆ tehꞈ-ehˇ lehˬ hmˬ-euˬ ma. Aˬ jeˬ miˇ neh ehˇ naˇ, kʼoeˇ gaˇ jawˇ-eu tsawˇ haˬ deuˬ-ahˇ Laˬ kʼaˬ cehˇ-eu Guiˬ lahˬ dawˬ bi mehˬ leˇ-eu gʼaˇ duˬ, Miˬyehˇ nga maꞈ-ahˇ kuˇ le-euˬ ngaˇ lehˇ nga maꞈ noeˬ tsehˆ-euˬ ma.

Gʼaˬkʼehˇ 16:13

Jawˇ nah keuˆ laˇ ngeh, nga maꞈ meuˬ laꞈ nyiˇ iˇ doˆ-awˇ, Yuˇdaˆ tsawˇ haˬ deuˬ uiˬ leˇ-awˇ guiˬ lahˬ shaˇ-eu jawˇ duˬ tiˬ tsahˇ mawˇ le tehꞈ-a lehˇ noeˬ-eu laꞈ kʼoeˇ, lawˇ baˬ lawˇ dzeˇ iˇ-euˬ ma. nga maꞈ nuiˇ-awˇ, kʼoeˇ gaˇ uiˬ le taˬ-euˬ zaˬ miˬ zaˬ deuˬ-ahˇ dawˬ mehˬ mehˬ-euˬ ma.

Gʼaˬkʼehˇ 16:16

Tiˬ nah-aˬ, uˬ duˬ tahˬ-eu jawˇ duˬ-ahˇ nga maꞈ iˇ luꞈ ngeh, ja maw maw nya-eu nehꞈ uˇ-eu aˬ buˇ zaˬ kʼaˆ tiˬ gʼaˬ tahˬ puˬ le-euˬ meh. Aˬ buˇ kʼoeˇ buˇ ja maw maw nehˬ-eu pyuˇ gʼawˬ mya ni za-eu miˇ neh, aˬ yawꞈ-euˬ baw leˬ deuˬ smˇ muiˬ muiˬ laˇ-euˬ meh.

Gʼaˬkʼehˇ 18:22

Gehˇsaˬliˇ meuˬ-ahˇ aˬ yawꞈ iˇ keuˆ ngeh, Yeˬluˇsaˬlehˬ meuˬ-ahˇ le-awˇ Ka li zaˬ aˇ muˇ-ahˇ dawˬ cawˬ puˬ nehˬ yaꞈ-awˇ, Aˬdiˇawˬ meuˬ-ahˇ gʼoꞈ-iˇ-euˬ meh.

Gʼaˬkʼehˇ 20:13

Pawˇluˆ neh nga maꞈ-ahˇ ehˇ nehˬ laꞈ-euˬ loꞈ-ehˇ, nga maꞈ saˇ baoˬ dziˬ-awˇ Aˬtsoˆ meuˬ-ahˇ iˇ tawˬ-euˬ ma. Aˬ yawꞈ gʼaˬ-aˬ, kʼoeˇ gaˇ keuˆ ni kuiˇ zoˬ cah-eu lehˇ lehˬ hmˬ taˬ-euˬ meh.

Gʼaˬkʼehˇ 20:6

Dehˬ tseˬ maˬ ahˇ-eu Kaˬ muˇ dzaˬ-eu Bawˬ-iˬ jahˇ gʼaˬ miˇ tsa, Piˇliˇpiˆ meuˬ-ahˇ neh nga maꞈ saˇ baoˬ dziˬ-awˇ doˆ-iˇ-euˬ ma. Ngaˬ nah byah laˇ ngeh Daˬloˇ meuˬ-ahˇ aˬ yawꞈ maꞈ jawˇ gaˇ iˇ keuˆ-awˇ, kʼoeˇ gaˇ ngaˬ nah paˇ jawˇ-euˬ ma.

Gʼaˬkʼehˇ 21:16

Gehˇsaˬliˇ meuˬ-ahˇ jawˇ-eu zaˬ lahˇ tiˬ paˆ na deuˬ nga maꞈ-euˬ mehˬ nah caw teh le-awˇ, nga maꞈ yaꞈ leˇ-eu lehˇ gʼeh-eu Maˬnaˬsoˬ lehˇ myahˇ-euˬ gʼaˬ-euˬ nymˇ-ahˇ, nga maꞈ-ahˇ sheuˬ ha laˇ-euˬ meh. Aˬ yawꞈ-aˬ, Guˇbaˬluˇ iˇ jaw lahˇ-ahˇ jawˇ-euˬ tsawˇ haˬ pyeuꞈ-awˇ, jah-eu tsawˇ haˬ pyeuꞈ laˇ-euˬ myahˇ laˇ-euˬ meh.

Gʼaˬkʼehˇ 23:23

Kʼoeˇ ngeh, Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ, aˬ yawꞈ-euˬ yehˇ deuˬ kʼoeˇ taˆ aˬ yuiꞈ bi geuꞈ-eu nyiˬ gʼaˬ-ahˇ kuˇ-awˇ ehˇ nehˬ-eu, “Yehˇ nyiˬ yaˇ gʼaˬ, mahˬ dziˬ-eu yehˇ shiꞈ tseˇ gʼaˬ hawˇ-eu, gahˬ baꞈ-eu yehˇ nyiˬ yaˇ gʼaˬ lehˬ hmˬ-awˇ, nymˇ ciꞈ naˬ liˬ gʼoeˬ laꞈ-ahˇ Gehˇsaˬliˇ meuˬ-ahˇ iˇ-eu gʼaˇ duˬ lehˬ hmˬ dah taˬ-awˬ.

Gʼaˬkʼehˇ 27:1

Nga maꞈ-ahˇ Iˇdaˬliˬ miˇ kʼahˬ-ahˇ bi iˇ-eu lehˇ ehˇ tsehˆ gʼaˬ ngeh jawˇ, Pawˇluˆ hawˇ-eu tawˬ-ahˇ dawˆ taˬ-euˬ tsawˇ haˬ nui deuˬ-ahˇ, “Awˇguˆtuˆ guiˇ maꞈ” lehˇ kuˇ-eu Loˇmaˆ guiˇ maꞈ tiˬ maꞈ-ahˇ aˬ yuiꞈ geuꞈ luꞈ-eu Yuˇluˆ lehˇ myahˇ-euˬ gʼaˬ-euˬ aˬ laꞈ laꞈ kʼoeˇ a nehˬ-euˬ meh.

Gʼaˬkʼehˇ 28:11

Ba la smˇ siˬ byah laˇ ngeh, “miˬ yehˇ nyiˬ gʼaˬ” lehˇ myahˇ-euˬ saˇ baoˬ dziˬ-awˇ doˆ-iˇ-euˬ ma. Saˇ baoˬ kʼoeˇ laˇ-aˬ, Aˬleˬsaˬduˇ meuˬ-ahˇ-euˬ saˇ baoˬ pyeuꞈ-awˇ, tsahˬ gaˆ yamˬ-ahˇ iˇ jaw lahˇ kʼoeˇ lahˇ-ahˇ naˬ luꞈ-eu meh.

Gʼaˬkʼehˇ 28:16

Loˇmaˆ meuˬ-ahˇ le keuˆ ngeh, Pawˇluˆ-ahˇ yehˇ tiˬ gʼaˬ tehꞈ-ehˇ bi loꞈ-awˇ, aˬ yawˇ yawꞈ jawˇ-eu aˬ kawˬ-aˬ biꞈ nehˬ-euˬ meh.

Gʼaˬkʼehˇ 6:5

Gʼaˬ kʼehˇ deuˬ kʼoeˇ loꞈ-ehˇ ehˇ gaˇ, aˇ muˇ muˇ lah-ehˇ nui ma tsaˬ-awˇ, tsawˇ haˬ heu deuˬ-ahˇ tseˇ doˆ-euˬ meh. Jah-eu nui ma tiˬ byah ni ahˇ-awˇ, Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-eu Saˬteˬpaˬ, Piˇliˇpuˆ, Bawˇkawˬ, Niˇgaˬnawˬ, Tiˇmoˬ, Baˬmeˬnaˇ, Niˇgawˇla heu deuˬ meh. Niˇgawˇla-aˬ, yaw beh Aˬdiˇawˬ meuˬ-ahˇ jawˇ-euˬ lawˇ ciꞈ zaˬ pyeuꞈ-awˇ, dzeuˇ laˇ ngeh Yuˇdaˆ tsawˇ haˬ-euˬ zahˇ tiˬ poˆ tawˬ haw-euˬ meh.

Gʼaˬkʼehˇ 9:30

Jah-eu tsawˇ haˬ deuˬ gaˇ kawˆ kʼoeˇ-ahˇ ya siˬ ngeh, Sawˇluˆ-ahˇ Geˇsaˬliˇ meuˬ-ahˇ sheuˬ gʼeh-awˇ, Daˬsuˆ meuˬ-ahˇ bi gʼoꞈ leˇ-euˬ meh.

Eˇpeˇsu 4:11

“Miˇ tsaˬ zaˬ-ahˇ laꞈ sawˬ biˬ-euˬ” gʼaˬ-aˬ, aˬ yawꞈ meh. Tiˬ paˆ na deuˬ-ahˇ gʼaˬ kʼehˇ bi geuꞈ-awˇ, tiˬ paˆ na deuˬ-ahˇ Miˬyehˇ gʼaˇ duˬ ngehˬ dah-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Ka li zaˬ aˇ muˇ-ahˇ sheuˬ gʼeh-eu saˬ laˬ bi geuꞈ-eu gʼaˇ duˬ maˬ ehˇ, mehˬ-eu tsoˆ-eu saˬ laˬ bi geuꞈ-eu gʼaˇ duˬ maˬ ehˇ, aˬ yawꞈ laꞈ sawˬ biꞈ-euˬ meh.

2 Tiˆmoˇseˬ 4:5

Ehˇ kʼawꞈ nawˇ-aˬ, aˬ jeˬ pyeuꞈ kʼawꞈ yawˬ ha-euˬ nui ma-ahˇ gʼaˬ leˇ-awˇ, shaˬ-eu zahˬ-eu jeˬ-ahˇ daˬ-eu laꞈ koeˇ Laˬ kʼaˬcehˇ-eu Guiˬ lahˬ dawˬ mehˬ mehˬ-ehˇ, Miˬyehˇ-euˬ zaˬ kʼaˆ tiˬ gʼaˬ loꞈ-ehˇ nawˬ-euˬ gaˇ-ahˇ yaw muiˬ paˬ-ehˇ mˇ-awˬ.